金龍拉麵 (已結業)

好耐冇行山林道揾野食。先想食金鳯。但太多人排隊。所以就搵其他野食。同朋友行左去付近間金龍拉麵。坐低叫左碗白龍拉麵朋友就叫左個豬軟骨拉麵。白龍其實係荳乳湯感覺幾得意，有荳乳味同豬骨湯味都幾㚒。個朋友就話個豬軟骨幾淋同入味。講真咁既價格有咁既水準都覺得ok。下次再試其他拉麵湯底。真係新手食唒先唔記得影相。😆😆所以偷偷影左張餐牌。

行開山林道見到間金龍拉麵，唸起好似好耐無去過咪入去食，我同朋友叫左兩個麵同啲小食，啲小食都還可以，但系個麵就唔係好得囉，只係飲到味精味同好咸，同之前果次黎食差好遠

今次聽朋友的推介去了山林道的金龍拉麵試一試七色拉麵，一開始心諗七色拉麵有咩特別所以無抱任何的期望。但係一到餐廳雖然面積較少但佈置相當日式，可愛。在食物上七色的拉麵只點了青，白，兩色。但兩種色覺有好處，白色的豆腐牛奶湯底香，滑。女仕一定喜歡。另外青色是胡麻汁濃，香做撈麵—流。另外可以一試炸物，不論軟殼蟹，番薯都一流。最後推薦一燒尤魚和甜品明月冰卷。前者尤魚燒得入味燒汁配合得十分好。後者甜品唔太甜，红豆和菓子互相配合得十分好。如果有時間可以去一試。食物不太差。

受金龍拉麵的店名吸引，以為會有大阪金龍拉麵的風味，所以一坐下，二話不說就點九州叉燒拉麵(豬骨湯), 麵一到喝了啖湯就知完全唔掂，湯只有味精味，一點豬骨湯嘅味道都無，顏色更係清切嘅啡色，麵質更加係即色麵老公就點了牛肉鍋定食！一樣係極難食！大家千萬不要像我們上當！

合格拉麵昨晚收工，不知不覺原來已經十點幾 ，晚餐還未吃，急忙收拾包服，諗住是但去茶記吃個炒飯…… 又比我見到有間拉麵吾駛等，對自己好D先……點了一碗叉燒拉麵，麵質一般， 但湯底味道夠濃，重味豬骨濃湯，口感一流，流心蛋都好好食，叉燒又夠入味，整體合格，如再改善麵質，必為本人推介食店……！！！

放工入山林道搵食，試下呢間金龍拉麵，估唔到係令人失望嘅，其實拉麵本身好難整得難食，我本身已經要面璧而坐，已經有D怪怪地，我點左個泡菜豚肉拉麵，個麵上得唔算快，但麵身出奇地硬，而且都唔係平，味道是ok的，但試一次就算了

本身唔係去呢度食架。。。係香香燒。。。但係因為香香燒等O左勁耐都冇咩野食食到。所以走O左去睇下有咩其它野食見到呢間又有串燒就TRY下。個MANAGER 同D WAITRESS 好好SERVICE，野食好快到， 而且幾好味。做野好快手而且唔使客人係禁問D野食整好味。。。同香香燒完全冇得比。呢度好好多！！！MANAGER 仲請O左枝豆俾我地食。而且有同我地傾下計問下我地D野食得唔得！

不下一次再訪金龍拉麵, 不是因為拉麵味道特別的好, 而是因為方便, 工作就在附近, 可快來快去。知道餐廳一向收費相比附近各拉麵店來說比較抵食, 所以剛從國內回來, 而晚上又要工作便來這快吃。點了一個紅油豬骨拉麵, 主要是辣的味道, 要其惹味感覺。豬骨湯底不算太濃, 但有些油脂膩口, 適中的口感重量。辣味不算高, 只是算是輕輕挑逗一下, 可令胃口變得好一些, 特別適合於夏天的脹熱天氣吃吧!! 湯底-- 7.5/10配料上, 拉麵用上大量芽蔥, 但味道有些不足, 口感欠爽。而半隻味蛋, 外邊蛋白的豉油的鹹香沒有, 味淡, 而且蛋黃已近七成熟, 做得不好。粟米粒可以, 但都沒有特別。竹輪魚片味道太淡, 原來的味道已流失了, 咬下亦覺太淋, 相信是因為先水煮備用太耐所致。兩片叉燒, 肥瘦比例可以, 不過太薄而不滑, 影響口感嚼勁。不過幸好, 組織有致, 不算太過鬆散。配料 -- 6.5/10麵條亦是一樣的微卷曲黃色麵條, 彈力嚼勁都可以, 水煮時間掌握不錯。不過蛋味不足, 但麵條滑身, 拉湯能力也不差, 配合上辣味的豬骨湯, 效果可以。麵條 -- 8/10整體依然不俗, 如以HK$55一個麵來

上次食金鳳, 見到街口有張易拉架寫住金龍即時諗起日本大阪個間經過無埋由唔入去試試大阪個間都有食過睇下香港個間係唔係真既定係借名我叫左一碗金龍, 老婆叫左豚角佢個湯真係幾咸, 麵就重梘水味我唔識咁樣係唔係好, 但我兩個都唔鐘意, 去其他地方食都唔會咁重梘味到我既金龍來到我仲以為上錯左MENU入面我見到有肉有料有菜來到既時候我唔知係湯太多定係麵少左大部份既料浸在湯下面OK, 食落口先, 賣相未必等於味道蟹棒 帶子 紫菜都唔錯湯底還可以蛋硬麵都係重梘水味但肉那個真係唔得硬都算, 叉燒成舊三角朱古力咁唔切開做兩至三塊好似食緊煲湯豬肉咁成碗麵敗筆, 真係補兩刀就差好遠茶係值得一讚, 好夠味夠熱但我頭上既燈一直係到閃閃到我想食慢D, 坐多陣都唔得仲有$200以上先收卡, 兩個人來食記得帶CASHTOPIC話未必會去係因為近期咁多間拉麵, 佢唔會係一間我食完會選擇食多次既鋪有QUOTA都留俾其他PS 對我來說, 一風堂都係我唔會食多次既

一口氣寫了幾家Ramen Champion, 是時候講講其他。這家店可以用"靜悄悄"來形式, 不是說他人流靜悄悄, 而是開了並座落山林道這餐廳密集的地方來得靜悄悄。不過這家店卻來得實實在在, 幾個不同的湯底以供選擇, 感覺多樣, 但怕不專注, 哪便看看怎樣。這家餐廳湯底有多種選擇, 有豬骨湯, 有魚湯, 有海鮮湯, 有麵豉湯等等, 但麵底都是一樣, 而配料配搭隨著餐牌而不同。除了拉麵之外, 餐牌上還有沙律, 串燒, 炸物等可選擇, 活像一家日本料理店多於一家純拉麵店。而我點上的是豬軟骨豬骨湯拉麵, 湯底用上豬骨精緻熬製。湯底有豬骨鮮味, 膠口重身, 但味道不如前幾家的濃香, 可是卻有點搶喉的鹹。而且湯拉麵配置用料都較多, 甚有九州風的感覺。要論湯底 -- 7/10而麵條方面用上中粗幼度的微捲曲蛋麵條, 雖要求要硬一點麵質, 但是麵條依然較淋。麵條味道香, 淋身吸入湯汁較多, 味道亦較香。可惜始終湯底所限影響麵條的味道表現, 而且煮麵時間的控制有待改善。麵條 -- 6.5/10 用料方面, 剛敍以較有九州風格, 蔥花, 粟米, 豬軟骨, 鳴門卷, 紫菜, 長筍, 蟹柳等。其中, 豬軟骨肉

小型拉麵店，也有烏冬及日式串燒提供。款式選擇可算是多。點了較具特色的魚湯拉麵，附粟米、半熟蛋、叉燒、日式魚蛋、大紫菜...還有豬軟骨拉麵，附半熟蛋、3大件豬軟骨、大紫菜...豬軟骨拉麵湯底及豬軟骨都太鹹，吃罷很口渴，而魚湯就較為對味！麵及配的份量都很滿意，不會太細，最開心就是不用另點半熟蛋，讚!! 魚湯拉麵的叉燒是中國式五花腩，好大層脂肪阿 而店主選用曲麵，我個人較愛一風堂及秀拉麵用的幼身麵，軟D吸湯D, 也較少鹼水味。此外，也試了燒日本迷你番薯, 每串$22，只有3粒, 緊記趁熱吃, 待涼就欠了脆皮口感, 我認為可以燒得有焦香一點。最後一提，店內空調不夠，而光顧當晚只有數臺顧客，空氣理應較流通，我見店員都齊齊抹汗呀!!

因朋友生日出來慶祝,佢選了這裡,我就是用試菜心情來,入門口觀其環境不錯,兩边卡位,中間好似長枱般,直望是開放式厨房(可同大厨對話^^),服務仍要改進,由其那位女侍應,其實新開張,客又不多,應該好勤力招呼客人,全店只有 一男 一女招呼客人,男的較好會推介食物又話換熱茶給我哋!都是講番嘢食先,首先叫串燒食,推介燒迷你日本蕃薯,因由日本每星期運來,售完即止,好彩我哋有得食,雖然細細粒賣相似香腸仔,但肉質甜美又鬆軟,好食,而大葱雞肉串,鹽燒雞翼,燒大蝦同南瓜大蕃薯天婦羅都唔錯,鹽燒牛舌就麻麻,我勁推介是軟殼蟹天婦羅,因平時食是好細隻,點知送到來是咁大隻,重要有肉食,也要讚大厨,炸得好靚又唔油,脆漿也剛剛好,不會太厚(所以食咗兩隻呀),最後我哋加多個金龍拉麵(改咗烏冬加$10),原來好大碗,份量夠我哋二人食,佢概烏冬似人手造,好好食,裏面有半隻流心蛋(另叫要$10隻)好正,另有帶子大大隻,豬軟骨等好多料,不過佢未有酒牌,無清酒飲,但佢概荼就好好飲,大家有空來試吓啦, 重有這店無得簽咭,我哋食咗$400要給現金

果晚7點幾係山林道見到有間叫金龍拉麵,咪同幾個朋友去試下,裝修幾有日本feel,伙記都幾好招呼又有笑容,我地叫咗金龍拉麵,拉麵軟硬適中,湯底都好好味道,唔會太咸又唔太淡,我肯定好食過大阪果間金龍拉麵囉!仲有鍋燒烏冬,個烏冬湯底好香但唔濃,好味喎!之後個經理同我地講個湯底有用冬菇煲嘅,仲有隻天婦羅蝦又大隻炸得又夠脆,原來仲有燒烤食,我地叫咗安格斯牛,真係好好味!仲有燒日本番薯仔,好香又唔硬,燒雞棒同冬菇都唔錯,經理話遲d有埋日本雪榚酒同酒賣,幾個朋友食完都話正,價錢又唔貴,招呼又好,價得推薦的拉麵店,Good!

又唔係下面位人兄講得咁差, 我同兩個日本人上司去食, 我叫博多豬骨湯拉麵, 日本人食鹽味拉麵, 我食完都唔口渴, 比味千拉麵好喎, 日本人都話好味, 但個餃子就真係麻麻地, 浸到林曬, 待應態度係冷漠左少少, 但見到個識廣東話既日本廚司, 都加左唔少分, 應該食物會有heart過山林道其他日本料理囉, 因為我真係食過曬架.我諗剛開張, 仲有改進空間, 希望唔好好似其他日本料理店咁, 開一間摺一間.

今日試左個牛肉稻庭烏冬，D烏冬好滑，好彈牙，牛肉嘎味道岩岩好！真係好好食牙！