1060
20
15
港鐵銅鑼灣站 C 出口, 步行約1分鐘 繼續閱讀
電話號碼
28928819
開飯介紹
日本高級鐵板燒店,燒牛扒、燒海鮮,看著大廚表演即叫即做。 繼續閱讀
營業時間
今日營業
12:00 - 14:30
18:00 - 00:00
星期一至日
12:00 - 14:30
18:00 - 00:00
付款方式
Visa Master 現金 AE 銀聯
座位數目
80
其他資料
酒精飲品
自帶酒水 詳細介紹
切餅費 詳細介紹
加一服務費
食評 (1120)
等級4 2021-03-10
4827 瀏覽
對鐵人旨花印象最深刻的,莫過於它的老闆在訪問中說過,你來這裡消費,你給這個價錢,你一定食到值這個價錢的食物。在好友生日的這天,來到鐵人晚餐。她和我也是日本菜愛好者,來到當然要試這裡的廚師發辦。選了$2080的旨花,豪一豪佢。先來的是肥美如脂玉的白子,滿滿的一大杯,那是當造的季節。灑上少許青蔥,把一串肥美溶化到口腔!接著的秋刀刺身砌成葉子狀,沾少許牙蔥柚子醋更見肥美帶魚香!師傅說這是尾水了,我們仍食到是幸運,因為不返貨了。醋漬海參配鮭魚子,好香柚子味!鮭魚子卜蔔脆,海參鮮活彈牙。拖羅夾紙菜肥美又有魚香。肌燒白臘肌其實就是鰤魚,配上師傅自醃的番茄仔、放上紫蘇花再灑上七色芝麻,賣相精緻又好味!巨型的燒帶子真系一隻都都拎唔曬,肥大肉厚又鮮甜,用紫菜包著肥美!第一次食令和怪物,SIZE真系好巨型,之所以叫令和怪物是因為這只岩手縣的石蠔真的很巨型,食落清甜爽口!眼望到都好開心,肥大鮮甜JUICY爽口,有濃濃的海水味!!!龍蝦刺身啫喱好有創意,晶瑩的龍蝦肉配上酸酸甜甜的啫喱好開胃,可以緩和先前的油膩感。接著是拖羅夾紙菜,肥美和香脆相間。再接著又來拖羅刺刺,用了拖羅的鮫位,配上魚子醬代替醋,鮮味十足,加上金箔,造型精美。有刺身怎可以無酒助興?點了梅酒盡興一下。北海道雪場蟹配南瓜汁造型完全似食緊西餐,滿口牛油蒜頭洋蔥香,微微的紫蘇香,粟米片脆脆,配搭起黎新鮮感十足。熊本和牛壽喜燒又系驚喜之作,和牛肥美但火喉控制得好,所以食入口脂肪半溶但仍有肉和,滑嘟嘟似食啫喱咁,完全想像唔到食牛肉可以有這樣的口感。未到壽司環節其實我們已見飽,活北寄貝、九繪魚、北海道赤牡丹蝦等,款款都新鮮肥美,牡丹蝦上面仲加上了蝦膏蝦子白松露,食得矜貴。甜品環節前的最後一撃是重量級海膽壽司,我們話俾師傅聽我地好飽,但佢話就算飽都要食埋個海膽,咁先完滿,最多佢儘量將飯整細啲,海膽多啲XDOmakase不是沒有食過,但這麼盡興的非鐵人莫屬,雖然價錢看似稍貴,但食到的食材絕對值回票價。而且當晚雖然得一位師傅招呼4位食客,但佢都不時同食客交流,所以全程食得愉快又開心,增進了不少食材知識,今餐飯真系2020年食得最滿足的一餐飯,壽星都食得好滿意。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-01-16
12648 瀏覽
-鉄人旨花🍽-銅鑼灣人氣鐵板燒🔥另外佢都有另一邊係做Omakase想去食就記得要book位因為鐵板燒一枱Serve得6位客人😉-龍蝦鐵板燒🦞二人前 $23801️⃣前菜 蛋黃大蝦 黑芝麻醬配豆腐蝦肉好彈牙係虎蝦黎而且蛋黃醬好入味😋最surprise係下面個黑芝麻醬配豆腐望落覺得好怪但食落好正好match豆腐勁滑😍2️⃣沙律沙律特別在用左Wasabi撈埋個醋幾特別有淡淡Wasabi味攻上鼻🤣3️⃣汁煎白鱈魚睇住師傅煮個洋蔥汁同條魚真係大開眼戒😍師傅將個魚皮切出黎煎到勁香脆😋白鱈魚係滑到入口即溶配埋個洋葱好正😍汁都舔埋🤣🤣4️⃣龍蝦配海膽汁主角來了🦞!師傅將龍蝦一開二再拆殼起肉😍一邊煎個陣味係咁攻擊我個鼻🤣除左龍蝦佢個海膽汁都要講講呢個汁必點佢係唔會抽在龍蝦個味而又保持到個海膽鮮甜唔夠喉呀!😍5️⃣季節料理 蓮藕西蘭花忌廉原本以為下面個d係薯蓉原來係西蘭花忌廉第一次食好特別不過有少少膩🤣6️⃣熊本A5和王牛又黎到入口即溶既和牛不是小編就唔太鐘意個個莓汁😂好似唔太夾就咁食正d😂7️⃣炒飯食到炒飯其實已經有d飽🤣但和牛炒飯點都要食哂佢!8️⃣雞湯呢個湯世界級正😋勁濃雞味好好飲😍睇佢用個錫紙兜整成日覺得會倒瀉😂9️⃣甜品揀左哈蜜瓜同抹茶雪糕都係basic野😂 繼續閱讀
(以上食評乃用戶個人意見 , 並不代表OpenRice之觀點。)
🎄聖誕節將近, 大家係咪都煩惱緊去邊食餐好嘅呢? 今日我地就同大家介紹一間節日慶祝嘅好去處啦!不過而家無左晚市時段,大家可以去食午市/ save低之後再去🥲而且今次介紹呢間铁人旨花鐵板燒嘅質素真係好似去左日本咁,大家咁耐無得去,黎呢到一解鄉愁都唔錯架😂😂今次黎到我地叫左個「龍蝦鐵板燒二人套餐」,前菜係➡️黑芝麻醬凍豆腐,平時麻醬就食得多,今次黑芝麻醬味道非常濃郁,豆腐都夠哂滑,食完已經好期待啦😋😋沙津係甜甜酸酸非常開胃,上面仲加左奇亞子夠哂健康!到左第一道鐵板燒➡️”汁煮白鱈魚”,睇住師父係面前將肥美嘅白鱈魚煎到成塊都金黃,連魚皮都用左類似日式拓餅嘅手法整成脆塊,除左賞心悅目之外,食落仲有多重口感,白鱈魚嫩滑得黎仲充滿魚獨特嘅油脂味,加上用左清酒同醬油煮成嘅醬汁帶出魚嘅鮮味,真係差d汁都想飲哂😆之後就到左➡️”龍蝦配海膽汁”,材料拎黎成隻龍蝦都夠哂霸氣,師父係鐵板上原隻起肉,加上龍蝦膏同海膽整成醬汁,真係未食都覺得正😍一淡咬落去,明顯食得出龍蝦好新鮮,肉質好嫩仲好多汁,加埋醬汁,龍蝦味就更突出,而且餘味仲有淡淡嘅海膽味,真係一流水準。師父仲推薦我地用裝飾嘅紫蘇花配埋龍蝦肉,為鮮味加上一陣清香,夠哂特別👍🏻👍🏻再黎就到➡️”季節料理”,椰菜花蓉配蓮藕,蓮藕清香脆口,椰菜花蓉都夠哂滑,係套餐中間有一個清爽體驗準備迎接下一個主角食鐵板燒又點少得和牛呢? 今次套餐就包左➡️”熊本縣產A5和王牛”,和王牛油脂分佈真係好靚。我地叫左5成熟,岩岩好帶出左和牛嘅油香,師父配左岩鹽,炸蒜片,芥末,柚子醬同一款甜甜地嘅特製醬汁,令口味更多變化,不過和牛我地都係覺得同岩鹽最夾,鹽份更能帶出和牛嘅香味,真係食唔停口XDD😝😝收尾仲有➡️炒飯同雞湯,不過之前幾道菜真係太令人回味,炒飯就略為失色。但係大鄉里表示,鐵上面直接用清湯同高湯煮雞湯都真係第一次見🤣 飲落濃濃嘅酒香同清甜嘅雞味都好好飲,呢排天氣凍,驅寒就岩哂啦!最後仲有雪糕作為甜品,成餐都好滿足🥰🥰龍蝦鐵板燒二人套餐 ($2380 +10%)🔸 前菜🔹 沙津🔸 汁煮白鱈魚🔹 龍蝦配海膽汁🔸 季節料理🔹 熊本縣產A5和王牛🔸 炒飯🔹 雞湯🔸 甜品總括黎講價值的確唔平,不過服務同野食都係一流,我地就覺得物超所值啦,生日或者節日慶祝都係一個唔錯嘅選擇,會再黎一試👍🏻👍🏻 繼續閱讀
(以上食評乃用戶個人意見 , 並不代表OpenRice之觀點。)
等級4 2021-06-05
0 瀏覽
呢間餐廳主打Omakase同鐵板燒,所有食材由日本嚴選再直送到港,確保處於最新鮮狀態🇯🇵今日就試下💲2️⃣3️⃣8️⃣0️⃣嘅南非鮑魚鐵板燒(二人前)💗前菜豆腐嫩滑重豆香,淋上香濃嘅黑芝麻醬。面頭嘅鮮蝦爽口彈牙,以青檸柑橘漬吊起鮮味🦐💗沙律由沙律菜、車厘茄、櫻桃蘿蔔、青瓜同藜麥製成,以芥末醋汁調味,入口酸甜微辛,清新開胃🥗💗汁煮白鱈魚鱈魚煎至兩面金黃,肉質雪白厚身且片片分明,食落細嫩結實,魚鮮十足,魚皮另外煎至香酥脆口🐟墊底嘅洋蔥吸收哂香甜嘅味醂醬油汁同清酒香🧅💗南非活鮑魚鮮甜嘅鮑魚加入牛油、日本醬油同清酒爆炒,口感爽脆鮮嫩,彈牙有嚼勁🐚配以幼滑嘅青海苔忌廉汁,奶香中帶點和風口味🧈💗法國鵝肝(+$258/ 2件)鵝肝煎至外脆內軟,口感豐盈飽滿,油香四溢,味濃甘香,入口即化🦆配以烤脆嘅法包同自家製意大利黑醋平衡番油膩感🥖💗季節料理香煎蓮藕配椰菜花蓉:蓮藕簡單以海鹽同黑椒煎香,口感爽脆拉出藕絲,配有綿密軟滑嘅椰菜花蓉,味道樸素清淡🥦💗熊本縣產A5和王牛和王牛嘅油脂分佈達最高級12++,外表煎至焦香,內裡肉質粉嫩。食落柔軟鬆化,油脂豐盈,肉汁豐富🥩塗抹Wasabi 或柚子酸汁突顯肉香。配菜方面,香甜嘅日本蕃薯蘸點玫瑰岩鹽 🍠;炒羽衣甘藍則配以櫻桃紅酒汁🥬;最後以香脆惹味嘅獨子蒜片作結🧄💗炒飯(日本產米)炒飯乾爽唔油膩,粒粒分明。配料加咗乾貝絲﹑ 洋蔥粒🧅、蔥花、紅蘿蔔粒🥕同雞蛋🥚,整體焦香惹味🍳額外附上酸甜嘅千本漬💗雞湯雞品味道清甜暖胃,帶些微酒香,配以爽口嘅杏鮑菇片🍄💗甜品靜岡蜜瓜係季節限定,果肉青綠熟透,糖度特別高,食落香甜多汁🍈 繼續閱讀
(以上食評乃用戶個人意見 , 並不代表OpenRice之觀點。)
等級1 2021-05-12
136 瀏覽
抵讚lunch omakase,師傅超正!雖然食物都係由師傅發板,但一D都唔失望,仲要物超所值!最好食就係龍蝦刺身、吞拿魚及海膽,龍蝦刺身爽脆清甜、吞拿魚入口即溶海(原來師傅選左無根位置俾我哋食、膽鮮甜美味,正! 繼續閱讀
(以上食評乃用戶個人意見 , 並不代表OpenRice之觀點。)