21
13
12
電話號碼
2827 7228
營業時間
星期一至日
11:00-03:00
付款方式
Visa Master 現金
座位數目
12
其他資料
深夜營業
電話訂座
加一服務費
招牌菜
串燒 刺身 海燒大蝦 壽司 龍蝦
食評 (50)
等級4 2010-07-08
131 瀏覽
4月16日, 今日來一個小慶祝, 來試一下這間銀菱, 因為每逢來到銅鑼灣, 都見到到處都係佢嘅傅單, 又有咩優惠, 又減價, 又好似好多野食咁~ 感覺好親切, 好似食過好多次咁, 原來今晚才是我地第一次食~::: 野生處女三文魚腩拼泰皇生奄蝦 ::: $120貴貴貴貴貴! 不過又真係好想試下~ 泰皇生奄蝦有6隻, 有濃濃嘅綠色物體浸住, 應該係生薑蒜蓉, 因為未食已經好大陣味~ 本身都有食過泰式生蝦, 不過一定冇呢個咁辣! 先喺味蕾前端會食到甜甜酸酸, 非常醒胃, 但係一吞咗之後d辣辣痺痺嘅感覺先出黎~ 勁嗆喉同埋嘴唇有麻痺感, 真係好辣好辣, 就算蝦有幾鮮甜都食唔出… 蝦咬落係好新鮮同彈牙, 不過為求食到佢嘅鮮味, 都係抹走d薑蒜蓉先食會好d…野生處女三文魚腩有8件不過係好細件嘅, 色澤光鮮, 膏同肉都層次分明, 一口咬落都算肥美, 筋比較多咗d, 不過都達到入口即溶嘅效果~ 比起泰皇生奄蝦呢個好食好多, 不過食唔出處女同唔處女有咩唔同…::: 壽司拼盤 ::: $55喺指定款式自選5款, 每款有2件~ 當然一d貴少少嘅壽司係冇得揀… 首先壽司係可以話細件, 大慨只有正常2/3. 其次紫菜好淋, 應該放咗好耐, 再三壽司飯過酸, 最差係帶子壽司, 哎落有d似膠, 完全冇帶子質地… 食完未飽已經想走…::: 串燒拼盤 ::: $55因為唔想再搵其他野食, 同埋本身都好想好想試真呢間野, 就試埋佢d串燒啦… 呢個串燒拼盤配搭係冇得選擇, 有8串, 好食嘅有牛舌, 雞軟骨, 但係難食嘅居多, 包括豆腐極乾又硬, 銀杏同鵪鶉蛋都麻麻地….食物種類都真係好多, 又可以左拼右拼, 自由度好大, 所以可以淺嗜多d款, 例如處女三文魚同埋泰皇生奄蝦真係少見~ 但係除咗佢地貴價嗰d味道ok之外, 其他如壽司同串燒都質素差劣, 變咗顧得頭黎又顧唔到尾… 如果唔係因為唔想再搵第二間食, 我地都唔會叫串燒拼盤… 除非想黎試佢地嘅貴價野, 否則都可以免除一試… 繼續閱讀
(以上食評乃用戶個人意見 , 並不代表OpenRice之觀點。)
夜晚同女友又去咗登龍街搵食,不過今次唔係食泰國嘢,而係試吓哩間大排檔feel嘅日本餐聽。店內牆上貼滿餐牌,裝修毫不講究,燈光較暗,而店員都係泰籍或菲籍人士。可能未夠六點,時間尚早,店內沒有其他客人,我同女友睇再陣餐牌之後準備落order之際,泰/菲籍侍應姐姐見我哋叫三文魚刺身同海膽,於是就建議我哋可以叫個一板海膽拼三文魚刺身同日式咖哩飯餐,佢用有限嘅廣東話話叫個餐抵d喎,好啦,就信佢啦!,另外再加多一個什錦魚生飯~日式咖哩飯:一個字 - "流"!,真係物如其名,日式咖哩加個飯!咖哩汁香,但太"杰",薯仔煮得夠"淋",不過真係太寡,純粹係用嚟頂肚! 一板海膽拼三文魚刺身:海膽食唔到甜味,但亦無苦味,不過不失,一般新鮮,因為擺耐少少開始見到水水地,而且份量真係好少; 至於三文魚刺身有十片,不太厚身,色澤算係新鮮,食落都ok嘅! 什錦魚生飯:材料有蟹柳、八爪魚、甜蛋、甜蝦、墨魚(各兩片)及三文魚(四片)等,除咗d飯,份量算少,不過除了三文魚刺身細片又唔新鮮外,各樣材料都算係新鮮,味道都係不過不失啦! 哩餐食得好飽,除咗因為女友食咗好少就話飽之外,大部份原因係食咗好多飯!總括嚟講,哩間舖頭一般般,試過一次夠嘞,唔會話特登再去encore~ 繼續閱讀
(以上食評乃用戶個人意見 , 並不代表OpenRice之觀點。)
等級1 2009-09-19
34 瀏覽
估唔到食日本野都可以咁平。但係d野食麻麻好食。叫佐一set 98蚊ge。有三文魚,串燒拼盤,三文魚腩鰻魚汁炒飯。得個飯好味,可能由於3點幾先食中什飯肚餓得濟。睇到個場好似唔夠幹淨。野食又唔新鮮。 繼續閱讀
(以上食評乃用戶個人意見 , 並不代表OpenRice之觀點。)
(非會員) 2009-08-30
17 瀏覽
夜晚睇完子華talk show行到去登龍街就入左去叫左$128個set, 點知頭盤三文魚+其他刺身勁唔新鮮, 又少, 每樣得二片!!跟住嚟個日式咖喱飯, 個咖喱根本唔係日本咖喱, 裡面仲要有蔥, 又超細碗!食完呢兩樣, 等左好耐個串燒拼盤都未嚟, 隔離枱仲要食煙, 火都嚟!!最後個拼盤嚟到, 得鵪鶉蛋, 雞軟骨, 雞腎, 冬菇, 牛舌, 薯仔, 白果, 豆腐, 全部都係平野!!埋單最後仲要加1, total $141!! 可惜我覺得$41都比多!!離晒鐠!! 以後都唔會再去!! 繼續閱讀
(以上食評乃用戶個人意見 , 並不代表OpenRice之觀點。)
等級4 2009-03-24
18 瀏覽
今日同同事叫外賣~今次佢吔有新意思 ~ 就係日本嘢呀30 蚊一個lunch box叫咗雞翼,金菇肥牛卷,多春魚呢度個飯好大碗呀~ 好足料~ 而且用珠珍米丫~ 好好味呀~雞翼同多春魚都好味~ 不是太油果種..啱晒口味丫仲送嘢飲呀~ 但我叫咗紅豆沙...(可惜只有半碗喳....) 繼續閱讀
(以上食評乃用戶個人意見 , 並不代表OpenRice之觀點。)