金蘭花泰國菜館

營業中

休息中

每個月都會嚟九龍城幫襯一次金蘭花。呢間做咗好多年，泰菜夠地道又穩陣，冇太多花巧，但食得安心。今次叫咗豬手飯、冬蔭功同蝦醬炒通菜。豬手炆得好腍，啲皮冇膩感，肉味都保留得好；飯吸收咗汁，好味到唔捨得剩一粒；冬蔭功夠酸夠辣但唔刺喉，料多蝦夠大，湯底香料煮得有功夫；通菜清脆又唔水汪汪，蝦醬炒得剛剛好唔會太搶味。價錢合理，份量又唔吝嗇，每次食完都飽飽地。唔係啲新派fusion嘢，但就係好味實在，係我心目中老老實實嘅好餐廳代表。

母親節當然由我決定今晚食乜嘢，老公同呀女都一致讚成去九龍城金蘭花。頭盤叫咗我地致愛的泰式燒牛肉，一如既往，用上乘安格斯牛肉，師傅巧手，剛剛半熟，仍然粉紅色，肉嫩又帶少少烤味，必點之選！ 但燒牛必需盡快品嘗，否則凍了，口感便會乾硬。主菜離不開叫了泰式咖喱蟹，蛋香濃郁，咖喱味濃，正！ 我哋叫了兩客蒜蓉包都清晒。泰式魷魚鍋，又一驚喜，酸辣魚湯底，清香但有多重層次，唔食得辣，勸喻最好叫少辣。 👍🏻泰式生菜包，微辣，惹味非常，師傅炒功了得，生菜包埋惹味肉碎，非常開胃。總括食物水平很不錯，在金蘭花食嘢，不防大膽叫佢地泰國菜，不要怕貴，因為佢哋根本一點也不貴，例如叫一客美味足秤的咖喱蟹都只係$368-，我過去10去都幫襯無數次，從未中伏。👍🏻👍🏻👍🏻

睇到某影片分享平台介紹, 話呢一間係老字號, 好多年歷史, 好多城中名人, 泰國人去幫襯!!咁就去試吓啦~ 結果係失望而回!!個日係星期日, 大約2點左右去食. 入到去一個客都冇, 心諗都心知不妙!! 叫兩個餸試吓, 唔敢叫太多, 驚中伏!!點知真係中伏!! 燒牛肉勁乾，勁韌！芋頭海鮮飯，冇鑊氣！冇芋頭味！芋頭粒勁少！（衰過福建炒飯🤣）雖然佢係少有有泰國餐廳係免+1, 但真心難食!! 幾平都搞唔掂!!!*個餐牌好污糟,黐立立*

服務殷勤支援支付寶，現金，不設加一服務費咖哩肉蟹：有肉有高份量足咖喱有蛋花香。燒牛肉：好香安格斯牛肉味、冇筋、油脂平衡，特製醬汁微辣好味。薄餅：新鮮熱辣脹卜卜好味。白鯽魚沙律：魚肉無骨、鬆化，配酸酸辣辣好味！

有小泰國之稱的九龍城是泰菜餐館的集中地🧞‍♂️當中有不少更是由泰國人親自主理，味道質素相當有保證💁🏽‍♀️———————————————————————青咖哩香料味道濃郁😋味道層次豐富，微辣得來椰香味重🥥而且質地偏稠，不會是坊間常見那些像湯一樣稀的咖哩汁水😎這裡的青咖哩能完美包裹着每一樣食材🥹本人十分推薦🤩作為泰式咖哩的好朋友👯手抓餅絕對是必點的菜式之一😌手抓餅上枱新鮮熱辣💥外層酥脆，內裡保持着少許麵團的韌性🤌🏻即使放涼了酥脆度依然十足，非常高質😍貴刁厚實有口感，絕對不是那些一夾就斷的劣質河粉👌🏻調味濃淡適中😊夠乾身有鑊氣🔥如果配料份量再多一點就更加好😆這裡的串燒肉量合理👌🏻有燒烤的焦香味道🔥同時不會太乾。豬牛雞三款當中，本人認為雞肉串燒最為多汁嫩滑🐔表現較為出色👍🏻燒牛肉即使已燒成全熟🐮但肉質仍然保持彈性，結實得來不會太乾😊雖然不算嫩滑但亦未算難咬👌🏻調味方面亦恰到好處，充滿泰式香料風味😋出外用餐最怕遇到過油的炒蔬菜🥬這碟炒通菜調味溫和，不會過鹹或過分油膩☺️但相對地馬拉盞味道就略嫌含蓄😗泰式風味未夠突出😛———————————————————————縱使九龍城泰菜餐館林立🏘️金蘭花仍然保持

今次終於趁放假約埋朋友天未黑就走去食金蘭花,  黎得九龍城食泰國菜,  首選一定係金蘭花🩷🩷必點燒牛肉，5成熟，唔會好生，亦都唔會好熟，咬落去完全剛剛好唔會韌，份量都好大份,好食 😋😋😋😋燒魷魚，燒得好香，好惹味，好食 👍🏻👍🏻👍🏻👍🏻👍🏻馬拉盞通菜真係要讚，惹味香口，但唔油，好食😋😋😋😋今次專登食咗佢哋嘅特色菜，泰國鯽魚沙律，的確唔錯，好有泰國特色，啖啖肉又冇骨，但係個醬汁非常特別，真係值得一試，要大力推介一下，超好食👍🏻👍🏻👍🏻👍🏻👍🏻今次叫咗佢哋嘅泰國咖喱大頭蝦，佢哋咖喱汁超高水準，椰味香濃，送飯或蒜蓉包都一流，超好食👍🏻👍🏻👍🏻👍🏻👍🏻泰式生菜肉碎包，少少辣好惹味，但唔食得辣嘅人可能食唔到 👍🏻👍🏻👍🏻因為見隔籬枱好多都有叫椰汁沙冰，所以我地都跟人叫😂😂😂一上枱都俾佢哋份量嚇親好大杯同埋顏色好雪白，飲落嘅椰汁味都好重，非常非常好飲 👍🏻👍🏻👍🏻👍🏻

朋友極力推介我去九龍城金蘭花泰國菜館 （我朋友是名嘴，食嘢非常腌尖），金蘭花三十多年歷史，全泰國人班底主理，好多明星、商界及政界人物都會微服去食佢哋泰菜，好多食客都會冠名佢哋「平民米芝連」，一向鐘意食嘅我梗係要試吓啦。成班同事6人放工從港島區過嚟，宋皇台站出口。又真係好有驚喜，高質但價廉，材料新鮮足秤，主㕑功力了得，的確抵讃，又無加一，所以唔好要求環境、情調同服務。店舖比較舊，過去幾年疫情應該都沒有裝修，而泰國姐姐半咸半淡廣東話，我哋講得快啲都聽唔明，都要體諒一下。重點係食物水平的確不錯，每款都遠遠超出你預期。知道佢哋咖喱蟹已經享譽勝名，我哋特別點了泰式辣辣椒高炒蟹，非常夠鑊氣，惹味十足，蟹亦足秤，蟹肉新鮮。 $368泰式鰂魚沙律非常有驚喜，風味十足，醬汁特別。 $168脆炸豬手，炸到恰到好處，味道剛剛好，不會太濃烈，好味 👍🏻👍🏻 仲送兩支啤酒。$228泰式燒牛肉，不得不讚，選用上乘牛肉，廚房只燒到半熟，保存到牛肉味香濃，但仍然嫩口。 $118泰式牛油雞翼，十分有泰式風味，加上大量炒香蒜蓉，超好味。$78魷魚鍋亦係一個非常特別的菜式，個汁好好味，好搶鏡，但要食得辣。 $168咖喱大圓

未必咁多人知道，街坊地膽推薦🔥30年老字號正宗地道泰菜🇹🇭被譽為平民版米芝蓮，由全泰國人班底主理出品水準出色，而且唔少菜式喺其他泰國餐廳比較少食到仲要全日唔收加一 ，CP值高-👍🏻黃咖喱炒蟹 $368必食item！非常足料，重大概一斤左右大大隻多肉食，肉質鮮嫩，啖啖蟹肉鮮味黃咖喱用蛋漿椰汁做，香甜微辣帶濃郁香料味真係連汁都啜埋🤣-👍🏻泰式燒鰂魚沙律 $188係香港比較少見泰國餐廳會做呢道菜大大條鰂魚起骨拆肉，魚片鮮炸到焦脆🔥每片厚切大塊啖啖肉，用泰式特式醬汁撈埋酸辣重口味，非常惹味🤤-👍🏻明爐青檸酸辣魷魚 $168推薦！呢個都係比較少見原條魷魚用明爐火鍋上㷫住食厚肉大條，鮮嫩爽彈，完全唔韌又有鮮味以酸辣汁煮，充滿青檸蒜香味，開胃辣得過癮🤪-👍🏻泰式脆炸豬手 $228 豬手肥瘦適中，肉質軟嫩唔乾柴，帶豬嘅油脂香肉身醃得鹹香，外皮脆卜卜好香口配泰式酸辣汁，豬手點呢個酸辣汁都幾特別嗌豬手仲送啤酒2支，抵玩🤣！-👍🏻泰式燒牛肉 $118安格斯牛燒至七成熟，牛味濃郁好重炭燒香同黑椒辣味🤤配泰式燒肉汁，同樣酸酸辣辣-👍🏻原個椰青鮮蝦焗飯 $108椰奶香甜好突出，仲會食到一片片椰肉份量比想像中多，塞

呢間係童年回憶，估唔到十幾年後再幫襯，入座後未消費先受氣。一行人坐低用水清洗碗筷，洗完有個阿嬸無啦啦行埋嚟好惡話：啲冰水係用嚟飲，唔係用嚟洗碗㗎，我都未拎熱水比你洗碗，你咁快洗碗做咩呀一行人感到莫名奇妙，洗個碗都無啦啦比個阿嬸鬧，佢從來無拎所謂 ‘洗碗專用熱水’ 比我哋，佢擺完碗筷後就走咗去，然後當五分鐘後客人洗哂碗筷佢又突然走出嚟鬧人無端端被鬧即刻無哂mood，唯有快快走人轉場，九龍城大把選擇，不用再貼錢買難受。

好少去九龍城，見呢間金蘭花舊舊地，同老婆入去試吓，食過就知好味，價錢公道，又無加一，我亦罕有寫食評，但吃過這餐感覺良好，執筆讃賞一下，希望多啲呢種良心小店，貨真價實，可以生存落去。但因為到 OpenRice 出此食評，而發覺一些針對性的不實文章，不得不丈義發聲一下，那有人喜歡食燒全熟的牛肉（全熟你又話鞋啦），吃燒雞翼，整隻雞翼全燒，那有可能雞翼肉會滑？本人亦叫了一客燒牛肉，牛肉質素是上乘的，而師傅燒工了得，燒到只有半熟，內裏粉紅色，牛肉入口𡛺軟無根，牛肉味濃，我和老婆非常享受，吃一片讚一次。另外半打串燒，3串雞，雞肉醃得非常入味，雞肉亦很嫩滑。3串豬，亦好味但比較普通。炸蝦餅亦要讃賞，每件都厚厚，大大件，每件都係彈牙的蝦肉，超好食。最精彩不過是他們的咖喱蟹，大大隻肉蟹，蟹肉新鮮，襯托濃濃椰香的咖喱汁，只係 $368，非常抵食，如果咁都話貴，簡直是貪婪。我同老婆作為退休人士，好耐無試過食性價比咁高的一餐，衷心希望呢間小店，可以持續落去，落筆推揚一下，比更多人知道有此良心食店，祝生意興隆！

首先啲食物質素好差，啲串燒牛肉唔熟，雞軟骨有種酸味又係唔熟，濕炒河咸到不得了，濕炒河啲芡汁杰撻撻，喊到不能入口，串燒雞翼肉質非常嚡口，唯獨芒果糯米飯可以，其他食物質素好一般，泰國菜嚟講九龍城有好多好多間好過金蘭花。👎

嚟得香港食泰菜梗係要去九龍城啦，除咗大众点评 及朋友推介，都叫我去九龍城呢間「金蘭花泰國菜館」，佢哋話係平民「米芝蓮」，價錢抵食唔貴，但係食物質素非常超班，聽講話係全泰國班底，泰國廚師之前亦係泰國米之蓮餐廳廚師。  我哋一行5人，先叫咗小食頭盤，木瓜沙律非常正宗，木瓜絲爽口，甜酸辣味道非常平衡，超好味。酸辣去骨鳳爪沙律亦非常唔錯，完全泰式風味。泰式蝦餅好新鮮，師傅把蝦肉打得彈牙爽口，蝦肉鮮味，炸到恰到好處。泰式燒牛肉簡直冇得頂，牛肉香味濃郁，入口軟滑，加埋個點燒牛肉醬汁，一絕。泰式豬頸肉亦叮噹碼頭，一樣咁好味，師傅醃味及燒功恰到好處，豬頸肉邊有微微火炭味，而豬頸肉中心又保持柔軟，簡直一流，正。最精彩都要數「黃咖喱蟹」，隻蟹好大隻起碼有斤半，都只係 $368，黃咖喱汁明顯表現出㕑師功夫超卓，咖喱汁香濃有椰汁味，但又有蛋味，非常鮮甜，我們配上蒜蓉包，又係絕配。不得不提，連蒜蓉包都可以整得咁好味。 冬陰功湯我哋叫咗個中size，都好大好夠飲，非常泰式，用料足夠，有好多隻新鮮蝦。明爐烏頭魚窩，條魚新鮮不在話下，問題就係個魚湯酸酸甜甜師傅調教味道適中，非常開胃好味。 我哋第一次食鯽魚沙律，朋友推

雖然身邊好多朋友鍾意食泰國菜都已經向我推介過九龍城嗰間金蘭花，話真係正宗過正宗嘅泰菜，完全泰國廚師、泰國侍應、全泰班底。但係星期六試完真係覺得超級好食，冇得頂。大力推介佢哋嘅泰國脆炸豬手，好抵食仲送兩支啤酒。豬手好入味，炸到脆口，最啱要來送酒，簡直一流。另外我哋叫咗個泰國芭堤雅燒雞，泰國人嘅醃料的確係另有一手，隻燒雞醃得好有泰國風味之餘，亦係好入味、好惹味、好香口。另外就係我自己嘅至愛，叫咗個咖喱牛腩，個黃咖喱牛腩，咖喱汁簡直一流，師傅好有經驗，有椰香又不失有咖喱味，非常 balance,  而啲牛腩亦都煮到腍晒，送飯餸蒜蓉包都好正。我哋個個都鍾意食黃咖喱，於是我哋再加單，叫咗一個法式大圓咖喱雞包，又係好抵食，黃咖喱超正，麵包質素一流，點啲黃咖喱一齊食，真係冇得輸。 馬拉盞通菜，熱辣辣炒得好好味，明顯廚師功力深厚，啲菜炒得啱啱好，唔會過熟淋晒。我同幾個朋友食得真係好開心，個個都大讚九龍城金蘭花啲嘢食，的確名副其實，好美好食之餘，價錢亦好平又唔加一，的確係一個好去處！ 👍🏻👍🏻

每當想食好嘢，都會諗起九龍城金蘭花。今日細女生日，阿女都自己開口話要去九龍城金蘭花。 我哋先嚟一隻泰式海南雞, 雞肉嫩滑有雞味，但係又去晒骨好食又方便。之前次次嚟都會叫佢嘅咖喱蟹, 次次都食到舔舔脷, 今日專登試吓平時未叫過，但係又好想試吓嘅「泰式鯽魚沙律」，上菜時賣相已經好吸引, 食落又真係好好味，師傅手工精細，先將魚肉起片炸，新鮮嫩滑，再將魚骨炸到脆香，再淋上一個極有泰式風味嘅醬汁，整個餸就變得別具吸引力。佢哋嘅沙嗲真係冇得輸，有佢哋自己嘅獨特腌料方法，啲沙嗲雞翼好香口好惹味，再嚟多一客我同阿女嘅至愛，泰式蝦餅，呢個幾乎係我哋次次嚟金蘭花必點嘅餸，每次都一樣彈牙、鮮味、又厚又大件，好食又抵食。再加多一個炒芥蘭同冬陰功湯。我哋今餐好完美，最緊要乖女滿意，金蘭花水準穩定，好食之餘，又大件夾抵食，值得推介！

九龍城必食泰菜, 高CP值 生蝦必點系列, 擺盤賣相有心思, 生蝦夠彈牙爽口, 配上一片苦瓜, 辣椒及蒜, 一流!  另外蝦頭炸到脆卜卜, 好香口, 非常有心機做泰菜, 要加分! 👍🏻👍🏻青咖喱雜菜一上枱已經非常吸睛, 賣相吸引, 吃落青咖喱味道調配一流，微微辣非常好味.Phad Thai食呢度嘅泰式金邊河粉就會知道佢哋嘅師傅功力非常高班, 炒得啱啱好, 不會太油膩, 但味道調配非常開胃, 蝦球新鮮彈牙. 泰式拼盤呢個非常抵食，可以食到彈牙嘅蝦餅, 惹味嘅雞沙嗲, 濃郁嘅紙包雞同埋齋春卷, 好味抵食.芒果糯米飯最後加一個芒果糯米飯, 非常完美, 糯米飯恰到好處, 煙煙韌韌不會生米, 配上新鮮甜美芒果, 加上充足椰漿, 超級好味! 👍🏻👍🏻金蘭花啲嘢食係好得嘅，咁多年都保持高水準，所以每當我想食泰菜都別無他選！