影片
食評 (7)
青木瓜沙律做頭盤醒胃酸酸甜甜好好味,賣相又靚.蒜茸包就麻麻!可能食咗濃味青木瓜沙律先,所以覺得冇蒜味又唔係暖!問仕應有冇素食?佢介紹咗哩個雜菜鮮菇蛋炒飯俾我,唔油好食.嗌咗啲嘢飲唔記得叫乜名!仲有晚飯後送嘅甜品,鮮椰青水晶糕,幾好食.訂咗四位八點半,唔係太多人唔糟,嗌咗五個嘢食,兩肉三素,送咗個甜品,一共六個嘢食,四杯嘢飲.四百元有找,平均每人一百元.服務唔錯,有問必答.
繼續閱讀
除夕夜同女朋友去食飯，女朋友想食泰國嘢，所以就嚟咗呢度喇。整體來說味道很不錯，蠔仔蛋包飯多蠔仔，炒通菜味夠濃，黃咖喱牛腩個咖喱汁又好味，只係覺得牛腩嘅份量就少咗啲。
繼續閱讀
周末去邊度食野都咁多人, 所以就去大元村美食廣場~ 本想去新意, 不過老豆想食泰國野, 就入左呢間...入到去望望餐牌... 弊了, 樣樣野都好貴下, 係令人冇意欲去點果隻, 所以最終叫左三樣碟頭算數.先黎海南雞飯, 係幾好食, 個醬汁令人有食慾, 不過太細碟了濕炒河用窩上, 唔差, 但又係太細窩了冬蔭功炒飯, 夠香夠味唔太辣, 不過都係太細碟了餐包括飲品, 叫左三色冰及紅豆冰, 各加8蚊, standard野冇特別呢間會比較適合女仕或學生幫襯, 泰式佈景環境不俗, 下午茶幾丁友聚埋叫杯野吹下水倒也不俗, 但若果要食得飽就唔好去呢間另外要讚的是老闆娘十分好禮貌
繼續閱讀
呢度已經唔係我第一次幫襯, 平時食lunch有時都會嚟呢度, 炒粉麵同海南雞飯都食過, 不過自己實在太懶, 相愈儲愈多, 都係時候清清佢, 當然, 呢間都係一間非常值得稱讚嘅食肆。 5月18日晚上, 朋友回到大埔娘家, 順道一齊到附近行街街, 朋友問去邊食好, 選擇(1)夢工房, (2)金香, 兩間朋友都未去過, 就先去較近的金香睇睇餐牌, 見啱心水就入去2位女士食量有限, 見散听同套餐價差唔多, 就決定散叫餐:1. 馬拉盞炒河(碟頭餐+$6轉特飲椰汁紅豆冰)2. 蝦醬炒通菜3. 醃生蝦4. 冬蔭公(細)炒河食落一d都唔覺油, 碟頭份量冇咁大碟, 啱晒2個女仔食, 炒得均勻, 有鑊氣, 唔錯炒通菜蝦醬味唔算好濃郁, 不過冇咁多蝦醬就唔會過咸, 我自己幾中意, 不會食到咸到"嗱"咀醃生蝦, 朋友同我主要為咗佢先入去食, 因佢平過出面好多, 50蚊有找就有一碟, 出面九龍真係唔駛旨意用嚟個價錢食得到, 唔好以為平就冇好野, 蝦肉好厚身, 仲好爽, 係新鮮果種爽同彈牙, 唔係化學過, 不過唔知點解有8隻蝦, 9個蝦頭???蝦頭經過炸香, 好脆口, 直情成個食都得, 送酒就一流, 呢味係必食之選冬蔭公呢度做得唔錯, 入面有幾隻大蝦, 都幾鮮味, 但就唔係太辣, 可能佢蕃茄落得比較多, 中和咗d辣, 飲時亦都唔會太嗆喉, 正唔正宗我唔知, 不過老闆娘就係正宗泰國人黎, 仲好nice添架椰汁紅豆冰飲過出面好多, 但好多泰越菜館都唔掂, 成日溝水溝到淡晒, 仲要加錢, 呢度就冇偷工減料, 滿足晒我呢個椰子怪入面仲有好多野都好似好正, 而且平過出面好多, 可能始終做街坊生意, 但水準真係唔錯, 下次要約多d朋友黎食先可以試晒我想食嘅野, 好似明爐烏頭($5x), 泰式燒雞, 豬頸肉等等, 睇黎我好快就會再去幫襯lu~
繼續閱讀
我今日又放假喇,慶幸無人得閒陪我,先俾我無啦啦搵到d好野食...訓到黃朝百晏,成兩點先走落街搵野拜下個五臟廟,係大埔中心行左幾個圈都無咩心水,人又多(因為禮拜日),突然靈光一閃,不如上大元村美食廣場碰下運氣.一上到去,都有唔少舖頭,死啦,食邊間好呢?依...越南野wow,就入去博一博....下午茶時間,大約19-2x蚊啦,有飯、湯粉、小食...包熱飲,凍飲就加2,特飲就加6..睇左一陣,好,就叫個"香葉辣椒肉碎炒飯"同一杯"凍檸茶",凍檸茶到先,味道唔係咁好,主要係d茶唔係咁得,不過我都預左,飲咁耐都只係o係茶餐廳先飲到好好味o既凍檸茶,呢樣唔計入評分之內,個飯到喇,依...份量少左d wow,我都預左下午茶可能會少d份量,但都俾預期中少,好在唔係太肚餓,唔係餓鬼投胎個種,一食落去,ok wow,炒得好香,無因為下午茶時段就求其炒,而我意料不到o既係竟然係屋村美食廣場有d咁好食o既野...晚餐我就未試過喇,不過我拎過佢d menu o黎睇,價錢同其他越南餐廳差唔多,無因為佢身處係屋村而平左,我都會搵日夜晚o黎試下,但我建議最少4個人先好o黎試,如果唔係食唔到好多野,順便提下大家,呢個美食廣場有免費泊車優惠,但詳情就唔係咁清楚,因為我係無車階級....P.S. 呢次食評只係講下午茶,下次試完晚餐再講俾大家知啦...
繼續閱讀