460
13
8
港鐵銅鑼灣站 C 出口, 步行約2分鐘 繼續閱讀
所有分店 (2)
電話號碼
28928819
開飯介紹
日本高級鐵板燒店,燒牛扒、燒海鮮,看著大廚表演即叫即做。 繼續閱讀
營業時間
今日營業
12:00-14:30
18:00-00:00
星期一至日
12:00-14:30
18:00-00:00
付款方式
Visa Master AE 現金 銀聯
座位數目
80
其他資料
酒精飲品
自帶酒水 詳細介紹
切餅費 詳細介紹
加一服務費
食評 (489)
等級4 2017-12-03
743 瀏覽
之前品嚐過佢哋鐵板燒已經令人一試難忘,今次同朋友再來已轉咗全新菜單,新餐牌都換上全新日本直達食材,日本美食控當然不會錯過啦我就選了蝦夷鮑魚鉄板燒二人前,蝦夷原來係現在北海道嘅古稱一開始會有手作前菜2款,我果日係沙律菜跟汁煮牛舌而今次個餐主打日本野生鮮鮑,經師父純熟手法即場鉄板燒(鮑魚係一人一隻喔)再配埋海藻牛油忌廉醬汁更提升鮮味,入口爽中帶腍,非常美味香煎鵝肝配脆多士肥美到不行煎過嘅鵝肝外脆內軟,入口滿滿油脂,夾埋脆多士好正另一期待係熊本縣產A5和王牛,未煎前色澤粉嫩加上脂肪分佈細緻均勻三成熟外層微焦,中間仲好粉嫩,入口即化帶油香和牛炒飯粒粒分明,加上炒嘅過程香氣不段,係視覺跟嗅覺的享受清酒煮蜆今次師父更會即場用鉄板煮埋個湯,芳香鮮甜最後甜品係無花果啫喱跟焦糖番薯布丁,布丁個番薯味超濃郁,係滿意嘅結尾 繼續閱讀
(以上食評乃用戶個人意見 , 並不代表OpenRice之觀點。)
等級4 2017-11-24
1535 瀏覽
今晚老婆帶了我去銅鑼灣鉄人旨花食鉄板燒,鉄人旨花鄰近銅鑼灣站C出口,地理位罝方便。餐廳門口以大量的日本酒作裝飾,有點居酒屋的感覺。餐廳內的座位全部都是圍住鉄板爐邊,讓客人可以望住廚師即場製作。我們點了個伊勢海老鉄板燒的二人餐。沙律及薯蓉:前菜有兩款,沙律帶酸甜味道,比較開胃;薯蓉軟滑配煙肉碎,比較香口及飽滯。兩種前菜各有不同的風味,但份量適中。汁煮東星斑:廚師在鉄板上即燒即煮,先煎香魚柳同時爆少洋葱,再把魚柳放在鑊內以特製日本醬汁炆煮至熟上碟。廚師功夫一絲不拘,認真製作用心製造,東星斑無論外觀及味道都非常出色,魚柳色澤雪白,肉質新鮮嫩滑,醬汁帶點甜味,配上炒至軟腍的洋葱,是一個不錯的開始。海膽汁煮龍蝦:龍蝦是澳洲龍蝦,體型大隻而且多肉,廚師將已經一開為二的龍蝦先煎一煎,再起了龍蝦肉放在一旁,加點清酒焗熟龍蝦殼後上碟,龍蝦肉切段後炒熟,再在旁邊淋上海膽汁,龍蝦新鮮,味質爽口彈牙,蝦肉甚多,龍蝦殼內其實還有很多的蝦肉,可以慢慢開殼食。熊本縣產A5和王牛:我們點了七成熟後,廚師先煎大啡菇、蕃薯及蘆筍後,再慢慢煎香A5和牛,去除肥油後,可以減輕油膩感,和牛外層煎至香脆,裏面還帶粉紅色,和牛肉味濃郁,油脂均勻,一咬落油份滲出,口腔內充滿大量的牛油香味,入口即溶。大啡菇煎得軟熟,蘆荀爽脆,蕃薯香甜軟腍,不會因為落了些油去煎,所以有點油膩。和牛炒飯:廚師把洋葱及蘿蔔粒及和牛炒至軟腍,加入蛋汁及珍珠飯炒至每粒飯都沾滿蛋汁,最後放入葱,珍珠米煙韌有飯香之餘還有和牛油脂,色澤亮麗,口感有豐富和牛香味,非常爽口。清酒煮蜆:廚師用錫紙摺成一個湯碗,煲滾清湯後加入蜆肉煮至開口,蜆肉味道鮮甜,而且無沙,湯底比較清淡,去除口腔內的油膩感。果凍配雜果:芋透明的果凍味道帶點甜味,質感似啫喱,配上香甜的啤梨、藍莓等,味道清新,中和油膩感,為整餐晚飯的終結。整體貴但好味,有A5和牛及龍蝦,其實都已經回本了。 繼續閱讀
(以上食評乃用戶個人意見 , 並不代表OpenRice之觀點。)
必食A5和牛 焦點食評
等級4 2017-11-24
907 瀏覽
銅鑼灣果然是美食集中地,尤其是日本菜,緊有一間係你附近。今晚跟老公去了位於銅鑼灣廣場後面的鉄人旨花一嚐鉄板燒。餐廳報置有日本風味,簡單優雅,如其名般以花為裝飾。餐廳有幾個主要的二人餐,當然亦有單點,但我見大部份客人都是點套餐,所以我們都點了一個伊勢海老鉄板燒。先來的是前菜,有<沙律及薯蓉>,沙律菜新鮮爽脆,配上香甜的番茄仔及帶酸味的沙律汁,非常清新開胃;薯蓉軟滑,中間有點蛋白,表面有些炸煙肉碎,比較香口惹味。之後是<汁煮東星斑>,師傅在面前即燒即煮,一邊煎香東星斑兩面,另一邊就爆香洋葱及淋上燒汁爆炒,最後將魚肉放在燒汁內略煮至吸引了部份的醬汁,再上碟,上碟都不是馬馬虎虎,是整齊的放上碟肉,再加點裝飾。魚肉新鮮嫩滑而且無骨,雖然吸收了洋葱的香味及燒汁味道,但絕對無蓋過魚肉的鮮味。主菜之一<海膽汁煮龍蝦>,龍蝦貌似澳洲種,非常大隻,將其一開為二,師傅先略煎龍蝦後再拆出蝦肉,先焗熟蝦殻,再爆熟龍蝦肉切粒,方便客人食用。龍蝦肉新鮮爽口,蝦肉彈牙有咬口,加少許檸檬汁去除油膩感味道更佳。另一款主菜是<熊本縣產A5和王牛>,師傳先咨詢客人要幾成熟,再因應客人要求而做,一邊煎和牛同時亦會煎大啡菇、蘆筍及蕃薯,煎的過程其實和牛有滲出牛油,和牛表面煎至微焦及香脆,裏面呈粉紅色,牛肉味濃郁,入口即溶,有油份的甘香,咬入口時油份爆出,滲入每個味蕾,雖然份量不多,但已經十分足夠,食完非常膩。之後再來的是<和牛炒飯>,先炒香和牛粒、洋葱及蘿蔔粒,再放入蛋醬後加日本珍珠米飯,炒至變金黃色後再放上香葱末,飯粒分明有口感,和牛牛油香味滲入飯內,基本上飯粒全部都沾滿著牛油香味。最後是<清酒煮蜆>,蜆肉新鮮無沙,湯甜鮮味,有點香葱味道。甜品是<香芋奶凍>,芋頭味香濃,奶凍軟滑,甜度適中,為豐富的一餐畫上完美的句號。 繼續閱讀
(以上食評乃用戶個人意見 , 並不代表OpenRice之觀點。)
等級4 2017-11-22
700 瀏覽
好姊妹對日本菜情有獨鍾,無論係廚師發板定鐵板燒都咁鐘意。上年佢生日本來諗住一試鉄人旨花,但因為某啲原因取消咗。事隔一年,今年重提,終於約到好姊妹同佢預祝生日。好姊妹平日好忙,所以去到鉄人旨花已經差不多九點鐘,無論廚師發板定鐵板燒兩邊人客都不多,可以寧靜的獨霸一枱享用晚餐。鐵板燒有好幾款套餐,有較便宜的龍蝦或鱈場蟹,或較昂貴的鮑魚或象拔蚌。龍蝦感覺上比較抵食,就叫上一客伊勢海老鉄板燒套餐。鐵板燒前先上前菜,雜菜沙律加上醬油甜甜鹹鹹入口爽脆又有少少鹹味釣味,很開胃不錯。薯仔蛋入口柔軟細滑帶有薯仔本身的香甜味,上面加上口感截然不同的煙肉片,甜鹹味都平衡到。東星斑多數都係原條清蒸,起肉汁煮比較少見。東星斑塊選用最厚肉部位,無骨啖啖肉魚肉又一梳梳,比起原條清蒸多了一種汁煮的醬油鹹鮮感。龍蝦未煮前的模樣師傅將已開邊龍蝦略煮後起肉,龍蝦殼與龍蝦肉分別煮熟,另一邊則煮海膽汁,煮到差不多時再將海膽汁與龍蝦肉混合。龍蝦殼煮好後龍蝦頭架起很有氣勢,旁邊則放上龍蝦肉塊。鮮活龍蝦肉自是鮮甜爽口又彈牙,海膽汁濃香海水味濃,將龍蝦味道提升更高海鮮層次。擠點檸檬汁則加多點清新酸清味。熊本縣A5和王牛據師傅所講未經雪藏,為免浪費大好和牛,好姊妹與我都只叫上五成熟。A5和牛油脂分佈平均,入口滿口油脂芳香。師傅建議第一口先唔點任何汁食其原味,第二口可點酸汁或較重口味的岩鹽。旁邊的配菜最欣賞燒露荀,露荀雖然很粗身但入口無渣,既諗又爽甜多汁。和牛炒飯米粒喺鐵板上好似跳舞咁不停彈起,炒飯炒得乾身爽口,很暖胃飽肚。清酒煮蜆酒清煮滾揮發後,只餘下淡淡酒香,蜆肉飽滿生熟程度剛好,入口爆汁。一餐完滿的晚餐少不了甜品,甜品可以揀杏仁豆腐、玫瑰紫薯布甸或柚子啫喱,我揀咗玫瑰紫薯布甸。甜品配上金色小匙羹賣相好靚,玫瑰糖醬配面層紫薯布甸及下面紫薯蓉,口感軟滑又不太甜,淡淡的紫薯味很討好。 繼續閱讀
(以上食評乃用戶個人意見 , 並不代表OpenRice之觀點。)
等級4 2017-11-20
685 瀏覽
成日都聽人地講鉄人旨花有幾高級又幾正,今晚就真係聞名不如見面,掹車邊有朋友帶我去見識見識。鉄人有兩間分店,分別係銅鑼灣同西環,今晚我地就去左銅鑼灣分店,地址係係謝斐道肇明大廈,銅鑼灣地鐵站C出口,幾分鐘路程,方便易搵。呢度裝修雅致,行日本風格,環境寬敞又舒服,仲有唔同size既獨立房提供,可以包箱滿足晒想要私人空間既又或者係一大班開party既朋友。呢度仲會隨住日本既季節或者節日黎另加佈置,搞搞氣氛tim,好似今晚就係秋日既紅葉佈置Menu餐廳主打日本鐵板燒、omakase、刺身同壽司。好可惜今晚個omakase師傅放假,冇緣品嚐,所以就決定食個蝦夷鮑魚鐵板燒套餐開始前,師傅會準備食材再大顯身手,包你同時有視覺、味覺同嗅覺既享受手作前菜前菜就提供左兩款沙律,分別有雜菜沙律同薯仔沙律,薯仔沙律仲好有口感tim紅酒煎鵝肝呢個煎鵝肝可以話係披住個黃金薄衣,煎得外面香脆,但係內裡就仲有顆粉色嫩心,入面就鮮嫩粉紅,食落好似牛油既質地咁慢慢溶化,個種油香仲會係個口入面停留日本蝦夷鮑魚蝦夷飽魚係貴價既黑飽魚,size有成隻手掌咁大,厚身彈牙,食落鮮甜有咬口,師傅仲將個鮑魚膽汁混埋d海帶一齊炒黎伴底,所以食落就更加原汁原味熊本縣產A5和王牛呢個熊本A5和王牛唔係度度有得食,仲要係和牛之王,除左油脂分佈均勻,肉味重,佢仲係入口即溶,食落成口都充斥住牛味,而且師傅功架好好先可以做到外面香脆,裡面咁嫩滑,至於伴碟既蒜片就超級香脆,仲好似薯片既口感和牛炒飯呢個炒飯用左日本珍珠米,除左炒得乾身,唔油膩之外,食落飯粒分明,仲有蛋香味,而且和牛粒味濃又有口感,正清酒煮蜆呢個清酒煮蜆好似睇緊師傅做魔術表演咁,佢係個金色既鋁紙盆入面點火,當個火熄左既時候,就會呈上呢個蜆肉。蜆肉size比較大,厚身鮮甜而且冇沙,加上清酒浸煮,味道一流甜品今晚既甜品係鮮果布甸,水果新鮮,布甸清甜,有助分解油膩感 繼續閱讀
(以上食評乃用戶個人意見 , 並不代表OpenRice之觀點。)