鈞壹居 (已結業)

原本想黎食蛋包飯 但原來午市先有。入坐時八點半到晚餐有一兩款都賣晒了..叫左牛柳同 芝士意粉（唔記得全名）意粉有餐湯飲品.. 仲有塊蒜蓉包 就唔知牛柳定意粉送牛柳有野飲 杯凍飲都比平常大d由於得兩位廚師，其中一個應該係老闆，所以主菜比較耐先有但真係好值得等... 牛柳兩大塊.. 好淋.. 薯角都勁好食！係出面冇兩三百都食唔到咁大碟又好味！ 超正意粉都好味 好大碟 食到超飽 每人都唔駛$100良心小店 要多多支持

訂左枱6點半，6點45分有位入得，等15分鐘都唔係太過份，可以接受我叫左香煎西冷，五成熟配意粉，餐湯加酥皮酥皮不錯，配熱騰騰嘅白湯，外觀也很好，好滿意牛扒真係五成熟，有肉汁口感不錯忘記了替意粉拍照，但意粉也是有水準的離開餐廳後身上伴隨着油煙味，通風系統有待改善

今日放假，約左友人去大埔交放。完左交收後又有少少肚餓所以就去搵野食...之前見過大埔友有人介紹"鈞壹居"話大廚係酒店出身，食物質素都有番咁上下喎！行左一陣終於都俾我搵到鋪頭。第一眼望落去黑黑沈沈入到去有好大陣油煙味。地方一眼望哂只有14個位置，但沒有壓迫感，枱同枱之前都有少少距離。坐低後有個店員俾個餐牌我，店員完全沒有笑容，我還想問我欠了你嗎？一望餐牌只有飯和意粉？沒有茶餐？（心裏想）之後再問一問店員有冇茶餐之後佢好不願意咁拎過俾我最後我選擇了A茶，熱檸茶睇個餐算係吸引既，但黎到之後就.......還有店員送餐時候不是送係客人面前，而係送係枱面然後自己需動手放係自己面前。好有不禮貌對待既感覺店鋪只有兩位客人又不是多人！講番食物：蒜容飽沒有蒜容味，只有牛油味法蘭克福腸是暖的不是熱，紐倫堡腸也是，好似用熱水滾兩滾，再笑微一煎而已！不是用明火煎一煎已經很香口嗎？整個餐只有少蛋可以接受，但是炒蛋一些味道都沒有，只有蛋味！完.....原來酒店是這樣出品嗎？真是名過於實不會再有下次

今日家姐請食飯，揀左間近啲嘅平民西餐廳等嘅時候1點幾，但仍然非常多人，所以真係人氣之選架牛扒意粉其實淨係睇個外表已經非常吸引，塊牛扒又大又厚身足晒份量切落去無須廢勁已經感覺到肉質嫩滑，食落去仲包含少少肉汁唔會乾真真如果都係覺得乾可以落埋汁不過邊位就有啲筋位難咬少少女孩子可能會有少少失儀態，不過當然避開筋位唔食就真係正另外其實底下仲有意粉架，係牛扒太大遮得七七八八我食個陣意粉有白汁，所以冇加到另外個杯汁(已經唔記得咩汁)白汁味道唔會太重，加埋意粉一齊食都冇油膩感，仲可以保證飽肚添P.S.本身個餐係牛扒飯，轉意粉要加$3整體黎講成份食物真係好飽肚，仲有忌廉湯飲，真係物美價廉

話說小妹都住左大埔咁多年,都會成日係番大埔度覓食好野架,同埋好多人都會特登由九龍入黎大埔食tim丫,但真人既,大埔真係好多好好食既野,今日收工約左大埔朋友食飯,行下行下就見到哩間位於大埔南盛街19至23號南盛閣4號舖名叫鈞壹居既西餐廳,見到門口已經好多人等位,又好似好吸引,因為之前朋友都介紹過話好好味,所以一直都好想試,等左大約15mins就好快有位啦!個餐湯係跟白湯,好好飲丫,好香濃的口感,好正!個牛排真係好味到泊得住出面成千蚊塊個肉質,好新解的牛,又好厚身,好juicy咬落去,煎得岩岩好,口感紮實,必點!我係咖哩怪,緊係一定要點個咖哩蛋包飯,個咖哩汁好香濃又唔會太spicy,好香好味!炸魚柳好香脆新鮮,好滑的魚柳!仲要勁多飯囉,真係好抵食!

我的親愛...是一個非常非常熱愛牛排的人，而且他天生有獨特的牛排舌頭，因此，我特地帶他來吃一下這一間隱於市的鈞壹居。平時都要大排長龍，今天就算我BOOK了位，都要等...但美食是值得等下的。 就是因為要等，所以才有時間在外拍下照片，我們晚上7時40分左右到，但已經有最少一款推介沒有了！終於可以進內了~我們點了兩個排餐，加一個吉列蠔。因為我少在晚上光顧，所以不知道原來晚餐的餐湯或飲品只是二選一。我第之後再來就聰明，我建議大家飲餐湯時加10元轉酥皮湯，即叫即整！其實要在這間店吃餐有一個必要條件，就是要有耐性，因為上餐時間很耐...=.=等了一回，先來了吉列蠔。 外皮夠脆，最重要是當一口咬下，蠔汁就流出，完全是能鎖著蠔汁的吉列蠔，不似其他的蠔乾而無蠔味。等了差不多40分鐘，主角終於出場，牛柳啊~~好厚啊！一望已經好吸引，切下去軟身易切，已經印象很好，一口吃下~~哦~~~~WOW~~~~~ 真的很好吃哦~牛排解凍很好，很有牛味，而且易咬。平時吃牛排我都會要大量汁，但這個真的不需要。推介~~~ 另外，鈞壹居有名的是他的意粉，這意粉可不是一般的意粉，是另外煮的，而且非常入味，意粉不會太硬

食了一餐不錯的飯餐湯係白湯，因為太肚餓，一口氣飲左，忌廉味重，湯不太杰身，質感不錯易入口，內裏有少量海鮮，蜆、八瓜魚等，所以都幾有海鮮味主菜咸豬手，外表炸得好脆，由於已經分左件，食皮好似食厚切薯片，好正。再吃內裹的豬手肉，起左件啖啖肉，不太多脂肪，也不太咸，肉質好滑嫩。薯角連薯皮炸，新鮮薯仔咬落好淋，配沙律菜也好鮮嫩，整體價錢不貴，食物質素佳，煮得不錯

一直好想試鈞壹居的蛋包飯 今日終於試到👏🏿小提示：午餐是1130-4點供應 如果想試蛋包飯 盡量要230前 因為會賣哂 如果唔想等太耐位可以提早打電話book位 因為午餐時段會比較多人蛋包飯果然沒有令我失望十分鮮嫩而且有濃濃既蛋味💕薯餅亦都非常脆口不過帶甜味 未必人人喜歡 不過我幾中意😬至於沙律 普通水平 沒什麼驚喜 如果你肚餓唔建議你叫有一個失望之處是店員服務態度唔係咁好 嗌飛有分訂位係只有數字 而walk in係數字加粒星 而客人經常混淆 但店員會唔耐煩啲客人搞錯 態度一般

上年已經聽朋友講呢度嘅lunch 抵食又好味，一直都冇機會試，剛好去完粉嶺郊遊，就去試下!星期日黃昏6點幾到達，門口已經有10幾人等位，幸運係前面冇人等二人枱，所以大約15分鐘已經可以入坐。直到8點幾仍然持續有人等位!呢間餐廳幾平民化，阿姐好健談，會叫你睇定食咩，差不多到你號碼時可以叫定先，因為可能好快就賣光，同埋上堂速度唔算好快，始終係即整，肚餓嘅要叫定先；另外，我都見到有一家大細，同埋60 / 70 歲的公公婆婆，一齊食家庭飯。晚餐有「肥天推界」和「阿周推界」，唔知道「肥天」和「阿周」係口咪兩個廚師呢？「肥天推界」係各種肉類，「阿周推界」係意粉和飯類，兩種都跟餐包餐湯或飲品。餐湯係甘荀忌廉湯，味道一般，唔太濃，唔夠熱；蒜蓉香草法包，okay!美國牛肩扒 ($108) 7成熟配意粉，好大件，好厚身，佢整到大約係6成熟，比起預期嘅生少少，不過都可以，肉質淋有肉汁，好味! 誠意推界佢個意粉，因為佢好有誠意，唔係白烚，係加忌廉、芝士和香草，好好味! 食食下仲聽到阿姐同其中一枱，三個似大學生嘅男仔講：「細佬，識食梗係食意粉，白飯你屋企都有得食啦!」佢又講得好啱wor!西班牙香烤豬仔脾 ($8

相信有幫襯過鈞壹居既朋友都會知道等位係指定動作而且未必好快就有位 因為鋪仔細細.. 即使佢已經開埋樓上 都唔係容納到好多人又有八爪魚, 又有硯肉既餐湯香煎牛扒飯 $52   可以揀燒汁同黑椒汁 但對我地黎講揀咩汁都無分別因為我地食晒成碟先發現唔記得左落汁 ;P 但係唔落汁本身己經好夠味牛扒好厚身~ 煎得好香 牛肉夠軟腍夠juicy ~西班牙香烤豬仔脾飯 $50 呢個醬汁聞落幾香, 但食落味道就一般..豬仔骨煮到好柔軟, 唔使用力切已經做到骨肉分離既效果 ;DDD 肉質唔錯 就係差個醬汁!阿根廷紅蝦扒八爪魚蒜香意粉 $48   賣相靚唔需要講, 食落去真係好想大叫好好味呀~~~~蒜頭同洋蔥既香味真係好出 好惹味雖然得一隻, 但隻蝦好大隻, 同埋吸收晒蒜頭既香味! 正 <3意粉中間夾雜住好多八爪魚, 硯肉同蘑菇粒 每一啖都唔會令你失望呢個係必食推介 !!! 粟米鮮蝦bb帆立貝暖蛋焗飯 $48估唔到今餐都食左唔少海鮮... 呢個飯有成四粒bb帆立貝+三隻蝦~面頭既焗芝士唔算太多, 但係一定夠食~ 下層有唔少粟米粒同滑蛋~餐飲食完甘滿足既一餐 埋單都只係$198雖然地方係細左d 員工係

今日LUNCH又試左間新餐廳, 間餐廳其實開左好耐, 只係今日第一次幫襯. 餐廳屬舊式，雖然有兩層，但都細細間，枱與枱之間好逼，所以都要等一陣先有位。午餐都幾多選擇，價錢都係四十幾五十蚊，有湯有飲品。我地叫左黑毛豬意粉同蜜餞煙鴨胸燴蕃茄意粉。餐湯冇得揀，得一款忌廉蜆肉湯，冇CREAM味，好似粟粉糊加ｄ蜆肉，吾好味。黑毛豬意粉同蜜餞煙鴨胸燴蕃茄意粉，味道都可以，賣相比一般茶餐廳精緻，份量好大，我見有客叫牛排意粉，件牛排成隻碟咁大。我同事話黑毛豬都ｏｋ，吾ｕｎ。意粉好煙UN, 吾似一般茶餐廳林哂.  煙鴨胸燴蕃茄意粉就比較重口味，淡番少少會好ｄ。賣相真係吾似一般茶餐廳咁求其, 不過可能客多, 上菜速道超慢，就算上飲品都好慢。一個午餐五十蚊有湯有野飲，比起茶餐廳，真係好ｏｋ。

某次lunch想去附近食韓國嘢，不幸佢竟然冇開！只好揾下呢幾條街有咩食...結果就入左去了。鈞壹居名符其實係幾鈞一，或者睇menu你唔會明點解呢個裝修同格局可以收50蚊個餐，但上枱時，先有白湯（不過係生粉水），嘢飲（奶茶唔錯），最重要係主菜，擺得好靚，料又多！呢排食左幾次，1次係黑松露醬意粉，醬極多。另一次係牛排飯，牛排有半雙上臂咁長。最後係吉列蝦蛋包飯，個蛋整得靚，但蝦太明顯雪藏唔好食，胡麻醬太甜。

一早聽講過大埔呢間鈞壹居門口成日大排長龍.. 今日黎都等左大約15分鐘先入到呢佢既午餐都算幾多選擇~ 每兩個星期會換一次餐牌 (隔個星期四會換一次)先黎既係餐湯~ 粟米湯 個湯就一般般 哈哈因為聽講有黑毛豬既款式好快會賣晒 所以第一時間叫左個 炭燒黑毛豬飯 $50好大件黑毛豬! 肉質夠嫩夠入味 同埋份量真係一d都唔細! 醬汁充滿住香草香味~ 超值之選~~黑松露鮮菇意粉 $48 比起出面既西餐廳松露味唔算太濃~ 意粉既醬汁亦都唔太濃~但就係鐘意佢咁樣整 無咁飽飽滯滯! 而且都幾多菇, 西芹同蘿蔔絲.. 感覺健康d 日式軟殼蟹飯 $48  如果可以既話我希望以後既menu都會出現呢款飯!!好大既軟殼蟹 炸得好鬆脆 炸既時間真係拿捏得好好入面既蟹肉味道真係好出! 炸得黎都唔會覺得好油 ~意大利藍青口鮮蝦暖蛋焗飯 $48 轉配意粉 +$3呢個係今日黎講比較失望既一款~ 原本係配飯既.. 我地加左$3轉配意粉茄味同芝士味都唔夠 可能係跟本溶入唔到d意粉度 >___<可能配返焗飯先至係最夾不過都幾足料架... 三隻青口加兩隻蝦~~~食完呢餐 真係會明白點解成日都有咁多人排隊大埔既小

聽了D100電臺介紹其早餐，抱著期待心情去試試其晚餐。以港式西餐館來說水準以上，頭盤白酒煮蜆，份量十足，忌廉味道唔錯！不過酒味不太顯。主菜黑毛豬扒弄得肉嫩入味，賣80元不到超值！可惜同港式西餐傳統一樣配飯、意粉等。有些殺風景，我要求換了沙律菜。再點了個蕃茄醬雲吞頭盤作配菜主食，味道無失望但也無驚喜，幾十元難道要手作雲吞咩！當然成張單才170多，性價比相當高。

認識這間小店是上次朋友生日聚會，第一印象是超級抵食！今天剛好在大埔遊玩完再光顧。怎知道食物質素下降了😔湯只有粟米粒脆口蒜蓉飽換成寒酸手指條 （聽男店員說是肉食成本上升，在不加價情況下只能節省成本）燴飯味道不變但飯變得太爛不變的是男店員，仍然很好服務有解釋飯爛原因亦要求補償我第二款食物只是我已經太飽吃不下了不常看open rice 的我，特別開賬戶寫這篇食評，希望他們能看到。小店是難經營，希望他們能夠維持水準