鋒味屋 (已結業)

我身為屯門友，收工經常黎幫襯，腸粉真係超好食，值得推介！味道一流，腸粉好香米味，就算就咁叫齋腸得豉油都覺得好好食！員工態度良好！必食推介！石磨腸粉超有誠意~~~

而家喺香港好少食到又白、又滑、又薄皮嘅腸粉，而且佢嘅餡嘅選擇有好多款有菜、有肉，雖然喺美食廣場入邊嘅一間細舖但係食物質素卻相當唔錯，可以邀請更多朋友過嚟一齊食！

質感幼滑的腸粉，粉漿系用米磨出，帶著花生油的香味，健康用心出品，大人細路都岩吃啊！仲有自制豆漿，最佳拍檔，會掛住的味道，小朋友個個禮拜都要吃。麻辣串都系好正宗，又香又辣，正。

最近係屋企附近有一間商場翻新咗，講到入面有好多種類嘅餐廳開咗。有日係附近睇完戲就過咗去睇睇。果然商場入面光亮咗好多，而我要介紹嘅餐廳就係依個商場嘅美食區入面，位置都好近入口，要搵到佢都應該唔難。佢嘅腸粉種類其實唔多，食過其他餐廳都知道，但大路嘅都會有，同可以因自己需要加配料。價錢黎講都好低，加上以我所知，係屯門都無乜皺皮腸粉，所以特然想食，佢都可以係你的選擇。今次就食了淨腸粉加蛋和生菜。腸粉黎講，都算滑身，加咗蛋就簡直為腸粉賦予新嘅靈魂，而菜就咗啲口感。我覺得腸粉好食，但他們提供的醬油係好差，啲味好啖，可能佢地無再重新調配過，所以真係比啲調味料搞砸晒。我地有自備餐具過去食，佢地都唔會拒入，都係扺讚嘅

呢間餐廳開左係最近屯門開左新既food court裡面，今日咁岩黎搵朋友就順便入去食下野～我其實幾中意食腸粉既，對腸粉都有要求，要又滑又彈牙，而呢間既石磨腸粉就唔係咁達到我要求啦。佢裡而既料還可以，不過腸粉就唔滑，真係試一次就算啦。

作為屯門人，對Go Go Mall的開業可謂異常興奮。事關Mall內有不少食店進駐，有如一個小掃街商場，今天經過便上來留下腳毛，也順道試試新口味。甫走進Go Go Mall內，已被第一家食店所吸引。全因它是主打近期的熱潮小食：石磨腸粉，店內果真放了石磨和腸粉櫃，看來是新鮮即製。腸粉定價可謂，最便宜的要需16元便可交易。店內還有出售麻辣串串等其他小食。因為是外賣，店員額外給了一小盒豉油，回到家食用時才倒下去。一盒腸粉份量是可以的，亦吃到有絲微米香味。但略嫌腸粉有點厚，滑溜度亦有所不足。鮮蝦有4-5隻，頗彈牙有咬口。若想加菜、雞蛋、菜甫等則再逐樣收費。

🔺鋒味屋GoGoMall 覓食round 3🤘🏻.鋒味屋🏠呢間係GoGoMall嘅人氣小店 主要賣皺皮腸粉 見到小店真係有個石磨即場磨米漿 夠晒真材實料😳.當日試左肉碎蛋石磨腸粉🙌🏻即叫即製👍🏻 Order完等左10幾分鐘左右食落係好原始嘅味道 如果加埋葱花就更加香👅$19大大份 一個人食真係會好飽😂

屯門的雅都商場翻新工程已有一段日子，萬料不到這老牌商場搖身一變，成了佔地50000呎的掃食新場，還改了個洋氣的名字：Go Go Mall。作為中途出家的半個屯門人，一時三刻仍洗不去「雅都」給我的印象，只是人類從來是善忘的地球生物，加上新商場、新屋苑帶來的新氣象，雅都的蛻變也是早晚的事吧。作為屯門區的掃食新場，Go Go Mall能否成為「明日葵廣」是言之過早了吧！廿多間小食店當中只有少數是屯門人熟悉的品牌，綜觀全場食店大都是創業者，小試牛刀技藝生手在所難免，小店們似乎都欠缺了些賣點，要有持續性發展可要加把勁了。新場的另一賣點是營業至凌晨二時，其實凌晨營業只限星期五至日而已，平日營業時間為朝十一晚十一，作為區內的宵夜場Go Go Mall只能說是「假日限定」吧！星期六是Go Go Mall正式開幕日，中午時段食場人頭湧湧的，食桌位置嚴重不足，不少食客只能「立食」。食場以白色為主調，走食場少見的文青小清新路線，不過食店主題五花八門，粉麵飯小食甜品甚麼都有，與其說是掃食新場，感覺更像美食廣場吧！***第一站：鋒味屋走勻整個食場，鋒味屋是最吸引眼球的一家，店前一個大石磨甚為矚目，未知米漿是否即

第一次食石磨腸粉喺深水埗覺得都唔錯見呢度有間石磨腸粉就想encall就係間四川店到買咗個雞絲腸粉😂我個人覺得石磨腸粉同平時嘅腸粉係有唔同嘅唔可以撈埋一齊講石磨腸粉整完出嚟係捲埋一齊食落口感比較厚但係都滑但滑得黎又唔夠平時腸粉咁滑石磨腸粉剩係溝豉油已經好好食但係腸粉一定要混醬先正！本身見到碎肉腸粉啲肉碎好少所以叫咗個雞絲腸粉番到屋企先發覺原來雞絲一樣咁少🤣🤣所以我建議如果想試嘅其實買齋腸已經夠喇~外賣佢個豉油係另上嘅不過今次佢唔記得咗所以返屋企嘅時候已經索曬啲豉油要點返個豉油一齊食先至係最好食！呢間四川小店仲有啲一串串嘅嘢食好似七蚊定八蚊一串都幾多人買嚟食你可以用啲紙桶裝住，感覺都幾衛生有啲都抵食嘅不過有啲串就好似比較少唔係好抵食~

現場石磨腸粉夠哂睇頭，成功吸引我去睇同試，發現大約20蚊腸粉已經好大份，仲好香花生味，睇返介紹，原來d花生油係自家渣出來，堅香堅正，希望小店嘅質素水平keep 住，會再幫襯！

屯門嘅雅都商埸而家改咗名叫GO GO MALL美食廣場，嗰度新開咗一間叫鋒味屋嘅石磨腸粉店舖，佢地D腸粉真係好鬼正，口感好爽滑好有米香，睇住佢磨米做腸粉，我叫咗個蝦腸+菜+蛋都係$25蚊，D蝦仲好新鮮爽口，食落又feel到有好香嘅花生味，我問店員是否放咗花生醬整腸粉？店員話老板好有誠意做一D好質素嘅食物出尼俾客食，所以專誠在家鄉河源採購靚花生榨油運尼香港用於腸粉製作，唔怪之得咁香啦，另外我再要多3串每串$7蚊嘅麻棘串，都係好好味，真心覺得平靚正，好值得推介……