金葉小菜館 (已結業)

生日飯，另一班朋友幫我慶祝。同行五位大人兩位小朋友，一早已訂枱先有個好位，如人多 workin 就真係有啲難度。醉雞 嚟個冷盤先，香濃嘅紹興酒醃製，離遠都聞到，雞肉嫩滑。杞子魚湯浸豆苗 $88養生家常菜，加了杞子，清甜好味。杏汁豬肺湯杏汁不太香，豬肺都洗乾淨，味道普通。美極乾炒牛河以為是特級，普通嘅一碟牛河。蒜香一字骨 $108蒜味係濃，但肉質過老，有點難咬。香草燒豬軟骨 $88香口，軟熟適中。海鹽燒油魽魚鮫 $108追加了呢碟魚，估唔到啖啖肉， 沒有腥味，焦香嘅魚皮，香口。整體中庸，預約飯聚都值得。

如要說小炒，澳門有間「金葉美食」，又抵又好食，它們的「農家小炒肉」、「川椒油爆蝦」、「乾煎馬頭魚」、「自家製蜜汁豬頸肉」相當出色，我常嚷着澳門的好友要帶我再去。 香港佐敦，都有間「金葉小菜館」，與澳門的是毫無關連。店子不大，主打吃不同廣東小菜。 一路食，一路講。先來冷盤，「陳醋手拍青瓜」$42，調味可以，但看外表就知道是完全沒拍過，浪費了好的醬汁。若果先拍散再撈味，相信效果會差天共地： 「陳醋雲耳」$48，完全無味，奇怪： 「五香牛𦟌」$78，無諗過仍是暖的，感覺好怪，價錢也不算平？！ 相比來說，同價的「陳年花雕醉雞」$78 就不錯吃，酒醃得甚入味： 好，第二輪進攻香口菜。「椒鹽脆皮豆腐」$78，用了百福豆腐來炸，皮脆內嫩滑： 「椒鹽鮮魷」$98，混上炸蒜片，可沾喼汁吃，香口，叫了兩碟： 要預訂的「椒鹽鮮鮑魚」$570 / 15 隻 唔錯，我會歸功於炸功了得，沒有令鮑魚肉乾巴巴。外表酥脆，$38 一隻，食得過。 侍應事前極力推薦，要預訂的「金葉椰香雞」$288，即是炸子雞。嚐到肉味有多一重椰子香，該有在調味上落功夫，皮脆與肉嫩都有做到： 到第三輪，一系列小炒。「金

見到呢間店都幾好多評，便抱著試下的心態來吃這間餐廳。一入到，客戶服務有點差，不太想理我們的感覺，可能因為客人多的關係。亦可能因為叫左幾樣比較平的食物。食物叫了以下幾樣：-干炒牛河 - 太多油，獲氣唔夠陳年花雕醉雞 - 酒味不濃，不過不失脆皮豆腐 - 堅好食😋😋豆腐好嫩滑，外脆內軟，可以encore豬軟骨 - 好味，軟林林又夠味（因為我鍾意軟淋淋的肉質），不過媽媽就話麻麻

這日我地諗唔知食乜好🤔，有一位朋友提出話呢間在網評都不錯，無妨試一試。由我中午訂位時這位老闆都一直保持窩心聯絡，簡直似朋友多過似幫襯他🥰(咁好服務同態度，好似見到劉德華在我前面對話咁😄）

第一次花時間寫食評😁一個月前亂search，試咗哩間餐廳，食完之後，平時嘴刁嘅家人竟然一致讚好，於是決定一個月後冬至食飯訂哩度。由訂位，諗菜單，到安排座位，老闆Billy都非常熱情同幫到手，因為有老人家同有家人有對某啲食物敏感，所以菜單要有好多地方要留意，Billy哥推介嘅所有菜式都好貼心，就連外地嚟嘅表弟都表示，連日嚟去咁多酒樓，都比唔上哩度好食又好服務👍👍👍 最後好多謝Billy應我要求，特登整佐紅豆湯圓，因為爸爸冬至飯希望有湯圓食，寓意團團圓圓。好滿意好滿足嘅一餐飯，在此祝大家冬至闔家健康快樂😊 祝金葉小菜館生意興隆，今時今日做飲好唔容易，做到菜式新鮮特別，好味而又有服務，真心希望你哋生意長做長有，我哋就可以繼續有好西食💪💪 （食到後來，太多餸忙住食，就唔記得咗影相😂）最愛係脆皮豆腐，椰香雞，超大扇貝👍分享Billy哥為我精心度嘅菜單俾大家參考吓：12人份花旗蔘螺頭燉雞湯（大）脆皮豆腐、拍青瓜雲耳、七彩海蜇手撕雞（三小碟前菜）台式鹵圓蹄脆皮豬手金葉椰香雞羊腩煲蒜蓉粉絲蒸扇貝椒鹽鮑魚大斑兩味蒜蓉炒豆苗杞子魚湯娃娃菜紅豆湯圓😋

Happy Ftriday🤓約左朋友飯聚，想食中菜，揀左佐敦哩間一出地鐵站1分鐘就到金葉小菜館開餐。環境坐得舒服，侍應又好介同推介好味小菜我地。叫左四個小菜，有櫻花蛋白炒飯，飯量夠多，櫻花加蛋白既飯，味道清淡中帶有質感！叫酸辣水煮魚，哩道菜份量十分足料👍🏻👍🏻夠六個人食，魚都算滑，個湯酸辣程度煮得好好，越食越開胃。叫奶油虎蝦加薄餅，哩個汁超正😋😋虎蝦又夠大隻，加埋薄餅一齊食，口感一流！

Waitress 服務態度很好，坐左3個鐘都不停幫我地斟茶，又幫我驚喜點臘燭拎個生日蛋糕出黎，同我地講生日快樂！點左幾款食物都好好味，同埋唔咸！推介杏汁豬肺湯，杏味重，唔咸！

家人聚會想食中菜去睇Apps見到呢一間 又近返工地點 於是就去食啦 啲食物真係好好味 侍應服務好老闆又風趣 價錢又唔算貴 會再去食本人覺得最好食嘅食物係椰香雞 黑椒脆皮豬手 奶油蝦

好味又價錢合理！ 已食了好幾次了，今日食的脆皮豆腐外脆內嫩， 而招牌奶油虎蝦又香又有蝦味，正呀！ 因見次次嚟都咁好食 ，就幫你寫個好食評，推薦吓！加油！>>>>>>>>

金葉的餐牌，要用一個 [ 雜 ] 字來形容， 有中有日，中式有粵菜有滬菜， 味道如何呢？醉雞~ 肉質彈牙，黃酒香 帶一點兒酒的苦澀。😀椒鹽豆腐~ 豆腐嫩滑，外皮香脆 😜金葉奶油海虎蝦 加配薄餅 ~ 虎蝦處理得不錯， 蝦殼香脆， 有煎炒過的香氣， 但醬汁 跟飢詩想像中有點出入， 奶油味道不夠香濃😂， 比較像普通的白汁。 薄餅表現平平， 如果可以再鬆脆一點就好了。😁[ 雜 ] 的而且確可以滿足食客多心的要求， 但如果將 雜 變成 [ 精 ] 可能會令食客 更加開心。😆飢Point : 6/10#飢詩 #非飢詩

係佐敦成點唔知食咩好因為唔熟路...行下行下見lee 間野ok 多人就入去try 下lee 菜式都幾特别叫左蟹子金湯娃娃菜哦哦哦... 金湯原來係南瓜蓉份量超大之後仲叫個蛊湯花旗參煲雞湯足料精選荷葉金華火腿蒸雞好香同埋d 雞好滑味道唔太咸可能即叫即蒸等待時間比較長冇耐性人士不適合叫d 個菜西京燒竟然係最尾先到既野食食飽飽就叫結賬點知姐姐話有糖水送糖水係冰糖燉木瓜雪耳一杯茶既份量材料十足你點會諗到係lee d 小菜館會有糖水送先主要係等野食時間比較長但可以叫齊朋友再去試

<椰子雞🐥奶油蝦🦐燒豬軟骨🐷 一個字 出色👍🏻>喺佐敦c2 出口轉右行30 秒就到既金葉 雖然甘近mtr , 但其實好少人會發現到 認真望望 發覺佢d食物menu好似好有創意 好似椰子雞 奶油蝦 燒香草豬軟骨等，於正就忍唔住入去試下 ! 食店環境無乜特別， 但得意既係佢又有中菜又有燒烤👍🏻😋🔥於是就點左🍴金葉椰香雞(預訂) 168 蚊半隻🐥外表望落去同同普通燒雞冇乜分別但聞落就知 椰香味十足😍 味道燒雞比較少肥膏 骨肉分離 雞肉分嫩滑 椰子味好夠 但冇落糖🙂 所以只有本身椰子味既甜香 夠哂清新😀 推介！🍴金葉奶油海虎蝦 208 蚊🦐一上枱就已經好香奶油香味！ 望真d仲有少少辣椒香草調味 🌿👍🏻 蝦有6 隻 蝦頭充滿蝦膏 蝦肉夠哂新鮮 浸住奶油真係冇得輸👍🏻🦐 再點埋薄餅野奶油🍕 薄餅偏薄身 好香牛油味 又夠香脆同層次感 同香滑濃既奶油汁好match 😀🍴脆皮黑椒咸豬手 238 蚊🐷大大個木盤載住豬手😀 連豬骨連薯條 🥔豬手大大隻 切成幼長身既豬手肉 豬手皮夠香脆 肉質嫩得黎又帶點煙靭 唔同德國咸豬揾 佢既咸度適中 點埋燒汁 唔錯😋 加埋粗身熱辣辣既薯條點埋茄汁🥔 甘

朋友來自遠方，去了一轉台灣，已向我極力要求想食小菜，尤其多菜！笑死我了。。我找了這間餐廳，靜中帶旺，頗不錯！店內裝修雅緻，冷氣夠勁，慶幸自己冇訂位都有4個位，十分幸運！要問我以下小菜叫咩名，其實我已忘了，始終是7月份的事。奶油蝦配薄餅：非常Creamme, 有半份/1份點叫，有少許辣味，才名惹味。大大隻虎蝦？啖啖肉，好好送飯。。我個人認為配薄餅實在太浪費，撈飯先係正道。燒牛舌：樣靚又香，朋友大讚！好食！籠仔蟹肉釀豆腐？這個強力推薦！豆腐非常軟滑，強肉鮮甜而不膩，兩者配合非常好，清香味久，超讚！原本以為係旺區食野又貴又唔飽，點知餐廳份量都幾大份，味道又不錯👍

又係睇完食評嚟哩度試菜~ 帶子蝦仁炒西蘭花 - 哩個唔錯，炒得清爽，帶子有鮮甜味。煎蘿蔔絲魚餅 - 都唔錯，有條條蘿蔔絲同蝦肉粒，惟莞茜頗多，不喜莞茜人仕留意。金葉椰香雞 - 就係帶有濃濃椰子味嘅炸子雞，皮脆口幾特別，惟雞炸得過火，過熟鞋口咗啲。炸猪手 - 炸得好香脆，不過都係有啲過火，肉幾乾下。個黑椒汁味道唔錯~番薯糖水 - 送嘅，可能太足料，薑味太重好辣後記 - 環境比普通食小菜嘅舒適，食味可以，價錢相對高一點，性價比一般。

經常響尖沙咀佐敦行黎行去，都唔知食乜好，今日約左響佐敦做嘢嘅朋友食飯，諗住又要傷腦筋之際，經過見到呢間食小菜嘅小店，見裝修整潔，門口仲寫住有得獎少年廚神做廚，就儘管試試。小店有小菜同日式小吃，今次兩個人就叫左三個小炒。首先上菜嘅係廚師推介，蘿白絲鮮蝦煎魚餅，蝦餅，魚餅都經常食，加埋一齊，個人都係第一次，煎餅香口彈牙，再加一熱辣辣，不用配任何汁料都十分香口，絶對值得一讚。我地叫左一客芥末安格斯牛粒，牛粒煮得剛剛好，口感一流，無雪味又有肉味，配上三色椒同洋蔥，芥末像wasabi沙律醬，有少許wasabi味又唔會搶左牛肉嘅鮮味，愛牛嘅同行朋友讚不絕口。另外叫左杞子魚湯浸菜心，店員特意給了我們小碗，平時好少飲呢D餸湯嘅我就試試，看似平凡，但原來名副其實有魚味，仲無味精，因為對味精極敏感嘅我，飲左成碗都完全無口渴。額外一提，我最欣賞嘅係呢間小店非常整齊乾淨，因為連洗手間都乾淨清潔嘅小店絶對少見！