銀座蔵人 (已結業)

今天豬頭人忙著趕報告，晚餐到9時多才能享用，多年未有光顧的銀座藏人仍然供膳，所以便到此一遊。餐牌附有精美圖片，花多眼亂~~豬頭人的「牛肉烏東天婦羅壽司併盤御膳」，單看份量非常豐富，賣相和餐牌的相差不遠。牛肉烏東: 唔夠熱，味道偏清淡，但面質唔錯，OK之選。壽司併盤: 飯較淰和濕，但魚生新鮮。天婦羅: 唔熱，炸粉唔得，虾無味，反而小青椒幾好食。傻仔敏的「藏人松花堂弁當」，大堆頭之選，未食覺得很吸引。燒牛肉: 凍的，鞋口，NO GOOD!!燒鯖魚: 肉質滑，有魚油，香口，配上醋汁更佳。天婦羅: 唔熱，炸粉唔得，虾無味，反而小青椒幾好食。魚生: 看上去顏色偏淡，但入口好味，新鮮。蒸旦: 夠滑，有旦香，傻仔敏用來撈飯，正。…查看更多

一家人去開餐，叫左4個定食，有火鍋烏冬壽司廣島蠔鍋，食到尾湯底好咸，另外辣面豉豬肉鍋就好淡，豬肉有蘇味。烏冬夠煙韌，壽司都新鮮。份量多，但火鍋定食跟烏冬同飯，比較單調碰巧有卡位，坐得舒服，但服務態度麻麻…查看更多

呢日既 lunch 同幾位同事仔, 揸車去愉景新城食…一早就打咗主意, 去 “藏人”!!今日好快就有位啦, 好野~第一時間, 就梗係睇下餐牌先啦…死火!!! 好多選擇, 又係樣樣都好想食添, 點算!?左諗右揀, 先決定到………個名已經唔係太記得啦, 哈哈~但係分量好大, 味道啱啱好, 不太咸不太淡!!湯底微甜, 蝦天婦羅雖然有一邊放響湯面, 但入口都仍然係脆的, 而且蝦身結實彈牙, 絕對新鮮!!仲有細細隻既花甲, 雖然 size 唔大, 但係隻隻都有肉, 仲好鮮甜又無沙!!肥牛金菇都好入味, 仲有隻蛋蛋, 外表剛熟, 裡面流質, 蛋香又滑身, 正!!響個底仲有少量既烏冬, 烏冬軟硬啱啱好, 又有咬口!!個餐係有一碗白飯跟, 當然, 我食咗果鍋烏冬之後一定唔會食得落飯, 所以碗飯…一早就轉交咗比另一位大食同事處理, 哇哈哈哈~雖然無食碗飯, 但係都係超級飽呢……查看更多

呢個晏晝同朋友來到愉景新城逛街食下午茶，無意中發現呢間門面唔錯嘅銀座, 而且廚窗仲陳列咗好多款精美嘅日式定食，所以吸引咗我同朋友去試試！餐廳環境寬倘舒適，我們倆人更加被安排坐在一張起碼12個人都坐倒嘅卡位！可能因為下午茶時段，反正人唔會太多啦！我地點咗兩客定食，分別有1）和風薑汁豬柳飯定食；2）檜御膳櫻花先講呢個薑汁豬柳飯，眼見嘅只係洋蔥炒豬柳，唔覺有薑，但食落薑汁味非常濃郁，配合埋醃得入味嘅豬柳及鮮甜嘅洋蔥，味道恰到好處！此乃第一個驚喜！再試呢個以為係普通嘅日式湯烏冬，原來一啲都唔普通，烏冬係極之彈牙！好食！再講檜御膳櫻花定食，賣相已經相當不俗，淨係壽司都有十幾款，可以講應有盡有，連我最喜愛嘅海膽壽司都有，仲係好新鮮同好鮮甜！又一驚喜！除咗款式齊備嘅壽司之外，仲有甜蝦及三文魚刺身！同樣新鮮好食！連配菜都有驚喜呀！原來係南瓜蓉！南瓜味極之濃郁！正！唯一係個麵豉湯重手咗，味道偏咸！但整體以咁嘅價錢，有咁好嘅食物質素同環境，已經相當滿意！一定會再去試試其他不同款式嘅美食！…查看更多

形容呢間餐廳隱世因為唔就腳，呢一次係咁岩經過是但入去試下啦!!!讚既係星期日都照常有午市定食，刺身壽司好好味，好新鮮，冷烏冬好彈牙，還有最愛的溫泉蛋吞拿魚飯又係超好食!!!份量足夠有餘!!!係會食到超飽的!!!不過唯一缺點就係套餐無餐飲跟，雖然食完其實已經好飽，但少了杯餐飲好似差點點咁。環境清靜，樓底高，可以慢慢食好舒服咁傾計，食完晒佢會收晒枱上既野留番杯茶俾你飲，仲會不時來幫你斟水添!!雖然一個定食六十多七十蚊，但每一樣都係好食，所以抵食!!!:)…查看更多

愉景新城的確是人流較低的商場.除非是有活動,人流低可能位置不方便和荃灣有更新的商場.而呢間銀座蔵人更遠離愉景新城食店的集中地,旁邊的店.附近也不是食店,所以下午一時名到場,店內只有6成客人左右.而我去到2人可以坐6人枱.相當舒適.而服務員當時工作量不大,雖則不熱情.但客人要求的,店員也很快做到.餐牌內的套餐並不貴.大約60多元至112元左右.點了鯖魚套餐,有烏冬,刺身,飯,鯖魚也是68元.但要加一.烏冬,刺身的確較平淡.烏冬只是微暖,用的當然是平貸,但沒有怪味.也彈牙.湯底也甜.喝後也不口乾.刺身較平淡.好像未溶雪,硬硬的.味道是沒有.反而鯖魚相當出色,皮脆,香口.魚肉仍有肉汁.味道香甜,不會因為燒而乾乾的.的確是送飯佳品.埋單70元一位.要吃刺身,壽司品質末必好.但吃烏冬.鯖魚等又物超所值,寧靜環境,合理價錢.可接受的食物.我當然會再去.…查看更多

有邊個會食日本料理ng食生野?偏偏我老友就係咁,成日來就食炸豬扒.不過係唔好話,佢個炸豬扒好食的,好熱,油油地,但就勝在脆.豬肉又鬆化,都可以丫我就梗係中意三文魚,油甘魚都夠爽,海膽又sin,正!係有時貴小小,算la.…查看更多

雖然我不食刺身，不吃生的食物，但經常去食壽司，而且幾喜歡日式便當，貪其什麼都有少少，吃完會有幸福的感覺。XD今晚踏足愉景新城，食肆選擇有限度，不想吃得太貴，又不想食太油膩的，便想起有一間並不起眼的銀座蔵人。這個商場如非有活動的話，真是靜到不得了。搵食的話，最勁人氣只有美食廣場，其次是必勝客﹑麥當勞等一眾快餐店，不過銀座蔵人則不太好運了，一來地利上偏離食肆區，二來從門面看的話，以為是一間收費好貴的日本料理。:(在門口看看餐牌，友人也覺得OK便入去食飯了。六點鐘完全不用等位(其實之後都不用的)，安排坐木林的旁邊，順便幫店方做生招牌。(有幾個客因為看到我們在吃所以才入來食飯哦。)店內地方原來好大，環境設計和坐位編排都相當舒服，加上柔和的燈光，又不並嘈雜，整體構成了一個美好而清幽的進餐環境。看過厚厚的餐牌後，我覺得餐廳走的路線及所提供的食物，好似當年的百人一朱呢﹗還記得十幾年前我姐帶我去食過幾次，每次都令我難以忘記。食物套餐實在有太多款了，我們都相討數分鐘才有結論呢。計計下，套餐比散叫抵得多，所以全場人也是主要食套餐的。餐不含飲品，不過奉上的麥茶清新而不濃，很適合吃飯時所飲用，而且女店員密密加茶，不會有"缺水"的情況出現。點了兩個套餐分享。上月中我在Farm Kitchen Vegi 吃過美麗的便當後，見到藏人也有提供一款便當，心即時歡喜，加上內裡的食物我都會吃，所以就要這個啦﹗藏人松花堂弁當$118很豐富啊，而且賣相很別緻，未食已經口水流了。先喝味噌湯，配有豆卜﹑魔芋和紅蘿蔔，相信是味噌也得太多，出來的鹹度很高呢:(，唯有加幾口白飯去中和，也算清掉到。至於日式蒸蛋也帶少少鹹，蛋味亦稍遜，幸好質地非常非常滑嘟嘟，面層有一口冬菇，底層有蝦和雞肉。其後的刺身拚盤，內容有三文魚﹑大甜蝦及鱆紅魚，大甜蝦真是好大隻呀，友人說刺身質素很好呢。:)我主力攻其他熟食，雜錦天婦羅陣容不弱，有大蝦﹑南瓜﹑蕃薯﹑茄子及冬菇各一。炸漿薄薄的包住身材，一點都不油膩，蔬菜保持新鮮多汁，而大蝦肉好夠爽。忍不住吃了四件哦。之後是有點誤會的TATAKI牛柳配酸汁，我看圖片以為是牛扒，來到的時間看到牛扒是九成生，而且是凍冰冰的呢。之後請店員來處理，男店員好客氣地說"呢個唔係牛扒，是TATAKI牛柳，是生的，而且要凍食"。我說"哎呀，我不吃生野的，我睇相以為是熟既牛扒..."。之後他便好有禮貌問我是否要食熟的牛扒﹖如果我肯定的話可以叫廚房將牛扒煮熟。我當然肯定啦，好快地TATAKI牛柳便變成熟牛扒了。XD牛肉芯還帶5%生啦，不過我也可以吃到的。牛肉味濃，肉質也帶軟淋，食的時候沾上酸酸汁，很是開胃。燒鰖魚燒得很香口，魚肉味濃，皮脆非常，連平時不食魚皮的我也忍不住吃掉了呢。第一次吃有餡的蛋卷，饅魚蛋卷，蛋卷不滑，而且味道淡淡的，不過包住甜絲絲的鰻魚，味道正好互相平衡，我們都覺得好特別和好食。配以一碗非常大碗的珍珠香飯，白飯真是好有'飯味'呀，飯粒軟綿綿的，我食到一粒也不浪費﹗山海鳥冬鍋和風雜錦飯御膳$125絕對好合適大食的朋友。套餐包括日式蒸蛋及刺身拚盤外，還有大碗雜錦飯，配料有秋葵﹑冬菇絲﹑蘿蔔絲﹑納豆﹑三文魚碎及吞拿魚碎。初嚐秋葵，沒什麼味但口感爆爽脆，以及納豆，原來幾好食，不過充滿咖啡味的呢﹖山海鳥冬鍋上放有炸天婦羅蝦，一些蜆﹑帆立具及菜蔬，非常豐富呢。湯汁帶甜而不油膩，烏冬很粗身的，浸在熱湯中有半小時多我才有時間食，估不到仍可保持其滑及煙韌度，證明所用的烏冬質素也不差得哪裡哦。店員們的服務很體貼及用心，在吃完餐後便先會收回餐具，好讓我們可以慢慢坐，絕沒有趕人走的感覺。:)今餐吃到既飽肚又滿足的，價錢都只是每人付出一百鬆一點，絕對是值得推介。…查看更多

依日我話好想食日本菜~因為真係好耐無食啦不過唔想去食迴轉~反正有間心水日本餐廳食開坐得舒服+食物又ok~所以就提議再去"銀座藏人"不經不覺原來隔左年半無去lu一人點一個餐~點知點既食物~除左麵食類唔同外其他都一樣~原來咁岩大家都想食壽司+天婦羅喎"雜錦烏冬鍋天婦羅壽司御膳"壽司好新鮮~同上次食既水準一樣無變"天婦羅"..有炸蝦,冬菇,茄子,南瓜炸物好夠脆身而且炸得好金黃"雜錦烏冬鍋"食材有牛肉,炸蝦,金菇,大蔥, 蛋等等湯底夠熱~烏冬夠彈牙~整體都好食"天婦羅壽司稻庭烏冬御膳"依set既壽司同天婦羅都一樣炸南瓜好好味..外脆內軟"稻庭烏冬"..好彈牙有咬口伴上冷麵醬汁料闊別年半無去~整體水準keep得到..食物都好ok服務員工作效率夠快手快腳~唯獨完全無笑容呢…查看更多

住港島區的我, 好少去荃灣。 今日去玩KITTY的EVENT, 先有機會去一去愉景新城。 同友人玩完GAME差不多8:30PM, 友人提意去”銀座藏人”, 友人話那裡的烏冬好正。我地各自叫咗個set：我叫了：3個mini飯的set, 有牛肉飯、魚生飯、鰻魚飯。另外有蒸蛋、味噌湯。3個mini 飯, 原來食完都好鬼飽。牛肉”林”、魚生都ok新鮮、鰻魚都好食, 加上牛肉飯、鰻魚飯都有汁, 好味。友人：滑蛋豬扒定食 (配冷烏冬)。友人話好食。估不到呢個店都幾好食, 又唔算十分貴, 不過對於港島區的我, 未必再有機會品嚐。環境：地方ok大, 加上我地8:30pm先食, 唔算多人。服務：大部份侍應都young的, 都算勤快。食物：雖然佢出名係烏冬而我無食, 不過我都覺得好味。…查看更多

平時尼都覺得D野吾岩食, 今次仲食到我把幾火望入去冇人都要等位..........又吾湛茶!!!! 叫都吾湛 無諗過得咁細塊= = 1個牛肉烏冬都等勁耐= =吹左3次先尼食完E個都降番D火既, E個妁好味:)so far d野幾好味 .. 但員工 黑口黑面, 做野 慢吞吞:(價錢MAMA地 環境吾錯 算係咁啦 …查看更多

早陣子荃灣區工作，食左好幾日好幾個地方，都冇咩特別，係對這裡的烏冬印象幾唔錯，又分享下。這裡好幾款的午餐set都係飯搭麵，真係唔怕食唔飽。我要既係親子井跟個烏冬。親子井，蛋多肉少，有蛋汁係好嘅地方。唔好嘅係肉煮得有點老，同埋d飯濕左d。烏冬係幼身麵條，麵條口感軟滑，食落爽爽，想不到這裡的烏冬有這水準，幾好食。飯就真係強差人意，不過烏冬幾唔錯，給一個ok臉。…查看更多

LUNCH一個人食飯, 只有一個鐘頭食飯時間, 見吾洗排隊, 又無乜選擇, 就幫襯下!前身是百人一朱, 佈置裝修只是改動了少少, 基本上無分別, 只是個名吾同左, 雖定食選擇多了, 但價錢也相對比前者貴了10-20%. 服務一般!中午來食飯的都是在附近返工的文職人員!天婦羅, 炸蝦夠大條夠鮮甜, 三文魚刺生ok, 牛肉有d乾爭爭, 配菜一般, 個面豉湯夠熱夠出味整個定食100分, 給它70分!一個人食晒整個定食, 好飽! …查看更多

行過見百人一朱個位換左間新開既日本野打算試下點知一試之下後悔不已:(入到去見到佢用返百人一朱既裝修賣既野食又產唔多已經覺得有d不對頭一開始已經覺得服務不好等左好耐都人比茶我地之後叫極都冇人加茶兩個人叫左個牛肉鍋燒花魚同Washabi 八爪魚同埋叫左一份百幾蚊既壽司定食 牛肉鍋燒花魚叫不過不失一般平價日式食品店既質素另外兩個就難食到死Washabi 八爪魚用個 3cm 直徑既豉油碟裝見到已經打個突食落好唔新鮮, 霉霉地又腥見佢平, 由佢而壽司定食就係重頭戲百幾蚊十一件壽司來到竟然係百佳既質素都不如上面d 生魚片細件就算全部都好干, 一睇就十分唔新鮮似d迴轉放左兩三個鐘冇人食果d 睇到都晒冇食慾尤其三文魚皮都冇切好, 表面係白色同銀色為主吞拿就似d死 牛肉色魚籽就一d光澤都冇, 乾到似d胡椒粒既樣再睇真d, 明明叫時見到佢有個係海膽軍艦來到時就換左做最平價既蟹籽叫左幾次先有個waiter過來詳細查問之下佢先老實講成間野都冇海膽 (根本冇入貨)冇海膽係唔係應該一早講??唔同價錢架bor? 朋友就係見佢有海膽見叫個定食冇海膽我地不如叫另一個平50蚊, 仲多一個烏冬既壽司定食??由於我地冇人食蟹籽 (佢成本menu亦唔見有蟹籽)叫佢換一件其他野, 點知出到來係換左件玉子壽司見到真係"哭笑不得"係唔係小家到咁樣?!而家你冇海膽想博大霧換都換d 有份量少少換出來既玉子仲d 有一面黑灰色食完一肚氣馬上埋單走人從此back list建議大家以後要食都唔好食刺身果d食熱食好啦 …查看更多

Happy Friday, 同FD食飯, 近近地就去左愉城度食, 地方寬敞, 坐卡位, 好舒服~叫左2 SETS天婦羅+冷烏冬+壽司$80幾蚊定食有5件都幾大件既壽司 + 有一大碗稻庭鳥冬(凍食, 好彈牙) + 有5 、6件天婦羅(有2隻大蝦、4款菜), 好岩女仔食 AR...廣島生蠔醬油鍋烏冬御膳百零蚊, 有刺身 + 有一大窩 (廣島蠔 X 5, 配料豐富有菜、豆腐、菇) + 白飯一碗及烏冬一碗, 總體味道也不錯.…查看更多