影片
開飯介紹
於1969年創立的老字號港式扒房，以熱騰騰的鐵板呈上親民價扒餐，再淋上香濃的黑椒汁或燒汁，非常惹味。
繼續閱讀
營業時間
今日營業
11:30 - 22:00
星期一至日
11:30 - 22:00
公眾假期
11:30 - 22:00
公眾假期前夕
11:30 - 22:00
以上資料只供參考, 請與餐廳確認詳情
相關文章
前晚同朋友去咗屯門金鳳大餐廳試佢哋嘅「每月特選晚餐」，雖然唔係第一次食金鳳嘅扒餐，而每次食都係食緊一種回憶同風味餐廳環境寬敞舒適，燈光溫暖，服務員好有禮貌又細心，畀我哋一入座就感覺賓至如歸。首先講柚子醬沙律，呢個沙律清新開胃，柚子醬酸甜得宜，配上新鮮嘅雜菜同生菜，食落好爽脆，完美為晚餐揭開序幕。主菜係鐵板西冷牛扒拼芝士焗大蝦，七成熟嘅西冷牛扒肉質嫩滑，煎得外焦內嫩，蒜蓉汁濃香撲鼻，入口充滿肉汁，簡直係人間美味！芝士焗大蝦更加係驚喜，蝦肉彈牙，芝士香濃得黎唔會過膩，焗得金黃誘人，令人食指大動。盤底放左吸哂汁嘅薯條同翠玉瓜鬆軟甜餐包配羅宋湯都好出色，餐包香甜鬆軟，羅宋湯酸甜濃郁，飲落暖胃又開胃。跟餐嘅即磨咖啡好香，熱騰騰端上嚟，味道濃而不苦，係一個完美嘅結尾。另叫嘅大胡麻醬雞肉沙律份量十足，雞肉嫩滑，胡麻醬香氣濃郁，沙律菜新鮮，食落好滿足，絕對係健康之選！可能係羅宋湯略為偏甜，對於唔太鍾意甜味嘅朋友可能會覺得稍為濃咗啲。但整體嚟講，金鳳大餐廳嘅晚餐精選無論係味道、賣相定係服務都好有水準，份量夠足，性價比高，真心推介！下次一定會再嚟試其他菜式，畀金鳳一個大大嘅讚！
繼續閱讀
很久沒鋸扒了，今日放工來了金鳳大餐廳吃一頓美味又豐富的鐵板餐。餐廳的鐵板款式非常多，牛扒種類款式繁多，仲有雞扒、豬扒、羊架等等，每一款鐵板都是啖啖肉，份量爆多，滋味極了。除咗鐵板之外，仲有意粉或飯可以點選，仲有一款食物啱自己。今日我同老公一人點了一份鐵板，鐵板餐配上了餐飲和餐湯及餐包。餐飲我們升級了特飲，一杯龍鳳檸樂，鮮檸檬配鹹檸檬再配上可樂，鹹鹹酸酸的非常醒胃，十分地道的特飲。另外一杯點選了雪糕紅豆冰，雪糕球放進了紅豆冰內，非常滋味，雪糕美味極了，就算雪糕溶化了，也不用害怕，紅豆冰配上了雪糕甜度適中非常美味，奶味香濃，仲有軟綿綿甜甜的紅豆，非常出色。鐵板方面點了一份荷蘭豬扒餐，非常豐盛，有兩塊巨大肉厚的美味豬扒，豬扒啖啖肉，肉質啱啱好！肉類超多，超惹味。仲有兩片惹味煙肉。配上了醬汁，可以點選黑椒汁或蒜蓉汁。汁醬非常美味，配合肉類來吃啖啖肉勁滋味。鐵板餐仲配有薯菜，薯條美味，翠玉瓜爽甜！另外一份了鴛鴦扒餐，有一塊豬扒和一塊雞扒，雞扒嫩滑，啖啖肉美味。豬扒都是很巨型的，超滿足。一個餐就可以吃到兩款肉類。正！每款鐵板有不同配搭，超級美味，份量又足！非常滋味！最愛地道又惹味又豐富的鐵板餐！
繼續閱讀
今日突然好想鋸扒，所以放工特登去金鳳大餐廳食返個鐵板餐，咁耐無食，水準仲Keep到，唔怪得夜晚成日都吸咁多人食，有時仲要等位添。場地乾淨整理，可以睇得出店員有認真打理，而且好有禮物，提醒每一個步驟怕啲汁彈到你👍招牌牛柳餐:叫咗五成熟，果然做到五成熟嘅效果，食落果然好有肉感配埋生蒜，口感肉感質地好惹味，食到牛肉好嫩，黑椒汁又唔會太辣，配落返牛扒度成件事好合理😋雖然生蒜要加兩蚊，但真係可以提升到牛扒嘅整體口感，如果你鍾意食蒜蓉，亦都值得一試👍白湯味道唔會太澀，或者太淡入口個味道都幾好，唔係嗰啲罐頭湯，都唔會太鹹餐包美中不足包唔夠熱嘅，但牛油唔係硬骨骨，麵包都幾鬆軟紅牛見到呢度有金牛同紅牛，所以特登叫咗紅牛飲下先，紅牛係利賓納配士多啤梨+雪糕，飲埋真係好滿足😌
繼續閱讀
屹立香港半世紀的金鳳大餐廳，是港人集體回憶中的扒房王者。昏黃燈光、馬賽克瓷磚、復古收銀機，推門即墜入1960年代老香港。其招牌火焰牛柳與港式豬扒，更是饕客跨代追隨的美味傳奇。🔥 必試牛柳：厚切澳洲牛柳淋上秘製黑椒汁，侍應席前澆上白蘭地點火，藍焰竄升鎖住肉汁。切開粉嫩肉芯，外焦香內柔軟，蘸滿濃郁微辛醬汁，配炸至金脆的蒜蓉多士，齒頰留香！🐖 神級豬扒：選用厚身豬里肌，以獨門鬆肉粉醃足12小時，鐵板煎出焦糖色脆邊，肉質奇蹟般鬆化不柴。蒜蓉牛油澆頭香氣暴擊，搭配經典「餐湯+餐包+紅豆冰」套餐，人均$200吃出地道港味情懷。❄️ 紅豆冰驚艷處在細節：手熬加拿大紅豆粒粒飽滿起沙，絕非罐頭貨！底層煉奶甜香，中層碎冰沁涼，頂層鮮奶滑順，攪勻後喝下——甜蜜冰爽瞬間降溫鐵板的熾熱，完美收結。一頓飯穿越老香港，金鳳以鐵板鏗鏘聲、醬汁焦香氣，證明「時代變，經典不滅」。
繼續閱讀
最近我去咗屯門嘅「金鳳大餐廳」，真係一個唔錯嘅選擇！一入到去，環境寬敞舒適，適合同朋友或者家人聚餐，氣氛都幾好。最重要係，佢哋嘅鐵板餐真係超正！朋友點咗「牛柳餐」，牛柳揀五成熟，配上蒜蓉汁，真係一流。牛柳切得厚厚嘅，肉質滑嫩，咬落好重牛味，味道正得嚟又唔油膩。最過癮係上菜時，鐵板好熱，牛柳一放上去，滋滋作響，香味四溢！店員隨即上嚟淋汁，為咗防止汁水彈到衫上，記得用紙巾遮住！扒餐搭配嘅薯條、翠肉瓜同紅蘿蔔，分量十足，薯條配汁一流，翠肉瓜清新，紅蘿蔔又唔會太甜，整體平衡得好好。食完之後，真係覺得相當滿足。接住我叫咗「鴛鴦扒餐」，有豬扒同雞扒，超級大塊，扒都夠厚，食得出係靚料，搭配黑椒汁，味道都好夾！豬扒外脆內嫩，雞扒多汁，黑椒汁香辣，啱啱好。每一口都令人陶醉，特別係鐵板上面燒出來嘅香味，令人忍唔住想再叫多一份。湯方面，試咗「是日忌廉湯」同「羅宋湯」。忌廉湯滑滑的，味道濃郁。羅宋湯酸酸甜甜，湯底多料，食晒所有菜，整體味道好豐富。飲品方面，我叫咗凍檸檬茶同凍檸檬水，走甜少少冰，飲落去清爽得嚟又唔會甜，真係會好少冰！👍👍👍特別啱夏天飲。最後，朋友加咗「茄汁意粉」，意粉煮得啱啱好，茄汁味道濃郁，酸酸甜甜，正好襯埋其他菜，味道平衡得好好，簡直係一個完美嘅搭配。整體嚟講，「金鳳大餐廳」嘅食物質素高，服務態度都好好，價格合理，非常適合一家大小或者朋友聚餐。當晚都要排少少隊，食完8點幾出面都仲等緊位，好食，果然多人食！
繼續閱讀