168
4
6
開飯介紹
主打自家點心的粵菜餐廳，由經驗豐富的名廚現場主理，點心更標榜新鮮製作、即叫即蒸。亦有供應原盅燉湯、傳統燒味、巧手小菜等。
繼續閱讀
營業時間
今日營業
07:00 - 16:00
18:00 - 23:00
星期一至日
07:00 - 16:00
18:00 - 23:00
以上資料只供參考, 請與餐廳確認詳情
招牌菜
食家推介
朋友係網上見到間茶樓食評寫話係自家製品牌，標榜話所有點心都係現場即點即做，全部係手作點心，於是約埋我一齊去食。咁去到間茶樓，望到廚房，又真係見到班點心師傅好忙碌咁係度整點心。我就多口問左幾下部長小小問題，個部長仲要好好傾，話師傅係日本東京富麗華就職多年，專為高管達人同明星服務，之後返香港係多間米芝蓮酒店及大型連鎖酒樓集團做過主管，經驗好豐富。搞到我未食之前，對呢餐飲茶好期待！點心都幾多選擇，我同朋友得兩個人，就盡試下必食/推介點心，真係喜出望外，食物好有水準：黑松露燒賣個黑松露燒賣未送上枱，就知道黑松露足料，因為未食已經聞到陣黑松露香味，食落仲要彈牙龍皇春卷以為係平時酒樓春卷形狀，但一上枱，有一種煥然一新感覺，咬落非常香脆，食落個口感完全唔油冧冧荔枝球第一次見有呢個點心，就決定試下，荔枝球外層炸到紅卜卜，望落真係好似成粒荔枝咁，一口咬開，原來入面係包住奶皇，外脆，好味。蝦餃呢隻蝦餃不得了，食落隻蝦夠晒彈牙，一食就知係新鮮蝦，而個皮又夠晒簿，唔會好似出面太厚粉，少有茶樓可以做得咁好
繼續閱讀
難得近新年，👦🏻無乜功課就帶👦🏻同婆婆一齊飲茶，想不到平日也很多人，而且也多人訂座。蝦餃：外皮薄而有彈性，內餡鮮美多汁，蝦的鮮甜味道。燒賣：外皮鬆軟，內餡多汁再加上黑松露香味。煎蝦米腸：帶有有蝦的鮮甜和米腸的香脆。煎熟後，外皮金黃酥脆，👦🏻忍不住口地吃👍芋角：味道香甜可口，外皮酥脆，內餡綿密。芋香帶甜而不肥膩✔️叉燒酥：味道鹹甜適中，外皮酥皮够鬆化，咬落再有濃濃的叉燒肉汁小籠包：裡面帶有鮮甜湯汁，👦🏻食左2粒🤣馬拉糕：味道香甜濃郁，口感軟綿。馬拉糕的獨特風味和Q彈口感皮蛋瘦肉粥：味道鮮美，粥的質地綿密，配上蛋和瘦肉，而且很入味。
繼續閱讀
已經有大約兩年無嚟, 今次再嚟, 食物質素都keep到。假日都有下午茶提供, 有點心, 炒粉麵同燒味,而且點心紙的款式都幾多, 味道都不錯, 價錢又合理,叉燒酥, 煎腸粉同蒸排骨都推介。服務都可以, 侍應們就算好忙, 個個都態度好好。唯獨今天安排到2樓, 有一位黑框眼鏡, 短髮的黑衫女部長, 態度非常惡劣。一坐低已經發侮氣, 開位就咁掟低兩套餐具, 又唔派, 呢種服務都係第一次見識。last order又無問駛唔駛再加單, 直接埋單, 咁都算, 拎部機嚟問佢收唔收卡, 一句嘚埋嚟話：「唔得 八達通」真係令人髮指。著西裝嘅經理, 洗碗叔叔都態度良好, 只有這位黑眼鏡黑衫女部長趕客, 都未必再幫襯。
繼續閱讀
有野做過黎港島呢面，搵左間酒樓食下點心先出發，發現呢間鋿晶館評價唔錯，就決定試下呢間，位置都幾近上環港鐵站，行一陣就到，門口有電車路。地下係攞位同電梯大堂，感覺係比較舊式嘅酒樓，由於當日係星期六，都要等一陣位。終於有位，上到去都真係好多人，比較多嘅係上年紀嘅人士黎飲茶。點心都幾多選擇，叫左叉燒腸、牛肉球、蒸鮮魷、燒賣、蛋散同燉椰皇，其中比較特別嘅係煎糯米雞，依家好少酒樓會有呢款食物，唔知係咪因為無乜人食定工序繁多？全部點心都好食，喺上環食到呢個質素都的確唔錯，值得黎呢間酒樓一試
繼續閱讀
今天中午路過上環，趁住未夠 12:30pm，打工仔未出来午膳，便走進這間酒樓，只見酒樓門面一般，對它沒有很大期望，只求食飽。但發覺她的點心真是好吃，牛肉球內混入芫茜和馬蹄，非常清香爽口，沒有油膩感覺。义燒包內的义燒，有炭燒香氣，完全不是那些染了红色殭屍肉的貨色，此外，她的北菇花膠鹅掌也做得不錯，鹅掌非常厚肉，只是花胶略硬，軟一點會更好，但作為一個點心，實在是非常超班，最後甜品要了綠豆沙，雖然屬於小點，但制作一點也不馬虎，綠豆起沙，內有臭草和海帶，是傳統的做法，很滿意。
繼續閱讀