金記冰室 (海港中心)

營業中

休息中

新潮流茶餐廳，前身是金記冰室，灣仔分店係正會展地鐵站出口，位置好方便。………………………………………………葡撻⭐️⭐️⭐️⭐️⭐️葡撻皮係酥皮是常識吧，酥皮口感好酥脆，蛋撻餡甜度適中，蛋漿焗得好滑溜，蛋味香濃，好味！凍奶茶 （少冰少甜） ⭐️⭐️⭐️⭐️⭐️茶味同奶味好平衡，飲落順喉，少甜的甜度對我嚟講啱啱好。………………………………………………金記的凍奶茶不嬲都好好飲，一直都穩守保持到質素。葡撻就第一次食，值得推介。

新潮流茶餐廳，前身是金記冰室，灣仔分店係正會展地鐵站出口，位置好方便。………………………………………………菠蘿油 ⭐️⭐️⭐️⭐️⭐️完美的菠蘿油 - 菠蘿包口感好有彈性，菠蘿皮酥脆香甜，麵包放到室溫先加牛油，唔會熱溶晒舊牛油。牛油又唔會凍冰冰，好味！凍奶茶 （少冰少甜） ⭐️⭐️⭐️⭐️⭐️茶味同奶味好平衡，飲落順喉，少甜的甜度對我嚟講啱啱好。………………………………………………金記的凍奶茶不嬲都好好飲，一直都穩定保持到質素。菠蘿油就好食左好多，希望金記可以越做越好啦。

新潮流茶餐廳，前身是金記冰室，灣仔分店係正會展地鐵站出口，位置好方便。………………………………………………火腿蛋雙拼三文治 ⭐️⭐️⭐️⭐️餡料豐富，新鮮製造，炒蛋煮得剛剛好，唔會過熟，每一啖三文治都食到餡料。凍檸茶 ⭐️⭐️⭐️⭐️茶味夠濃，用新鮮檸檬，係港式檸檬茶正宗的味道。………………………………………………因為係灣仔返工，都算經常買金記做早餐，留意到近一年金記的變化，有啲食物好食左，當然都有啲食物水準變差。希望無論金記又好，新潮流又好，餐廳的食物質素能夠繼續保持落去。因為傳承下去的除咗係一盤生意，更加係香港茶餐廳飲食文化。

試過咁多間鋪頭，平時食得最多嘅，始終都係金記！我對菠蘿包最最最看重嘅，就係要夠熱辣辣！每次喺金記買菠蘿包，一拎上手，暖笠笠嘅仲有餘溫佢哋嘅菠蘿包皮脆，外層酥脆得嚟，入面又軟綿綿有時路過，聞到飄出嚟嘅麵包香，再見到個個金黃油亮、熱氣騰騰嘅菠蘿包擺喺櫥窗，忍唔住要買返個

會展活動前有少少時間，想食餐快的，剛好落雨，呢間從會展站出來都就脚，。下午茶 menu 最令我想試的就是菠蘿包+熱奶茶。菠蘿包的餡可以揀：1. 炒滑蛋2. 午餐肉3. 碎番茄4. 咸牛肉當中我覺得 1 + 2 最吸引落單後 5 分鐘内送上臺，哇，個菠蘿包真的好大件，老實講一個男人用手食都嫌太大。最後我要用刀叉切開逐件食。好滿足。奶茶不錯但我覺得上臺時已不夠熱。

呢間餐廳個經理態度勁差，嗌號碼嗰陣，因為前面有個人早過我哋去嘅攝咗入嚟，所以同個朋友就喺出面等多陣，點知個經理同我講話啱啱嗌咗好多次，然後喺度鬧我哋，咁我當然有反駁到啦，然後又話我身為女仔應該斯文啲，但個經理都係女嘅。去到個位發現有人坐咗，之後又乜都冇講，趕返我哋出去。等到有位嗰陣，佢又係咁過嚟啤住我哋。我個朋友嗌咗個蕃茄炒蛋牛肉飯，啲汁稀度死。見到隔籬枱有個客，係一個人嘅，原本佢嘅同事請咗佢去一張二人枱食飯，然後佢又勁大聲鬧個客，叫佢去單人枱度食，咁個客唔肯，佢有啤實人哋。食完飯成肚氣，咪諗住同佢講返件事，之後又死口唔認，話係我問題，仲大聲夾惡咁鬧我，話我態度差，但我已經用平時嘅聲量同佢講嘢，而且佢又串我，不停怪我。依間餐廳真係好差，食物質素低，服務態度又衰，以後都唔會再幫襯。事後諗住打去佢哋個客服，點知原來係空號

食茶記都係想快靚正，叫咗個星洲炒米，等咗好耐都未到，連隔籬枱遲過我叫餐食焗飯嘅客人都上齊，咁我就追單啦。點知樓面個阿姐態度超差咁話：係要等咁耐囉。分明係漏咗單，然後再等都係冇，直至表明話要退單先出到，跟進既矮小男職員又係處理得好差，態度非常惡劣，欺善怕惡，，最後埋單嗰時問佢叫乜嘢名，又縮沙唔敢講。嘢食明明嗌咗少鹽，都係好鹹，好難食，難怪執完一間又一間，永遠唔會再幫襯。食個茶記都要等咁耐，我做咩仲要食你呢？

又一日需要食個快lunch，呢日黎左金記快手食個頹飯🤣大概12:15到達，已經滿座，要攞籌，不過由於我只係一個人，所以等咗幾分鐘就有位。全個Menu有過百種嘢食揀，如果有選擇困難既人，應該有排揀🤪我呢日呢就冇咩胃口，所以揀左羅宋湯通粉、熟蛋、熱咖啡。食物上嚟係熱辣辣嘅，不過因為搭枱，張枱本身已經好細，再加塊板，實在係好迫好迫，令到本身打算食個快飯嘅我，食得更加快😹食物整體發揮合理，羅宋湯酸酸甜甜好開胃，同埋份量一啲都唔細，應該大部分人都食得飽！不過建議大家有個飯腳，唔使搭枱先去會開心啲🤭

之前行完電腦展 筋疲力盡 近近哋 食個茶餐廳算~起碼响屋企附近食過幾次, 應該曬會大伏, 個心定啲嘛…叫咗個 2人晚餐, 叫番穩陣嘅 魚香茄子煲 同埋 椒鹽排骨, 相信 點都穩陣嘅~ 跟餐有 例湯, 油菜 同埋 飲品, ok 啦, 百幾蚊 望落好正路~ 食落其實都好正路嘅, 完全夠熱 全部都係熟嘅, 味道正路, 而且返去冇肚痛~果然 係行會展 行到超攰 唔想再兜嚟兜去 又諗又搵食咩好, 穩打穩扎, 唔錯嘅選擇黎~除咗之飲管有污跡之外, 一切還好的!侍應們 都好有禮貌~

今年又吃 🇭🇰金記月餅啦～雙層熱狗巴士造型的月餅盒🚌，好有香港特色呀!! 月餅上下各放兩件，最特別的是😳車頭的店名會吸光，晚上時份會發出綠色夜光，好有趣呢～吃完月餅後，盒子可以用來裝紙巾，循環再用♻️!!【 花好月餅·雙式月餅 】包括兩個低糖雙黃白蓮蓉月餅 及 兩個金腿伍仁月餅，一次過滿足兩個願望。雙黃白蓮蓉以低糖方式製造，甜度不高。而我最愛的伍仁月餅，則鹹香十足，又有咬口，好吃耶～在網店或各分店現已發售，買兩盒再送$𝟏𝟓𝟎現金卷呀🔥!

位於灣仔會展遊客區，門口有個帶位疑似經理嘅恤衫侍應，態度差勁，當住食客面照話，香港旅遊業真係多謝晒你👎🏻星期五晚大約8點多，本人同朋友人數多，由一張大枱飛轉做兩張細枱飛分開食，叫到細枱號碼，恤衫侍應態度差話下次唔好再拎咁多張飛，但餐廳夜晚收10點，9點半就會熄晒全部冷氣，分枱食個位侍應都唔滿意？點餐後，恤衫侍應同其他員工執枱，係隔離當面大聲鬧，表示本人玩佢號碼飛？？如果一人一張飛就係玩佢，分兩張飛都係玩佢？？？晚餐用餐時間得45分鐘，食咗20分鐘，恤衫侍應係身邊望錶話都差唔多啦，若然係咁趕收工，不如一早截數，唔好再比客人入，無需將自己不滿情緒發洩落食客身上👎🏻👎🏻唯一得收銀姐姐有禮貌，值得讚揚

本人和朋友星期四下午兩時半到灣仔會展附近的金記分店光顧，當時下了兩個餐，一個餐已在十分鐘內到，而另一個餐就等了十五分鐘都未到，所以叫職員跟進一下，再等多十分鐘餐仲未上到，我再次問職員，當時職員回應我，「幫你取消咗去」，我當時唔明白，怕誤會，再次講追下個餐，佢即時話「耐咪取消咗去」，我當刻真係莫名其妙，我再講「我無話要取消」，他再講「唔等得就好等啦」，當時有好多客人都聽到，我再同他理論，我只叫佢幫手跟進下，無任何怪責，當時他很激動，還想向我們衝過來，另一個恤衫同事幫助捉住他，帶他到後門，但他還繼續駡「唔做你生意，走啦」，我不明白當一個顧客為何要受到這樣對代。

這位的這間冰室,環境舒適明亮,座位設有卡位讓顧客坐得放鬆自在。雖然在繁忙時段需要等位,但職員的服務反應極為迅速。然而,餐廳在食物品質上仍有需要改善的地方。我點了碗炸醬撈麵,入口時發現醬料分量十分單薄,缺乏應有的濃郁感。而且湯頭也欠奉蔥花等配料,整體口感欠缺層次。更令人失望的是,麵底竟非採用傳統生麵,而且調味也過於生澀,難以品嚐。建議餐廳可以考慮調整醬料配方,加強口感,並重新審視麵條的選用,為食客帶來更佳的用餐體驗。

去完家居展，走時經過會展地鐵站附近，到金記食個下午茶，店內多卡位，茶記黎講算坐得舒服鮮茄濃汁焗豬扒飯焗飯最緊要夠熱，豬扒有一大塊，汁有鮮茄肉星洲炒米米粉夠乾身爽口，配料並不算多，味道算唔錯家鄉鹹肉炒粉絲鹹肉餸飯一流普通茶記，勝在夠方便

好耐以前我都好鍾意食金記，今日入嚟食午餐睇文字叫咗呢個「滑蛋叉燒飯」，上到枱面見到芡汁叉燒飯，搵啲差少啲肉又梅又林。只能夠說而家人工、租金、食材都好貴，呢個食物質素可以同最大嗰兩間快餐店媲美。永冇下次。