銀座梅林 (已結業)

話說呢間野開業已經一段長時間，我礙於它門面的強勁「吉列」感而遲遲未試，今年情人節終於決定入去食LUNCH --- 同D豬搞清楚感情瓜葛 !入座第一感覺 --- WA... 坐唔夠一半 ! 雖然間野唔平，都應該未至於咁... 唔通經濟真係咁咁咁不景氣?唔係講笑，真係少客...我貪心地叫了款吉列雜錦豕餐，唔好睇款款得一至兩件，食落唔少野，而且仲未計個飯... D豬有一款冇咁JUICY，其他都夠多肉汁，又熱又脆，口感充實，令人想起「味吉洋一」 ! 醬料放在台上，主要有3款，可以逐一嘗試，尋找自己的最愛。豬呀豬，SORRY了... 又係食你 ! 第2樣揀既係豕肉蓋飯，望見好簡單，但的確滿足小弟要求! 一叉開隻蛋，D蛋汁流出，便立即起手快拌 ! 此食法確保每啖都有夠味的汁料，不用再加任何汁的了! 主角豬肉的味道和雜錦餐的有所不同，不難食得出 ! 有肉汁，夠味，簡單而對胃口。

今日睇戲前係新世紀吾知食咩好，之後見到梅林未食過就諗住試下…今次食左個2人餐加鯖魚，大約四百多元，未至少好飽肚但覺得一般。其實都幾失望，或者下次食返豬扒會好一點。炸物整體吾太油夠熱夠脆口，蠔炸皮偏厚但蠔食落都新鮮可以，忌簾餅太黏口冇咩料，雞扒都嫩口份量一片都吾細，最差係蝦，睇落大隻但食落好梅吾新鮮。湯飲落吾太咸而多料，鯖魚煎得吾夠燶所以吾夠香但肉質吾差。

啲野唔好食，服務又唔好。有好大張會員招募既紙係到，問佢，佢又話滿。啲侍應仲要講普通話，又聽唔明廣東話禁，咩料？叫個吉列黑豚豬扒，勁多根，咬唔開。啲醬用完叫佢加，又狂扲另一張枱個啲來，都冇剩反幾多囉。

刺身😋因為本身吾食呑拿魚 職員仲好好人幫我換左其他款)超豐富👍🏻同圖一樣咁大件咁多😍佢既炸豬扒真系好好味，食完已經好飽。最尾仲有個柚子味雪芭，味道夠清，食完炸野食岩哂😀😀

簡單的點了個吉烈拼盤，蠔炸得不錯，魚剛好的外脆內嫩，豬柳和豬絞肉普通但也不會干身。但蝦就不行了，明顯是先炸好的，吃時只是微温。整體中上，不會太多油，算水準以內吧

有時候總會有矛盾的時候，又想到旺角找找新食店但又怕人太多再想想多一會，那就非新世紀廣場莫屬啦！自重建後都沒有過去逛逛走到4樓，就被「銀座梅林」深深吸引在椰菜絲上除了加入芝麻沙律醬外另可選擇不是每間食店都會提供的青芥辣沙津醬，都是我的最愛亦有消濟功效熊本豚 － 外層炸粉薄身又夠香脆,豚肉最重要不會皮肉分離,肉質厚實之餘咬落很鬆化,帶有很香的豚肉味,這是我食過性價比高的其一吉列豬扒－這部分較為結實，但仍能保持嫩滑，沒有一點油膩，絕對值得一讚。稍為遜色是這裡未有提供芝麻給客人磨碎並加進香濃的醬汁中。相信以手磨芝麻醬汁蘸吉列豬扒更會能人回味無窮！吉列豬柳定食 沒有大驚喜這裡地方大，環境好，加上店員服務有禮，怎找到個不再來的理由呢？

星期五的MOKO，很多食肆都排長龍，梅林是不用等候太長時間的食店，所以就試了！之前在幫襯過其他的專食吉列炸物的餐廳，而梅林是第一次幫襯，對這間餐廳沒有太大期望，果然不會失望！食物一般，沒有太大驚喜哦！

點了菜單上道場六三郎都推介的特選豬柳蓋飯。但豬柳不似豬柳，似豬扒。最大問題是點解塊豬柳係整定？入面只是小小暖，明顯係因為同蛋和汁一齊煮時它才有微溫。塊「柳」明顯煮定好耐，仲有D「油益」味，差到似攞賣唔去的豬扒三文治的豬扒嚟煮咁。以為用好味的飯、蛋同汁可以暪過豬扒的問題，太小看食客。豬扒飯豬唔得咩都唔駛講。加一後成170蚊，憑咩收呢個價。如果八十幾歲道場六三郎食到真係。道場六三郎係和食界的大師傅，早期的料理鐵人，真替他不值。

行呀行呀行，旺角每逢假日都四周是人，要吃東西也有困難，行到新世紀廣場累了不想排隊，就選擇銀座梅林。 蟹籽沙律很普通的沙律，沒有特出之處，不過不失。 三色刺身三文魚略瘦，鮮味也不錯。吞拿魚十分多筋及腥，不愛他。油甘魚油份及鮮味十足，不會腥，而且肉質夠爽口，好食。 炸物拼盤咖哩汁一點也不辣，十分香甜，好食。炸蠔恰到好處，不會太老，而且水份充足夠鮮。炸豬扒皮與肉會分離，要扣分，炸粉炸得香脆，豬扒肉質厚實，肉味略鮮。炸蝦要剝殼十分麻煩=.=''，而且沒有什麼味道。炸薯餅罪惡之選，芝士味濃郁，咬開流出來的會很熱及很香，肉香也不錯。 雪糕未有特出。 蘋果汁與提子梳打蘋果汁很甜，不好飲，提子梳打則普通。服務方面員工會經常加水，而且服務有禮，不錯。環境方面店舖很大客人不多，空間感十足，而且採用和式設計，燈光柔和，坐得舒服，適合聊聊。備註說真的，食物算是不過不失，用這價錢比他好的炸物店是有的，不過要在旺角不用排隊不會被趕又舒舒服服地坐，是不錯的選擇，加上份量也不細，個人認為2人餐可以3人分享。總結評分味道:6.5/10 價錢:6/10 (250)連飲品環境:8/10服務:7.5/10

今日我們喺旺角新世紀廣場(MOKO)睇完戲之後，我們選擇咗去「銀座梅林」食晚飯！我們叫咗吉列鰻魚定食、吉列海鮮什錦定食、咖喱吉列豬扒飯、吉列帶子定食、刺身蓋飯同土佐豆腐！幾款唔同嘅吉列定食嘅吉列炸漿都唔會好厚粉，比例啱啱好，炸得顏色金黃同非常鬆脆！最緊要嘅係他們炸嘅時間啱啱好，唔會過火！吉列鰻魚嘅肉質非常新鮮同嫩滑彈牙！吉列海鮮什錦「吉列大蝦、吉列蠔、吉列魚柳同吉列帶子」大蝦嘅肉質結實彈牙！蠔雖然唔係好大隻，但肉質嫩滑多汁！魚柳就不過不失！帶子嘅肉質非常鮮嫩同爽口！吉列豬扒嘅肉味香濃，超多肉汁，但絕對唔會覺得油膩！係本人嘅必食推介！雖然每個定食套餐嘅白飯同椰菜都係任添！但我們選擇轉為烏冬！烏冬嘅麵質非常煙韌彈牙！咖喱吉列豬扒飯嘅咖喱汁非常芳香濃郁！

不知道為何最近總想著吉列豬排. 星期五晚上, 8點半才上完課, 明明那麼晚就不應該吃那麼多, 但實在抵受不住近在咫尺的吉豬誘惑,向銀座梅林出發!想著不要太胖, 所以點了吉列豬"柳".  (太餓了有沒有, 手竟然抖了, 照片都散了, 不好意思.. ) 吉列豬柳非常新鮮出爐的炸豬柳!外皮很鬆脆, 內裡肉質嫰滑多汁!!但還是不應該怕胖, 豬排的豬肉味更香...椰菜絲任添, 侍應們都"很大手筆"~ 總括, 想起吉列豬排, 銀座梅林逃不掉! 

新世紀真係食到無嘢好食，雖然OutBack開咗，但係新開關係，成日都好多人等，下次我地都係Book定枱先~所以今晚就問大少，不如食炸豬扒好唔好，雖然好熱氣，但係……又真係開咁耐都未食過~平時唔話食呢，就冇人等位，今日話食，就要等，我地都係黑仔~~吉列豬柳定食 - 一般出面食到嘅吉列都係炸漿比較厚，食落口比較硬，但係呢間就炸得啱啱好，只係足夠包好肉就算，所以食到豬柳重係好淋，唔會太乾，亦都唔會太韌，我一向都唔會食伴碟啲椰菜，不過因為近來食沙律，芝麻醬都食唔少，覺得其實味道都唔錯，所以今次就食埋啲椰菜減吓油膩感呢個定食有飯、味噌湯、日式醃菜，個味噌湯入面有紅、白蘿蔔，味道亦啱啱好，因為我個人認為，一間日式餐廳，味噌湯好唔好係好緊要，正如西餐廳個羅宋湯好緊要一樣，因為日式湯、西式湯整得唔好，間餐廳食物整得幾好味都係失敗吉列豬扒定食 - 呢個都係一樣，炸漿啱啱好，個豬扒亦都好Juice，肥油部份亦都啱啱好，咬落口係爽脆，感覺比豬柳重好味~~蛋黃味噌燒蠔 - 呢個簡直一絕，通常蛋黃醬都係用嚟做沙律，焗蠔嘅多數都係沙律醬，會比較酸，但係就係因為佢呢個轉用蛋黃醬，味道唔會太酸，而且亦用咗味噌去帶出蠔

今晚其實想清清地食餐飯算，但陳生話想食炸豬扒，好啦! 既然俾你見到想食既舖頭, 就入去啦~三色刺身~其實我真係幾鐘意食日本既"蒸蛋", 哈哈我覺得唔單只滑, 仲好有味道, 因為入面放入好多食材, 令至蛋都香~上面有D柚子粉, 食落係幾得意, 甘甘地~芝士年糕, 呢個真係幾失望, 因為並非我所想像, 年糕好硬, 上面真係舖一塊芝士黎燒, 食落係芝士年糕, 不過係芝士還芝士, 年糕還年糕....主菜: 仲有咩丫, 咪吉列豬囉SET入面, 椰菜同飯都可以任添, 豬扒其實真係好好食, 炸得好鬆脆, 而且豬扒夠厚, 有肥有瘦, 食落真係好嫰, 唔會好乾同鞋口~不過肥既部份有D都幾多, 真係忍唔住要吐出黎.

我係梅林常客，旺角店服務同食物質素都有水準，這分店依然維持梅林的優良食物水平,我的最愛吉列鰻魚定食,新鮮,惹味而不油膩;沙律菜爽口清新;前菜,醬汁同珍珠米一樣高水準,令人神往及回味.三文魚飯終於食到!!!之前次次黎都賣曬,好食新鮮!!!

睇完戲就同男朋友決定係呢到食晚飯，環境好舒服，兩個人但都比左四人枱我地，好闊落因為太掛住之前去日本旅行食個差不多既野食，太回味，就決定黎試。一人叫左一個set , 我叫左雞扒，男友叫左豬扒。等左二十分鐘到就到。賣相好好，先講個湯，有肉，唔係整係用粉開，飯都好味，椰菜我用左芝麻汁，好開胃。雞扒都炸得岩岩好。但豬扒就因為太厚關係唔知係咪怕唔熟所以炸得太耐老左，係鞋既。飯同椰菜都係任添，但如果女仔就唔洗加都夠了。成餐用左300幾，食食下個待應拎住茶過黎想加。但先發現我地飲水，之後我都換左杯茶，但其實一坐底應該問下我地水定茶會好啲。啲待應好個好新咁，係經理專業啲。