銀記泰豐味 (已結業)

觀塘飲食日誌 day 2明明白白是以泰國菜做主打但偏偏叫了蕃茄焗雞扒飯賣相ok雞扒不過不失不過茄汁味有點怪有少少化學味不過出事係飯雖然係炒飯底但中間夾雜好硬嘅飯有點似飯焦但唔香唔脆但又應該不是煮唔熟不過下午茶呢個價錢（雖然份量夠大）熱飲要加三蚊有點點貴

今日同個同事去幫襯 難食到一個點 懷疑人生！ 點解都咁多人幫襯？ 服務態度又差「午餐定食」得個名 唔包飲品 重點唔平！ 想飲野！ 熱飲+$3 （但餐牌無講）食材又差 粉河 湯米粉 以為安全 但炒河粉可以散晒！ 湯米粉既米粉散到一斷斷 比BB食都無咁散！ 咖喱飯都難食～最基本 叫一個椰青 都可以難飲！係根本性問題！ 採購既食材都唔新鮮 點煮好野食？貴又吾抵食 服務又差 伏一下 已足夠！提醒大家 勿上檔！ 另外 隻杯爛架！ 點解可以唔理會？ 明顯藏污漬啦！ 點飲？

裝修好似茶餐廳，但係其實係食泰國嘢。今次食咗海鮮冬陰功金邊粉，有兩舊青口兩隻蝦少少魷魚，份量都算多，有冬陰功味但係唔算太辣但係價錢都唔平，成$68，而觀塘來講都有少少貴

我今日同個同事去幫襯簡單幾個字可以講完,服務差下午茶唔包嘢飲,唔畀人客改單,食材冇味道差差差工廠區又貴又吾抵食服務又差要改善下經過今次中伏我會同我D同事講吾好幫襯佢哋差差

呢間真係好貴🤨🤨🤨如果抵啲就叫套餐散叫真係好好好好唔抵呀😩💸💸💸▪️香茅肉碎茄子🍆 $10X唔係嘛😐😐😐得個幾舊就要成舊水 值舊水既位喺邊。。食落好死鹹🥴不過好既位係佢有我中意既九層塔同好多肉碎（都幾大粒😂可以話係肉塊）▪️海鮮椰青焗飯 $98我反而覺得呢個唔差！好足料～有兩個大青口、2個蝦、魷魚、如果再多汁啲就好了！▪️燒雞（半隻）$128呢個都ok 不過就偏油！覺得唔點醬仲好味！

行過見到外面嘅餐牌 好似5錯 就入咗去食（夜晚9點幾）呢個時間又唔算多人 d夥計服務態度都好好有兩份餐牌 一本簿果份入面個價錢貴好多 一張紙果份就岩我地多d我哋兩個人叫咗個咖喱軟殼蟹 海鮮麵 串燒 由於小食太貴 所以只係叫咗個串燒咖喱軟殼蟹 個咖喱汁有加雞蛋 即刻好有泰國味道 但味道係甜嘅 如果甜得黎多啲辣 多d椰香味就仲好 但都好食嘅海鮮麵就個湯正 好多海鮮 好大碗 串燒5算好特別好食 跟餐叫咗個椰青 要加$28 貴咗啲 見到廚師全部都係泰國人係唔及九龍城d泰菜但可以一試嘅餐廳

路經幾次見係新茶餐廳，內部裝修頗整潔，座位闊落舒服，所以這晚專程來此吃晚餐。餐牌上的食物種類都算很吸引，不過價錢則不平宜，跟區內一般泰國餐廳差不多。以魚香茄子煲來講，我在同區別間茶餐廳吃，可以省幾十元了。至於食物味道則尚可，就是欠缺了一種會令我回味無窮，有吃過不忘的感覺，沒有驚喜，亦沒有失望。所以呢，食完這次後，我們一家人都不打算再光顧，因為對我們而言，附近同樣價錢的，有更多好的選擇，而且不是茶餐廳格局。如果要寫佢優點，就是以茶餐廳來說，是既新淨又光猛，疫情期間的好選擇。😊

真的沒有下次官塘區食野貴預左，但這間貴得好離譜，午餐唔包野飲都。我2:30叫左個下午茶，$35個雞亦薯條唔包野飲，熱野要加$5，成個餐$40。叫左個外賣盒，俾左個湯碗，單寫$1埋單要俾$2，我問收銀係收$2。真心冇下次

去到巧明街，搵野醫肚，求求其就嚟左呢度😶————————————————————————隨影一張📸————————————————————————泰式香芒炒飯，好似係咁上下名🤭味道一般，無驚喜，亦食唔到嗰種泰式既感覺，好在啲芒果唔甜得嚟唔算酸，當普通飯食就還好啦————————————————————————魚肚羹👎🏻👎🏻👎🏻其實擺幾粒鵪鶉蛋喺度做乜？個人覺得勁唔夾既真心😂食落陣味好普通，都係豉油溝出嚟個款。最失敗既點，其實呢個係豬皮羹🤮🤮🤮一食就知唔係魚肚，仲有真魚肚食其實我係咪諗多左？————————————————————————炒個菜好難整到難食，所以味道都接受既。係賣相爭啲，份量都少啲咁囉。————————————————————————生菜包🥬反而呢個最有驚喜，好惹味👍🏻份量都算公道，呢個係成餐最好食架喇🤫————————————————————————其實以佢既食物質素嚟講，絕對係「貴」！差唔多4百蚊，應該有更好選擇。早知唔懶，喺巧明街街頭見到唔洗再行遠就行左入去，唔會有下次🤝

見佢冇乜人就入嚟幫襯，嗌咗個青咖哩雞飯。咁佢咖喱汁就仲希過水嘅，有少少香味，但係呢就一啲雞味都冇，同埋喎咖哩味都冇。應該唔喺唔係同一煲整出嚟，咁其他蔬菜都係煲唔淋嘅，應該佢啲汁係之後係林上去嘅，成煲嘢唔掂，唔值58蚊

官塘實在有太多野食!!所以要立足到都幾厲害,銀記睇落係間茶記,但就好多元化,最鍾意佢有泰國菜食!!而且真係泰國師傅黎,一食個河粉, 已經知佢咩料!!個湯底真係無得輸,就算無得去旅行, 都食到果種感覺!!至於豬脾, 好功整, 唔會甩皮甩骨咁,件件肉都大大件, 而且鹵得好入味,豬皮好彈牙, 食完連碗湯都飲埋!!

攞住一袋二袋又撞正地鐵繁忙時間，搵個地方坐下，見幾光猛又無咩人就入去，第一次幫襯，個女經理話晚市得呢幾個餐，我叫左個咖喱軟殼蟹飯，熱檸茶，經理話晚市無奶茶咖啡，得椰青，青檸梳打呢啲特飲。咁叫個椰青差唔多成100蚊落樓。我最L慶係發覺其他後來客有湯河粉食，我第一次幫襯就焗我食貴飯。講食評，軟殼蟹好細隻，好油，份量食完唔飽。我好後悔唔行遠少少去其他茶餐廳或太興食頹飯，起碼唔駛俾100蚊兼食飽先。慶到我第一次係Openrice寫食評，呢間銀記，無下次，好𤓓，中哂伏，俾一舊水食唔飽又唔好食。

成日行過，都唔敢入去食，因為見到網上食評麻麻地，同埋個名叫銀記，個名同啲裝修一D都唔似泰國菜，個樣都係一間普通嘅茶餐廳，價錢仲要唔平添，但今日由於趕時間， 冇辦法就入去試吓，竟然唔錯喎！！！我叫咗個泰式咖喱軟殼蟹，我老婆就試咗個泰式炒河，軟殼蟹啲咖喱材料都好足，有中式芹菜，蕃茄，洋蔥，薯仔，啲軟殼蟹都好脆，同埋唔係一鶴油；最驚喜係嗰個炒河，炒得好乾身，冇乜油，仲幾好食。下次我都會再去試試其它菜式！！

呢間新開店已經有一個月多次經過見到有石磨腸粉！上星期日專程同同事來想試、無奈紅日師傅休息當日唯有吃其他早點！今天我們又專登來試大約早上十時許、入到餐廳内剩餘少量座位一坐下二話不說就叫了兩份石磨腸粉餐一個手撕雞腸粉同普通原味石磨腸粉大家分享即叫即蒸，等咗大概五分鐘。石磨腸粉因為一叫即做，所以腸粉非常滑身，而手撕雞石磨腸粉！雞絲份量適中，平均分佈整個腸粉配上特制豉油，加上食落滑一滑，真係好味道到唔停得口。之前都試過有啲布拉腸粉都麻麻地，比較上嚟呢個的確水準以上。呢輪天氣冷、食返啲暖笠笠又健康嘅腸粉真係啱曬整體來講，都幾好，價錢唔貴！服務態度同食物質素都唔錯，要比高分。提外話：石磨腸粉制造過程是先將米在石磨内磨碎再將米和清水混合泡三個小時磨出來的米漿更細膩石磨腸粉由米漿做成粉皮，包卷各式餡料，淋上秘制石磨腸粉醬汁而成其粉皮柔軟而不失彈力，淋在石磨腸粉上的醬汁也是很重要的一點！因為腸粉皮本身是無味的，所以一碟地道好味的石磨腸粉關鍵就在於這上面的醬汁

早上同老婆去完銀行揾早餐食！見到呢間新開就入去試試！不過一入到去冇人招呼，要自己搵位，但張張卡位都坐咗人，有啲唔開心！終於坐低咗喇，其實店舖嘅侍應唔算少！但可能旺接到好多柯打！或者新開未熟手掛！所以有改善嘅空間。不過佢哋都好好禮貌嘅！叫咗蛋治餐同一個腸粉餐！老婆食雞蛋三文治！石磨叉燒腸粉餐可以唔要飲品改跟麥皮！腸粉即叫即蒸 感覺新鮮熱辣辣！師傳調漿粉技術真一流~腸粉皮的確好薄好滑~叉燒餡料都好足一碟切開八件,每件都有叉燒~加上鼓油撈嚟食真唔錯！麥皮大大碗,味道不過不失！食完兩樣都咁健康食物！感覺充滿活力！