銀龍粉麵茶餐廳 (已結業)

肚餓，最方便就係去茶餐廳醫肚。頌富輕鐵一出行幾步就到銀龍，夜晚10 點幾都未收，即刻心心眼！(收11pm) 酸辣雲南雪菜米線，走辣！雪菜新鮮，與湯底混埋一齊好夠味，未食豬扒已經好滿足！已切件豬扒好方便，唔使自己切但有點失望的是豬扒較"鞋", 除了近骨位置係林d 之外。芙蓉蛋飯，一貫的配菜：叉燒，火腿，雪藏蝦仁，葱。蛋面脆脆o地，蛋心半生熟，恰到好處，食得出的鑊氣！流d 蛋漿出o黎撈飯，好正！各款配菜都唔少，估唔到就收舖，廚師都冇馬虎，抵讚！

星期六晚係天水圍過左晚飯時間，選擇唔多又想食港式餐，故選了銀龍。甫坐下發覺此區物價指數稍高。點了西餐羊脾扒套餐，連餐湯及飲品。不知是否已夜，等了很久上湯，又等了一陣才上主菜。去新的茶餐廳，必試熱奶茶，看看不同師傅手勢，此處茶味夠濃，而奶不會太多，可以一試。羅宋湯如果稍為熱些就更好。羊脾扒不會太蘇和太肥，黑椒汁D黑椒好香，如果D汁熱少少更好。

喺附近見完客，見未食飯，就喺商場搵地方食完飯先返公司。第一次幫襯銀龍，一睇個餐牌，嘩，好似樣樣都好唔抵食，最平叫碗魚蛋粉都 $3x，仲要唔包飲品。點叫得落？唔怪得可以咁高薪請清碗工啦！於是，我見樣樣都係咁貴，就叫咗個素菜粒炒飯 ($48)，貪佢樣樣素菜都要切粒炒，當食佢刀功同功夫啦！材料有菜芯粒、小棠菜粒、甘筍粒、蛋炒飯，顏色又紅又綠又黃，係幾靚嘅！食落菜粒都好爽口，飯粒亦鮮明及有咸香 (我諗係味精，食完有少少口渴)。由於飯係散叫，我就加咗 $20 要杯凍檸賓。凍檸賓無咩特別，在此不談。雖然食物味道唔差，但都未必會再嚟，因為實在唔值呢個價！

今天又再一次同老公出街食早餐，係我地岩岩起身既第一餐，所以叫早餐，今次黎到天水圍天富商場，其實商場內都有3間快餐型式既食堂，都係我常去既，今次決定選茶餐廳食，銀龍餐廳因岩岩起身，所以都點左d湯粉麵試下，我點了肥牛既酸辣湯米線，老公點了常餐沙爹牛肉麵配迷你豬仔同奄列，冬啡同熱啡個酸辣米線份量都算ok,夠熱，但係酸辣果放面就未合我口味，酸辣果樣野係肉碎加酸菜同雪菜果類，唔夠酸亦唔夠辣，不過味道都ok

食常歺今次第一次在銀龍叫常歺，客人多，流量快，只坐圓櫈，不是太舒服，亦有car位，不過car位等，我叫了個A常歺，都要$40，好似食早歺，首先是搽了牛油的歺包配火腿奄列，味道一般，接著是沙爹牛肉片公仔麺，有微量沙爹味和小小甜味，接著是歺茶，我選了咖啡，咖啡要加2包糖，否則比較苦澀。

銀龍最出名是魚蛋!!! 嗰然無錯!!! 其實我時不時都幫襯佢, 所以就推介比大家佢地嘅潮州粉麵!!! 魚蛋非常彈牙和有魚香味!!!! 佢地嘅四寶是我的最愛!!! 魚餃和墨魚丸的味道也很好!!! 河粉好滑又唔會碎濕濕!!! 不過我就喜歡米粉多D! 大家不妨去試下!

星期六,頌富商場內的餐廳選擇不多,只好依舊到銀龍吃早餐吧!雙拼厚多士餐($20)厚多士哄了底,「卡卡脆」呢!配上煉奶及花生醤,不錯!炸魚柳早餐($29)等了半小時,早餐時段都過了,炸魚柳才來,原來店方「堆單」,一次過出餐,令人憤怒也!魚柳即炸,魚味十足,很香脆!配上火腿及炒蛋,倒是不錯的!跟餐的鮮油厚多士也很香脆,牛油味很香濃!熱奶茶、凍檸茶($+3)茶味算足,收貨!廿九元一個早餐,算昂貴,但出餐時間耐,不值此價,「OK」是因此而給的,6.5/10分!

天水圍無咩好揀, 咁就揀銀龍吧!!以前食過d粉都幾正...記得仲好似post過呢個舖好評tim....不過今次真係忍唔住要講講...我係唔會再去呢間野食小菜既.....話說叫咗個二人套餐..有兩餸, 一小食, 兩湯, 兩飯, 兩茶...好似$148左右.....本來想叫清蒸海上鮮...但得紅妯同盲糟, 唔值呢個價...於是叫了中式牛柳+啫啫豬潤滑雞煲..先黎個小食, 係椒鹽豆腐, 賣相跟味道不俗..之後主角出場...先黎啫啫雞煲...wa, 好大煲...心諗都幾抵食..老公先試豬潤, 話個味道幾特別, 不錯...到我食啦...wa吐都吐唔切...舊豬潤居然腥架囉..俾老公試試, 佢話同佢之前既唔同, 佢都吐咗...第三舊依然係呢個味...至於雞就無特別..中式牛柳, 我一向無興趣, 試咗一舊..無味既..總之, 呢間野既小菜真係唔可以再幫襯!!!

今日放假黎左家附近E間銀龍我同老公2人我老公叫左個牛扒煎蛋飯D牛扒係就係林,不過一D牛味都無......好似肉片咁好彩我叫既係牛肚河份量都好多湯底又夠濃好好味最好笑既係我同老公坐2人台個樓面問我地係咪一齊笑左

又一餐外賣，有時真係凍到唔想出街。鬼叫天氣凍得黎又唔想煮野食，叫外賣已經變左慣常既解決方法。不過呢日想試下常餐，睇下個質素如何。今日有食神保祐，大約半小時，個外賣已送抵小弟家中。常餐就有兩款，第一款係稻庭蕃茄烏冬配雜菜餅及吉列豬扒各一件。個烏冬其實無乜特別期望，但估唔到都做到我預期既爽口彈牙。隻烏冬唔係特別既上等貨，但呢度可以交到咁既質素，實在難得。而烏冬既蕃茄湯底，茄味好濃。味道真係有番咁上下，絕不欺場。此外，果兩件炸物既味道唔錯。炸豬扒唔會炸得太乾，都仲有肉汁。而我比較喜歡個雜菜餅，裡面有薯仔同菜絲。感覺上無咁肥膩，而且無乜地方有得食呢隻雜菜餅。另一款就有蜜餞雞肉串及白汁煙肉意粉，呢款既味道都唔錯既。雞肉串雖然係普通貨色，但加上小小蜜汁。味道就無咁滯同帶小許清新既感覺。整體上個雞串都幾好味，只嫌兩串有唔夠喉。而個意粉就普通左小小，白汁既份量略嫌不足。對於撈意粉就有點難度啦。而配料就無乜特別，只係普通既煙肉同火腿。雖然呢個配搭唔會難食得去邊，但我覺得有點兒普通得很。呢個常餐比我預期既有驚喜，而且價錢以而家既物價尚算合理。如果比我揀，我會再食個稻庭烏冬既常餐，始終都係呢個吸引。

以前銀龍給我的感覺, 總是比一般茶餐廳貴~所以好少會幫襯~但依家搬到了天水圍, 在選擇少的情況下都幫襯了幾次~在OPENRICE~當然要講講他們的食物吧~記得吃過豉汁蒸白鱔煲仔飯~熱辣辣~份量亦足~好食!!!另外, 叫了碗魚蛋粉俾BB~魚蛋粉的好食程度, 我都忍唔住痴了兩口~$22~確實抵食!!!後來聽老公講, 原來呢度出名的是魚蛋粉跟牛什~下次定必試試牛什!!!其實整體銀龍都不是比其他茶餐廳貴很多~相信我應該會一直幫襯啊!!!

一個星期後，再叫番呢度既外賣。今次就叫第二樣野食。呢次都幾快，都係四個字到就送過黎，我既角度都算唔錯。呢個時間都算合理。龍蝦汁雞扒飯我印象之中，龍蝦汁係有小小苦味但又會有鮮味既感覺。呢個汁都做到我想要既效果，但我覺得好似係再加上上湯再溝既感覺。點都好，個汁都俾到我唔錯既印象。但要彈既係，個汁既份量偏少，連撈飯都唔夠。不過，咁會健康既，因為醬汁既鈉含量真係幾高架。而個雞扒同上次食便當既感覺差唔多，個雞扒都唔算太韌。唔錯唔錯。而個飯就韌左小小，但都可以接受既。凍奶茶個茶味同上次飲既依舊香濃，唔知係唔係用黑白奶沖既呢？因為我覺得有種似曾相識既奶茶味，係黑白奶獨有既。其他brand既淡奶係飲唔出架，真係好好飲。呢餐都算唔錯，個飯都算幾好食。咁既價錢叫外賣都幾抵，因為呢個飯都幾特別，如果可以有個例湯飲就更好啦。

有時候，真係連街都唔想出。就索性屋企叫外賣，叫呢間既原因有幾個。佢一定會送過黎我果度，有茶餐廳會因為地理因素而將我既order拒諸門外。此外，呢間茶餐廳俾我既感覺都算幾抵食，所以先會叫佢地既外賣。今日唔知食乜好，就叫個肥牛雞扒定食。紅湯呢個定食就有個例湯既，叫紅湯呢個決定真係無錯。因為佢地既湯料都幾足，飲落又有小小辣椒仔既味道。可見，真係唔只例湯咁簡單。我真係好耐無飲過咁好飲既例湯。肥牛雞扒定食個look好似日式便當咁既樣，個賣相都唔錯。個前菜係兩件炸茄子，個粉都唔算太厚。都算唔錯，個茄子幾好食。而個飯都算夠熱，而且唔會太淋或者太硬。而個肥牛得幾件，都唔錯啦。雞扒既份量就多小小，唔算太韌。整體上都食得過。但我覺得個汁就鹹左小小，不過用黎送飯既就不成問題既。凍奶茶食完飯之後，飲番杯凍奶茶。茶味好濃，而且夠冰凍。整體上都係幾好。呢餐都唔錯既，整體上野食都好夠熱。做到外賣既要求，下次再有機會既都會叫呢度既外賣架。

曾幾何時師傅都幾鍾意黎呢間食店, 曾幾何時呢間食店都算得上黎師傅嘅飯堂, 曾幾何時師傅又冇黎呢間食店, 何解? 八個字黎形容, “份量甚少, 價格偏高”! 但早一個星期師傅唔知點解忽然間想黎多次, 或者可以咁講係想寫下而家呢間食店嘅水準, 於是就黎左呢間食店吃個晏仔!入到去食店都依然幾多人, 冇辦法啦呢頭選擇始終少, 入到去坐底後即刻睇下有咩野食, 望下午市特餐, 吸引程度真係一般, 但看勻全場呢個餐應該係最抵食, 皆因有湯有飯有餐茶, 所以最後師傅就柯打左個三仔, 係日式燒肉汁煮肥牛大碗飯, 而餐湯就揀左羅宋湯, 餐飲就當然係凍檸茶!等左一陣羅宋湯率先登場, 一望埋去羅宋湯份量甚少, 唔係一碗湯, 係一兜仔湯, 個份量少到令師傅覺得好似乞咁, 味道酸酸地唔辣, 飲完亦算太開胃, 幸好d湯料都煲得夠腍, 可以啦; 飲完湯日式燒肉汁煮肥牛大碗飯就擺左喺師傅面前, 嘩! 好大碗呀, 真係好大個碗呀, 但內裡就少得可憐, 呢碗飯真係三少一多呀, 肥牛少飯少同汁少, 反而師傅唔食嘅洋蔥就最多, 絕對攞膽! 肥牛都算幾鬆, 不過得幾件, 真係到喉唔到肺, 而白飯就幾乾幾硬, 汁底味甜甜地, 但唔

其實茶餐廳的價錢，都比其他的貴…牛雜河($23)味道一般，很多都煮得不夠腍…牛腩河($23)牛腩份量少，而且很碎……牛腩味不重…雖然是茶餐廳，但這裡的服務也應該要改善一下…