85
10
2
港鐵灣仔站 D 出口, 步行約5分鐘
繼續閱讀
電話號碼
63829826 (Whatsapp Reservation)
營業時間
今日營業
12:00 - 15:00
18:30 - 23:30
星期一至日
12:00 - 15:00
18:30 - 23:30
以上資料只供參考, 請與餐廳確認詳情
食家推介
相關文章
呢間餐廳環境都幾舒服,燈光有少少昏暗感,由於係樓上鋪相對比較寧靜,幾適合幾個朋友上黎食飯傾下計,唔會太嘈,我地坐既位置都只係見到隔離枱,私隱度都唔錯👍🏻呢度最岀名既就係佢地既21日乾熟成宮崎快樂豬,用黎整叉燒煎蛋飯同焗豬扒飯,而個雞蛋就用左九州太陽卵,好有蛋香味😍《爵士湯》Lunch都有跟個湯,呢個湯真係好好飲!!佢係加左哈密瓜,陳皮,螺頭,花膠同豬展落去煲,一睇個湯見到咁清澈已經知道不得了😂好清勁好飲!!!《叉燒煎蛋飯 $185》可以話係一個完美既叉燒煎蛋飯😍真係好好食,煎蛋煎到脆脆地,蛋黃保持住流心既狀態,主角叉燒真係整得好好,超級厚切,份量都幾多,好大舊!!叉燒既味道唔會太甜,肥瘦適中,肉質幾彈牙,叉燒愛好者必試!!👍🏻《煎蛋串茄焗豬扒飯 $190》平時食唔到太多飯既我居然食晒呢個飯😂個飯係炒飯底,炒得幾香口,蕃茄醬個調味調較得啱啱好,醬汁唔會太濃稠,唔會有蕃茄既酸味,煎蛋都係一樣有微微既焦脆👍🏻至於豬扒既份量都幾多,食晒都好飽肚,豬扒既肉質彈牙,全部都冇骨,比較淋身但又帶少少咬口,好食!!呢兩款菜式都好值得一試,個人覺得叉燒煎蛋飯比較驚艷😎另外佢地既服務都好好,好細心,服務員有主動加茶,收碗碟個啲都好快手,有留意每枱客既需要,非常之推薦!!!鋒膳灣仔石水渠街69-71號年威閣2樓B號舖[⭐️5分為滿分]味道⭐️⭐️⭐️⭐️⭐️環境⭐️⭐️⭐️⭐️服務⭐️⭐️⭐️⭐️⭐️價錢⭐️⭐️⭐️⭐️⭐️推薦⭐️⭐️⭐️⭐️⭐️
繼續閱讀
一早就book定枱，放假去食黯然銷魂飯😂究竟有咩咁巴閉要一早book定枱？間餐廳叫「鋒膳」。爵士湯 - 所有午餐都會跟爵士湯（只有午餐），爵士湯既材料有哈蜜瓜、陳皮、螺頭、花膠、豬𦟌煲製而成。望落去個湯非常清澈，味道濃而不鹹，少少甜，少少海味，雖然我唔係廚師，不過我飲落去覺得個湯唔似煲嘅，似燉多啲，我估。叉燒煎蛋飯 - 叉燒非常入味而且夠淋，蜜味濃，不過切得比較大件，據說係用上日本宮崎豬既梅頭肉再以21天乾熟成，令肉味更濃郁來製作叉燒。而煎太陽蛋用上刺身級九州太陽卵，蛋香濃，而且佢哋會煎蛋底部煎到有少少脆👍🏻。最後就係整碟飯我最鍾意嘅汁（還是叫醬油？），鹹甜適中，淨係個汁我就已經夠餸幾碗飯😂。煎蛋串茄焗豬扒飯 - 又係個汁攞滿分😂酸甜對比剛剛好，炒飯亦都夠乾身，再撈埋啲汁都唔會覺得過份濕潤，豬扒都係以21天乾熟成才煎香。真正菠蘿冰 - 用上新鮮菠蘿製成，酸酸甜甜，啱晒夏天飲，仲好開胃！
繼續閱讀
第一次在鋒膳吃晚飯, 就是之前和慶祝老婆生日, 價格不便宜, 但如果不是山珍海味, 又或是些複雜手工菜, 價錢還是負擔得起的. 說到這家最出名的, 一定是由宮崎快樂豬製成的豬肉料理, 午市吃過其叉燒煎蛋飯及焗豬扒飯, 今次單點其叉燒, 由梅頭製成, 肉質夠腍, 肉味也夠甜, 和伊比利亞豬帶的橡果香味不同, 其肉甜帶點粟米的甘甜, 相對和叉燒醬比起來, 要更花心思才能分別出來, 因較為柔和. 燶邊不太明顯, 炭香味不太突出, 配合快樂豬本身的味道.煎三黃雞及孜然羊腩比叉燒更有驚喜, 前者肉腍, 皮脆而不分離, 雞油香加上舞茸及蔥香, 淳而不臊, 送飯一流. 羊腩皮腩肉三層層次分明, 孜然辛香但不死麻, 肉腍皮脆之餘, 肉汁和脂油結合, 品嚐到複雜的平衡. 其貌不揚, 但連我腌尖的老婆也給它一個讚. 相比起來, 最貴的花膠牛腩煲就顯得失色了, 味道濃香但牛腩肉質較柴, 花膠略嫌切得細碎, 可以再大方一點呢!My first time to have dinner at Flower Drum is for the celebration of my wife’s birthday. The pork from Miyazaki is soft and sweet, the sweet taste is similar to corn that is quite special. The Cha siu is good and not that heavy. The pan fried chicken with wild mushroom is excellent with the soft texture and chicken oil rich taste. The lamb with spices is nasty but not that spicy. The beef brisket with fish maw can be improved by the portion of fish maw and texture of beef brisket.
繼續閱讀
⭕️ 短評：午市$2xx一客的焗豬/ 叉蛋飯，值唔值？叉蛋飯絕對值— 叉燒用熟成日本宮崎梅頭去做，半肥瘦又爽又彈，即使偏瘦的部分也毫不嚡口，個人認為起碼有米芝蓮二星中菜水準。不少人晚市來到都會散叫一碟招牌叉燒，餐廳個$1600 omakase頭盤亦都係同一個叉燒。焗豬就見人見智。用料係好，整體比一般焗豬好食多>50%，但沒有叉燒的驚艶，而且焗得有少少燶。💵Budget: $250 pp 📍 鋒膳 (灣仔)灣仔石水渠街69-71號年威閣2樓B號舖
繼續閱讀
我係一個香港年輕人，最近去咗試咗一間叫做「锋膳」嘅餐廳，真係係食物上發現咗好多創新嘅元素！第一樣嘢就係佢哋嘅招牌菜「魚子醬蛋撻」，唔止係味道鮮美，而且佢哋用嘅魚子醬真係好新鮮，令到味道更加突出，令人食得好過癮。不過最令我驚喜嘅係佢哋嘅「芝士炸猪腩腸粉」，簡直係絕配！猪腩肉煎得恰到好處，加上軟綿綿嘅腸粉同香濃嘅芝士，一口咬落去真係鮮味十足，好出色！除咗咁啱啱好食嘅菜式，佢哋嘅飲品同埋甜品都非常有創意。我最鍾意嘅係佢哋嘅「芒果糯米糍配鹹蛋黃奶醬」，原本以為兩樣野唔會太搭，但係食落去就覺得好似天作之合咁。總括而言，「锋膳」係一間非常有創意嘅餐廳，食物好味又有驚喜，好適合香港年輕人嚟放鬆心情同埋發掘新味道！
繼續閱讀
您可能會有興趣的...