影片
港鐵銅鑼灣站 F1 出口, 步行約1分鐘
繼續閱讀
電話號碼
26598318
開飯介紹
木系裝潢的日式燒肉店，環境闊落，主打產自鹿兒島、佐賀及澳洲的黑毛和牛 ，為和牛控呈獻滋味而多元化的燒肉體驗。另有豚肉、海鮮、日韓小菜以供選擇。
繼續閱讀
營業時間
今日營業
18:00 - 23:30
星期一
12:00 - 15:30
17:30 - 23:30
星期二
18:00 - 23:30
星期三至日
12:00 - 15:30
17:30 - 23:30
公眾假期
12:00 - 15:30
17:30 - 23:30
公眾假期前夕
12:00 - 15:30
17:30 - 23:30
以上資料只供參考, 請與餐廳確認詳情
有關獎賞計劃
相關文章
朋友喺銅鑼灣上堂，所以我就喺佢上堂附近搵食，上網見呢間日式燒肉店喺樓上舖，未去過呢度，就順便黎試一試。 選擇都幾多，我地都花左啲時間先揀到野食，因為想食嘅野太多，但又唔算好肚餓。 芝麻阿波雞軟骨一向都好鍾意食雞軟骨，雞軟骨炸得脆口，搭配沙律醬很滋味。作為前菜很開胃。 厚切鹽燒牛舌每次食燒肉都好鍾意食牛舌，見餐廳有厚切當然要試一試，肉質鮮嫩多汁，肉味香，用鹽燒過更加美味，而且口感柔軟之餘有牛舌本身嚼勁的口感，很滋味。 厚切鹽燒黑豚腩肉厚切的黑豚腩肉油脂分佈均勻，經過鹽燒後更加香口，肉質juicy，帶有豬的甜味，而且肉質柔軟。 生牛肉石鍋飯這個飯很吸引，面頭舖了生牛肉粒和生雞蛋，可連同韓式辣醬拌來吃，石鍋燒得很熱，所以很容易就把牛煮熟了，拌飯真的很香口，加上有蛋的蛋香味和香蔥及蔬菜，熱辣辣很美味。 餐廳亦有二人餐及放題可選擇，都多人食，下次等我地留定肚再來吃放題。
繼續閱讀
餐廳：金金日式燒肉店地點：銅鑼灣怡和街菜式：日式燒肉餐牌：午市有和風定食套餐同燒肉定食套餐各多款，包野菜沙律、餐前小食、爐邊烘蛋、味噌湯、白飯同飲品。仲可以以超激安半價加燒肉或者小食等。野菜沙律係新鮮爽脆羅馬菜配車厘茄加白色沙津醬汁，清新好味，開一開胃先。味噌湯夠香濃，材料有三大段腐皮同昆布。餐前小食係漬物，份量好多。爐邊烘蛋係大大盤雞蛋漿放喺爐上面燒，服務員定時定候會幫你搞，好貼心。唔洗整到熟哂，呢個蛋撈飯食都好味道。白飯份量適中，夠乾身。午餐時段可以任添野菜沙律同白飯，包食飽。雞腿肉黑豚雙拼燒 $93 另加一雞腿肉黑豚雙拼燒有5件雞腿肉，可以燒得皮脆肉嫩，配意大利香草汁好味，口感味道都唔錯；黑豚4片，帶大量脂肪，邪惡，不過脆口多肉汁。嚴選燒肉五品盛 $148 另加一嚴選燒肉五品盛包括以下五款肉：澳洲M9牛3片，油花好靚，口感超腍，多肉汁，已經加上燒汁同白芝麻粒，非常好味道！牛肩胛3片，厚身有口感；一口口舌3粒，口感彈牙多汁，好有咬口；黑豚頸肉4片，非常爽脆，個岩鹽青檸醬汁味道酸酸甜甜，好開胃；手羽中一共有一隻半，變左單骨，方便食用，我燒到皮脆肉嫩，正！日本A5和牛肩胛120g 加 $118 另加一呢個日本A5和牛肩胛係超激安半價追加，超抵食！日本A5和牛肩胛一開六件方便燒，油花好靚，入口油花四溢，一咬就開，肉汁豐富，唔洗加醬汁已經夠好味。Coke Zero、雪碧 跟餐汽水係罐裝，其他餐飲選擇都唔少。枱上有燒肉汁，辣汁同檸檬酸汁，令燒肉好惹味。呢餐燒肉質素不俗，牛豬雞都幾好。服務員態度友善，好helpful，環境唔錯，位置方便。人均唔洗兩舊食到咁多野仲要係咁嘅質素，抵呀！
繼續閱讀
今日居然搵到間日式燒肉店喺銅鑼灣SOGO對面嘅美珍香樓上，位置超近而且價錢好抵！餐廳裝修舒服，服務員友善，推介俾喺銅鑼灣返工或者行街嘅朋友。.🌟精選燒肉三品盛 套餐跟沙律同麵豉湯，沙律有芥末醬好開胃，牛舌爽口彈牙，白飯仲可以添！燒肉今日有一口牛、五花肉同醃製雞肉。肉質新鮮，牛味濃，雞肉嫩滑，五花肉油香滿分，送飯一流。.🌟精選是日推介 今日老闆推薦套餐有三文魚刺身同紅燒雞肉，套餐同樣有沙律、麵豉湯、牛舌同白飯，最正係只需63蚊！三文魚肥美新鮮，雞肉無骨嫩滑，白飯仲可以添碗！.🌟網燒可樂雞腿肉 肉質嫩滑唔鞋，可樂中和咗醬油嘅厚重，汁濃但唔會太甜。雞腿肉飽滿多汁，送飯超正！建議燒到微焦更香口。.🌟自家制和牛餃子 將和牛打成肉碎包入餃子，咬落去有啲似肉鬆嘅口感，但保留咗和牛嘅香味！
繼續閱讀
今日同老公去銅鑼灣睇戲，老公話想食燒肉就搵到呢間SOGO對面嘅金金燒肉，餐廳座位闊落晏晝有唔同嘅燒肉午餐，我哋叫咗安格斯三品盛同埋M9和牛拼牛肋套餐，套餐包括沙律、麵豉湯、白飯、飲品同埋爐邊蛋。小食方面亦都有特價，我哋叫咗厚切豆腐燒同埋麻辣牛舌串，豆腐需要再整熱配上酸酸甜甜嘅醬好惹味，牛舌亦都辣辣地質地好腍。牛肉方面肉質都好新鮮，安格斯牛有肉味都有咬口， M9和牛就比較腍，肉味亦都唔錯。整體嚟講度環境舒適而且午市免加一服務費，食物服務都唔錯下次可以試其他套餐。
繼續閱讀
呢間日式燒肉店菜式質感同味道都做得認真，網燒雞腿肉、五色胡椒牛舌同黑松露和牛炒飯等菜式各有特色，口味平衡又豐富。網燒雞腿肉(意大利香草汁）$68雞腿肉燒得外皮微脆，肉質嫩滑，唔會乾。意大利香草汁帶酸香，食落清新又解膩，味道平衡。五色胡 flavorful胡椒一口牛舌 $88牛舌切成小塊，一口一件好方便 牛舌軟嫩，無腥味。五色胡椒調味香辣，帶層次感，食落開胃，配搭得宜。西班牙黑豚腩肉 $78黑豚腩肉肥瘦均勻，煎得外層香脆，肉質軟腍入味，油香但唔膩，簡單又好食。黑松露和牛炒飯 $118炒飯粒粒分明，和牛粒嫩滑，黑松露香氣濃郁。蛋花同蔥花加分，味道豐富，係一道亮眼嘅主菜。秘制溫室青瓜 $38青瓜爽脆可口，秘制醬汁酸甜微辣，開胃又清新，係重口味菜式嘅好搭配。
繼續閱讀