銘師傅潮州粉麵

營業中

休息中

香港真的很難有美味魚旦， 這間新開的粉麵店有Ricky加持， 我又去食吓。 一碗魚旦粉竟然是37元😱😱 仲跟2條菜。 新店， 冷氣又夠。 食粉麵， 冷氣真係必須的。 魚旦是淋淋滑滑的， 但又不是太絲滑般， 沒有硬硬爽爽，就是我喜的真材實料感，魚片就帶一點點小小魚骨， 炸得也香口。 麵就普普通通了。

估唔到港島區食粉麵可以4x就食到！西營盤地鐵站行3分鐘就到。生菜牛三寶$62三寶係牛腩、牛筋同金錢肚，全部好入味，幾好食。分量都真係幾多~就連個河粉都多到可以2個人食！鮮蝦雲吞$48無唸過甘大碗！裏面大蝦爽甜。成8隻我好驚訝。紅豆冰$20欣賞D紅豆大粒又軟綿綿，成杯又不會死甜食中式野叫返杯凍檸茶無得輸。🥢銘師傅潮州粉麵 🌏西環西營盤正街1-7號寶豐大廈地下1號舖

睇戲前，晚上七點左右，快手地入了這店食了一碗牛雜粗麵。第一次去，地方清潔乾淨。社會牛雜粗麵，我覺得牛雜畀平時其他店舖的多，又大大舊，也只不過是40元。如果在中環或銅鑼灣，相信要食一碗牛雜麵，也不可能是40元。我覺得幾好，唔差。

打工人的飯堂，牛腩魚蛋粉面奶茶都好好吃味道很正好吃不貴！！🍜蘿蔔崩沙腩面就愛這碗清湯，新鮮熬制的湯底又濃又香，必點崩沙腩，集齊筋肉和油花，肥瘦相間，腩汁蘿蔔燉的酥爛，無比清甜！主食可自選粉面➕15蚊配小食，一定要試試奶茶，茶香濃郁，冰鎮太爽🍡招牌魚蛋粉自家手打的魚丸魚片敲Q彈，真材實料看得見，鮮的掉眉毛，每次來連湯都喝光光，吃完不會口乾吃的就是原汁原味！除了粉面小菜也很好吃，桌桌都會點的腐乳空心菜，這味道太特別了，相當開胃。還有自制菊花茶，清熱祛火百喝不厭！人均40r+的敲高性價比，已經開了5家分店，開到凌晨三點還有宵夜哦！

因為搵唔到西環店第一街嘅資料，所以唯有喺呢度講。見到佢寫潮州粉麵覺得好吸引，所以即刻入去。三個人叫咗咖喱牛腩飯牛腩撈麵同埋魚皮餃河仲有炸魚皮。員工服務是可以的水系自助自己斟水。植物方方面面牛腩炆得好腍，這個係中上。問題係那碗魚皮餃我真的覺得好唔掂。首先我等咗好耐碗河粉都未嚟，我懷疑魚皮餃係比較少人叫應該可能擠咗喺雪櫃好多萬年要煮好耐先熟。食落去其實係好實實得好緊要，啲肉有濃烈的雪藏味道。我本身好肚餓，但係四粒魚皮餃都唔可以完成。最後我離開嘅時候有同收錢嗰位員工講啲魚皮餃可能有啲變壞唔該你哋留意吓咁佢就話對唔住。

之前試過佢啲魚蛋都叫OK嘅，今日下晝未夠五點再入嚟叫咗個丸米多蔥，魚蛋依舊正常發揮，但係個牛丸真係嚇親人又硬又實又嚡又冇味，比起百X惠X超市買返嚟嗰啲更差！真係嚇一跳！$37其實唔算貴，不過只得兩粒魚蛋可以入口就覺得好唔抵

3/5豆漿只有甜嘅可以揀，冇得無糖。炸醬味道單一，麵份量亦偏小，麵條少許鹼水味，但非常爽口。扎肉帶甜，口感唔錯，豬肉丸口感更加紮實，雲吞肉餡有點柴，湯底味道普通。

放假去左西環. 原本想搵d西式的cafe chill下, 點知人山人海. 最後去左正街一逛, 都幾多茶餐廳. 但朋友未餓. 所以入左黎. 唔睇openrice都唔知係新開, 裡面裝修好似老鋪咁. 重有一幅好大的黑白舊鋪(?)照.由於朋友唔餓所以一心入黎諗住食下粉麵, 完全無睇到原來呢間係主打潮洲粉麵. 無食到手打魚丸. 我地叫左個鴨腿湯飯同埋牛朒米(無影相). 先講個牛腩米$38, 除左牛腩重附有生菜. 牛腩份量都幾多. 食落口唔係話入口即溶個隻. 咬落都有少少煙韌. 但唔會韌到吞唔到. 我朋友話呢d係正宗潮洲牛腩. 其實我真係唔識.講返個鴨腿湯飯$48. 叫左少飯都重好大碟飯. 飯係另外上的. 個湯飯裡面除左鴨腿外, 重有冬瓜, 菇同薑. 反而平時成日係鴨腿湯飯見到的陳皮就唔多覺. 湯的味亦唔多覺有陳皮味. 講返隻鴨, 曾經食過有d會好"蘇", 但呢間好彩無"蘇"味. 鴨腿都煲到林左.  未算係入口就溶. 但都幾入味. 冬瓜份量都幾多. 一口鴨一口飯. 好快就食完. 重有呢間鋪的水係自助式. 想要的可以自行出去斟. 

有高人指點話呢一間潮式粉麵店一定要試，上Openrice先知原來係新店，試過之後真係無介紹錯，當中極力推薦魚蛋，食得出佢嘅新鮮。淨紫菜四寶入面當然有紫菜啦，另外亦有我極力推介嘅魚蛋，仲有魚皮餃、墨魚丸同埋札肉，最可惜無魚片，下次要另外叫碗魚蛋米試下。我地仲試咗牛雜粗麵，D牛雜好入味好新鮮，而且價錢算好平，印象之中好似係$38一碗，真係抵到無朋友，而且牛雜嘅質素算係高。另一碗粉麵就試咗魚皮餃麵，佢個魚皮餃都做得好，餃皮薄得黎煙煙韌韌，D餡料都幾新鮮。炸魚片都OK，夠硬身，浸一浸湯再食都唔會林晒。

叫亞姐去買外賣，附近有「潮😎人」， 「達😎仔」，都係標旁潮洲魚蛋粉，但亞姐話新開張，試吓佢，真係有驚喜，非常好味👍🏻👍🏻👍🏻。真係品賞到小時候的味道，河粉彈牙，魚片魚蛋有魚味無添加粉，只有魚肉的魚蛋，鬆軟但又有口感，外賣又自動分湯。一路食一路同亞嬸姐講，好好味⋯好好味⋯😋