金門餐廳

首先是椒鹽魷魚，這道菜式口感鮮美，風味獨特，是一個非常受歡迎的菜式。但是，如果份量少，那麼整體的用餐體驗就會稍微有些不足，希望餐廳能夠在這方面加強。最後，環境衛生差的問題。這是一個非常重要的問題，如果餐廳的環境衛生不好，就會影響整體的用餐體驗和食品安全。建議餐廳加強衛生管理，提高環境衛生水平。總體來說，好食的椒鹽魷魚是一道非常美味的菜式，但是份量少，湯的口感需要改進，環境衛生也需要加強。如果餐廳能夠改進這些問題，那麼整體的用餐體驗會更加完美。…查看更多

其實唔係第一次，所以同落單講唔會好似上次咁得一半（唔係下午茶，正常價）收銀姐姐話一定唔會，會邦我跟眼多次眼，炒完出嚟見佢入晒袋綁好晒，諗住應該唔會好似上次咁，返到屋企一打開離晒譜，得嗰一半認真覺得佢只係用咗一個公仔麵去炒，其實認真唔知同以前嘅金門係咪同一個老闆，以前嘅金門餐廳幫襯左幾十年真係唔會有啲咁嘅嘢，而家嘅金門真係令人非常非常失望，價錢唔係特別平正常茶餐廳嘅炒粉麵價錢，你話下午茶就話啫，真係冇下次囉😡😡…查看更多

茶記當然係香港人情懷，都會諗起蛋撻、奶茶、茶走、常餐沙嗲牛面、男人的浪漫豆腐火腩飯。今晚去探家人，因家大家懶得煮就去左附近茶記晚餐，茶記熱炒一定係香噴噴夠哂熱，更唔會輸比大排檔熱炒。今次力推神還原香港仔謝記山窿魚蛋粉招牌小食炸魚片，即點即炸，所以要等15分鐘，熱呼呼香口脆皮，建議即食好外賣，價錢合理，原條一啲 $78另外，想記試大廚熱炒基本功夠唔夠，當然要試小炒王，小炒王通常都係男士邊men’s talk時餸大啤🍻的小食，材料好視乎大廚選擇，選擇太重水份就好難控制火候，要炒得小油香口野味就更加難，太油太濕身會影響腰果變淋。今次推薦埋小炒王，用左韭菜花、招牌魚片切條、腰果等，上面仲灑滿肉鬆，令整碟層次更豐富。其餘既熱炒都不用多講，都係色香味區全🤌👍👍…查看更多

行經多次，今天第一次幫襯。星期六，一個人，不用等位，但要搭枱。餐廳姐姐很好客，我一入門已招呼我坐下，還建議我可點午餐，見有干燒伊面，就試一下。😄落單後食物很快送到，雖然覺得是預先煮好，但很熱騰騰，干燒伊面份量足，味道和口感都不錯，如要挑剔的話，就是可以再多一點菇菇就好了。🙈午餐包例湯和飲品，湯是青紅蘿蔔粟米湯，品道不錯。凍飲加$3，要了凍檸茶少甜少冰，但仍然覺得偏甜，不過可接受。整體感覺不錯。👌🏻從餐廳姐姐口中得知，店裡的胡椒粉是老細自己磨，特別香，但今天無緣品嘗，大家下次可留意一下。☺️…查看更多

鎏金歲月；斑駁年華。從不嫌棄它的老套裝修，夥計們的大聲疾呼，偶爾的走漏單落錯單，只因金門是我幾十年來人生的一部份，美好而沉淀。比方說四十年前的某些星期六，阿妹會嚷著要去金門，食當年很火的雞脾會意粉，甚至毫不留情地加入半瓶的A貨茄汁，鮮紅的汁液，在過軟的意粉上顯得十分塑膠、虛偽。比方說三十年前出來謀生，早上六時閉著眼睛喝的濃烈咖啡，意圖喚醒我的靈魂和軀體，且記得失敗後，哪些碰上鼻尖掉了一半酥皮的溫熱菠蘿油。嚥下了多少甜酸苦辣；吃過了幾許粥粉麵飯。話長不說；說來話長…比方說退休後例叫的一杯熱奶茶，讓計劃好好享受這個美而廉下午茶的我，感覺逍遙。金門奶茶一貫水準高，一口茶香；再啖奶香，是小店拳頭產品，誠鎮店之作。早上喝提神醒腦；下午喝舒筋活絡，不啻上班族的首選，值得推介，也是附近紅巴司機在「蛇竇」吃的還魂丹。比方說永恆的金門西多士，從來新鮮出爐現叫現炸，哪種美味，才是真正卻之不恭的一個詞:「了得」。滿滿蛋漿；黃澄澄的浸透麵包片，炸出來的是香是甜，是酥是脆…超現實的美味，在金門已四十多年地存在。從小到大，吃這店的法蘭西多士，儘管已經很夠甜膩，可還是要加大量的牛油和糖漿，才覺愜意。比方說最近推出的鮮炸魚片，外層香脆，內裡魚肉飽滿結實，既彈牙又爽口，熱辣辣的端上，哪種滋味真是一吃難忘，$78一整條，真正街坊價，十分搶手，強烈建議大家試試。午後的這場雨，淅瀝雨聲，肥老細的佝僂背影；樓面大叔的白髮蒼蒼…當年，和我牽手來的，今日又在牽著誰的手？…查看更多

收工嘆個下午茶☕️：精彩生活好年華😀—————-呢間餐廳真係無時無刻都咁多人...犀利👍食完又要打油詩..食物質素多人知🥳————————-無時無刻咁多人..多人必定有個因價錢口味大眾化..大大碟又大大份足料好味係原因..又平又正又大件多人就係咁原因..奶茶香滑定要飲又香又濃郁茶味..淡奶唔會小過人食物做得夠出眾..厚煎豬扒好抵食外脆內軟即刻煎..海鮮烏冬好足料金門鮮炸厚魚片..彈牙好味有口感魷魚蝦仁鋪滿晒..味道適中不咸淡再來一杯凍檸茶..飲飽食醉好精神😂————————-🟫常餐：香煎豬扒公仔麵➕火腿奄列多士➕奶茶：🟧香煎豬扒公仔麵..火腿奄列➕多士厚切豬扒好軟熟..滑蛋奄列多士脆香滑奶茶夠出色..食完回味我賞識————————-🟩下午茶餐：XO醬海鮮炒烏冬➕凍🍋檸🟧首先講吓個烏冬..炒得夠候夠鑊氣海鮮夠多又好味..加埋金門炸魚片越食越好味烏冬..配埋檸檬茶夠凍你話點解咁多人..就係一句平靚正😇———————-日日開心又一餐..開心🥳⋯⋯就係咁簡單—————-…查看更多

話說今日放工好攰，所以喺附近一間新開嘅茶餐廳買咗啲外賣返屋企食，估唔到水準都唔錯🤣——————就算拎到返屋企都食得出咕嚕肉嘅外皮好脆，入邊又唔會炸都好乾。除咗菠蘿同洋蔥之外，廚師特登落咗啲翠玉瓜同埋蕃茄，甘多蔬果啱晒都市人平時咁唔健康嘅飲食🥰同咕嚕肉一樣除咗雞肉好多之外，亦都落咗好多蔬菜同三色椒，值得一提嘅係就算外賣都好份量都俾得好多，兩個人食絕對食唔晒🤩芥蘭苗好嫩，一啲都唔會有渣，連埋沙嗲牛肉一齊炒層次好豐富，牛肉好滑身，唔會乾柴柴，份量一貫地多晚市叫小菜例牌餸一湯一飯，絕對係又抵食又好味之選✌🏻…查看更多

金門係我由細食到大既茶餐廳!以前係另邊有麵包買...日日食飽食大!而家轉左另一條街..我當然要支持下啦!今晚就黎食個Dinner 先!叫左兩個餐!西檸雞$67同魚香茄子煲$67!包埋飯同湯,價錢都唔算好貴!再睇番份量,都唔少嫁!同埋好足料!西檸雞,啖啖肉,酸甜適中,食到停唔到口!魚香茄子真係岩曬咁凍既冬天食啦!食完立即溫暖番!用想送飯間直一流!而西洋菜湯亦都超足料,無味精!夠曬清熱...岩曬上班族!我覺得如果我地煮多少少飯!應該夠4-5個人食...因為真係好足料!…查看更多

天寒地凍，最岩就係食d熱辣辣既野食叫左外賣，先食個咖哩海鮮煲，嗰個醬汁真係冇得頂，天氣咁凍環境下食啲辣辣地嘅嘢 非常之惹味，而且個醬汁真係送飯一流，好多海鮮再加什菜，爽口嘅青椒，再加埋軟熟嘅帶埋，彈牙嘅魷魚 真係百感交集另外就係粟米魚塊 粟米嘅汁再加魚柳係分開，食嗰陣先撈埋一齊，我選擇咗點醬汁黎食，感覺非常之特別，金黃色外脆內軟嘅魚柳，配埋粟米汁，多重口感另外每個餐都送一個飯同埋湯，個湯頭用肉紅蘿蔔嚟煲，香甜冇味精，成餐飯感覺都不錯…查看更多

我相信香港仔街坊都一定識舊「金門餐廳」佢屹立香港幾多十年我唔知，不過佢嘅食物種類真係冠絕全個香港仔，喺店內可以食到早餐、茶餐、常餐、少炒、雲吞麵，最重要仲有即烘麵包，我最鍾意食佢嘅出爐麵包，鬆軟、好味、大大個，又平。同而家嗰啲空氣麵包絕對係兩回事，但自從結業之後香港仔又小左一間老店。不過原來「金門餐廳」已經在湖北街從重新開業，面積細左好多，坐位有啲迫，但就變得乾淨衛生左。擇日來試吓下午茶，下午茶選擇唔係好多，見今日有啲餓，就點左份量十足既「公司三文治 」 $43公司治切得好整齊，層層疊疊材料，包括「午餐肉、炒蛋、火腿、芝士、蕃茄、生菜」等。驚喜位炒蛋加左咸牛肉，蛋滑牛肉香；午餐肉亦有煎過；生菜爽口，味道豐富，麵包有烘得香脆，簡單嘅食物令人食得出幸福感，係好難得嘅事。另一份下午茶餐「海鮮XO醬炒烏冬」$43材料有蝦仁、魷魚、魚肉，還有韮王和蛋絲，以下午茶來説用料算足。濕炒烏冬，醬汁色深略帶甜味，後勁是XO 醬的微辣，烏東掛汁一流，幾惹味，份量剛剛好。「熱奶茶」最緊要系滾水、茶味足、奶滑。這杯奶茶齊晒以上三點就肯定冇得輸，而且茶味有力，不澀口，奶多口感滑，有水準。…查看更多

好家庭式經營👨🏻‍🦳👩🏻👨🏻街坊生意好有人情味見人地咁岩過左下午茶時間照有下午茶價我就點左涼瓜斑腩煲（包例湯、白飯）班腩好足料食極都仲有涼瓜都炒得啱啱好唔會太硬或者太淋例湯煲得好濃有豬肉、青紅蘿蔔等湯渣係我既最愛豉椒肉片炒河都好有鑊氣🤤有幾多肉片、洋蔥同埋青椒🫑講得出既精選小菜都有而且價錢好相宜食多幾樣都唔肉痛下午茶仲去到18:00，放工仲趕到仲有魚片賣😉座位勁闊落，叫多幾味餸慢慢食都絕對唔係問題…查看更多

金門餐廳已搬店到湖北街，重新裝修乾淨企理！以前既金門亦都係香港仔開左20多年，今次搬店後第一次幫襯！食物更加有水準，晚市亦都有50多款精選小菜！款式多元化，好多款都好吸引，即叫即炒！但因應防疫期間，只好外賣。蜜椒薯仔牛柳粒，所有配料外層都被蜜糖包住， 倍加香甜！牛柳粒肉質確實又嫩夠淋，仲幾夠滑，唔會乾爭爭！番到屋企都 keep到温度！果然係即叫即整，夠哂鑊氣。青紅椒夠哂爽甜，份量都夠多，正！至於另一份xo醬西芹炒蝦球亦好得！西芹再配上韭黃非常清爽，再配上xo醬更加惹味，蝦球都幾大粒！蝦球爽彈又入哂味！小菜配上白飯及老火湯，個湯夠足料，無味精入完唔會口渴！新開既金門更比舊店出色。…查看更多

香滑奶茶，炒牛河是茶餐廳的經典食物。今日我就嚐盡了這些代表香港的飲食文化。香港仔金門無人不知，最近在湖北街開店再戰江湖，好多街坊到埸支持。好彩不需要等太久也可入座。下午茶餐平均三十元至五十元，平民價錢。午餐末吃，剛好下午茶餐有沙嗲牛肉河。份量頗多。撈揾醬汁，沾滿河粉，非常可口。沙嗲醬汁有辣度，香味迫人。還有花生碎粒和菠蘿粒的口感，增加了層次。牛肉也不錯，惹味十足，夠鑊氣。奶茶茶味香濃，滑溜感到順喉。…查看更多

今日就搵朋友幫手去做啲嘢, 咁搵得朋友幫, 就當然要請佢食飯喇, 因為六點鐘嘅關係, 就買外賣上去佢屋企度點咗幾款佢最鍾意食嘅嘢, 一樣就係咕嚕肉, 咕嚕肉嗰個質感, 咬口外脆內軟, 再加咗荔枝添, 酸酸甜甜十分滋味, 再加埋其他配料, 青瓜, 再加菠蘿, 十分豐富嘅, 咕嚕肉質素不錯另外就係西蘭花帶子, 帶子出奇地鮮嫩, 咬落去嗰個海水的味道滲曬出嚟, 另外西蘭花鮮綠, 咬落去又係非常之新鮮爽脆最正就係嗰個福建炒飯, 芡汁同 炒飯但係分開上, 十分之貼心, 搞暈佢之後爽滑彈牙嘅蝦, 再配埋芡汁咁味道真係唔錯, 下飯真係一流…查看更多

在我很小時候，爸爸已經常常帶我到這家茶餐廳吃東西了，充滿著情意結!這家歷史悠久的茶餐廳，除了給我無數的懷念，另一懷念，就是他的食物了!早前再想去吃，看到地址不同了，原來轉了新地址開新店，現在的店更新更乾淨，感覺不錯奶茶～香濃而滑，在這區也是很有名氣的，很多喝了多年奶茶的叔叔朋友們，都異口同聲說，奶茶要喝，就要喝這家!喝過後，回不到頭了楊洲炒飯~飯粒乾身，配料也算多肉絲炒麵~麵底脆卜卜，肉絲也很多，不太酒，很好…查看更多