7
0
0
港鐵長沙灣站 A2 出口, 步行約7分鐘 繼續閱讀
電話號碼
25598879
66946869
付款方式
現金
食評 (9)
等級1 2018-04-15
219 瀏覽
好味 巳經係第二次幫襯 食店老闆及員工親切 價錢又平又好食 選擇又多 雖然係響市政大樓 同一般泰國菜嘅鋪頭食感覺有啲唔同但總算叫坐得闊落 起碼唔使同人迫 因為鍾意飲佢個冬陰功湯 係誠意推介 仲有蔗蝦特別鍾意食 會再繼續黎冬陰公湯馬拉盞炒椰菜苗炸蝦餅珍多冰燒烏頭魚蔗蝦椰青 繼續閱讀
(以上食評乃用戶個人意見 , 並不代表OpenRice之觀點。)
三八婦女節係需要約啲3姑6婆嘻嘻哈哈一下,其中一個啊姑偏好深水埗區嘅廉價美食,佢今次嘅推介位於長沙灣街市嘅熟食中心,個人來說,對熟食中心感覺不太良好,因為衛生情況惡劣,幾好食都假,坐得周身唔舒服,又唔知會唔會食到肚仔痛( ・᷄ὢ・᷅ )但5個人得我一個反對,咁我都係收聲跟大隊啦( ‾᷄꒫‾᷅ )出咗長沙灣地鐵站要行一段路先到,坐電梯上到3樓,熟食中心來說,衛生情況還可以,起碼地下無濕漉漉,成層熟食中心都好光猛,枱凳亦算乾淨。因為我比較遲來,啲啊姑已經叫哂野食,佢地差不多成個menu叫哂囉😑食唔食得哂架…叫個椰青先🤤清甜啊~飲完又有椰青肉食下好過癮~生蝦$887隻蝦要$88…有啲貴,但佢係我食泰國菜嘅目的,不可不食,生蝦上面啲配料好辣,建議撥開少少配料先食,會比較容易入口。串燒沙爹$65串燒分別有牛、雞、豬,全部都風味十足,馬拉盞蝦乾炒椰菜苗$55第一次食呢種叫椰菜苗嘅東西,大厨煮到剛熟,爽口非常,馬拉盞蝦乾炒埋一齊超野味,呢個菜滿分👍🏼肉碎生菜包$58又係一道受歡迎嘅泰國菜,基本上好少會有餐廳整得唔好食,呢度都整得唔錯,生菜新鮮,肉碎有淡淡嘅冬陰公味,幾特別。泰式燒豬頸肉$58嫩嫩滑滑的肉(❁´ω`❁)泰式炒金邊粉$55外表不討好的金邊粉,但裡頭有海鮮加上多種香料炒成,食落口甜甜地,好好味架喎泰式菠蘿海鮮炒飯$78熟食中心都用新鮮菠蘿製作炒飯,心思誠意十足,食材新鮮,味道當然good啦(ღ˘⌣˘ღ)炸蝦餅$58好熱ᏊꈍꈊꈍᏊ✧Ꮚˊ͈ꈊˋ͈Ꮚ✧好彈燜豬手(無睇價錢㖭…)豬手好淋好入味,但呢碟餸嘅亮點係豬手下面嘅菜心,大厨切走咗菜心外表嗰啲鞋口嘅部份,剩底嘅只有菜心最嫩嘅部分,啲菜心吸收咗豬手嘅油同汁,好味到停唔到口囉(⑉・̆⌓・̆⑉)椒鹽九肚魚炸漿厚而無味,食落去好似淨食到啲炸漿咁,又厚又硬冬陰公湯味道很好,但可以食嘅湯料很少,唔食得嘅香料就好多😔差不多每碟餸都有獨有嘅醬汁,刺激客人嘅味蕾,淨係口味嘅配製,都見老闆下了一番工夫。做侍應嘅係一個上咗年紀嘅婆婆,我地同佢落單,佢轉頭就唔記得咗😂但之後有個年輕女仔就走過來問返我地叫咗咩,態度有禮,每次落單都多謝一次,睇得出佢地唔係本地人,應該係一家人喺泰國來香港開店吧,婆婆雖然年紀不輕,但好有活力,雖然只係喺街市嘅熟食中心,但都會化哂妝咁招呼客人,間唔時又會有啲街坊同佢地打招呼,呢種地方就係有人情味。最令我驚訝嘅係,當我地行去厨房旁邊埋單嘅時候,發現為我地出面成10枱人煮野食嘅只係得一個人,唔怪得啲野食來得越來越慢啦,但一個人可煮出咁多款,而且每碟都咁出色嘅泰國菜,真係好利害(//°ꈊ°//)客人多但佢地對食物都咁堅持,呢個熟食中心真係唔可以睇少 繼續閱讀
(以上食評乃用戶個人意見 , 並不代表OpenRice之觀點。)
等級1 2017-05-05
883 瀏覽
之前已經聽過老爺奶奶極力推介,心思思想試,嘈左老公好耐先肯陪我去食因為佢坐唔慣街市~美味又抵食,不得不試,一定會再幫襯~青檸梳打原支泰國大象梳打~正,超夠氣泰式生蝦~超新鮮,又唔會太辣,好味!碳燒豬頸肉~D肉好彈牙,絕對唔會鞋恰恰~青芒果軟殼蟹~超級好味!必試~軟殼蟹炸得好好味,一咬落去d汁bi曬出黎~加埋青芒果好清新,所以一d都唔肥膩~有蟹膏炸蝦餅~原本有5舊,不過比我老公偷食左一舊~不得不提,呢間d炸物真係炸得好好味~ 繼續閱讀
(以上食評乃用戶個人意見 , 並不代表OpenRice之觀點。)
等級1 2017-03-11
679 瀏覽
由朋友介紹,舊舖喺香港時唔訂位都唔使指意食到,而家搬左黎長沙灣,大部份時間walkin就食到,強烈推介炸物及小炒類,炸蝦餅係可以一試再試果隻,無老點架,而小炒非常夠鑊氣(甚至比一般中式小炒更好),推介所有炒菜類及椒鹽軟殼蟹,一試就知個老板d功力,而其他食品都好有水準,尤以炒河粉或金邊粉,夠鑊氣之餘食哂後碟底一d油都無,如喜歡食辣嘅仲可以叫佢地攞調味料再加辣,呢方面就係本人至愛幫襯原因,雖然在街市但環境都好乾淨,值得專登捧場 繼續閱讀
(以上食評乃用戶個人意見 , 並不代表OpenRice之觀點。)
等級3 2016-11-17
804 瀏覽
依間係街市中都係略貴選擇.但都平過出面.炒金邊粉好好食,睇落去份量唔係話好多,但食完原來好飽.我食個時仲係$35蚊包特式凍飲.炒飯都好好味.其實內裡肉類較少.但味道同鑊氣都好足夠.可以聽到佢強功既火爐聲炒呀炒.配埋青檸冰,有時飲下龍眼冰.好好味.個MENU 係舊架啦.對上一次去食,佢休息左一排開返好似想轉新MENU. 繼續閱讀
(以上食評乃用戶個人意見 , 並不代表OpenRice之觀點。)