29
6
7
電話號碼
2572 6988
開飯介紹
此店馳名的正宗避風塘炒蟹、椒鹽尿蝦皇均十分受客人歡迎。另有不少煮蟹的方法及味道,出奇多樣,絕對適合不同口味的食客。 繼續閱讀
特色
適合大夥人
營業時間
星期一至五: 11:30-15:00; 17:00-06:00 星期六、日: 17:00-06:00
付款方式
Visa Master 現金
座位數目
170
其他資料
深夜營業
酒精飲品
泊車 詳細介紹
電話訂座
外賣服務
電視播放
招牌菜
正宗避風塘炒蟹 粉絲蒜茸蒸扇貝 椒鹽尿蝦皇 黃金脆豆腐 黃金蝦
食評 (43)
等級4 2011-04-21
117 瀏覽
哩晚與同事們再到辣蟹莊吃飯慶祝,送舊迎新!今次同樣訂了廂房,雖然房間不大,容納十多人有點勉強,但多了一份私隱度,大家可以盡情的暢所欲言,所以大家坐逼少少也不介意。來到「辣蟹莊」當然要吃辣蟹啦,還記得上一次吃過的黃金流沙蟹,好味得叫人難忘,在避風塘炒蟹及黃金流沙蟹之間作抉擇下,大家一致選了較有特色的後者。來主菜之前,當然點些香口小吃來佐酒,先來的有沙薑鹽水雞腳,醃得很入味,喜歡那種黏黏的質感,沙薑味道亦不會過鹹而涸喉,用來送酒,很不錯!當然,炸得乾身香口的椒鹽鮮魷也是佐酒佳品,魷魚新鮮不韌,粉漿不厚,椒鹽味夠,好味!跟住來一些辣的菜開開胃,麻辣口水雞,比起上一次吃的差不多,同樣地辣度是十足的,但麻卻不夠,我猜大概是為了迎合香港人的口味而有所調節吧......上次吃過覺得非常正的辣酒煮螺,今次大家指名要點。原鍋花螺,熱騰騰,窩面滿佈辣油,吃落酒味濃烈,螺肉很入味,辣度十足,舌尖有種火燒的感覺,感覺又刺激又好味!!!之後來一些海鮮,一人一隻豉汁炒蟶子皇,隻隻足手掌咁長,而且原隻炒,吃來啖啖肉,絕無偷工減料。師傳烹調的火喉又控制得好,蟶子肉夠新鮮爽脆,吸收了香濃的豉汁味,而且一點也不韌,大家吃得津津有味,正!!!!另外,同樣是必吃之作的蒜蓉粉絲蒸扇貝,一人一隻,肉身很厚很鮮甜多汁,煮得剛剛好熟,一咬便能咬開。至於最精華所在的蒜蓉粉絲,塗上一點豉油吃,美味非常。接著來相對較清淡一點的豉汁帶子蒸滑豆腐,帶子固然是鮮甜,豆腐算滑,但豉汁味不算濃,真的幾清淡......砵酒燒焗桶蠔上枱時已經香氣撲鼻,嗅到已令人垂涎。桶蠔真的非常大隻,吃一隻已十分滯。師傅大概是以先炸後焗的方式去烹調,所以外層微脆,帶點咸香,內裡則非常juicy,亦微微滲著砵酒的甜味,叫人十分滿足。不過,個人認為味道有點過鹹,若能清少少會更好。蜜餞蒜香骨炸得鬆脆軟腍,味道甜甜的,很不錯! 最期待的黃金流沙蟹,水準依舊的好,啖啖肉,肉味很鮮,加上勁多份量的鹹蛋黃,脆中帶有鹹香,越吃越不能停口!吃過蟹,飲過酒,非常豐富的一餐,大家也捧著大肚子離去,期待下一次再到臨!!!! 繼續閱讀
(以上食評乃用戶個人意見 , 並不代表OpenRice之觀點。)
等級1 2011-01-17
53 瀏覽
男友仔難得放假,可以同我去食飯~ 咁就要去下我好鍾意既辣蟹莊啦~不過我地今次冇食蟹~ 哈哈。。 因為次次都食,今次想食下D小炒。我地兩個人叫左椒鹽鮮魷,蒜蓉粉絲蒸扇貝,蒜香骨,飛天介蘭煲,仲有每一次去都一定要食既魚湯浸大蜆啦!!! 魚湯浸大蜆,蜆肉夠哂鮮甜~蒜香骨夠香口~飛天介蘭煲夠哂野味~[IMG2:]椒鹽鮮魷脆卜卜,好好味~ 繼續閱讀
(以上食評乃用戶個人意見 , 並不代表OpenRice之觀點。)
等級3 2010-10-15
35 瀏覽
同事擾攘多時,說要來食辣蟹,今日終於成行o一行三人六點半左右去到,唔使等位,座位任揀,正!今晚以海鮮為主,點了兩隻細蟹,一隻薑䓤濕炒,一隻避風塘炒,薑䓤炒得幾入味,不過稍為油咗啲,避風塘炒蟹叫了中辣,我覺得都幾辣,要飲番兩支汽水先中和番;另有辣酒煮花螺,熱㷫㷫,好好味,好正;一個特價美極煎中蝦set,$88 有八隻蝦,再加一碟椒絲腐乳生菜,好抵;我哋仲每人點了一隻特價蒜茸粉絲蒸扇貝,只係$36,雖然細隻啲,但係蒸得好入味o雖然唔係第一次嚟,但係每次食完都好想再食今日食得好飽,未有機會試魚湯煮硯,不過見隔離枱食得好滋味,下次一定要試 繼續閱讀
(以上食評乃用戶個人意見 , 並不代表OpenRice之觀點。)
等級4 2010-08-15
12 瀏覽
多次聽到同事嚷著要去辣蟹莊,說這裡很不錯,而我又一直都未試過,今晚因同事轉職宴客,終有機會一試!一行十多人訂了一間廂房,私人空間多點,大家可以談過痛快,不過略嫌廂房有點小,大家坐得較逼狹。是晚除了痛快喝啤酒外,更點了很多美食,真是大飽口福呢...........同事說來這裡就是為了吃蟹,是晚人多,共點了兩隻大蟹,一隻以避風塘方式炒的正宗避風塘辣蟹,另一隻就是以較有特色炒的流沙黃金蟹。兩者之中,個人揀了隻流沙蟹蟹鉗來吃,真的啖啖肉,肉味很鮮,而且放了足夠份量的鹹蛋黃,脆中帶有鹹香,真係好好味!!!!!!豉椒炒蟶子皇: 蟶子皇足足有一隻手板咁長,以豉椒炒,肉身很爽口,亦很有鮮味,而且個人認為茨汁濃度適中,不會太稠,很出色!!椒鹽鮮魷: 鮮魷夠新鮮,味道很好!黃金脆豆腐: 豆腐切成較大粒的,外層炸得很脆,另因加了芝麻的關係,椒鹽味之外多了一層芝麻香,而且內層的豆腐仍然是很嫩滑的,感覺不錯!麻辣口水雞: 香港的麻辣風越見普及,口水雞更是比目皆是,估不到吃港式避風塘辣蟹嘅地方都來一個四川風!?雞肉算是嫩滑,不過味道只有辣而不夠麻,油亦放得太多,一般般啦~辣酒煮螺: 以原鍋上枱,鍋底還以燃點著的蠟燭保溫,鍋面是一層紅紅的辣油,未吃已感到"辣"!加上濃烈的酒味,辣度十足,螺肉亦煮得很入味,水準很好!!!整晚吃得太多熱氣嘢,當然點一點菜平衡一下,我們點了豆豉鯪魚炒A菜及金銀蛋上湯浸時蔬兩者都是一般水準,沒什麼特別~ 今晚吃得很飽,特別是炒蟹真是一流,來這裡一定要吃,否則就等於無來過~ 繼續閱讀
(以上食評乃用戶個人意見 , 並不代表OpenRice之觀點。)
等級2 2010-07-23
12 瀏覽
其實呢間唔覺唔覺都嗒過 6 次咁多架啦, 雖則外間有好多同類型既舖頭, 但唔知點解就係剩係去呢間, 可能次次都食到 lam lam 脷, 諗唔到其他原因轉場啦 .........我本身好鍾意食蟹, 但老公麻麻地, 所以家陣黎親都轉哂唔食套餐, 寧願散叫就算, 但每次黎到都必叫以下呢幾款我既至愛 .......... 辣酒煮花螺 ~ 在我黎講, 超級好味, 辣既味道岩岩好, 我其實覺得可以再辣啲, 不過我老公頂唔順囉, 上枱時會有個用蠟燭既火爐慶住架, 大約有廿幾隻, 墊底係啲大荳芽菜, 吸哂啲湯汁寧舍好味 ...... 椒鹽鮮魷 ~ 炸得岩岩好, 唔會入口一大舊粉漿, 鬆軟香口, 咬完都唔會甩皮甩骨, 正呀 ...... 蒜蓉粉絲蒸扇貝 ~ 有分大細隻 2 種, 但我地通常要細隻既, $28 一隻, 一啖過既 size 囉, 好鮮甜架, 加埋啲粉絲一齊嗒嗒, 好味道 ....... 蟹油炒麵 ~~ 就係呢個炒麵令我愛上呢度啦, 勁鍾意食, 好好味 ...... 避風塘海鮮炒飯 ~ 第一次食, 叫黎係拎走當明天晚餐既, 超大碟呀, 勁多料, 飯粒乾身得黎仲要粒粒都好夠味, 果然高水準呀 ......帶左部相機黎都唔記得影相, 因為一見到啲野食就即刻開動, 完全冇左件樹, 下次再黎嗒時先影啦 ........... 繼續閱讀
(以上食評乃用戶個人意見 , 並不代表OpenRice之觀點。)