銀龍茶餐廳

營業中

休息中

夜晚外賣時間，去銀龍叫外賣。員工非常有禮貌，坐喺度等外賣，個侍應都會拎杯水畀你。咗個乾炒牛河，同埋羅漢齋炒麵，隨餐有有湯餸。乾炒牛河：河粉唔會太油淋淋，牛肉好腍身，份量唔算少都足夠，色澤幾靚，味道有水準。羅漢齋炒麵：麵/底夠脆身，羅漢齋材料都幾豐富，有豆腐，芽菜，木耳，紅蘿蔔片，菇，腐竹，時菜，個汁嘅稀傑度適中，撈麵食好正！紅蘿蔔粟米湯都好夠味，好飲。

吉列魚柳又薄又細，細薄唔緊，要但炸得又鞋濕濕，從未試過咁難食的炸魚柳，味道真係極差評!咁差味道應該話俾大家知，絶對唔會有第二次幫襯!服務還可以，應該係生意麻麻，星期日都座唔滿。

晏晝喺佐敦附近行街，見有小小肚餓，經過白加士街間銀龍茶餐廳，就入去食個下午茶。原來銀龍喺香港都有成半個世紀，而家有廿幾間店舖。呢間分店地方濶落又乾淨，坐位都幾多。攞個餐牌嚟睇，有少少頭痛，因為有好多選擇，好幾樣都想食，卒之叫咗元貝福建炒飯同熱奶茶。先嚟茶奶茶，味道香濃，冇苦澀味又夠熱，唔錯。至於碟元貝福建炒飯，份量唔細又足料，加埋個炒底，直頭係大廚級嘅質素，又夠鑊氣，唔怪之得可以屹立咁耐同咁多間分店，下次一定要試吓其他嘅炒粉麵飯。

今晚有飯局,lunch就去佐間茶餐廳食,入到去太多選擇,叫佐常餐C~鮮茄濃湯稻庭烏冬🍜喜歡它濃濃的新鮮蕃茄淆製湯底,好夠酸甜味!又醒胃!稻庭烏冬今次比較淋,但質感都算幾滑,嗦晒湯嘅味,加上裡面有些菇及蟹柳兩條,感覺好似健康D😅吉列豬扒炸得幾乾身,食落都有肉味不會死實實,都ok嘅🤤餐飲要佐即磨咖啡唔使加錢👍員工服務態度都幾好😂