銀杏館

支持長者就業, 之前有食過將軍澳店, 感覺及味道都唔錯, 因為每間店都有不同特式, 今次就來試下油麻地店的古早味 食物 : 梅菜扣肉 $58, 三杯雞 $48 ~ 叫咗主菜就去睇下自助區有咩食, 食物種類唔多, 沙律好新鮮, 蘋果沙律幾好食, 另有中湯/粥/飯/糖水/飲品可以任添, 味道正常, 返到位等咗一陣就有主菜到, 梅菜扣肉好淋, 三杯雞夠入味, 以這個價錢都算唔錯, 整體味道正常 環境 : 當天有很多人等位, 店內地方都算大, 環境都算唔錯, 當天坐二人位, 都算舒適 服務 : 店員有禮貌, 留意要先在問口取號碼等位 費用 : $106 (無服務費)…查看更多

今日興致勃勃同哥哥去幫襯社企， 牛尾超甜， 不適合關注血糖的人士進食， 食到差不多尾聲的時候， 突然發覺有隻大強😅🫩喺我左邊😂🤣 唔緊要間間餐館都有大強🤪🤪But 望清楚啲梳化邊🤯 小強各自生活， 你有你的忙碌， 小強有小強的生活🤮OMG, 之後同經理反映， 經理只回答:我哋會注意一些🫣 然後冇再回頭😵 也沒有回來幫我殺大強及小強😵‍💫☹️ 最基本都畀多少少誠意及反應我， 等我覺得呢間餐廳有大強和小強不是應份的😅 永遠不會再去🤨…查看更多

今次第一次嚟銀杏館食晚餐，真係有驚喜😊😊呢度啲叔叔姨姨侍應生非常有禮貌🥰🥰因為今日正值十素日我都要食素本來諗住來叫羅漢齋麵點知原來呢度有一整個素食餐牌真係非常驚喜門口仲有寫住好多唔同種類嘅月餅賣呢度夜晚仲會有駐埸歌手唱歌添如果全台食素食，全張單都會有七八折嘅優惠我叫咗呢個日後炸豆腐外脆內軟，加埋甜酸醬非常惹味我再叫咗呢個乾燒炆伊麵…份量超十足呢度真係好多人支持，未夠6:30已經坐滿人，最重要係需要訂位嘅不過經理今日都好好，我冇訂位都可以俾我入去食飯都係一個唔錯嘅體驗…查看更多

知道銀杏館有早茶後，一直都想嚟食，剛好朋友從外國回來，我哋在尖沙咀海旁晨運後，就即刻去嘆個早茶！燒賣～1件$9，用一個細細的蒸籠裝，好cute🥰， 餡料有豬肉，蝦，冬菇，蝦子，燒賣屬於結實形，餡料多，大大粒，味道適中，不濃味，鍾意食燒賣嘅我，要俾個讚師傅👍.蝦餃 ～ $1件$9，肥嘟嘟坐在蒸籠內，蝦仁新鮮爽口，蝦餃皮屬於厚皮，不濃味，蝦餃做得非常有水準，一定要試.潮州粉果 ～1件$9， 一般粉果的餡料，但餡料內加了一種香料味道，我同朋友都食不出是什麼香料，覺得是屬於香草類嘅味道，跟我哋食開的味道不同. 鳳爪排骨飯 ～$18，細細碗，鳳爪及排骨份量相對多，調味不濃，飯的份量相對外面酒樓是少啲，我和朋友都是飯筒，覺得這個飯做得好好味.馬拉糕 ～ $9，大大件，唔會太甜，略嫌鬆軟度不夠，屬於飽肚實淨形. 醬黃蒸鳳爪 ～$22正常鳳爪一碟，不濃味，多花生配菜.茶位 ～$1/位，有香片及普洱兩個選擇，茶葉及熱水放在餐廳的一張枱上，自己去沖茶. 我哋選了香片，茶葉香，質量唔錯. 職員姐姐好好人，好有禮貌解答問題，佢哋的點心不落味精，全部由老師傅做. 期待下次再嚟飲早茶，試埋其餘點心😊.…查看更多

今晚跟朋友到這裡晚飯，點了一個燉湯2人餐。意想不到碟碟超大份，前菜沙薑豬手片，份量也是一個正常小菜的。每味菜的味道也可口。還有uncle 在演唱民歌。甚是驚喜。若大家也想支持社企，支持長者就業，可以試試。…查看更多

之前一直久聞銀杏館之名，但都未有機會嘗試。今次終於來到銀杏館吃午餐。我們一行三人11點多到達，入座率已達9成9，我們幸運地攞到最後一張枱，不用等位。點了乾炒牛河，古法咕嚕肉及蟹籽肉丸。每個餸都唔會過佰，仲有包埋自助沙律吧。食客可以自助攞沙律菜、薯仔沙律、白飯、地瓜、花生、湯、糖水茶、羅漢果汁、咖啡和水果等。蟹籽蒸肉丸味道就麻麻地，但其他兩道都正常好吃，。河粉不會很油，牛肉亦不會柴口。咕嚕肉軟硬度及酸甜度適中，整體來說，味道還不錯，且價格相宜，值得再來支持！…查看更多

一行五人到油麻地銀杏館晚餐，知道這裡有live music 及社企長者主理，食評又好，所以一試！原本約了6:30pm, 六點到已可入坐！點了4人餐，嘩！多款式，可叫4盅炖湯，2碟前菜，4碟主菜，有綠悠咭又可$2優惠小碟！服務的姐姐，哥哥非常好禮貌，又有幹勁！主菜原來非常大碟，4人餐食到抱住肚走，又2盒拎走！連吃甜品都沒有肚裝！live music Albert 由6點唱到9點，每枱生日也必獻上生日歌！他的舊歌非常好聽，完全不覺嘈吵，很有氣氛！勁推！！！！！…查看更多

食肆位於舊樓,有啲難揾,一行五人,下單6個餸,包括菠蘿咕嚕肉、豆腐煲,蒸魚,椒鹽九肚魚,雞及油麥菜。超贊椒鹽九肚魚,外脆內軟,調味適中。鮮菠蘿炒咕嚕肉都好好味。雞、魚和菜都好新鮮,味道很調和。全部職員服務態度良好細心,現今香港難得的消費經驗,讚！讚！讚！…查看更多

樣樣都好食，我自己覺得我地叫咗啲嘢裏面特別出色有梅子鴨、 炒麵、小炒王、有機薑炒有機芥蘭（餐牌系咁寫的）。不過其他都好味道：蘿蔔牛腩，還有燜豬手、蒸鳝、苦瓜燜倉魚、 墨魚餅（樂遊卡優惠）。經理話炒飯更出色！今日叫咗好多味，而份量好足，所以為有下次再來食和聽！大家下次聚餐可以考慮銀杏館（油麻地店），好值得支持嘅社企：好食、抵食、氣氛好、銀髮好歌手自彈自唱（可以點唱）.....正❤️有樂遊卡重有優惠，服務又好，超值！下次聚會一定要再支持！…查看更多

三五知己特別選擇了支持長者就業的社企《銀杏館》來慶祝生日。第一次幫襯油麻地店，懷舊的裝潢設計，加上有長者歌手獻唱懷舊歌曲伴餐，撇開食物質素，已叫年長客人懷緬一番了。持有樂悠卡可享$2小食，六位更獲雙份。我們六位只點了一個4人套餐，包括有燉湯、前菜小吃兩份、主菜和炒有機蔬菜。意想不到$2優惠和前菜的份量與主菜相等，即是4人餐就有8餸1湯，原本還想加多份孖寶和板沙芋，最後都放棄，吃得飽飽了。整體餸菜品質不錯，尤其是前菜豬手薄片、燉湯、招牌碌鵝和醬油雞。可能是我們的味覺不專業，碌鵝、油雞和鵝掌的茨汁略為接近，多食便太咸味，下次要轉食其他菜式，例如九吐魚和咕嚕肉啊！埋單1300蚊，抵食兼達到支持社企目標，值得推薦。長者侍應手腳反應可能慢少少，但他們殷勤有禮的招待，值得尊敬的，還有點不好意思要長者服侍我們這幾位比較年輕啲啲的晚輩哩！…查看更多

每晚都有live music, 喜歡聽歌既朋友應該會很開心:)唯一一個唔好既係餐廳地方不大, 音樂略為大聲, 如果要傾計就要好大聲講對方先聽到食物好有穫氣，睇得出係即叫即整，每碟一上枱熱氣騰騰，炒硯好惹味，完全無沙，又好足份量，真係值得一試另外有個松子仁海爐魚，醬汁配搭得宜，甜甜地好開胃，而鐵板菇菌炒雞肉呢個係招牌菜，有少少辣，同樣係幾惹味，但對於菇既期望本身少少高，但呢個就一般般，有少少失望整體而言，好滿意食物質素及份量，更重要既係支持長者就業同社企營運，希望有更多人欣賞小店既食物同精神啦！ps: 有樂悠卡既話，午市、晚市主菜單食物有85折（套餐除外），另外滿指定消費仲有額外一份食品贈送，我地當晚送了煎墨魚餅順帶一提，呢度有仲茶位，每人$8，另外有加一收費，下面有一些餐牌俾大家參考一下…查看更多

門面用咗霓虹燈燈牌超復古超靚❤️‍🔥餐廳入面嘅裝修都好有格調好多唔同款嘅中式小菜可以揀味道都唔差😋😋😋啤酒總會連埋個戰鬥碗俾你勁盞鬼！！最特別都係有駐場歌手彈住結他唱民歌成間餐廳非常有氣氛❤️‍🔥三五知己過嚟食小菜啤啤佢一定超正銀杏館旗下嘅咁多間餐廳最吸引一定係呢一間佢哋依然係主打長者就業 有機蔬菜等等能夠將復古懷舊同埋新時代嘅特色合併一齊我可以話呢一間完全係「食環境」「食氣氛」當然嘢食都好唔錯…查看更多

今日同老爸搵個舒服的餐廳食飯傾偈，原來我老爸一早已經知道《銀杏館》呢間社企，咁就直接約咗佢係餐廳樓下集合啦！離遠望到我老爸喺地下門口，望咗好耐都唔敢上樓，因為條樓梯做緊工程，我就帶佢入大樓搭𨋢 。餐牌食物選擇好多，因為心大心細，直接叫咗份「二人套餐」，有2個湯、1個小食、2個主菜、1碟有機炒菜 。套餐我哋三個人食，後來再額外加多個餸，到最後都係食唔晒要打包 。埋單嗰時先知，原來長者咭仲有折扣優惠🤍豐富的晚餐！…查看更多

银杏館面世時，已經知道佢的理念，只係一直只幫襯銀杏士多，未有機會嚟餐廳食嘢。今次朋友揀咗呢度，貪佢有肉有菜，作為聚餐地點。我哋4個人，點咗1個2人餐，跟餐加咗1客甜品，另外點咗2個小菜。五指毛桃百合海底椰陳皮湯：帶海底椰香味，湯渣有雪梨同少量豆，湯比較清，味道唔錯；餐牌上的單點售價係$98，侍應話份量同二人餐無異，供1-2位用，而這款湯品（已煮）喺銀杏士多有售，仲平好多添（$2x）鮑魚花膠響螺淮山杞子燉老雞：朋友讚味道幾好，湯料比素湯多，睇落足料脆皮豆腐：脆皮薄而酥脆，但同豆腐分離，而且冇乜味；附上泰式甜辣醬，可能要點醬先夠味白灼芥蘭：菜幾嫩，唔多渣，冇苦味，佢係連菜花一齊白烚素XO醬木耳香菇炒蓮藕：食唔出XO醬的味道；食材多樣，有西芹、黑木耳、蓮藕、蓮子、馬蹄、珍珠荀同雜色甜椒等，材料新鮮，味道清新牛柳粒炒蘆筍：蘆筍好嫩，係幼身、細條的品種；炒得香口，仲有少量雜色甜椒同洋蔥塊清蒸珍珠斑：蒸得啱啱好，易起肉；朋友話魚有啲腥，最後食剩咗1/4條醬油雞：上檯時已經聞到好香，朋友話雞件滑；有半隻雞，最後食唔曬而打包咖啡雞蛋布甸：2人餐+$28可以加選1客（原價$48）；布甸質感又滑又濃厚（可能蛋黃多）；喜歡焦糖的焦苦甜味，層次豐富；咖啡味唔重，有好有唔好，好處係抗拒咖啡的朋友都能夠接受到整體而言，除湯以外，2人餐的所有菜式份量都異常大，夠3-4人享用，建議加選甜品，因為實在好味。餐廳環境舒服，尤其兩側有卡座，幾有特色。餐廳只供應常溫水同熱水，飲茶要額外俾茶錢。一班長者侍應好友善、賣力，會非常頻密咁留意我哋的進食速度，但係有啲過於頻密，會有壓力，食剩又會好似屋企人咁問點解唔食，不過，個感覺都係正面既。原本現場演唱好正，長者歌手亦唱得好好聽，但音響實在太大聲，好嘈，都幾影響傾計。會員有85折，埋單除開每人~$200，食到勁飽，hea足4個鐘，仲有食物打包，再者間接幫到長者群體，性價比超高，會再幫襯。…查看更多

🍽️食物方面： 🐷沙薑豬手飯💲148出色濃味嘅冷盤 叔叔話我哋識食🪿豉椒鵝腸💲118少少鹹啱送飯 有3色椒💥香江小炒王💲128有魷魚,叉燒,韭菜,芽菜,脆嘅芋頭絲🥬銀杏腐竹杞子浸有機菜💲138係浸淋咗嘅炸枝竹 湯幾好飲🍚闊佬炒飯💲148唔好食 飯偏硬 1隻鮑魚,瑤柱,叉燒,蝦米🎂切餅費 人頭收💲10 好佛心📷打卡方面：有貼紙寫住薑越老越辣🔈環境方面： 好易行過龍miss咗棟大樓入到去要行樓梯有live聽但好大聲有曲奇/芝麻糕/醬料賣💬其他資訊： 銀杏館 📍油麻地彌敦道385號平安大樓1樓20號舖💰收+1, 人均💲200ℹ️Down app做會員 主餐牌有85折…查看更多