76
16
4
港鐵深水埗站 D2 出口, 步行約4分鐘 繼續閱讀
電話號碼
27256806
營業時間
今日營業
17:00-04:00
星期一至日
17:00-04:00
付款方式
現金
座位數目
120
其他資料
深夜營業
酒精飲品
自帶酒水
電話訂座
電視播放
食評 (100)
等級3 2017-07-31
475 瀏覽
一行五人行完水玩完水好似餓狼咁🤷🏻‍♀️ 一翻出市區就即刻打去金豪book枱食飯,其中一個朋友試過呢間中菜館十分推介。星期六 6點先打去book 8點,竟然咁都book到🤣去到門口都幾多人等緊,好在我地有打去book,係門口坐左十分鐘左右就有得入去🤤🤤🤤 行完山真係好肚餓。金豪既小菜應有盡有,你嗌得出既小菜應該都可以係度食到。內在環境都幾逼,擺左好多圓枱都幾密,不過勝在有冷氣唔似大排擋要熱住食。當然唔好expect佢好乾淨但都尚算可以。嗌完野食等左十五分鐘,第一位主角好味醬烤骨終於出場👏🏻 醬烤骨呢個名係我心目中應該好似沙拉骨咁,有大大條骨係肉既中間配好濃味既醬,點知上枱時佢好似舊東坡肉咁😳 侍應幫我把切左六件,見佢切落去個下好輕鬆應該好林,一咬落去入口即溶,半層肥半層瘦,就算係瘦既位置都忟得十分林🤤 質感認真好正。呢d肉正常煮左咁耐應該好入味,但味道又唔算好濃,仲食到本身既肉味,個汁竟然係偏淡,有少少少少酸酸地。第二位上場既主角係魚腐白菜,魚湯底做得唔錯,清清地岩曬各位ladies。第三位主角就係芥末牛柳粒🐮,擺左d蜜糖合桃伴碟。牛柳粒煎得好林,芥末味好濃,真係有d攻鼻🤔 伴碟合桃都好味🤤 份量都算多,五個人每人都食到4-5粒第四個佳麗係避風塘生蠔,好多炸蒜🤤 見到都覺得熱氣🤦🏻‍♀️ 一咬落去就feel到荳荳準備出現係我身體上🤷🏻‍♀️ 生蠔夠大隻唔係蚊芝蠔,岩岩好一共有5隻,粉醬唔算好多唔會太厚咬落去成口粉,蠔都算新鮮做得唔錯,下次有機會黎會試埋薑葱蠔褒🤔 壓軸登場既係豉汁蒸大鱔,d鱔絕對唔係bb鱔,咬落去都叫啖啖肉,肉質新鮮,爽口彈牙,豉汁味濃,味道岩岩好,送飯一流,十級推介。黎番個小總結先,呢間小小既中菜館既食物水準相當高,用料新鮮,價錢唔算平但質素撘救,性價比都算高,建議多d人食 5-6個可以試多d菜。好推介大家特登撘車黎食,記得book位丫,唔係就會等得有d耐 繼續閱讀
(以上食評乃用戶個人意見 , 並不代表OpenRice之觀點。)
等級2 2017-07-19
406 瀏覽
呢間小菜館食過幾次了,每次都覺得保持到水準,味道好,夠鑊氣,真材實料,但由於食客多數都比較豪邁,所以比較嘈,如果想傾計既就唔太適合了,但如果想滿足味蕾,呢到一定幫到你!剁椒蒸魚頭!每次必點,剁椒好惹味,甜甜辣辣好開胃又好送飯,魚頭好滑又唔腥,有滿豆腐墊底,索哂汁好正!黑椒粉絲蟹煲!黑椒很香,蟹新鮮,精華在粉絲,索哂蟹鮮味加上黑椒汁,簡直係主角!而且啲粉絲好乾爽唔係林到一pat pat,好夠火喉鑊氣!籠仔蒸蝦糯米飯荷葉蒸飯,好多蒜蓉同蔥花,糯米索哂啲精華,睇張相都知好正啦!豉油都唔使落架!蝦雖然唔係大隻,但都有膏的,好滿意!另外食過酥炸生蠔,同樣美味! 繼續閱讀
(以上食評乃用戶個人意見 , 並不代表OpenRice之觀點。)
等級1 2017-05-29
431 瀏覽
深水埗多平靚正美食,不過飯聚團的團友向少定在這一區。趁等齊人之際順便去黃金逛逛,買好東西之後再走過去,已經有人餓到抗議了。大約8點左右坐下,火速進行點餐,然而海鮮孖寶沒有魚,金豪招牌的醬燒骨也賣完了,十分可惜。菜還沒點,老侍應先奉上一小碟醬青瓜,可以一邊吃一邊考慮點什麼,不貴的小吃,卻顯出心思。來吃小炒當然少不了啤酒,點了啤酒當然少不了下酒菜。這道水晶豬手端上來說令人十分驚豔。老實說它被分在小菜類中,沒想到會這麼大碟。豬手口感爽脆,吮得過癮。只是吃豬手要頻頻吐骨,食相不雅,正好這次飯聚女士們缺席,一桌麻甩不必忌諱了。不過味道偏清淡,不太能佐酒呢。小食之後到主菜,不知是否因為豬手給我們「好大碟」的震撼,主菜有些反而在份量上有落差。薑蔥爆蠔,煲就很大個的,襯托出內容不甚豐滿。蠔有5顆,其實也不算細隻了。一口咬下去亦有桶蠔的鮮嫩多汁,外漿嫌不夠蘇脆,整體火候算是控制得不錯。不是吃過最好的薑蔥桶蠔,我喜歡薑蔥味再爆得嗆點的。我們十分期待的蟶子皇。來了之後在賣相上就有點失落,size不算大,配料有點寒酸,粉絲只給了很少,不能索盡蟶子的鮮汁。勝在夠新鮮,未有蒸得太老,口感很好。不過略有砂…油鹽水花蛤浸菜苗,也算是金豪的推介菜之一,花蛤的鮮甜融入湯中,很好的被菜吸收了。希望花蛤的份量可以再多點就是濃湯海味雜菜煲。蝦乾為整個煲添上風味,也算落得很重手。雜菜煲總是很穩陣的,吃小炒時每人叫一個菜,往往都叫了香口的,雜菜煲有菜,又有湯水,又不會太「齋」,要知道,總有些人見到清菜就皺眉的。醒胃山渣骨。這道菜呢,可厲害了,至少我是這麼認為。朋友M吃了一口評:還不就是生炒骨。然而這裏用的是山渣(大概是山渣餅岩碎吧),而不是菠蘿或茄汁來生酸。山渣做出來的生炒骨,酸得來有層次,有山渣的那種果澀味,肉排表層的醬液,也因山渣餅粉而產生綿滑的口感。山渣生炒骨不是處處都吃得到了。不過扣分位也有:擺碟不是太好看,而且端上來時也不甚熱了。我們商量說,叫白飯不如試試他們的炒飯吧。端上來份量很夠,飯粒分明,只是有點濕軟。口感差了一點,不過拿來就菜吃就還好。椒鹽九肚魚。不過不失,正常發揮,味香外脆內軟。咬一塊,喝兩口,聊幾句,酒女來給你添滿上,很快又空了一瓶。我們來的時候正是旺場,吃著聊著,走時已經頗多空檯。或者因為是全男班,顯出菜的份量就不算多,一邊吃一邊追加就是了。比較可惜的是叫不到最想試的招牌菜,其它的也都很好,沒有太特別就是。然而我喜歡店的情懷,老店面,老菜色,老伙記,不亢不卑,不緊不慢。它不會一臉殷勤地在門口招呼人來,也不會有那種不憂做的傲氣,然而到了晚飯的尖峰時刻,自是座無虛席的。對了,這裏可以訂位,晚上來的話,還是訂個位子穩妥。 繼續閱讀
(以上食評乃用戶個人意見 , 並不代表OpenRice之觀點。)
等級1 2017-05-23
302 瀏覽
上次經過呢間金豪想入去食晚餐,原來全被訂座了。心諗一定是好野和抵食,先會有好多客人。後來另一晚終於訂到枱慶祝母親節,入去坐低無幾耐,發覺中晒伏,先知間食店太硬銷,推銷技倆仲勁過酒樓叫人買月餅、買糉等,不停推銷我們食貴餸,又推銷飲燉湯,魚類一味兩吃,份量又食,要加大先夠食,我諗住飯館應該是吃些特式小菜,總好過吃集團式酒樓的一圍圍指定菜式,但是試過一次都真是見識到聞名不如見面,最慘仲要死唔飽,要就住就住,真是下次都咪搞 繼續閱讀
(以上食評乃用戶個人意見 , 並不代表OpenRice之觀點。)
等級2 2017-04-02
819 瀏覽
HappyFriday又搵地方食好野..今次朋友揀左青山道..因為門口有上水小巴走..十分方便..1入門..係典型既中菜食店..好多張圓檯..同伙記先生交涉後..知道我地有book檯就帶我地入座..由於未齊人..我同朋友就搵主餐牌睇下有無小食..點知翻睇左幾次都無..突然有個伙記先生將另外3張餐牌奉上..好窩心..佢應該企係到留意左我地好耐咁我地就揀左1個冷盤:豬手68蚊..諗住實係3兩舊..點知係有7~8舊..好抵食亦係重點推介..岩晒送酒..之後朋友黎到就點菜..招牌濃湯雞翅招牌椒鹽瀨尿蝦肉啫啫通菜煲豉汁蒸鱔豉油皇鵝腸蒜蓉粉絲聖子王要珍惜香港既風味老店.. 繼續閱讀
(以上食評乃用戶個人意見 , 並不代表OpenRice之觀點。)