影片
港鐵東涌站 C 出口, 步行約1分鐘
繼續閱讀
電話號碼
35895877
營業時間
今日營業
11:30 - 22:00
星期一至日
11:30 - 22:00
*截單時間: 21:15
以上資料只供參考, 請與餐廳確認詳情
-
網上訂座即將推出
今日同屋企人去東涌金龍鋸扒，細個大時大節媽咪成日帶我同妹妹四圍食扒房，始終有種情意結🥹❤️就係童年回憶❤️。。最懷念就係金雀扒房，當時仲記得聖誕節有玩具派添🤣同埋食完扒一定要食雪糕甜品做總結人哋飲茶有情意結，我哋就鋸扒有情意結🤣好啦，講下今日去咗東涌新開嘅扒房，《金龍》餐廳名果然有氣勢😆而且餐廳裝修好有舊時香港扒房feel🤣🤣睇得出落咗唔小功夫‼️👍🏻食物方面，今次叫咗幾款扒🥩鐵板新西蘭肉眼扒（黑椒汁或蒜蓉汁）肉質有層次，有口感，肉汁豐富！薯菜伴碟，薯條好食過出面好多扒房餐廳！厚切多肉熱辣辣🥩鐵板愛爾蘭封門柳封門柳係牛嘅最重牛味部分，而且佢有個獨特口感，就係一定軟淋！呢款極力推介👍🏻🥩鐵板重量級巴西牛柳扒肉汁豐富，肉質特別軟嫩，牛柳油脂比較底！而且牛味較封門柳輕盈，女士至愛每款扒都可以升級為套餐！套餐包括，主食，餐湯，餐包，飲品今日非常滿足！同媽咪去食真係好有回憶🤣❤️見餐廳都多人等位，可以早小小去排隊拎飛😆金龍 (東涌東薈城)地扯 ： 大嶼山東涌達東路18-20號東薈城6樓601號舖
繼續閱讀
放lunch個陣見到有新嘢開，加埋係附近少見的港式扒房，就抱着試一試的心態入去。入面既裝修都比較懷舊，好有味道，不過座位之間不會太逼，坐落都舒服。我就叫左個西冷扒餐，附送一個餐包，嘢飲同埋飯或者意粉。餐包送上來幾時候有經過加熱，比起直接放上來更有誠意同埋好吃。羅宋湯就不過不失，但係忌廉蘑菇湯有驚喜，幾綿密，不過有些人可能會覺得太清淡。而西冷牛扒我叫咗5成熟，係鐵板上面淋完黑椒汁，D煙同埋香味令人食慾大動。變成了7成熟的西冷牛扒，肉質同口感都幾好，配上白飯確實一流。除了要排隊同埋價錢偏貴咗少少，整體體驗都係幾好既。食物不錯，環境舒服，下次會再黎試下佢平D既餐。
繼續閱讀
扒房啱啱開張第一次嚟食晚餐，平日夜晚要等半個鐘以上。叫咗兩份ribeye，其中一份漏咗單，朋友差唔多食完先嚟第二份。紅湯味道一般，唔夠蔬菜鮮甜味，個湯都幾䶢，仲要加$28先有湯，餐包同野飲，唔係好抵食。原本叫咗ribeye五成熟，鐵板明顯唔夠熱，倒汁落去都冇乜聲，結果切開得兩三成熟，個廚師似係冇乜經驗。塊肉好薄，肉質唔算好淋，冇乜牛味，配菜得1小粒西蘭花，1粒車厘茄及幾條薯條，似食緊大家樂根本都唔值呢個價。
繼續閱讀
🐑整體一般一般啦，都係D2 Place 金鳳好食D🐑餐包係熱嘅，夠誠意👍🏻🐑羅宋湯，夠酸夠辣，可惜係齋湯，即係冇肉冇骨，所以飲落口唔夠濃郁囉。其實做得扒房，一定有啲肉頭肉尾嘅下欄嘢嘅，落埋去煲湯都唔怕死啦🤭。🐑磨菇湯好味過羅宋湯好多，菇味都幾濃，而且打得滑身。🐑鐵板雜扒，鐵板扒嚟講，上枱夠熱，淋汁有咋咋聲，熱到連車厘茄同西蘭花呢啲伴菜都係超熱，就已經合格有餘嘞，其餘就係肉嘅質素：牛柳，食粉乸過嘅，乸得幾鬆，但又唔會鬆得太過份，拿捏得幾好；雞扒，是但求其搵個人點煎都ok㗎嘞，唔會出錯；腸仔，係廚師牌雞肉腸，芸芸咁多雞肉腸品牌當中，呢隻最好食，又係一定點整都唔會錯；煎蛋係蘭王蛋，夠揼本；薯格就一般貨式啦。至於汁方面，黑椒汁夠味，但係唔夠惹味，亦唔夠辣。🐑瑞士汁雞，瑞士汁鹹甜比例調教得幾好，可惜隻雞翼就浸老咗少少咁啦🤭。
繼續閱讀
在東涌東薈城6樓的新扒房餐廳，我品嚐了一道份量十足的鐵板新西蘭肉眼扒，搭配黑椒汁，還有招牌的鐵板金龍吐珠，淋上蒜蓉汁。這道菜驚豔到我眼球，又和牛又龍蝦。肉眼扒的厚切肉質焦香色澤，黑椒汁的香氣彌漫在整個鐵板上，食慾標升。咬下去，肉質鮮嫩多汁，黑椒的辛香與肉幾夾，忍唔住一口一口食不停。配菜的西蘭花和小番茄也可以，有小清新的口感。朋友叫的金龍吐珠的真的好好好震驚呀，和牛挽肉及龍蝦的搭配，好colorful，蒜蓉汁落到鐵板滋滋聲，又龍蝦又和牛，忍唔住偷食了佢幾舊。特別是龍蝦，肉質彈牙，搭配濃濃蒜蓉汁，真係食唔停囉。鐵板上的熱度好保持溫度。不過要等好耐，可能新開及在午市時間。飲品只叫了檸茶，又餐湯又餐包，真的夠滿足。下次來東涌，可能會食其他小食及甜品香蕉船。
繼續閱讀