金馬來意粉屋 (已結業)

由於男朋友住富安花園，午飯時間好多時爸 B 食堂都未開，我地就會黎呢間食午餐。平心而論，佢既焗飯焗意粉不過不失。而且價錢都比出面既焗類食品平少少 (真係少少，唔好諗住平一半)。當然，足料既。可能始終富安商場係私人公司管理，冇比領展收購。加上環境 + 地理位置問題，加租幅度唔會太大。所以好多間鋪，不論係洗衣店定食肆，都開咗好耐，包括金馬來。男朋友由細食到大，最愛食肉醬意粉。不過我就偏好焗芝士類既野…有芝士香嘛 (仲好肥=_=)男友岩岩坐低，廚房係開放式，大廚都問佢係咪要肉醬意粉。以前個老細好似都退休了，現任大廚係佢個仔黎。男友由細食到大，基本上都認得佢係邊位。我就揀芝士白汁焗西蘭花雜菌螺絲粉。如果佢再多少少白汁我會再開心啲，但味道其實係足夠，只係我鐘意食汁。都係罐頭湯白汁開出黎，所以個汁都冇咩好講。西蘭花爽口，焗既時間都叫岩岩好。雜菌可以多返少少，兩啖就食唒。整體水平不過不失，但最少佢係足料。唔好睇佢好似好細碟，食落都好飽下，最後我仲要食唔唒。街坊小店，唔會有五星級既服務，但有既係人情味。…查看更多

小時候就開始來這間金馬來食炒飯同焗類既食物，可以話十分好食，但最好食應該是這個免治牛煎蛋飯，價錢唔貴，味也唔太濃，還好令人開胃，馬鞍山來說這間值得推介，會再繼續幫襯…查看更多

此店開業很久，轉手前大厨兼老板是曾行船。現任老板兼大厨也曾行船。店鋪很細(座位少於14個)，2厨3侍，5人組合連外賣。絕對是有驚喜之店。即食麵用大光麵，軟硬口感適中，加乾蒜或葱花，自制湯底，這區最有水準即食麵。但也出現較懶惰煮法，豬扒、牛扒、雞扒不再是鐵板煎，另食物質素下降:(:(不能不提，炒飯。 "食神"中，"炒飯要用隔晚飯炒呀！炒王"...現實中並不＋分可行，大多數用新鮮飯炒，那就要看大厨技術。到這店"例order"黑椒牛柳粒炒飯，乾身(不加水)，碟上不會有餘油飲品...算吧，和其他食肆一樣...很一般:(…查看更多

因為去咗係富安嘅朋友嘅屋企，返歸時已6:00PM，有D餓，所以去咗金馬來買燒賣。見到牆上有張「5蚊6粒」，唔平，所以好奇試下係咪好食~點知，真係好食喎，熱辣辣的，仲有一陣陣肥肉香，好正~…查看更多