9
23
9
港鐵美孚站 C1 出口, 步行約1分鐘 繼續閱讀
所有分店 (14)
電話號碼
29591126
營業時間
今日營業
06:30-23:30
星期一至日
06:30-23:30
付款方式
現金 八達通
座位數目
97
其他資料
外賣服務
加一服務費
食評 (45)
等級7 2017-04-17
450 瀏覽
美孚間燉奶佬有段時間幫襯過唔少,不過,近幾年幫襯嘅次數真喺少之有少,無他嘅,感覺佢哋啲水準跌咗,同類鋪頭中佢又唔喺抵食過人,慣咗唔嚟就自然少去。最近,見佢哋又推團購,用$38.5買$50現金券,草草哋買一張同老婆嚟食個早餐!無嚟咁耐,唔知啲水準有無止跌回升,但平時經過都見唔少人嚟食早餐,今日嚟到,唔喺返工日,兼近9:00am先落到嚟,一樣坐到滿,一枱客走,就有另一枱客接住落。早餐餐牌,底面兩板睇晒,陽光早餐系列A-K($22-$33,最平嘅$22喺多士餐),以及歐陸特色系列M-N($33-$39)。D. 黑椒雞扒米粉 $32小弟揀個麵餐,黑椒雞扒配午餐肉,要米粉底,大大碗米粉,一大件雞扒搭兩片午餐肉,份量算喺交足功課。個湯底無乜特別,大路嘅清湯,啲雞扒煎得幾香,但黑椒味淡,而且,感覺入口好似有少少酸味;餐肉用「白豬仔」,有誠意啦!F. 自選雙拼湯麵 $32老婆揀炒滑蛋拼鮑汁冬菇配米線,啲蛋唔算好滑,但至少亦無炒到過火老晒,但啲鮑汁冬菇掂喎,好有鮑汁香,冬菇厚身有肉地;啲米線老婆嫌佢腍,但我又覺得唔腍,仲好夠滑溜添。餐飲奉送即磨咖啡或熱飲,但我哋見有啲滋潤季節特飲,只喺加$3,又不妨試試。柑桔蜂蜜茶、紅棗杞子薑蜜兩杯熱飲,個人就覺得杯柑桔蜂蜜茶好飲啲,柑桔嘅酸香突出,跟蜜糖味好夾;然而,杯蜜就淨喺得啲薑味,但點都好,有益過奶茶咖啡之類啦。再翻兜燉奶佬,算唔上出色,亦算唔上差,早餐嘅特色就欠奉架啦,偶然嚟食吓都無妨。晌美孚,特色嘅餐廳唔多,講到食早餐,取態會一喺去茶記,可以嘆杯香滑奶茶,一喺啲連鎖快餐店,可以試吓啲新嘢嘛! 繼續閱讀
(以上食評乃用戶個人意見 , 並不代表OpenRice之觀點。)
等級6 2016-12-05
496 瀏覽
這天九點鐘就要到西貢行山,本應想到市中心才吃早餐,不過知道西貢周末可以好恐怖,於是放在那裡吃早餐,在荔枝角出發的清晨,我們吃點東西。 朋友在美孚萬事達附近叫的士,當然,順理成章,我們在這裡附近食早餐。 由於大家也是街坊的關係,我們都非常容易選擇,不如就那個近到不得了的燩奶佬吧。 講起金裝燉奶佬,大部分人也一定熟悉吧,只不過冇乜人會寫,佢唔特別出名,唔特別好食,就如平凡的你我他,路過也不會有人察覺,如果零零柒是暗黑裡的瑩火蟲,那麼,我們就是不會閃不會亮的吧。 佢從來沒有翠華般出名,但就有著那連鎖店的名字,說真,我都沒有特別想過好同不好,只是正常情況我也不會選擇。 那些早餐都是正常的選擇,沒有舊式的茶餐的麵加奄列,通常都只是一個主食的早餐,我見到總有點覺得空虛。 餐蛋麵是非常大路之選,應該是朗才女貌的一對,特別之處,係呢度有喇沙湯,可以加兩蚊。 呢個地球係香港先呢樣加錢個樣加錢的風氣,就如我從來不滿意凍飲要加兩蚊,幸好我不是凍飲的fans。 不過,為了那湯底,兩蚊就兩蚊。 對我來說,港版風情的餐蛋麵加上了東南亞的景緻,是有剛造作,但我很喜歡。 樣子滿是氣勢,一放下已嗅到奶香,情況如抱剛好百日足月的bb。 餐蛋是很薄和最差的一環,沒有特別處理過,沒有煎沒有脆邊,而肉質如薄薄的A4,也不用談那味覺。 炒蛋卻是非常的滑,絕對可以和有名的店爭一日之長短,可能餐蛋太差,蛋才過於驚喜。 這就是對比,人生常說不比較,你會相信嗎? 其實可能蛋唔係好特別,但因餐肉差佢就顯得出於污泥而不染,這就是人生。 那個麵,說真那質素都真係幾差,一個麵可以有淋有硬的位置,呢個係乜煮法,我不知道。 而喇沙湯就和那個麵貌合神離。 喇沙湯其實是幾好的,那香氣和奶香之間,輕盈而味道維持那濃度,混合了港人口味,是全碗麵最好的一個部分。 雖然整體唔係咁好食,但我覺得,香港茶餐混入了東南亞的特別版,是幾新鮮又不錯的。 熱奶茶就真係唔係好得,甜得好緊要,沒有茶香的細膩。女友點的咖啡就沒有什麼特別,只是我因爲喇沙更想念那些東南亞的咖啡和奶茶。 會什麼時候可以試真正的東南亞風味呢? 金裝燉奶佬餐廳 美孚美孚新邨第五期蘭芳街6A及6B號地下N21-22號舖 繼續閱讀
(以上食評乃用戶個人意見 , 並不代表OpenRice之觀點。)
等級1 2017-09-15
0 瀏覽
本身想食去食個tea, 叫左個西多士。間餐廳無乜食客,點知過左20分鐘野食都未黎,就問個服務員,點知佢話唔見我有單 唔知我食咩。👌🏽 我之前已經好有禮貌咁叫佢問番之前幫我落單個位員工搵下我張單呀。跟住佢仲駁返我 有單就有單 無單廚房就唔會整嘢食🤦🏽‍♂️ 我最後同佢講我唔要啦 跟住就走 個服務員跟住我一直到門口 一句唔好意思都無講 仲覺得無問題咁 真係令到我好嬲 食個tea諗住休息下 醫下肚 點知最後一肚氣 呢間餐廳既服務真係好差 大家小心 繼續閱讀
(以上食評乃用戶個人意見 , 並不代表OpenRice之觀點。)
等級2 2017-08-27
24 瀏覽
最近係呢面返工 見到好多食店, 每日同同事都試食一間:)今日就食到燉奶佬呢間。佢本身有好多分店。係第二區都食過既。 今日食左既係麻辣魚片頭米線。呢客米線其實冇特別。不過我中意佢既麻辣醬,值得我寫openrice 讚讚佢。 平時去每間食麻辣米線 基本我都會叫麻辣醬另上,因為自己唔係食到好辣,好驚 "麻辣" 一碗咁上 就 辣到完全食唔到。因為係我中伏中左太多次之後培養出既習慣。好多地方既麻辣醬汁都偏多辣油,d 辣椒醬籽偏少 , 但呢間 比既另上麻辣醬係辣椒籽醬偏多, 食到真材實料既味道🤤用魚片頭同魚蛋黎沾麻辣醬汁, 或者調米線湯底就perfect!!!👍👍 ps. 配菜都好夠 ,一讚, 食到我😋😋有d 唔夠喉🙈🙈 繼續閱讀
(以上食評乃用戶個人意見 , 並不代表OpenRice之觀點。)
等級4 2017-08-23
24 瀏覽
由屋企搭車出城,總係會經過美孚,雖然成日都經過美孚,但係又好少會喺美孚食嘢,不過今日去咗朋友屋企打機,然後就一齊落街食飯,發覺原來美孚都幾多餐廳,因為好多種原因嘅問題我哋就去咗呢間燉奶佬。焗菠蘿芝士肉醬意粉配西冷牛扒,其實我平時好少喺街食焗嘢嘅,所以今次覺得好新穎,齋睇個樣就知係Hong Kong style啦,但係啲芝士肉醬就酸酸地甜甜地咁樣都幾好味,原本以為芝士肉醬襯埋菠蘿會好奇怪,但食落都幾特別幾好味,嗰件薄牛扒就係寶寶通通貨色。仲有圖中所見到嘅兩隻雞翼唔係屬於呢個焗意粉嘅,其實係我朋友叫多咗,唔想食畀埋我食啫,話時話嗰兩隻雞翼都幾入味幾好味。 繼續閱讀
(以上食評乃用戶個人意見 , 並不代表OpenRice之觀點。)