53
6
9
港鐵大圍站 A 出口, 步行約4分鐘 繼續閱讀
所有分店 (4)
電話號碼
23201381
付款方式
支付寶 現金 八達通 微信支付
食評 (78)
等級3 2019-09-23
116 瀏覽
猴子通常早餐唔會食太多,不過今日去到金龍冰室,睇見佢個歐陸滋味餐又真係好似好吸引,於是忍唔住叫咗嚟食。個早餐一擺上檯,成個碟裝到滿滿,心諗,好彩今日唔趕時間,否則要短時間之內食晒都幾係嘢。先講吓塊雞扒,炸到好香,雖然係油膩咗啲,不過偶然一餐半餐冇乜所謂喇。而薯格都同樣炸到好香好脆。好彩嘅係炒蛋同火腿冇咁多油,算係平衡返啲個油膩程度。至於茄汁焗豆就係一般嘅罐頭貨色,唔使多介紹喇呱。件奶油多都算係厚嗰隻,不過就硬咗少少,由於唔想做大嘥鬼,所以都盡量食晒,至多晏晝食少啲。 繼續閱讀
(以上食評乃用戶個人意見 , 並不代表OpenRice之觀點。)
等級1 2019-09-15
88 瀏覽
啲意大利飯好硬,又無味,唔知自己食緊乜個黑椒牛肉飯,唔知搞乜,黑椒味勁齋,無乜味。叫兩個中湯,黎得碗唔滿我地叫外賣,結果要另開罐頭先食得落己經係以茶記心態食,佢衰過其他茶記 繼續閱讀
(以上食評乃用戶個人意見 , 並不代表OpenRice之觀點。)
等級1 2019-08-31
75 瀏覽
行經大圍"金龍冰室", 鋪面光鮮, 入去食過午餐醫肚, 叫了一個常餐A6, $40, 包括有豬頸肉米線 + 奶醬厚多士 + 漢堡扒 + 熱奶茶, 另外一個午餐H, 炸豬扒芝士火腿奄列芝士汁撈丁 + 冰咖啡, 原本都正正常常的一間冰室午餐。但食到尾聲時, 我食梗碗豬頸肉米線, 無啦啦見到隻黑色物體, 打撈起發現有腳!疑似小強的蟲呀!!!超驚, 頓時胃口全失, 好想嘔!我仲要食左大半碗, 隻黑色蟲沉了底, 要撈碗米線多幾次先打撈它條爬蟲的屍上來。同碗米線影了相後, 隨即叫侍應過來, 侍應懶懶閒, 仲要話隻蟲係飛入碗米線內, 我隨即反駁 :<個隻似小強的野沉左底架, 我仲要食到尾, 打撈左幾次先發現到它條屍, 它點飛落碗米線到呀?>, 侍應之後hea收走碗麵, 話比多麵你食, 我答:<我仲點夠膽食呢間鋪的食物呀?>, 重覆問了幾次侍應點處理, 侍應勉為其難地拿起我們張單, 話這個常餐不用比錢, 並只void了一個常餐, 照計杯熱奶茶錢。錢其實不是問題, 只是幾廿蚊, 我食得起。 但個心理陰影好大, 我好驚, 簡單地食個常餐麵都竟然發現裡面有蟲, 我都不知會否食了其他蟲落肚, 間鋪好不衞生, 侍應又hea又不理, 仲要屈隻疑似小強的蟲自己飛入去, 但其實是一早已經浸泡在米線內, 侍應最後勉為其難void了一個餐就算, 但奶茶錢照計, 十分之有誠意呢!我當然不會再食這間有蟲冰室, 但都要記錄冰室的衞生情況, 以及侍應的處事方法及態度! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-08-11
200 瀏覽
3:15下午茶時間、此間有四分店,我順便來大圍轉車那就順便食野,人都多,要等位,不過一人好容易有位。我就簡簡單單叫左炸脾加火腿流心西多士。茶走—奶味都不錯,不過我坐冷氣位,好快凍左炸脾—算是有味,可再多點咸味,我不連皮食,都夠juicy 不過賣相很好👍🏻整整齊齊西多士—用練奶代替糖漿,我覺得好好食,芝士火腿剛剛味道,都是甜甜的整個餐35元來講算抵食又值得食。好彩冇入錯地方我覺得好ok下次試下晚市先 繼續閱讀
(以上食評乃用戶個人意見 , 並不代表OpenRice之觀點。)
等級2 2019-07-16
191 瀏覽
14/7又黎到遊行嘅日子,仲記得上次食過同系位於銅鑼灣嘅金龍冰室,印象唔錯,決定今日再試一次。原本打算叫常餐瑞士雞翼,但已售罄,友善店員姐姐提議幫我轉做鹵水雞脾,咁我就抱住一試無妨嘅心態即管試試喇。雞脾用鹵水汁醃得好入味,肉質亦算嫩滑,係一個小驚喜,多士同埋炒蛋都正常嘅,唯獨公仔麵味道稍淡同埋浸得太耐,奶茶茶同奶嘅比例唔錯亦唔會太甜。 繼續閱讀
(以上食評乃用戶個人意見 , 並不代表OpenRice之觀點。)