銀座 篝

營業中

休息中

去日本食拉麵銀座篝大家都不會陌生，特別是去到成田機場通常都會碰到。銀座篝終於在香港開分店，選舖位置很有眼光，位置在尖沙咀河內道K11地庫，前往非常方便，人流亦極旺，毗鄰一蘭拉麵及三田製麵所。在日本成田機場吃銀座篝，往往又多人節奏又快，感覺像吃快餐。香港新店雖然多人，但節奏比較慢了一點，可以舒緩一下。香港店座位約有三十個，有四人座及二人座，亦有吧檯位，吧檯座位可以透過玻璃看到廚房。麵店設計舒適，空間感隨和而不侷促，麵店是開放式的設計，冷氣不強，吃完熱燙的拉麵會冒汗，亦偶有虫子飛過，外面嘈雜的人聲亦可聽到。我在平日下午5:30入店，座位未滿可以直接進入，不用排隊，被安排坐在吧檯的座位，我點選了雞白湯Soba及煎餃子，銀座篝最揚名的是擺盤，拉麵上檯時給吸引客人眼球，配菜鮮艷的顏色在奶白色的雞白湯及Soba的襯托下顯得份外美艷。雞白湯温度很熱燙，湯的濃稠度雖然與罐頭雞蓉忌廉湯相若，味道頭段不搶口不濃郁，雞味只有一點，中段滑溜，尾段没有後續沒有餘韻，舌頭雖然不留香，但似乎讓人留意到麵條質地的順滑。調味醬有特設的炸洋葱蒜片及薑蓉，而檯頭上有黑七味粉、洋葱油、黑胡椒粒及美濃有機玄米酢，各位吃拉麵到中

餐廳環境中規中矩，但冷氣很弱，天氣熱避免去食。 預早左時間，所以唔使排長龍。帶位侍應感覺好新手，講嘢都細細聲。點了雞白湯拉麵，上菜速度合理。麵到前會有一碟醬料先到，但介紹嘅侍應都感覺怪怪的，放低細細聲講又無請點配搭，其實不如唔好特登安排呢個環節，連埋碗麵一齊到算啦。 湯底係濃嘅雞湯味，中上濃度，個人偏重口味，未算好咸但偏油，要讚佢個湯keep到溫度，麵質偏向有咬口至硬嘅程度，不是個人口味，不討好，而且唔太掛湯，所以麵係偏淡亦無麵粉香味。 雞肉煮得軟滑，但好多店都做到一樣水平。 成碗麵無特色無記憶點無驚喜，越食越悶，$98仲收加一，無蛋真係太過份，香港都多雞白湯拉麵做得出色，呢間唔建議啦。仲要排長龍同行朋友點雞白湯醬油，表示非常之咸。整體感覺麵麻麻地。

拉麵店登錄香港啦🇯🇵今日無咩節目就即興決定去睇下排幾耐先～星期三嘅夜晚，730後係越來越多人排隊嘅，我720開始排，大概排左10-15分鐘就入到去啦（好多人都係一個人來，而呢度大部分都係卡位，所以要搭檯）/雞白湯soba$98/今次諗住試下原味版本先，encore再翻來先試佢嘅抹茶雞白湯🍜呢個雞白湯係好濃好濃嘅，會有少少漿口嘅。Soba我唔太識欣賞。配菜我覺得少許太凍👀/味玉$15/合格嘅口感，唔會好鹹🥚

今日lunch 同事帶我去K11新開的日本拉面店，她說在日本好出名雞白湯拉麵。因為本人對拉麵程度一般，所以直到現在才試什麼叫雞白湯拉麵我們等了一陣便有位了，舖面不大，所以要人齊才可以入座。另有加一收費。我們同樣叫了：雞白湯拉麵$98 ～ 賣相吸引湯頭好濃郁，口感好滑，好好飲配料有3片雞肉，一片南瓜，一條鮮筍，一粒車厘茄等。雞肉肉質嫰，但略嫌味道比較清淡。拉麵質地比較淋，本人喜歡食爽口的煎餃（5隻）$38 ～ 味道中規中矩，勝在夠熱有汁。

一直好留意過江龍品牌銀座 篝 早幾月登港今日終於有機會去試試7點前入座居然無人排隊店入面員工好多見到一位日本師傅在場打點明明店內有大量位置但在收銀/接待位的員工完全沒有打算招呼我我想行入去座員工又要我在外等等當時店內員工都好清閑呢個入座安排的確會令食客覺得有點失當順利入座後都隔左3-4分鐘先有QR CODE比我希望將來整個流程會有改善第一次食一定想試下招牌款⏺️雞白湯soba $98此店招牌我以為湯會是奶白色實際是黃色雞湯目測已見到相當多油可以講湯的面層鋪滿油食慾立刻下降湯頭味道欠鮮味皆欠奉只能加調料調味雞肉口感不錯野菜都好甜但個湯實在過油腸胃差一點都應該handle唔到麵條口感硬身好"粉"沒有彈牙感整碗口感體驗都頗差⏺️餃子 $38皮厚而且有雪藏味總結不太合我心意而且湯太油的問題真係好影響食慾油得濟仲要無鮮味實在敗筆希望香港店可以改善

銀座篝香港開店前已非常期待，因為話說喺日本第一次食雞白湯拉麵就係幫趁佢，初嚐時還記得感覺非常驚艷，一直記住呢個味道。後來試到好多唔同拉麵店嘅雞白湯拉麵，我都係鍾意呢間多啲。講返香港店開咗一星期左右就去幫趁吓，一人會比較快有位（我排咗10分鐘左右），如是者我都係叫最basic果款，味道同我喺日本食嘅係一模一樣，雞肉好軟熟同滑，叉燒好淰，湯底好香雞味😋不過個湯都超級熱吓⋯希望繼續keep住水準，我會再幫趁👍🏻

《銀座 篝》雞🐓白湯拉麵🍜+ 炙燒叉燒🍖飯🍚📍尖沙咀河内道18號K11購物藝術館B2樓B232號舖今日終於有機會一探近來討論度甚高嘅《銀座 篝》。見之前唔少麵友分享過，睇食評似係未夠理想。我就未响日本食過佢，今次係第一次食，所以冇任何前設，只有用以往我食過其他店嘅雞白湯拉麵去量度好與壞。《雞🐓白湯拉麵🍜》碗麵未上前，見佢比左一碟薑蓉同乾蔥碎，職員就冇主動介紹，追問下，薑蓉係用黎解膩，乾蔥碎用黎增加口感。香味 (4/5)香味充足，主要都係雞香味，其他味就聞唔到。湯 (3.5/5)湯嘅部份有d出乎意料，唔知店家係咪想增加口感，質地並不順滑，反而係有少少食到湯渣嘅粗糙感。後來有請教過响日本有食過嘅朋友，原來日本店都係咁，或者係特色，不過我個人口味會鍾意幼滑d嘅口感。味道方面我收貨，雞味係幾香濃，而䶢甜度正常，油香都足，由頭到尾都唔會膩。麵條 (3/5)中細麵，正常爽口，配個湯幾夾，不過略嫌冇乜特色，個麵並冇任何記憶點可言。配料 (3.5/5)雞叉燒一如所料都係用雞胸肉，正常嫩滑，鮮甜度就唔太夠，比較啖。因為呢間店咁大名氣，我對雞叉燒自然期望較高，所以有少少失望。具材當中，較深印象就係塊筍，佢

As a Raman maniac, I will not miss any opportunity to try new ramen place😊Heard they are super famous in Japan and my friend said their Chicken Ramen is pretty good, so I ordered their Chicken Ramen Special.The chicken broth was pretty thick and I heard it’s pretty salty…not to me to be honest. It tasted like chicken stock but fattier. The slow cook chicken breast was also pretty but what surprised me was the pumpkin, baby corn and chili. Not the usual kinda ingredients that you usually see on a

排隊唔算好耐 但入到去體驗超差服務：坐低 侍應擺盤擺調味態度都好差 介紹調味料好似趕收工咁 噏一兩句就算 冇俾你反應嘅機會就走咗去佢冇餐牌俾你睇坐低就係俾個QR code你掃手機介紹又唔詳細 淨係寫特製唔特製，冇說明係咩分別 圖片都唔清晰。因為唔了解想問返侍應介紹返 佢介紹完同冇介紹一樣 都係講返一個特製一個唔係特製食物：雞白湯醬油鹹到食唔落 要叫佢換返雞白湯，雖然佢都肯換 但一樣好鹹 我地幾個人食個個都話好鹹 見到佢好似有個日本師傅坐鎮，但估唔到啲質素咁差 結論：唔推薦 唔會再食！

之前係台北食過佢間分店用自動售賣機賣票 店要齊人寫名先可以入座會標榜用靚雞 收得貴d合理 湯好飲 雞好食 面好彈香港分店就係食個名 完全0分 0分到要寫第一個劣評首先要排隊 都唔緊要 如果好食幾貴幾多人都值得排你排完只會一肚火$98最基本的雞白湯拉面只得樣湯 劣 完全唔係雞白湯滑滑感覺而係你去買金寶湯忌廉雞湯味最死係咩？係個雞個雞係完全冇雞味 係好咸咸到個雞 唔係雞 唔知咩肉知道有日本人打理呢間分店 咁嘅質素好拎去賣？如果要對呢佃拉麵嘅評價係你飲完一啖湯 食完一啖雞 可以留返成碗拉麵話比佢聽好難食而最嬲係你食完已經一肚火仲要冷氣唔夠同滴水大把雞白湯拉麵可以食呢間開係k11 只係食人潮食名再食？不了

好耐無係香港食拉麵啦🍜今日經過見到條隊長到咁，正想放棄之際，聽到職員出黎叫位：有無一位？最令我估唔到嘅係，咁長條隊，係無一位嘅😂，我咪舉手話我係一位🙋，職員話我真係幸運，一黎就即刻有得食，我都唔太敢同排緊隊嘅人對望。坐低，叫左個雞白湯特製拉麵，先試湯底，真係幾濃郁，可以飲曬，可惜面質對我黎講算粗同埋硬。開頭誤會左係另外一間雞白湯拉麵，純粹個人認為，另外一間日本雞Soba座銀，絕對完勝呢間米芝蓮，不論係雞湯底同埋即場火炙嘅牛壽司都好食過呢間。

銀座篝 嘅雞白湯拉麵係我嘅日本拉麵Top 1，所以一定要再次介紹。綠茶雞白湯拉麵 and 無醇啤酒喺東京食嘅味道係original 雞白湯，乜都冇加，今次第二次食，決定直接試綠茶味。雞白湯嘅味道本身好濃郁，可以媲美一碗忌廉湯，所以配搭拉麵嘅雞叉燒同配菜係直接中和拉麵嘅口味，令你覺得好refreshing。綠茶味道冇特別減膩，但味道上就係50/50，50%雞白湯 50%綠茶，依然好出色，其實真係好好食。PS。好多人排隊

銀座 篝📍 尖沙咀河内道18號K11購物藝術館B2樓B232號舖┄┅┄┅┄┅┄┅┄┅┄┅┄┅┄┅┄星期日3點到 居然排15分鐘就可以入座🤨公道講我覺得有日本東京本店八成價錢都係香港價 Basic款一碗差唔多100蚊開喺K11又唔使排好耐嘅 值得一試٩(˃̶͈̀௰˂̶͈́)و▫️ 雞白湯Special Soba($128)湯底好有層次😳一入口會先有雞油味 再到忌廉雞湯味 最後有啲雞骨味麵條煮得偏淋少少但都ok掛湯雞叉燒係十分軟嫩嘅雞胸肉👍🏼配菜有小粟米 蕃薯 蕃茄仔 味道不過不失~加30要嘅Special係會多一碟配料但無用雞湯煮過 凍冰冰完全唔建議加😐▫️ 雞白湯醬油Soba($98)喺雞白湯嘅基礎上加上醬油一開始覺得呢個濃厚d惹味d但食到最後會有少少太咸▫️ 薯條 ($28)貪得意加咗個薯條😂有淡淡的松露味都ok!┄┅┄┅┄┅┄┅┄┅┄┅┄┅┄┅┄

知道日本過江龍「銀座 篝」係香港開咗之後，拿拿臨去食，之前只係喺成田機場食過，當時覺得個雞白湯好正，但係個麵就麻麻，好似有陣鹼水味咁。所以知道香港開咗就即刻俾多次機會佢。我叫左碗雞白湯特製拉麵。雞白湯特製拉麵 - 碗麵一嚟到超香，拉麵上面放咗雞胸肉、粟米芯、紅椒、蘿蔔片、蜜糖豆同埋番薯，另外仲有一碟放咗一模一樣嘅嘢，再加上溫泉蛋同埋叉燒。先講個湯，雞白湯超香又濃味，我自己就非常喜愛😘基本上呢個湯配咩我都會鍾意，如果配白飯應該會仲正😋。雞胸肉嫩、溫泉蛋就有少少踩鋼線有啲偏熟、另外豬叉燒，我本人覺得可以不吃🤣，今次食嘅拉麵就冇咗嗰陣怪味，同雞白湯非常夾🥰，搭配蔬菜去食變得清新同埋解膩。所以我自己就好鍾意❤️唯一缺點．．．．．．冷氣不足。

✨ 必點推薦✨ ✅ 雞白湯特製拉麵 $128-$143湯頭濃郁到黏嘴唇！膠質感超重🐔 （但偏油膩，建議搭配冰水） ✅ 炸雞 $35/5件雖然賣相普通，但咬落肉汁爆發！ 醃料入味，配拉麵超夾～ ⚠️ 東京vs香港分店▫️ 湯頭濃度：東京＞香港 ▫️ 油膩度：香港＞東京 #尖沙咀美食 #雞白湯拉麵 #日本過江龍 後記： 整體水準不錯， 但油膩感略影響食慾... 可能更適合冬天品嚐❄️