影片
以上資料只供參考, 請與餐廳確認詳情
鉅發冰室（佐敦） **雜扒餐：份量取勝，風味中規中矩** 鉅發冰室的「鉅人什扒餐」是招牌之一，含雞扒、豬扒、腸仔等，份量十足且價格實惠（約$60內），適合食量大的食客。不過，部分肉類烹調稍顯乾柴，醬汁調味偏淡，缺乏層次感，搭配的炒飯底雖有鑊氣但略油膩。 **凍檸茶：茶香不足，甜度失衡** 凍檸茶表現普通，茶底奶味過重而茶香薄弱，欠缺港式奶茶的甘醇；檸檬片給量足，但酸甜比例未夠均衡，冰塊融化後更顯淡味。 **中湯（羅宋湯）：合格但不出彩** 隨餐附贈的羅宋湯屬典型茶餐廳水準，湯體濃稠適中，含蔬菜碎粒，但番茄酸香不足，香料味較淡，整體「冇得踩亦冇驚喜」。 **環境與服務：24小時便利，態度參差** 餐廳最大優勢是24小時營業，深夜揸車覓食的可靠選擇。惟服務態度爭議大，多名食客反映店員急躁、點餐時常打斷客人，甚至因出錯單反指顧客「唔一早講」。環境方面，冷氣充足但座位略擠，高峰時段需搭枱。 **總結：飽肚之選，勿求精緻** 適合追求飽足感與便利性的夜宵客，雜扒餐性價比高，但飲品與湯品僅屬及格。若重視服務體驗，建議避開繁忙時段。
繼續閱讀
雖然住樓上，但都好少係度食，全因服務其差！因為唔舒服先係度食早餐，戴住口罩侍應：「你大聲啲，你戴住口罩我聽唔到你講嘢。」（但其實我一句野都未講）我：「要A餐轉公仔麵」（個麵字都未講完就比佢閘斷）侍應：「飲咩」我：「熱檸水」（半秒都無佢就另轉頭走左，我都未講要火腿炒蛋，佢都無問我）到張單嚟左，好彩我望一望，果然打單出左餐肉煎蛋我：「我要火腿，唔要餐肉」侍應：「咁你唔一早講，出左單先講」我：「你都無比時間我講，你都無問就幫我出左單」侍應：「咩無比時間你講，係你唔講」咁既服務態度，真係食左都背脊骨落
繼續閱讀
由細到大都覺得渡船街好多嘢食，點知今日嚟到嘅時候發現好多都執咗笠，當想放棄唔知食咩好嘅時候，咁啱見到呢間仲有下午茶就膽粗粗入嚟試吓。嗌咗沙嗲牛米同埋乾炒牛河，米粉滑捋捋唔會硬骨骨，都OK，乾炒牛河就有驚喜，真係有鑊氣又熱辣辣。熱奶茶同熱鴛鴦都好飲嘅。未必話會特登再嚟，但係如果經開都可以入嚟食吓。
繼續閱讀
食中午飯時間人比較多，有門口位坐有食煙嘅人啱晒。入邊冷氣夠凍，餐牌款式都多有得鋸扒午餐快餐都有五至六款選擇上菜都好快。午餐大約$60以內有湯有餐飲，試咗佢哋個推介白汁焗牛脷飯，牛脷有四大塊咁多飯又炒底白汁都多但係淡咗少少，有芝士焗喺面但係略嫌少咗啲香味爭咗少少。羅宋湯正常茶餐廳質素，冇得踩😄奶茶偏向奶多茶味一般唔帶甘。總結：應該唔會伏嘅餐廳，所有嘢中規中矩。特色係二十四小時營業，夜晚揸車搵宵夜都可以考慮吓👍🏻
繼續閱讀
在中午飯時,叫了個乾炒牛河特價午餐,過了大約數分鐘後,侍應告知今天沒有牛肉（真或假㗎？）要改為猪肉乾炒河,我既然而坐下了,所以就說都可以.心想可能牛肉比豬肉貴,所以臨時改為平價的午餐代替.過了大約十分鐘後.餐送到枱面,但眼前的景色令人十分失望因為猪肉片太小,河粉黐在一起,沒有鑊氣.真是差極.During lunchtime, I ordered a discounted lunch special of stir-fried beef ho fun. After waiting for a few minutes, the server informed me that they didn't have beef today and asked if I would like to have stir-fried pork ho fun instead. Since I was already seated, I agreed. I assumed they might have changed it due to the cost difference between beef and pork, opting for a more budget-friendly option on the spot. About ten minutes later, the meal was served on the table, but the sight was disappointing. The pork slices were too small, the ho fun noodles were sticking together, and there was a lack of wok hei. It was truly unsatisfactory.
繼續閱讀