金銘潮州粉麵餐廳

營業中

休息中

大家好！我剛從一家叫金銘記的食店食完返嚟，個心情仲係好興奮。試咗佢哋嘅牛筋崩沙腩河同牛雜魚蛋麵。🍜 牛筋真係咁腍咁滑，一啖咬落去，頓時覺得「又香又淋」啊～ 崩沙腩亦都唔錯，好有嚼勁，肉質香濃，好入味。牛雜部分就算普普，舊諗，啲魚蛋驚喜到我，係嗰種一啖一彈跳，鮮美得嚟唔鬆散，真係正宗好貨！轉個彎，又食到嗰淨膀同淨肺。想講嘛，淨膀真係有夠曬量！差啲食唔哂，肺又新鮮得嚟，塊塊都肥美得滯。😋 最後個紫菜墨丸河，都係嗰句，「正」！河粉梗係要滑溜溜，湯底清爽得嚟風味足夠，蔥花、冬菜嘅配搭起嚟就係「完美」兩個字。食嘢啫，要舒服、要開心，今次嘅體驗正正就係咁。唔洗太復雜，簡單嘅食物同大熱心嘅環境（除咗廁所外啦 😂），已經夠晒吸引人，令我想再嚟過呢！👍🏻

呢間金銘食咗多年，上年已轉人，轉人後都係好難食，有色無味，後來一個月後食，先回覆正常，到今次，佢加左價，收銀同大部分樓面又唔同咗，我無留意個師傅，原來又轉左人。叫咗紫菜三寶粉，一食個菜，頂，水嘅味，落辣椒油，無香味，只有辣嘅味，但個粉、魚旦、魚皮餃、生菜、紫菜全部都係水嘅味道，真係難食到爆 每次關明幾天後開返，都似乎係轉手，真係要留意吓有冇轉手先好去食，2個月前仲要排隊，等好耐，今次lunch店內無乜人，等外賣都少，原來有原因

牛雜粗麵（$36）凍檸茶（+$8）4舊腸（有適中嘅肥膏，少少牛脂香，腸皮尚算有𡁻口）、4片草肚（比較淋，冇乜𡁻口）、1舊肺（少少彈牙）、1片膀（唔粉）；粗麵麵底有口感，夠咬口，鹼水味唔重；湯底夠清唔肥膩。

金銘並不如潮興般出名, 但它的分店比後者多, 而且在港九新界也有, 真正的連鎖潮州粉麵店呢! 點了牛腩牛雜牛筋河, 雖然牛腩不是特別部位, 但肉質也算嫩滑, 而且中間的脂層也不少, 半肥瘦味道口感剛好. 這裡的湯頭不是清湯, 而是傳統滷汁味道, 如果單純牛腩, 以它質素清湯相當不錯, 但加上牛雜還是滷汁好一點.牛筋炆得夠腍, 也夠膠質, 如果可以粗一點, 口感就更好, 因為切得相對細塊. 牛雜沒有羶臭味, 而且質素相當不錯, 像是草肚的細緻和牛腸的順滑, 最Singature的當然是牛肚內裏的脂肪, 又要保留它又要做好清潔, 比起直接剷走脂肪更花心思和時間. 如此一碗乜都有的筋雜腩河, 不用其他小菜, 已夠滿足.The beef organs from Kamming is great because of the clean texture and the fresh taste. The fat inside the intestines is so smooth and nice. Although it is fatty, I don’t care much about the

#金銘潮州粉麵 一路都想試依間，次次行過都見爆棚，質素應該唔錯，價錢只係$34一碗，如果質素高就超值。去到原來已經中午一點，擔心唔知有冇位，照行入去見到有位就坐低，正所謂自助服務，即係所有野自己來包括搵位😅雖然人多但碗麵都好快到，照舊 #牛雜麵 多蔥，可能剛打完大風，碗麵好似打風咁🤔 牛雜質素真係幾好，難怪深受歡迎。湯就偏咸，食完都幾口渴。單計食物質素完全冇問題，但如果計埋服務就扣晒分😓 原來阿姐幫我落咗走青，所以我碗麵一粒蔥都冇。可能阿姐係忙中聽錯，但另邊廂阿姐隔離枱送餐話個客唔應佢又係咩玩法呢？可能阿姐講錯，又或者係個客聽錯（但我聽到係阿姐講錯），無論誰對誰錯作為店員係咪應該話個客呢？裕泰都好忙，人地阿姐唔會喝狗咁對客。再好食都冇用，我唔會推介。金銘潮州粉麵餐廳油麻地新填地街143-151號俊逸豪園地下@foodiehck2022#港飲港食平靚正 #牛什 #油麻地

食左幾年，喜歡佢地即牛坑腩，半肥瘦，牛味濃，口感佳。但原來只限堂食先有咁高質既牛坑腩。話說木蘭到訪，八號波就未見但雨就係咁落。所以買外賣返屋企同家人一齊食算。點知出事，我嬲到另晒啲外賣返去。我要米線冇米線，變左米粉～》算數！我當落單聽錯！我喜愛既牛肮腩，睇見好失望，黑人問點解九成係肥膏黎既？？？同之前堂食既質素非常大出入，發生乜事？～》算！我當我黑仔，食左碗米粉醫肚算數。點知屋企人突然大叫，望下佢碗魚蛋魚片米粉。㖇！乜加左料既？？成碗粉得佢粒黑色外來物，一眼就睇到佢啦！仲有腳呀喎！！！喂呀，呢個外賣真係唔得羅！落住大雨我都要令返去比店家睇。出街揾過第二啲野食算數。店家最後退返錢比我，不過道歉同解釋都冇。咁唯有同你講拜拜👋👋👋

中午係油麻地搵食😂行行下行咗去佐敦有人曾經推介我食金銘，今日經過就一於試下🔸手打魚蛋粉（外賣加一）$31魚蛋絕對有驚喜到叫出聲😂咬一啖好自然嘩咗一聲好彈牙同香魚味真係魚蛋有魚味😂😂飲品另加錢$8+1😂

之前經常見到有谷友推介，今日專程過嚟一會⋯可能各花入各眼，但一定唔係我杯茶，我感覺湯頭過淡，而且有口渴感覺⋯牛什亦無乜味道，每款都只係小小，味道淡而無味⋯牙簽重要配給，真係失望而回⋯

最近因為疫情變得猖獗，政府要求的強檢次數由1次變成4-7次😷所以不時也去到油麻地檢測，因為既有檢測中心亦有流動採樣站。檢測後也要找個地方解決午餐，來到就近的金銘粉麵店😝 金銘以前是以牛腩出名，現在變成了連鎖粉麵店後也算保持了一貫水準🥳儘管是常見的粉麵店，但裝修也毫不馬虎，掛滿了不少老香港的寫真，就連壁紙也是有舊影像在上，炫耀著香港的奮鬥歷史💛 餐牌上主要是湯粉麵為主，另外亦有湯飯和茶記碟頭飯，既飽肚又快捷的好選擇🍜 下單後5分鐘道送上鹼水麵配順德魚腐和鮮蝦雲吞🦐還有兩塊生菜增加吸收纖維，粗長的一件件，咬下去是綿綿的，入口即化、​柔軟鮮甜的金黃魚腐。鮮蝦雲吞皮薄餡靚，蝦肉有爽彈口感。麵條入口有煙韌度，味道順喉不嗆🍜

下午茶時間路過，一於搵個位坐低祭祭五臟廟。睇餐牌見到有五星級推介嘅蘿蔔崩沙牛腩”粉麵”賣$55蚊碗，二話不說馬上安排落單整番碗試吓。～ 五星級推介蘿蔔崩沙牛腩河上菜速度快，5 分鐘左右就可以正式起筷開餐。賣相不錯，要讚讚啊姐把蔥花香菜用匙羹分開上夠細心。先呷一口湯，這𥚃是傳統鹵湯做法，入口夠熱，不過個人嫌”師傅”重手咗啲。。。牛腩係雪藏貨，入口有點柴且欠油脂香，靈魂嘅籮白未夠火喉（如果可以炆多30 分鐘左右會更加好）。為有下次有機會再試吓啲牛雜啦。老實講，今時今日一碗蘿蔔崩沙牛腩河賣$55 蚊有咁嘅出品俾你唔係貴。綜合嚟講係一間連鎖中式粉麵餐廳，起碼食得飽無投訴，有機會路過試吓無妨。

五香牛腩湯河 $32價錢上無得輸而且揀得食粉麵，最緊要係快上菜上得好快，晏晝要食個快飯不二之選牛腩唔會太肥又唔會柴皮，好有肉味湯底好濃，食完個河粉都忍唔住飲左兩啖👍🏻P.S.如果想飲杯水濕下口，記得自己黎啦😆#香港 #旺角 #油麻地 #油尖旺 #旺角美食 #油麻地美食 #窮食 #香港美食 #粉麵 #港式 #foodie #foodiehk #hkfoodie #mk #mongkok #mongkokfood #yaumatei #yaumateifood #hkrestaurant

无意中路过的一家店，早上去的，店里没有几个人，考虑到早上想吃得清淡些，就点了一份云吞粉，店员说可以选米粉面条河粉，我想了想选了以前没吃过的米粉，个人觉得味道有点，，，过于清淡了，虽然挺适合早上吃，但是感觉没什么特别浓郁的味道，吃完喝了口汤，证明我的感觉没错，从汤底就感觉到没那么入味，店里环境就是老香港风，服务可以等同于没有服务。

呢間舖響電影中心後面街，睇戲前搵快食入左呢間潮州粉麵店，本來諗住叫碗崩沙腩食，但見到牆上貼住張推介「牛脆骨」，係一樣我從來未食過既野，於是就叫左牛脆骨河 $30試下。上枱後見到呢碗河粉啲牛脆骨望落似氣管位，件數都幾多，咬落口感幾爽脆，係正既！呢個價錢絕對抵食！有無人都鍾意食內臟？幾年前響西環返工，響西營盤食過間潮州人粉麵店，有好多唔同豬同牛既部位食（力推！）不過有啲遠，宜家發現呢間金銘都唔錯！可以Encore

難得可以買外賣，一去就去幾間買下，食唔同嘢。呢度係油麻地駿發花園附近，之前成日有經過，只係唔會買外賣，所以無特別去食。油麻地食店真心唔算多，要搵啱都唔容易。星期六下午6點未到，都有啲人，主要外賣客先。選擇夠多啦吧，由於太有目標地為家人買，所以見到啱就買啦，無特別再睇有咩食。等候期間睇下師傅整嘢（寫嘅呢刻突然想食牛腩）呢個有驚喜喎，南乳豬手飯，49元。驚喜位係佢餸同飯係分開放，蘿蔔如果浸耐啲會更好，豬手煮得夠淋同入味，食到家人話正。

放工去油麻地辦啲事，攪掂後搵食嚟咗呢間。都唔係第一次幫襯，不過記憶唔多，今日突然想食牛雜就再嚟嘗一嘗。晚上7點幾，客人唔多，所以座位充足，同其他食客都可以有啲距離。我就叫咗碗牛雜河。當中有牛膀、牛肺、牛大腸、牛小腸同草肚。好可惜一件金錢肚都冇，失望。牛膀薄而冇質感，其他都尚算入味，不過不失。大佬就食牛腩飯，牛腩食落都好有牛味，件件都有肥膏，甘香得嚟好邪惡。肉質都屬於軟冧至少唔黏牙。仲有大大嚿蘿蔔入晒味，腩汁濃得嚟都唔算太咸，送飯一流。食物份量適中，價錢中等，服務一般，所以CP值成正比。