金記冰室 (粉嶺中心) (已結業)

食喺金記冰室，吸晒當地嘅風味！沙嗲牛肉湯米，真係出奇地入味，沙嗲醬濃香得嚟唔過，係我食過最滑嘅炒蛋之一，正到喊出嚟！😍 另一道仿鮑魚絲火腿湯米就一般啦，湯頭夠味但材料就無驚喜。提到好立克，足夠香濃但希望鮮味再濃啲。整體體驗都算過得去啦，特別金記嘅環境真係擺得上檯面，同一般冰室唔同，潔淨又明亮。無論係約會還是一班朋友揾食，都算係粉嶺嘅一個不錯選擇！🎉👌

好差得海南雞飯，飯好硬，雞好鞋，出來啲雞是熱的， 成間嘢都冇人嚟食， 比隔離嗰間冰室搶曬生意啦。 即係叫啲人以後都唔好嚟金記冰室食嘢樣樣嘢都好差， 真係冇樣嘢好，差差差

今次嚟到粉嶺嘅金記冰室，就係想食個平民化嘅午餐，一入到去就被啲炸髀吸引住啦！熱辣辣嘅炸髀外皮真係香脆得嚟，炸到金黃色😍，肉質鬆軟，啖啖肉咁，唔會過於油膩。沙律部分甜度啱啱好，爽口開胃嘅感覺，完全冇得輸！湯粉清爽得滯，過口唔笠，食落舒服過癮。而家就講講個咖哩炸魚牛舌飯，首先牛舌厚切口感至啱，軟熟得黎仲保留到啱啱好嘅嚼勁，佢嗰個咖哩湯汁味道濃郁，但都希望佢再濃稠啲會更好。😉炸魚健康無比，肉厚又鮮嫩，魚腥味我都OK啦，畢竟係海鮮嘅貨真價實！食完午餐，仲點了支熱奶茶，飲一啖，香滑得不得了，一飲就知道呢間店嘅奶茶唔簡單。真心推介呢到嘅食物，落大雨果陣嚟，食豐富啲、暖笠笠嘅野真係舒心得很，飽肚之餘，仲溫暖晒心呢👍。下次有機會再嚟，一定要再試埋佢嘅煲仔飯，聽聞都好出名嘅。搵食嘅朋友，記得黎呢度過下食脾，值得㗎！

下午5點半好肚餓吓，走入金記食嘢，可能未到晚飯時段，唔駛等位直入，但見餐牌主要仲係下午茶，要6點至會轉晚餐餐牌！太肚餓～唔等了，叫啲All day available嘅嘢，見到有幾款炒烏冬好似幾吸引，就叫個XO醬炒烏冬（剔咗少油）+凍奶茶！可以用手機落單方便，食物好快上枱，食得出有XO醬味！豬扒碎上份量就細D但好食，只係都係好油吓…. 不過都可以接受嘅..！總括而言好味！😄👍🏻埋單烏冬+凍飲總共$77

食物質數參差， 焗嘅食物同早餐味道正常發揮， 但雞嘅送好多時都係大伏有試過係凍嘅， 仲有血水嘅。 餐廳的survice差到冇朋友。 叫極都冇人回應你， 到你終於揾到人講佢地漏左咩仲未上， 同上錯野飲， 講完又等勁耐。 姐係咁係個麵包櫃到拎過尼姐。 等左半個鐘。 更別提錯左嘅飲品。 諗住叫外賣會好dd, 點知你拎改買個時同收銀講，唔該拎外賣。 個面口西到，又唔出聲， 見佢0反應講多次， 佢勁串咁講自已拎la!!!! 但佢就係坐係到咩都唔做。 台面有好多外賣仲要自已去揾反自已個number, 真係連外賣都唔洗幫襯

星期六嘅早上 又嚟到附近嘅金記冰室食早餐揀咗新鮮豬膶通粉，凍奶茶，同埋一定唔可以錯過嘅菠蘿包，今次仲要遇上啱啱新鮮出爐，所以堂食一個菠蘿包，亦都外賣一個菠蘿包價錢同味道都冇得輸！

眼見佢連鎖店水準有保証，新年流流都明白服務業辛苦，但係該分店服務超差唔係要客人照單全收。由門口帶位到店員完全不理會客人。就算有客人在門口位置等位超過五分鐘，店員也只顧傾計也不會理會，而且只不停招持熟客。簡直係不知所謂！！！粉嶺中心分店冇下次！其他分店完全沒有這樣的問題！😡😡

今日1月17號粉嶺叫咗個清湯牛腩河，牛腩鞋到好似食緊啲煲湯嘅肉眼肉。我問過職員為什麼個牛腩會這麼鞋，我叫個職員自己入廚房試食食完佢就知我講緊乜嘢，佢竟然話佢琴日先食完啲牛腩又好食又滑，之後個職員講可能今天到的牛腩唔靚，所以蚊成咁，知道啲牛腩差就唔應該給人吃，竟然仲喺個餐牌度有個金字，我仲以為好好食，所以先會試吓，以後都唔會再食呀！又唔係平，超級差。令人超級失望。從未去食過啲牛腩會真係差得咁緊要。我一定會張呢間粉嶺金記列入我嘅黑名單。

每逢冬天，五係打邊爐就係食煲仔飯，但住係粉嶺上水，都好難搵到好食既煲仔飯，以前食煲仔飯都要去到旺角，而家係粉嶺金記都有煲仔飯食，質素仲要好好，好推介，平時好少出街食晚餐，前排知道金記推出煲仔飯，突登過來試食，淋上甜豉油，加上飯焦，真係好滿足今次試左牛肉窩蛋煲仔飯同臘味煲仔飯，牛肉好嫩滑，臘味煲仔飯好足料，仲有老火湯加飲品，老火湯都好足料好入味，相信有食開既朋友都會知道，呢個價錢有甘多野食，真係好抵，天氣凍左啦，晚餐唔知食咩既可以考慮試下呢個丫

每次在粉嶺中心金記叫炸薯條，發覺一次比一次份量減少。今天再叫了炸薯條，份量竟然只比貴$9的炸雞肶併薯條份量多幾條薯條。即是炸雞肶只值$9。如果大家從這方向來看，炸雞肶真是超超超值吧！

2022-09月-粉嶺中心金記地址位於: 粉嶺新運路33號粉嶺中心地下152-157號舖因為之前見餐牌上的鐵板蘋果豬扒餐相片幾吸引，所以今天刻意到金記食鐵板餐時間約七時，客人未滿，問收銀職員坐位安排，得到冷冷的回覆: 有位，自己入去找自行找了一個卡位坐下，侍應主動清潔桌面，沒問我幾多位，拿了一杯水給我因家人未到，先看一下餐牌，食物款式頗多，有中式小菜也有西式焗飯我就鎖定了吃鐵板餐用QR Code點餐，點了兩份鐵板餐有彈也有讚，用QR Code 點餐時，可選汁另上和稍後再點餐飲，試過其他餐廳沒有此功能餐湯先來，羅宋湯有西芹、蘿蔔，酸酸甜甜又夠熱，開胃中湯是雪耳雪梨南北杏煲瘦肉，湯料足，雪耳軟滑，甜甜的雪梨煲得軟腍，秋天好適合飲的湯水鐵板西冷牛扒點餐時選了七成熟，應有九成熟了薄薄的一件西冷，肉質有點韌，要加幾分力度咀嚼，沒有肉汁，連雜菜豆也有點乾硬不新鮮選擇了汁另上，但汁加上鐵板時，已沒有"滋滋聲"效果，鐵板應該熱度不足黑椒汁和蒜茸汁，味道味道偏咸白飯粒粒分明，但又是不夠熱鐵板蘋果豬扒配薯菜黑椒汁，薯條炸得香脆，味道合格，豬扒肉質軟腍，外層有少許炸粉，似用油炸做法，有點油膩，味道不過不失，

生炸雞脾即食麵/意粉 配 烚蛋火腿沙律 $60雞比炸得好正，外皮好脆，入面多汁，即食麵則正常發揮，沙律好好味，除咗烚蛋火腿，仲有好多薯仔和有d水果，好大份量，女仔好難食得晒😂😂，結果我個沙律食咁好少就打包了。

粉嶺中心越嚟越多食店，如果係計茶餐廳，金記我覺得係最好食、最乾淨。叫咗個金記焗豬扒飯，六十蚊左右，質素我係滿意，因為個茄底好香，芝士面都足料，溶得好靚，豬扒都大塊，好食過大快活、大家樂。雖然價錢偏貴，但我覺得都值嘅

終於等到金記冰室進駐粉嶺! 之前食過其他分店，食物質素都好好，而家甘近可以成日來幫襯喇!餐廳環境舒適乾淨 地下會有投影提示大家小心地滑 好貼心夏日炎炎通常冇咩食慾 餐廳即時出左個特別MENU 喚醒下大家肚子! 冰鎮芥蘭配日式鼓油WASABI賣相加分，每條芥蘭都肥嘟嘟又翠綠，冰鎮效果令到芥蘭個皮特別爽脆! 沾埋日式鼓油WASABI 感覺好有趣，估吾到甘夾! 鎮江骨甜甜酸酸既醬汁好開胃，排骨炆到好鬆軟，底部仲有炆薯仔，送飯一流!地道霸王雞(例牌)例牌份量都夠多, 雞肉冇肥膏、好嫩滑! 烹調時間岩岩好吾會老哂!菠蘿柚子冰甜度適中，飲完真係透心涼! 總結: 食物維持高水準、店員有禮、台面有做足消毒特別安心翻兜指數 :（5星滿）

閒日放假去食早餐，坐底咗叫侍應埋黎寫嘢，啲侍應點頭應咗，但一直無埋黎。隔咗一陣再舉手，個侍應終於出聲：見到勒，可以自助點餐架。心諗：如果第一次黎就知係自助點餐，就唔會舉手叫你過黎落單啦。我叫咗個豬潤通粉，好多年前係灣仔食過，覺得唔錯。所以有啲期望。通粉賣相唔錯，係細碗咗少少。食第一啖，就覺得伏伏地，點解口感咁似快熟牌，連個湯都有89成相似。自己煮都有咁嘅質素。唯一可取係杯凍檸茶，有檸檬的。唔會再黎食。