金銀島茶餐廳小廚 (已結業)

一般茶餐廳的食物質素, 其實都大同小易, 分野不會太大. 因此服務方面, 便會成為一間茶餐廳的重要指標元素. 這茶餐廳, 食物方面, 還是可以, 如我選的早餐腿麵, 份量及味道都可合格. 不過那收銀服務就真的不知所謂, 付款時, 那四眼收銀總是黑口黑面, 藐咀藐舌, 找錢便嫌麻煩似的. 要知道, 我不是期望要笑著道多謝, 但沒理由要一個消費的顧客, 看你的面色, 你又不是我的老闆, 而面色又面目可憎. 既然, 食物只是一般, 而服務態度可以如此待客, 我沒必要再到此店受氣! 因此, 若對服務態度有要求的朋友, 可以以此參考, 作考慮光顧與否的因素~

琴日同左女友去開呢頭,就入左來食下午茶,呢度講真唔太乾淨,好似開左好奈咁,d小二態度就一般.叫左個牛丸河同芝士西多,個牛丸河可以不理,因為淡而無味,而且d牛丸都幾難食,不過佢個芝士西多就好好,好耐都冇食過呢樣野二了,佢d芝士味都ok濃,加埋西多果陣味真好好,必叫,一人埋單$25,算平啦.

等候時間太長！等候時曾經四度催促但無人跟進。欲退錢離開時卻遭到阻撓。上菜時員工態度晦氣，服務態度惡劣！！食物味道欠佳，多油甚鹹。份量多，賣相頗佳。環境衛生一般，地上佈滿牙籤及紙巾之類物件，員工打翻茶水並沒有及時清理。價錢合理，乾炒牛河配凍檸茶為$40。最後卻為我一家三口送上糖水作為道歉，值得讚好。總括來說評價為甚劣。

在屋企附近有一間茶餐廳從來未幫襯過，心血來潮到來食個午餐，本想食個麻甩佬碟頭飯，又或者來個男人的浪漫，但突然提醒自己接住仲有兩場要走，所以都係唔食飯，改要個乾炒牛河。呢度嘅乾炒牛河雖然炒得唔算乾身，但河粉望落色水唔錯，起碼每條河粉都色澤均勻，食落亦唔會一Pat Pat，而碟底所見唔太油膩，炒得有水準。牛肉絕對係梳打牛，不過「化學物料」唔算太重手，肉味還在，以三十幾蚊一碟牛河來說，已經算唔錯。雖然水準肯定唔可以跟何洪記、正斗相比，但呢度只係一半價錢，有時唔駛太執著，街坊生意算係咁啦！

補完習搵嘢食,見到門口貼有常餐供應就行入去.所謂常餐,當然係大份又相對抵食的餐,金銀島的也不例外.牛油多士及olmet的味道不錯.湯意粉上面的扖煎得不錯,但意粉不太好食,過軟之餘也有點通粉及米粉.餐飲(凍檸水)做得不錯.食物不過不失,但環境較烏糟,地板黏笠笠的.埋單$30,不過只係一餐半餐,都係過意得去的.

4月27日, 星期四晚, 一行四人一齊返咗鎗會, 因為老公約咗安豬返會攞啲嘢喎~ 到夜晚十點, 由於我哋都未正式食飯, 一定要搵個地方食正餐啦!最後一行五個人走咗嚟「金銀島」食嘢,平時嚟呢度都係各自各就咁食個麵或炒嘢就算,今次有五個人喎~~ 可以考慮叫幾個小菜一齊食喎~~呢啲嘢當然又係女人負責做啦!最後我哋叫咗一個二人餐, 一個晚飯特價餐, 同一個小菜。先嚟貴妃雞, 係二人餐既, 又幾靚仔咁喎~~ 份量都算幾多, 雖然都有啲肥膏位, 但都唔算好離譜啦! 同埋都幾好食既! 沙爹粉絲肥牛煲, 係散叫小菜, 呢個正! 個個都贊好食呢~~ 魚腩煲, 係晚飯特價餐既, 味道幾好, 可惜原來得好少好少肉, 半煲都係洋蔥, 或者係啲冇肉位... 唔抵食! 福建炒飯, 都係二人餐既, 呢個得! 料足, 飯炒得幾靚, 味道啱! 菜芯, 係二人餐跟既, 可惜啲菜老咗少少, 同埋呢度啲蠔油唔好食, 又唔記得叫佢走油...另外班男人叫咗三個白飯同啤酒, 埋單都係 $206,即係平均一日 $41, 都好合理丫~~ 唔錯! 更詳細資料及圖片請看 : http://hk.myblog.yahoo.com/joyc

4月8日, 星期二晚, 約咗兩個朋友食晚飯,今次求其少少, 唔去荷里活廣場食, (反而果度冇乜選擇, 一係貴, 一係唔好食!)走噃嚟采頤花園既「金銀島茶餐廳小廚」食個麵就算! 由於太耐冇嚟食過, 所以唔駛諗, 都係叫噃個牛腩湯檬加西生菜 ($24) )啦!朋友都係叫呢個湯檬, 而另一位就要咗個豬頸肉湯檬加凍飲($31), 相裡面片豬頸肉係佢架~不過我同朋友都覺得呢度既牛腩質素差咗, 好多肥膏呀~~~~~仲搞到碗湯好油呢..... 問過亞姐係咪轉咗師傅, 佢哋又話唔係,咁我諗係為咗入貨平啲, 所以啲料差咗囉... 但片豬頸肉都幾好食!!朋友就叫咗碟菜芯, 後來佢先生嚟到, 叫咗個乾炒牛河 (唔記得映相), 可惜, 佢兩公婆食完都話勁冇味呀! 只不過幾個月冇嚟食嘢啫~ 「金銀島」搞乜呀? 佢已經加咗價喇喎~~ 啲食物質素仍然差咗??!不過同朋友都應為, 會再畀多次機會佢 (話晒幫襯咗幾年啦!), 下次都係咁差先唔會再幫襯!更詳細資料及圖片請看 : http://hk.myblog.yahoo.com/joycewai616/article?mid=6871

昨日見到呢間快餐廳真係有大排檔風, 坐位夠多可供一家大細三代同堂。特別係全日供應$22蚊套餐, 有風味擔擔麯、牛腩麯...等四種仲加埋小籠包、生煎包、煎胶子，加多一蚊仲有冰凍檸檳一大杯，真係抵食。(免加一)最種要係該快餐廳既員工態度，真係好。員工上下一心....，難怪在同區眾多競爭之中都能夠不倒。最抵係小菜都只係$33蚊咋，加埋個白飯都係加多$6 真係抵呀!

女友親戚住附近介紹哩間餐廳食晚飯即管去試下四周都俾大廈圍住位置感覺有得偏但入到去個環境都算大最緊要係我發現哩間餐廳既乾淨程度好好(以中式餐應黎講我覺得係最乾淨既一間)一行六人叫左大斑兩味, 泰式拼盤(中), 蠔汁燴鴨掌, 蜜汁脆鱔, 炸子雞(一隻)大斑兩味: 條魚本身好新鮮, 一d腥味都無, 蒸得好鮮. 但炒個part 就麻麻了, 唔似由同一條魚分拆出黎.泰式拼盤(中): 雖然話係中size, 但個份量都好多. 如果做頭盤既話, 都可能飽左1/4.拼盤大至上還可以, 話晒唔係正宗泰式餐\廳.蠔汁燴鴨掌: 汁底岩岩好, 唔太咸唔太稀唔太油, 鴨掌炆得好淋, 岩老人家食哩.蜜汁脆鱔: 本身諗住叫蒜香骨的, 但伙記話無... 所以先轉左哩個脆鱔. 好少可有地方食哩個鱔, 更加少地方煮得好食. 之前係元朗既一間大排檔食過還可以. 今次好正. 完全唔覺油, 加上有d 蜜糖配合, 有d 似食緊鰻魚哩.炸子雞: 食得出係新鮮雞, 好少餐\廳咁落本去買新鮮雞. 加上個皮唔太窿唔太熱氣, 只係肥左少少.最後仲有糖水附送tim ~ 根本食唔晒... 份量比預期中大哩. 如果係旺d 既地方做應該會更加好生意

一家五口專登揸車黎到呢度是是旦旦食完飯就返屋企算喇叫了4人套餐咩都有/ 泰式拼盤/ 福建炒飯/ 炒菜/ 越南扎肉檸粉......仲有...唔記得左lu味道一般啦.......炸雞翼/ 香茅豬扒加埋就等如泰式拼盤......那4人套餐何不叫4人盤菜呢..?招呼都叫ok家喇....不過冇咩客既......?加多D Promotion宣傳下啦....老闆