影片
港鐵深水埗站 C2 出口, 步行約6分鐘
繼續閱讀
電話號碼
27788966
營業時間
今日營業
07:00 - 15:00
18:00 - 21:30
星期一至日
07:00 - 15:00
18:00 - 21:30
以上資料只供參考, 請與餐廳確認詳情
影片
相片
301. 秘製排骨飯 $8
+114
+29
食家推介
1蚊杯羅漢果茶、2蚊碗白粥、3蚊個菠蘿包、5蚊碟有機時菜、8蚊碗秘製排骨飯，你冇睇錯，真係平到你唔信！😱知道銀杏館在深水埗開了新店，便決定過去試吓，看過餐牌後，叫了白粥、羅漢果茶、熱奶茶、菠蘿包、雞尾包、有機時菜、豉油皇炒麵，埋單兩個人都只係$29；雖然食物水準平平，但絕對唔難食，最緊要分量不會太少，而且沒有茶介及加壹服務費；看得出完全是食物的成本價，連煮工都沒有計算在內，真係為街坊謀福利的良心企業！👍🏻早午餐是專為有需要人仕享用，當然有興趣的，你都可以去試吓；但如有能力，我建議你們可晚上去幫襯，這裏有「老師傅私房菜」，價錢也非常實惠，值得大家多多支持！😋資料顯示：《銀杏館》成立於2003年，是香港首間策動長者就業的機構，為有經濟及心理上需要工作的長者提供就業機會，業務多元化，包括餐館、有機農莊、食品製造、餐飲到會、烘焙、長者樂隊、銀髮士多及長者就業中介服務。造就長者就業的同時，讓長者員工能透過不同的工作管道去服務其他的弱勢社群，讓愛流動，是值得大家去關注的！🤗網址：gingkohouse.hk#平過兩餸飯 #平到你唔信 #價錢好似時光倒流40年 #良心企業 #值得支持 #銀杏冰室 地址: 深水埗醫局街203號地下5號舖電話: 27788966
繼續閱讀
今日(4-4-2024 Thur)清明節,同老公專程嚟呢度支持一下,我哋嚟到時都已經幾多人,幸好都重有兩個位,坐低後睇完menu就落單,長者侍應就話叫no.,咁我就照叫no.落單,要咗:7. $1.00嘅牛蒡茶熱騰騰,味道唔太濃.3分4. $10.00嘅豉油皇炒麵份量唔算少,鹹淡適中.3.5分1. $5.00嘅茶葉蛋要兩隻好耐冇食,所以見到就要,呢個一食就覺得好好味.5分8. $1.00嘅玄米綠茶呢個冇咁熱,味道唔夠.2.8分5. $10.00嘅是日老火靚粥,係火鴨絲生菜粥大大碗,火鴨絲份量唔算少,味道都滲咗落啲粥喥,成個粥都OK.4分6. $10.00嘅婆婆靚素湯,係蟲草花猴頭菇蓮子百合腰果湯放低時,戴眼鏡,頭髮有啲鬈嘅女侍應提醒我哋小心熱.呢個味道清淡OK 嘅.4分3. $10.00 嘅南乳炒蓮藕蓮藕爽口,但我覺得太鹹.1.5分2. $5.00嘅滷豆腐呢個係我聽到戴眼鏡,頭髮有啲鬈嘅女侍應答隔離座位嘅亞伯時話好食嘅,咁我就叫.上到嚟已經切成3份,味道唔太濃,口感軟綿綿.4分服務:幫我哋落單嘅係頭髮最短,冇戴眼鏡嘅女侍應,佢好唔掂,態度已經麻麻,重要原來落錯同落漏單,我要南乳炒蓮藕,佢落咗是日有機菜,我話我哋冇叫,佢就咁拎走但原來冇改單.而原來我哋要嘅南乳炒蓮藕同滷豆腐一直冇落單,我要分別叫另一個戴眼鏡,頭髮有啲鬈嘅女侍應同負責人落返單.一個累全家.環境:舖頭好細,但冷氣開得夠,座位距離合理.其他:佢哋呢喥都有麵包同曲奇,蝴蝶酥,我就用$68.00買咗芫荽曲奇返屋企慢慢試.題外話:我哋食完俾完錢出去嘅時候,有啲毛毛雨,亦有長者客人喺出面等位,佢哋為咗避雨就屈咗去隔離新榮記私房菜簷篷下避雨,咁就有條人龍.新榮記老闆娘喺呢個時候出嚟門口鬧:"我點做生意?"銀杏冰室負責人就即刻有禮貌地道歉,亦有一個長者客人安排長者喺冇簷篷嘅另一邊排隊.新榮記私房菜?no la,我永遠都唔會幫趁.
繼續閱讀
其他銀杏館的餐廳都有光顧過，這間是最窩心的。開在深水埗，沒有其他餐廳的格調，有的是人情味。坊間報導多集中食物價平，其實食物都真的不錯，蒸排骨飯，牛腩飯豬手都入味淋軟，第二次幫趁就試左炒面，蒸魚，油菜這些家常食物，中規中矩架，咖啡和奶茶都一般啦！早午晚都有平價飯提供，1人份量不太多，咪叫多二樣囉！都是幾蚊十蚊。想試都可以叫小菜，目測賣相都唔錯，又大碟。不過記得是社企來的，是幫助仍有工作能力的上年紀就業，所以請容忍他們略慢，下單時講慢些，店舖面積不大，請接受他們安排給你的座位，吃飽後飲埋杯飲品或湯就離座付款，給下位客人。雖然他們普遍都好有禮貌，亦不會請你離座。大家識做啦！臨走買些超平的面包回家都唔錯，畢竟社企除了收支外，受惠的人數都是評定的指標之一，大家多幫趁啊！
繼續閱讀
深水埗銀杏冰室, Taste Good!!價錢非常實惠。店舖內職員服務態度誠懇。中午時分好多人排隊，建議過咗lunch hour 2:30pm後先去，應該會少啲人排隊。
繼續閱讀
今晚兩人去咗深水埗 (銀杏冰室) 食飯, 在醫局街，吃了梅菜扣肉: $15味道不錯，扣肉肥而不膩蠔油燜雞:$10調味味道ok,雞肉尚算新鮮蘿蔔魚鬆砵仔飯: $12清淡得宜，有益健康老火湯: $10不加味精，比較清淡這是一間社企飯堂, 所以咁平
繼續閱讀
您可能會有興趣的...