163
25
12
所有分店 (4)
電話號碼
34889844
營業時間
今日營業
11:00 - 20:00
星期一至日
11:00 - 20:00
付款方式
現金
其他資料
加一服務費
電視播放
以上資料只供參考, 請與餐廳確認詳情
食評 (233)
等級4 2024-02-26
154 瀏覽
好鍾意去西貢市中心,走走海邊,周圍逛逛小店,有條西貢食街食肆林立,其中「金雞海南雞專門店」十幾年歷史,專門做好海南雞。門面細細,但招牌都好搶眼,唔難搵得到,門口都貼滿好多電視台採訪嘅相片,同食評家推介嘅報道,就一於入去試吓。店面唔大,四五張枱左右,但對面有仲多個小小舖位,我哋叫咗二人餐,好夠食,性價比高,食得好滿足。◈ 金雞二人餐 $194⟐ 招牌去骨海南雞 (半隻)好鍾意食去骨海南雞啖啖肉,半隻份量都唔少,雞皮爽彈,無多餘脂肪,皮下有啫喱狀,肉質超嫩滑,緊緻有彈性,就算係雞胸位置都好juice,唔會乾柴。最欣賞隻雞全熟得嚟,肉質依然保持嫩滑,又唔會有生血水嘅感覺,相比廣東白切雞,往往切開見到雞骨有血,近骨啲肉會比較腥,呢點對我食雞嚟講好重要。係新加坡style海南雞,由新加坡師傅傳承落嚟,主要係食個雞味,雞鮮味好濃,蘸埋三款秘製醬汁更開胃:黑醬油、薑蓉同辣醬,值得一提個自家製辣醬,比出面更濃味夠辣。⟐ 馳名香煎手剁咸魚蓉肉餅套餐仲有元蹄可選擇,我哋揀咗煎咸魚肉餅,望到以為得一塊,夾開就發現底層仲有一塊,份量都幾多。手剁咸魚蓉好幼細,完全同肉碎混和分唔開,乾煎得香口脆邊,夠鹹香好惹味,送飯一流。⟐ 滷水汁時菜菜心灼得翠綠爽甜,脆嫩無渣,本身都鍾意配滷水汁多過蠔油。⟐ 住家老火靚湯 (2碗)係青紅蘿蔔粟米豬骨湯,落足湯料煲,應該都有用好多雞殼嚟熬湯,老火湯無味精,勁有住家feel。⟐ 雞油飯 (2碗)好鍾意個雞油飯粒粒分明,仲撈咗啲炸乾蔥粒,夠味又唔會太油,啖啖充滿雞油香,連唔係好食飯嘅我,都好味到食晒成碗。⟐ 龍眼冰 +$15/ 1杯二人餐已包熱飲兩杯,亦可以特價升級特飲。龍眼冰味道清甜,超多龍眼肉塞滿成杯,大大粒又飽滿,仲要唔係好甜,喺呢幾日潮濕嘅天氣下,飲一啖清爽解渴。老闆好好傾:「喺呢度開咗十幾年,十幾年嚟都係推出呢幾款菜色,所以一定要保持好嘅水準,咁先至唔會咁容易俾人遺忘,當想起食海南雞都一定會記起我哋。」我一路食一路見到外賣不絕,好受街坊歡迎,證明個個都記得係好嘢,我定必再訪。#金雞去骨海南雞專門店地址:西貢福民路(食街)34號地舖 繼續閱讀
(以上食評乃用戶個人意見 , 並不代表OpenRice之觀點。)
西貢除左會諗到食海鮮,去打卡𝗖𝗮𝗳𝗲,原來仲有海南雞 🐤 位於小巷裡的店鋪,無五光十色既招牌,但有一個搶眼的易拉架 😂 公告天下「我地海南雞好好食嫁!」 而且見到不少街坊叫外賣斬料加餸,喜歡海南雞既 👦🏻 當然不能錯過~🍗 金雞二人餐 𝗛𝗞𝗗𝟭𝟴𝟴先嚟半隻「招牌去骨海南雞 」🫢 色澤均勻,滲出少少雞油係碟,同老闆傾計得知每隻雞都用指定溫度去浸熟,避免過高溫度令雞肉乾柴,之後再用凍水過冷河,雞皮同雞肉間呈透明啫喱狀 🤤 滿滿的膠原蛋白,每啖雞肉都嫩滑鮮美 😳 即使雞胸位置都唔乾柴!而油飯乾爽粒粒分明,油香味濃,夾雜了煎炒過紅蔥粒 🧅 口感層次更豐富。無味精住家湯亦係誠意之作,南瓜煲成茸,再加入青紅蘿蔔、豬骨、粟米等材料,啖啖足料 🩷 值得一提係老闆自家製三色醬 👧🏽 好喜歡香濃的蔥油,撈飯一流;👦🏻 就喜歡微甜濃香醬油味既黑醬同夠香辣 🌶️ 既酸辣醬!另一主菜叫左🐟「馳名香煎手剁鹹魚蓉肉餅」,肉餅邊皮煎得香脆,混合了鹹魚蝦醬,入口濃郁鹹香鮮味,重口味~好正 😍 完全可以當香口小食!最後仲有一碟「滷水汁時菜」,平衡返有肉有菜,健康飲食 🥬龍眼冰滿滿龍眼肉鋪面,清甜解膩;青檸梳打味道偏酸,行完山飲一啖超爽!二人餐呢個價錢性價比屬高,𝗛𝗞𝗗𝟮𝟬𝟬有找三餸一湯食到飽 😬 最緊要食物高質,連嘴刁 👦🏻 都高分評價,絕對推薦❗️玩完水、行完山或者入嚟西貢不妨一試 🩵 原來金雞海南雞除左西貢總店,荃灣、九龍城、佐敦都有分店,總有一間近😏 繼續閱讀
(以上食評乃用戶個人意見 , 並不代表OpenRice之觀點。)
💛個人特別鍾意呢種小店 雖然冇打卡裝修 但態度親民🥰 而且將所有誠意放係食物到😊比起打卡餐廳 但食物質素一般 我個人較為實際 覺得食物質素更重要🫶🏻 💁🏻‍♀️叫咗個金雞二人餐😋 $194▫️半隻去骨海南雞佢哋嘅海南雞係金黃色🤩 未試已經被雞皮嘅光澤吸引 雞皮&雞肉中間有層薄薄嘅啫喱狀 食落嫩滑可口 雞皮爽口有彈性😋 配合自家製三色醬料 小朋友都食到舔舔脷😝 真係冇介紹錯👍🏻▫️馳名香煎手剁咸魚蓉肉餅一放上枱 陣陣嘅咸香味已經攻入鼻 店主都溫馨提示🔔呢個餸要趁熱食 一口咬落去 脆邊口感 非常有驚喜🤩 鹹香味道濃郁 但又唔會過咸 伴飯食剛剛好 份量都唔少 有兩層添㗎🤗▫️雞油飯油飯有油香 但絕對唔油膩 混入少少炸蒜 好惹味 淨食個飯都好滿足😋▫️蠔油菜心 有肉有魚有菜 幾唔錯 店主注重埋大家嘅均衡飲食😝▫️南瓜紅蘿蔔粟米雞湯 真材實料 真係住家湯嘅味道😋 非常鮮甜🧡 圓滿💛🤭二人餐仲包兩杯飲品 超滿足嘅二人餐 又抵又好味 而家出街食飯普普通通二三百蚊走唔甩 仲要加一 但呢到二百蚊唔洗食到捧住個肚走人 重點係好味😋 支持💪🏻🤗 繼續閱讀
(以上食評乃用戶個人意見 , 並不代表OpenRice之觀點。)
等級3 2024-02-18
28 瀏覽
Foodie Gladys is here again!今次覓食到西貢,海南雞飯老字號❤️二人餐$198✍🏻✍🏻✍🏻✍🏻✍🏻✍🏻✍🏻✍🏻招牌去骨海南雞-半隻海南雞好有油香,成隻雞上枱果陣立立令,無論係雞翼定雞髀定雞胸啲肉都唔會鞋口,雞味香濃,重點再配上醬汁,味道更有層次🫶🏻馳名香煎手剁咸魚蓉肉餅蒸肉餅食得多,煎肉餅真係第一次食,肉餅煎好之後切開一條條,清楚見到每一條入面都有咸魚蓉混合係豬肉入邊,咸香味十足,而且一啲都唔油膩,煎得好乾身,熱辣辣咁食味道好好👏🏻鹵水汁時菜菜心充滿鹵水汁既香味,翠綠色既菜心食到清香既味道,同時亦有鹵水汁既咸鮮味,出色🙌🏻住家老火靚湯南瓜雞湯,真係老火湯,少少油脂,好多南瓜,滋味十足,清甜十足呀🤟🏻雞油飯雞油飯嘅味道真係好好食,超級香,口感好軟糯,煙煙韌韌,而且有啲蒜片喺入邊,更加香更加鮮味,雞油飯絕對係食海南雞嘅其中一個精華✌🏻✍🏻✍🏻✍🏻✍🏻✍🏻✍🏻✍🏻✍🏻二人餐仲包埋兩杯飲品,勁抵呀! 繼續閱讀
(以上食評乃用戶個人意見 , 並不代表OpenRice之觀點。)
唔好意思,講真,我啱啱喺「金雞」嘆完一頓勁正嘅海南雞餐,全程嘆到我心花怒放!先講下去骨海南雞啦,簡直係一種藝術啊!雞皮脆口得黎唔會太肥,啖啖肉吖嘛,咁滑咁嫩,夾埋自家製辣椒醬同薑蓉,簡直係一次味蕾嘅盛宴。辣椒醬夠晒Kick,薑蓉又夠香,令隻雞滋味更加鮮明!😋跟住同香煎咸魚香肉餅撻一撻,鬼得意!外皮煎至微脆,一咬落去係滿滿嘅肉香,肉味紮實,嚟塊足料嘅咸魚片,合埋口味真係無得輸!點少得一碗靚湯啊?南瓜湯煲得噴香,粒粒玉米甜滋滋,飲落暖笠笠。隔離嗰碟時菜又新鮮又脆口,送飯正!啱啱好減少咗啲油膩感。最輝煌嘅,還是雞油飯,呢個又香又夾!飯粒黃潤,一啖下去讓人回味無窮,光呢個我都食得咁開心,整個晚上高興到我都想跳舞嗰種!🕺丫,簡直就係「肚皮都嘆咗一個滿足」噶晚餐。撇除個翻炒聲,環境勁正呀,等位都值得。今晚食飽飽,心情都靚晒!下次西貢行街碌累咗,我知我會直接殺入「金雞」啦!👍 繼續閱讀
(以上食評乃用戶個人意見 , 並不代表OpenRice之觀點。)