34
21
12
港鐵旺角站 C3 出口, 步行約2分鐘 繼續閱讀
電話號碼
37608855
開飯介紹
茶餐廳格局,但有不少本地食客及遊客光顧。主打海鮮煲仔飯,可以由大鱔、黃鱔、蟶子、扇貝、海蝦等配料中選擇,亦有不少創新配搭如黑松露窩蛋牛肉飯。 繼續閱讀
付款方式
現金 支付寶 微信支付
座位數目
70
其他資料
網上訂座
酒精飲品
泊車 詳細介紹
賞訂座積分
加一服務費
電視播放
當面支付
有關獎賞計劃
招牌菜
老火煲仔湯 首創海鮮煲仔飯 甜菜豆豉蒸倉魚 魚翅撈飯 超值鮑翅海鮮套餐 避風塘辣蟹
食評 (74)
等級2 2018-09-27
164 瀏覽
黎到旺角又想食煲仔飯一定要黎呢到~其實都食過幾次,都仲覺得好正好想食~雖然呢間野好多遊客,但仍然保持到水準!讚!周六既晚餐時間開始多人,但好彩仲未洗等位,一坐低侍應會介紹你食套餐有海鮮啊煲仔飯啊乜乜乜。當然我地食開既唔會理佢🤣自選煲仔飯餐有老火湯有菜又有足料煲仔飯,真係好抵食老火湯真係好足料,好好飲,唔似味精湯!煲仔飯上左店員會幫你倒d豉油再蓋上焗一陣就食得!我叫左滑雞配臘腸,超多配料啊!雞又滑臘腸又岩岩好唔會太咸,飯又剛剛好,唔會太濕唔會太乾!重點係飯焦做得靚!!不過最尾個菜就油左d,似落左超多油! 繼續閱讀
(以上食評乃用戶個人意見 , 並不代表OpenRice之觀點。)
等級3 2018-09-24
137 瀏覽
「銓滿記」最出名仔煲仔湯、煲仔飯。依幾年都耐唔耐就會黎幫襯下~由好客既伙計叔叔,不停轉新人...新人都唔知自己做緊咩甘😩剩返個不停講門面功夫既老闆娘(亦有人喜觀這類)...而我係為左煲仔湯黎,每一次黎令我唔想再有下一次推介:湯好足料,冇味精,日日唔同款。當日唔記得影個煲仔飯,叫左雙拼 臘腸雞件..侍衛拎上枱加豉油再焗一陣再食,一打開,嘩!仲係甘濕既,我地要求再焗多陣睇下...最後依然係濕濕的煲仔飯。煲仔飯要求好簡單飯要乾身,但甘都做唔到...同想當年比退步太多~咕嚕肉分量適中,好味,酸甜度係岩岩好😀清湯牛腩牛腩好碎、好細件,分量小。底部全是白蘿蔔😒唔知係咪賣左廣告,多左好多大陸人,已對佢地既服務相對比較好,會幫佢地起煲仔飯蕉,介紹一輪。 繼續閱讀
(以上食評乃用戶個人意見 , 並不代表OpenRice之觀點。)
等級2 2018-07-05
335 瀏覽
雖然篇野幾長下,但希望大家睇完先決定去唔去,免得中伏食完餐飯之後既感想就係。。間野除左地理位置還好,唔難揾之外,都冇乜其他優點要我再去?不了,唔會再比機會自己貼錢買難受🤗先唔講食物質素住,連服務態度都好唔掂我地叫左個魚翅海鮮二人餐,”suppose”係包辣酒煮花螺,粉絲蒸扇貝,每人一隻鮑魚,翅,白灼生菜,同自選煲仔飯一個。但個辣酒煮“花螺”一落到枱,突然變左做辣酒煮蜆😒問佢乜唔係花螺咩? 點知佢態度仲要唔好咁答「依家係休漁期,所以冇花螺,轉左做蜆」大佬啊~你冇唔緊要 但你唔係好應該要通知聲先?啲野嚟到枱仲要我問先講?算,你比蜆我都okay。但啲蜆係有沙既,真係唔太想食😖之後個粉絲蒸扇貝上枱個陣係淨係得2粒肉+少少粉絲係面,冇乜鮮味,而且係冇殻既,令我好懷疑係咪急凍海鮮蒸翻熟🤮另外啲粉絲都係硬既☝🏻至於鮑魚就。。係凍曬架囉食到le到,樣樣野都唔係好,仲要服務差,已經成肚火。。本身個翅嚟到,見到好大塊翅係碗都冇咁嬲,但點知!又係令人失望🌚個翅成舊好似未煮開咁,但le樣都其次,連最重要既湯底都好似生粉溝水咁,完!全!冇!味! 仲要係超超超級“傑”,嚇死人晒曬啲食材最後個煲仔飯,叫左個芋頭煲仔飯,啲芋頭質地勁奇怪,唔爽唔實咁。而且雖然係有飯焦,但啲飯完全冇平時煲仔飯既飯香,食得出唔係真正用個煲煲出嚟。個人認為食煲仔飯最重要係個豉油,佢竟然叫我地落普通豉油,明明煲仔飯豉油係帶甜,用左普通豉油之後搞到成碗野勁咸🤢🤢基本上成晚冇樣野係滿意,食到成肚火,仲要每人around $170,而且當晚成間鋪有7-8成人係講普通話,環境好嘈,極度唔推薦大家去 繼續閱讀
(以上食評乃用戶個人意見 , 並不代表OpenRice之觀點。)
等級4 2018-04-11
616 瀏覽
去旺角, 突然想食煲仔飯, 但係又唔想行到油麻地那邊排長隊, 見到呢間, 就一於去試下. 系openrice 正負 都有, 諗住小心為上咁去食. 行到門口望下餐牌時候, D STAFF系門口好熱情叫你幫襯, 於是好快入jor 去. 一開始當然有推銷你食海鮮啦~ 咁人地d 煲仔飯sellingpoint系海鮮, 我覺得人地sell 海鮮系正常bo!咁嗌jor 一個黑松露牛肉煲仔飯 同帶子! 點完時候, 我又冇咩睇倒那個staff 黑面. 好正常咁, 佢都好快畀jor 兩碗老火湯畀我地. 帶子4粒 大大粒, 飯上面第一層系粉絲, 再帶子,再加上豆豉,通過蔥花, 一上台加豉油.等多幾分鐘.  帶子口感都好好, .除jor 大粒外, 都好鮮甜. 而且加上豉油既粉絲, 系最惹味.   其實也覺得不差! 第二個就係黑松露蛋牛肉, 本來我諗住只系要牛肉, 但係佢冇得揀,  其實覺得黑松露加牛肉 放系煲仔飯裡面唔系好夾! 但係又唔可以講佢好差!覺得那個黑松露真的系可有可無. 牛肉都算滑, 不過相對於那個海鮮, 遜色小小,. 總括黎講, 味道真的不算太差, 海鮮都算新鮮. 雖然價格系貴小小. 但係質量不差 位置都方便, 算系咁. 如果食傳統煲仔飯, 可能就滿足唔倒你, 如果海鮮煲仔飯 , 不妨黎試下!  繼續閱讀
(以上食評乃用戶個人意見 , 並不代表OpenRice之觀點。)
天氣突然凍左,去食煲仔飯! 搵到呢間好食有服務既茶餐廳,全程幫手,問你要唔要飯焦!我要!侍應就幫你分開鋪面既食物,加鼓油,幫你分飯,再同你講15分鐘就有脆口飯焦! 唔使自己頭痛,飯焦好薄好香好食🤗點二人套餐,有中湯,蒜蓉帶子蒸粉絲、陳皮鮑魚、每人一個碗仔翅(真係魚翅的)、自選煲仔飯(好多選擇,最後選擇蒜蓉開邊蒸蝦),食飽飽,好滿足的一餐。總結:一般裝修不起眼既茶記,但侍應既貼心服務,加上一流既煲仔飯!下次會再返黎! 繼續閱讀
(以上食評乃用戶個人意見 , 並不代表OpenRice之觀點。)