52
4
0
港鐵灣仔站 C 出口, 步行約3分鐘 繼續閱讀
所有分店 (2)
電話號碼
28158698
開飯介紹
主打傳統潮州菜,廚師嚴選新鮮食材,講究材料的搭配,精心製作多款潮州地道小菜。以鹵水鵝,各種海鮮如鮑魚、海螺馳名。 繼續閱讀
營業時間
今日營業
11:30 - 23:30
星期一至日
11:30 - 23:30
付款方式
Visa Master 現金 銀聯
座位數目
80
其他資料
網上訂座
Wi-Fi
酒精飲品
自帶酒水
泊車 詳細介紹
電話訂座 詳細介紹
賞訂座積分
外賣服務
加一服務費
室外座位
獨家網上訂座
以上資料只供參考, 請與餐廳確認詳情
有關獎賞計劃
食評 (68)
等級7 2022-02-24
2519 瀏覽
叔公嬸婆於灣仔名店「鈺潮州菜」設宴款待親友,年紀輕輕嘅XO仔亦有份參與,實感榮幸萬分。潮州菜館正門設於地下,門牌光鮮,故不難找到。通往樓上用餐大堂必先行經梯級或乘坐升降機。長輩早已安排晚宴於廂房內進行,空間感足,私隱度更高。餐桌上擺有齊備嘅自用及公用餐具;菜單早已訂好,大家只需飯來張口。潮式凍大紅花蟹:大大隻花蟹橙美吸睛,厚厚嘅蟹肉鮮嫩多汁。潮式四喜拼盤:潮式拼盤內含四款香口小食,其中普寧炸豆腐外脆內嫩,潮陽蝦棗及蟹棗鬆爽彈牙,最特別就係半脆半腍嘅蝦米薯仔粿。鹵水拼盤:鹵水拼盤中小肥唔識食掌翼,不過舖面嘅鵝腸夠爽、墊底嘅鵝肉都好夠肉汁。椒鹽九肚魚($128):九肚魚外層酥脆,魚肉嫩滑,惹味小食也。紅燒潮州翅($348/位):每人一客嘅潮州靚翅十分足料,翅翅又粗又滑溜,紅燒湯底亦香濃暖胃,極為窩心!蒜子火腩扣花錦鱔皇腩:大肥爸爸激讚鱔皇腩嘅鱔皮厚潤腍滑,肉質幼嫩鮮甜肥美。伴配嘅豆苗翠綠軟嫩,同大大隻冬菇一樣索盡煲中嘅精華!豬油炒白菜仔:話明用豬油炒嘅白菜仔肥嘟嘟,外表尤其油潤有光澤,食落爽脆鮮美。沙爹牛河($148):單尾沙爹牛河微辣鮮香,河粉麵條幼滑肥彈,牛肉又夠鬆軟,就連芥蘭都脆卜卜,實滋味無窮,!黃金發財卷:意頭夠堅嘅菜式其實係用髮菜炸出嘅點心。以一層薄薄嘅腐皮包住嘅髮菜卷意外地熱辣,而且彈彈地嘅質感完全唔鬆散,有嚼口得黎芳香輕盈。羔燒三寶($198):地道潮式甜品羔燒三寶嘅銀杏細巧軟潤,個人避開唔食紫色嘅芋頭,但最愛清甜可口嘅甜蕃薯。灣仔人氣中菜廳「鈺膳潮州菜」地方企理衛生,唯獨用餐大堂面積唔算大,樓底唔高,滿座時難免會覺得嘈雜,幸好當晚十多人宴席間出廂房,成功提升咗私人空間。長輩預訂之十道菜餐單豐盛高質,傳統潮州菜餚有相當嘅信心保證,皮滑肉嫩嘅花錦鱔皇腩更加係冇得頂呀! 繼續閱讀
(以上食評乃用戶個人意見 , 並不代表OpenRice之觀點。)
等級1 2022-08-07
0 瀏覽
無意間發現這間潮菜,朋友邀請生日飯去一試。坐位不多,環境整齊,每張檯距離空間足夠。我們到埗時可能剛開始營業,空調不足但經反映後立即作出改善,值得一讚。個人認為價錢合理,菜式份量,味道不錯。值得一提係服務員態度非常好,點餐時溫馨提示菜式份量,剛剛好。此外,經常來檢查及換乾淨碟,非常窩心會再去光顧 繼續閱讀
(以上食評乃用戶個人意見 , 並不代表OpenRice之觀點。)
等級1 2022-07-28
0 瀏覽
今日約好幾個朋友食🎂生日晚飯,一行5大1小,見呢間食評唔錯就試下,因平日都怕會滿座,因此早一日訂定位,6:20到即可安排座位,坐下未齊人,侍應就到來問需否點餐,但因主角及還有朋友未到,因此告訴遲些再點,等主角到,當朋友到齊人坐下,同一位女侍應再到來問需否點餐,因主角剛坐下餐牌都未睇,因此再次告訴遲一些,正當大家朋友討論叫咩食時,😂位女侍應又再次到來問我哋點餐,因未研究好,但都叫了4樣先,滷水鵝,咕嚕肉,潮州蠔仔烙,小炒皇,上菜速度快,之後再叫了一個方魚炒芥蘭,本來還想試四喜拼盤,但因唔知有邊四樣,問另一位侍應,問佢甜定感咸,佢答梗係咸啦,但就唔答有邊四樣,態度不是太好,因此我地冇叫到,之後其實都有再考慮緊要反沙芋定糖醋麵,因為有生日蛋糕,所以諗住2選一,但由點餐到進餐的過程,侍應的態度都不好,例如點餐呀!加水呀!明明地方唔大,係佢面前伸手叫埋出聲,都可以當睇唔到,到最後因主角想試下糖水,叫了一碗綠豆爽,但其他朋友怕太涼就冇要,當搵侍應點餐時,位侍應好唔滿意咁應我哋,一碗?叫一碗得一人份量喎,😂本人心想,一碗當然一人份量啦,唔駛你講我都知,到最後搵侍應拎蛋糕出嚟切,侍應話要收$150切餅費,我地話OK,咁佢哋拎出我哋買的生日蛋糕及幫我哋點🎂,但竟然冇俾碟同叉俾我哋,我哋再問佢哋有冇餐具,佢哋竟然答以為我地唔俾切餅費😂我同朋友就諗,明明講咗OK,你又幫我哋拎咗🎂點埋蠟燭,莫非你唔俾餐具我地,就會唔收我哋切餅費,真奇怪。總結:是日晚餐,食物正常唔算好味,好味過呢間還有很多,價錢因地區所以都算正常,但侍應的白鴿眼服務態度,真係要大大改善,本人都很少會咁不滿意一間餐廳🤦🏻‍♀️ 繼續閱讀
(以上食評乃用戶個人意見 , 並不代表OpenRice之觀點。)
等級3 2022-07-09
352 瀏覽
駱克道食店林立, 竟然比我地揾到間食潮州菜的中菜館。 6:30pm 到達, 見無乜人, 以為中伏啦。 但我到7pm, 已經爆場,睇黎我早到。是日晚餐脆皮炸子雞鵝肝鵝片拼鵝翼小炒王沙爹牛肉炒河糖醋麵胡椒豬肚湯脆皮炸子雞, 皮脆肉滑, 雞肉鮮嫩, 雞皮炸到好脆, 非常野味。鵝肝, 邪惡的鵝肝, 入口甘香,邪惡都值得。鵝片拼鵝翼, 鵝片較薄但肉嫩,鵝片帶彈性, 滷水汁唔會太咸, 帶少少甜味。小炒王, 有鑊氣, 但略為份量較少。沙爹牛肉炒河, 沙爹汁好味, 牛肉厚切有牛肉味, 好似和牛咁軟咁林。糖醋麵, 糖醋麵煎炸得剛剛好, 有微微燶邊, 入口"爽爽"聲。胡椒豬肚湯, 胡椒味較淡,似清湯。蠔餅, 份量超大, 正宗潮州蠔餅, 薯粉唔會太漿口, 蠔仔肥美。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-10-04
3442 瀏覽
食潮州菜即係打冷,通常傳統潮州菜環境一般,但勝在有風味,但鈺膳就唔同,環境一流,三五知己食吓飯傾吓計,是一個非常好嘅地方,價錢又唔係好貴,食物方面連潮州人都讚,上到去你會見到餐廳掛咗各式各項既美食奬,一定唔會差啦,今日四人行,叫咗九道菜,份量唔係太大碟,所以可以試多啲唔同款式🤣🤣▪️🦆滷水鵝片 $158我個人認為偏瘦嘅,但我啲friend又覺得OK,肉方面好軟淋同埋好入味,薦底嘅滷水豆腐先正💛▪️🐠椒鹽九肚魚 $118炸粉好薄,炸得超級香脆,九肚魚完全冇骨,好好味呀💛💛💛▪️🧈普寧炸豆腐 $88一樣都係炸到外脆內軟,點少少椒鹽食,正💛▪️🥬🐂沙嗲牛肉炒菜 $128呢個其實係一個好普通嘅餸菜,但係佢整得好好味,菜心條條爽口冇渣,牛肉好淋,重點係沙嗲醬,好香濃有少少花生碎同埋少少辣,得💛💛▪️🐷梅羔排骨 $128呢個係服務員推介,個汁酸酸甜甜好香梅味,個排骨係半肥瘦😏😏,咬落去啲肉汁爆曬出嚟,一流💛💛💛▪️🐽紅燒咕嚕肉 $128梅羔骨瞬間掃清之後,大家都唔夠喉,但冇理由叫返同一樣嘢,所以又叫個咕嚕肉試吓,咕嚕肉個汁當然香濃好多,咬落去仍然脆身,而且應該係用梅頭肉,所以肉質好爽,一樣咁正💛💛▪️🥔蝦米薯仔粿 $48呢個有少少似蘿蔔糕嘅物體,但係硬身少少,外皮係煎到脆既,點埋佢哋自家製嘅辣椒醬一齊食,都唔錯嘅💛▪️🍜糖醋伊麵 $118呢個係我最鍾意食嘅,煎得脆脆嘅麵,加埋糖和醋一齊食,真係超正💛💛💛▪️🍠🧈黃金反沙雙條 $128呢個甜品都係潮州菜嘅精髓,一般只有芋頭,但呢度就有芋頭同埋南瓜,外層係用糖包圍着炸得好脆,南瓜同埋芋頭都好軟糯,好味💛💛⚠️溫馨提示晚市緊記訂位 繼續閱讀
(以上食評乃用戶個人意見 , 並不代表OpenRice之觀點。)