影片
以上資料只供參考, 請與餐廳確認詳情
《銀座 篝》雞🐓白湯拉麵🍜+ 炙燒叉燒🍖飯🍚📍尖沙咀河内道18號K11購物藝術館B2樓B232號舖今日終於有機會一探近來討論度甚高嘅《銀座 篝》。見之前唔少麵友分享過，睇食評似係未夠理想。我就未响日本食過佢，今次係第一次食，所以冇任何前設，只有用以往我食過其他店嘅雞白湯拉麵去量度好與壞。《雞🐓白湯拉麵🍜》碗麵未上前，見佢比左一碟薑蓉同乾蔥碎，職員就冇主動介紹，追問下，薑蓉係用黎解膩，乾蔥碎用黎增加口感。香味 (4/5)香味充足，主要都係雞香味，其他味就聞唔到。湯 (3.5/5)湯嘅部份有d出乎意料，唔知店家係咪想增加口感，質地並不順滑，反而係有少少食到湯渣嘅粗糙感。後來有請教過响日本有食過嘅朋友，原來日本店都係咁，或者係特色，不過我個人口味會鍾意幼滑d嘅口感。味道方面我收貨，雞味係幾香濃，而䶢甜度正常，油香都足，由頭到尾都唔會膩。麵條 (3/5)中細麵，正常爽口，配個湯幾夾，不過略嫌冇乜特色，個麵並冇任何記憶點可言。配料 (3.5/5)雞叉燒一如所料都係用雞胸肉，正常嫩滑，鮮甜度就唔太夠，比較啖。因為呢間店咁大名氣，我對雞叉燒自然期望較高，所以有少少失望。具材當中，較深印象就係塊筍，佢並唔係用平時常見嘅筍乾，而係用原塊新鮮筍。口感比較腍，唔夠爽脆，亦唔算甜，未夠滿意。另一罕見具材係心裡美蘿蔔，不過味道相當普通。荷蘭豆佢切走左一面，賣相夠晒特別，誠意度係夠。番茄仔同紅椒就冇乜好講，普普通通。《炙燒叉燒🍖飯🍚》重點想講講個炙燒叉燒🍖飯🍚。原先見佢有更招牌嘅松露雞肉飯，不過我又貪心想試埋佢嘅豬叉燒，所以揀左佢。我從來未响拉麵店食過一塊咁硬咁鞋嘅豬叉燒，下面張相都大概可以反映到。飯本身真󠄉係相普通，飯香麻麻，口感太軟，可能因為水份太多。個醬汁呢，似係平時食天婦羅會跟嘅醬汁加蘿蔔蓉，再加意大利醋汁嘅混合體。因為個豬叉燒太差，個飯普通，個汁幾好都冇用。結果個飯我只食左一半。整體 - 不推薦。不過如果你係拉麵迷，就點都應該去試一試，碗麵並唔係差，只係，如果以一間咁出名嘅人氣過江龍店來話，食客期望高就一定，所以同期望有落差係好正常。
繼續閱讀
去日本食拉麵銀座篝大家都不會陌生，特別是去到成田機場通常都會碰到。銀座篝終於在香港開分店，選舖位置很有眼光，位置在尖沙咀河內道K11地庫，前往非常方便，人流亦極旺，毗鄰一蘭拉麵及三田製麵所。在日本成田機場吃銀座篝，往往又多人節奏又快，感覺像吃快餐。香港新店雖然多人，但節奏比較慢了一點，可以舒緩一下。香港店座位約有三十個，有四人座及二人座，亦有吧檯位，吧檯座位可以透過玻璃看到廚房。麵店設計舒適，空間感隨和而不侷促，麵店是開放式的設計，冷氣不強，吃完熱燙的拉麵會冒汗，亦偶有虫子飛過，外面嘈雜的人聲亦可聽到。我在平日下午5:30入店，座位未滿可以直接進入，不用排隊，被安排坐在吧檯的座位，我點選了雞白湯Soba及煎餃子，銀座篝最揚名的是擺盤，拉麵上檯時給吸引客人眼球，配菜鮮艷的顏色在奶白色的雞白湯及Soba的襯托下顯得份外美艷。雞白湯温度很熱燙，湯的濃稠度雖然與罐頭雞蓉忌廉湯相若，味道頭段不搶口不濃郁，雞味只有一點，中段滑溜，尾段没有後續沒有餘韻，舌頭雖然不留香，但似乎讓人留意到麵條質地的順滑。調味醬有特設的炸洋葱蒜片及薑蓉，而檯頭上有黑七味粉、洋葱油、黑胡椒粒及美濃有機玄米酢，各位吃拉麵到中途時，本人建議可以加入一點配醬試試，玄米酢我的建議是用來點配菜蔬果；薑蓉是用在低温慢煮雞叉燒，炸洋葱蒜片灑在拉麵上，感覺似吃越南湯河或印尼撈麵；黑七味粉及洋葱油建議多加一点在湯內，口感很新奇亦特别。副菜煎餃子一碟五隻，外形微漲似金元寶，煎餃子餃皮咬口感不俗，咀嚼時感到有嚼勁，餃肉的份量剛好夠兩口，味道平凡有點缺乏鮮味，只是一般可口。銀座篝要收加一服務費，我這份餐結帳埋單剛好$150，我用八達通支付，沒有任何優惠或免費招待。尖沙咀銀座篝我認為可以一試，銀座篝除了拉麵，亦有沾麵。副食除了煎餃子，亦有唐揚炸雞及叉燒丼。
繼續閱讀
拉麵OK，份量足夠，但係聽到店員講嘅嘢真係令人感覺好差，我坐喺入面食咗半個鐘，佢地就講足半個鐘，不能想像佢哋有機會全日都在品評女性。我坐喺吧枱，吧枱前就係製作拉麵嘅地方。在內有一個店員係負責擺盤，係咁同出面負責樓面嘅男店員品評女性。擺盤店員見到有一位着住吊帶熱褲女性排隊，佢即刻同出面負責分配座位嘅店員講：「吧枱，你識做啦」。那位店員回應：「冇問題，做俾你」 最後我唔知因為咩原因個女仔係冇坐到吧枱嘅，然後擺盤店員就開玩笑咁講：「你點做嘢㗎？」之後又有問其他店員某枱號嗰個女仔近睇點樣？ 嗰位店員答完佢之後，擺盤店員又話：「你真係hehe嚟」 之後又再講某一位女店員最近點樣，又指「店裏面有個花瓶都好嘅」等等，仲有更多。佢哋所有嘅對話都係圍繞女性，品評女性。其實咁清楚喺客人面前評論客人講到咁大聲，佢哋完全係冇理過客人嘅感受，我作為食客，聽到晒佢哋嘅對話，我係覺得十分困擾，亦覺得說話好難聽，難保佢喺客人走咗之後都會評論剛剛坐喺佢面前嘅客人。穿着性感嘅女性/任何女性，我都不建議你在此餐廳進食，除非你好喜歡被人評論，大聲講大聲笑
繼續閱讀
一直都好想試銀座篝，未有機會去銀座食，就喺K11 art mall試下先啦！平日大約11:55直入(✌︎˙˘˙✌︎)🍜松露雞白湯拉麵 $133 + 味玉 $15拉麵一到，便散發香噴噴的松露香(∩ˊ꒳ˋ∩)面層有一層厚厚的雞油，很保溫湯也夠熱👍🏻未將黑松露撈勻前，先喝一口純雞湯，味道濃郁香甜，質感濃稠(不過未至於杰身)，非常黏口，是骨膠原啊( ♥︎ᴗ♥︎ )麵條是黃色那種鹼水麵，入口軟滑，鹼水味不重，冇咩特別配料有健康清爽的南瓜片、粟米芯、青豆和筍一件最喜歡那三片慢煮雞胸😍真希望平時食既雞胸都係咁軟嫩滑溜，肉質細嫩，味道鮮香，絲毫沒有腥味ჱ̒⸝⸝•̀֊•́⸝⸝)由於雞湯非常濃厚，愈食會愈漏，什至覺得有少少咸🙈將薑蓉加入麵條中會開胃一點糖心蛋醬油味較淡，蛋香一般，不過流心程度不錯👌🏻/未食過日本店嘅我覺得整體都唔錯，比金寶雞湯好飲吧(*/ω＼*)/加一後$163，的確性價比唔高，不過夏天日曬雨淋，室內排隊有瓦遮頭又有冷氣涼，都算加番啲分🤌🏻如果大家會飛日本，就留番去日本先食啦，朋友話日本食最貴都唔洗一百蚊呢☺️
繼續閱讀
中大伏🚁🚁🚁🚁🚁🚁🚁以為日本開過黎就一定好食？太天真了，早兩日去試一下攻港不久的篝，地理位置係出色嘅係k11 Art mall IKEA嗰一層。抱住巨大期望同空空如也嘅胃，7點左右直入餐廳冇隊要排。黎到第一件事當然係order返個雞白湯拉麵，我仲要左高級版嗰一款有埋黑松露，朋友係抹茶控所以要左抹茶湯。兩碗上齊，未食都感受到懸浮於面的油層，當下我都安慰自己：無事無事，雞油就梗有。食入口就知大獲，真係可以稱得上又油又無味，擺盤精美都無用，我無勇氣食晒碗嘢，正常唔會咁掛？唔講油過多呢個問題，湯底無味係更離譜嘅問題，似罐頭湯多過自家煲🤦🏽♀️麵又唔好食，一蘭好食過佢多多聲。朋友個抹茶湯同樣唔OK，好古怪，又係淡口到爆，入口苦苦地又無雞湯味，似食緊暗黑料理，我地係極失望，又唔係平，好彩唔洗排，否則我會發癲！😤😩
繼續閱讀