銀龍麵飽專門店 (已結業)

今日落大雨。晨早流流買個面包要求用大袋怕個包會濕曬阿姐話唔可以，話要收$0.5 。OK！佢又話8達通無得收叫我比$1佢又話無叫我比現金！我咪唔要個包又話唔得。無得退！阿姐仲話我惡！佢好聲好氣問佢，佢回應唔得！咁味比錢囉！比錢又話8達通收唔到$0.5/$1。叫我比現金。我無現金係身。咁咪唔要個包囉！又話唔得！呢d阿姐咁既服務態度，一早就要炒！大袋同細袋有咩分別？我又唔係要多一個！佢話公司規矩。大佬呀！出面落狗屎咁大雨。一個大包用細袋。人都濕9曬啦！更可況個包。

由於今日比較忙，時間相當緊逼，所以我們祇可以喺下午時間去粉嶺帝庭軒商場嘅「銀龍麵包專門店」買幾個麵包食個極速早午餐！我們買咗叉燒包嘅包質都幾鬆軟，甜度亦啱啱好，叉燒粒嘅味道好香甜，而且份量都算多！菠蘿包係做緊$2.5嘅特價優惠，仲要係啱啱新鮮熱辣出爐，所以包質相當軟熟，頂層嘅脆皮好香甜酥脆，而且都算大個，真係好抵食呀！火腿蛋包亦都係啱啱出爐，所以熱辣辣嘅鷄蛋件相當嫩滑，唔會因為擺放咗好耐，而變到硬實實咁，真係好正呀！

今日下午我們喺粉嶺帝庭軒商場附近做完嘢之後覺得有啲肚餓，所以就去咗「銀龍麵包專門店」買蛋撻食，喺等店員包裝緊嗰陣見到有新鮮出爐嘅菠蘿包，而且仲要係當日嘅每日特價優惠麵包，賣$2.5一個，所以我們就即刻買咗嚟食！新鮮熱辣出爐嘅菠蘿包聞落相當香氣撲鼻同好大個，頂層脆皮非常香甜酥脆，包質超軟熟，最重要係每個都祇係賣$2.5咋一個真係超級抵食呀！而蛋撻就係牛油餅皮，餅皮唔會好鬆散，味道好芳香，蛋漿亦好香滑，味道唔會過甜！

包售價偏貴，波羅包6蚊，腸仔包8個半，其他包可想而知有幾貴，種類少，和樓上的山崎面包有得比個價錢，但面包質素一般，服務更加是一般，好像吹人快些俾錢快些走，最常買是吞拿魚包，味道不錯可以一試