金華餐廳

營業中

休息中

突然經過彩虹，見到有間餐廳下午茶期間都幾個坐滿人，抱住試下嘅心態，無諗過牛腩河有驚喜！ 叫咗牛三寶同埋牛腩河，口感好好，香味濃郁，牛腩非常之彈牙，已經在同一個星期call back 兩次！ 但係都唔夠喉，之後仲叫咗個例牌牛三寶，個味更加濃郁好食。成個環境有少少舊時冰室感覺，位於坪石邨裡面，出面是一個大平台，衛生感覺比彩虹邨要好好多，也近地鐵站，可以去彩虹停車場打卡後過來呢邊食個下午茶系一個不錯選擇。下次試下其他

今朝返工前食個早餐，對過張單冇打錯。叫茶走出杯奶茶，加返煉奶Ok；太陽蛋俾咗隻全熟蛋（sorry我真係好L憎食全熟煎蛋），叫大家姐換，佢話我撩過碗麵冇得換。嗰個餐面頭有沙嗲牛肉冚住㗎，你估我有laser眼咩？姐姐收碗，見我剩低隻蛋，係咁同我講唔好意思。我話你唔使講唔好意思，其實換隻蛋俾我就Ok, 我都唔想為難佢哋，佢哋唔係大家姐話唔到事。講返餐廳環境同食物都幾好，其他員工服務亦佳，只係今次大家姐只蛋安排差。不過都係拜拜你條尾。

今早造訪金華餐廳，號稱1968年開業的老店，點了沙爹牛肉公仔麵早餐，配雙蛋、牛油方包和熱奶茶。食物味道普通，沙爹牛肉稍欠香濃，公仔麵偏軟，雙蛋和方包中規中矩，熱奶茶尚可。環境整潔，地方寬敞，惟收費$44，略高於同類茶餐廳。整體體驗未達預期，未能感受到老店昔日的風味與熱情。或許其他菜式有亮點，但今次早餐只屬一般。

下午茶時段見有枱就幫襯下，叫左一個茶餐雪菜肉碎櫻花蝦米粉配華田，正正常常，茶餐價錢$44，還可以。另外叫左一個酸辣湯檬粉加奶茶$52（不是茶餐），真係最伏之選，份量跟茶餐一樣，價錢貴了，食物份量不會增加，味道方面，更是難食，酸辣湯就係酸加辣加熱水，好似係加咗啲檸檬汁同辣醬混合埋一齊嘅熱湯，仲要係得個死辣，完全係難食之中嘅難食。呢個價錢一定有更好選擇。因為這屋邨冇乜選擇，相信亦是質素沒有改善的原因，但我會選擇唔再幫襯。

正宗港式茶餐廳風格🤗適合所有本土長大的港人餐牌菜式飲品包羅萬有，你講得出，佢地就有供應。。。始終係hk幾十年😊我order了常餐 - 的沙爹牛肉麵配奄列多士，熱奶茶，五十元以下找數，座得舒服。食客可慢慢享受美食不受打擾。不用計1.5小時走人，也不會有人刻意收拾餐具，想你快些走人。就算屬於老字號，老闆娘吾擺款，友善待客！😄😄地方乾淨衛生，全卡位座。我見食客搭枱也可傾到計。好有屋邨街坊味道及人情味！🧡🥨🧡🥨🧡🥨

西貢行完山出返彩虹，見呢間仲有下午茶就入去試吓。叫炸雞髀薯條配凍鴛鴦少冰少甜，杯凍鴛鴦啡味同茶味都夠濃，好飲！想讚下呢度侍應姐姐凍飲記得幫我哋走飲筒👏🏼👏🏼 朋友都話杯熱奶茶好飲，但熱飲就俾膠匙羹，如果可以環保啲轉返鐵羹就好了。❤️🌍食物方面炸髀同薯條都係即炸夠熱，雞髀算大隻，味道唔錯，上面加咗椒鹽好夠味，薯條食落夠脆夠香口， 但茄汁是俾包裝，所以唔多夠，如果轉返支裝會好啲又環保啲。另外有少量胡麻沙律菜伴碟。總括來說食物味道是中上，下午茶價錢略貴$45。

坪石本身就少餐廳，都係得個一兩間，如非別必要，真係唔會再食，亦都唔建議去食。野食份量少，普普通通一個炒飯或者炒河麵，賣成五十幾六十蚊，但係同下午茶差唔多份量，或者係下午茶真係太少（三四啖就無曬，個碟好大但係野食好少）。有次在堂食的時候聽到個老細（係個啊伯黎）係度鬧個廚房佬做乜放咁多牛肉落去個乾炒牛河，係咪唔洗成本，但係一碟得四五舊。味道方面，時時唔同，可以好重口味，又可以無味。有次炒飯的飯可以係硬的，姐係唔夠水個種。員工態度差，十問九唔應，經常扮工，行黎行去都唔幫手落單或者包外賣。特別係外賣，整好左都要等五分鐘先肯包。價格又小貴，呢個價錢食呢個份量，真係唔建議。情願食隔離斌記或者間酒樓好過。

是日在坪石附近做完野，林伯話就近搵間茶餐廳食飯，於是見到呢間就入去。中午飯是但就見到餐廳有南瓜蒸排骨，於是乎就叫咗呢個餐。見係特餐就隨便叫咗。出單時見到60蚊個餐，加杯凍飲成63，大佬啊，開係屋邨都收呢個價錢。送到來一睇就知道奶野了，排骨不是排骨，只是凍肉鋪頭那種喃骨，得幾舊，連d汁送飯都冇。食咗兩舊，冇味道，衰過屋企師奶出品。檸茶正常。餐廳環境還好，不過12點鐘見人流不是太多就知道係咩回事，我相信住係附近的居民肯定知道。於是乎埋單時特別同阿姐反映話個出品超級難食，阿姐都算笑口話佢不是事頭婆，於是乎都係有道氣，來咗個自稱經理的男人，態度超級唔好，問咩事，我直白說個餐好難食，純粹溫馨提示反映下，誰不知個臭串經理找收台不理會，問唔會啊，我今朝先食過，擺到明唔認。我也不再講，我使60幾蚊中個伏都幾有意思，起碼卑我知道。再特登來openrice睇其他人評論，就覺得原來都有其他朋友中伏，而且好雷同。只是寫咗出來，希望其他朋友唔好入去中伏。如果唔去改進和檢討，這種餐廳這樣的出品就知道肯定生存唔係好長，睇住來啦。

呢間位於坪石邨入面嘅茶餐廳，已經有數十年歷史，上次喺電視專訪入邊都有見到佢嘅蹤跡，估唔到今日重臨舊地嘅時候，仲有機會一嘗佢嘅風味餐牌上面都係茶餐廳嘅組合，我叫咗是日精選，雞髀五餐肉飯。嚟到嘅時候，阿姐仲話今日雞髀揸得好好食，好靚仔好似你咁估唔到而家茶記阿姐仲咁好口，唔似以前係咁吹我哋落單，時代變了，變到竟然係越嚟越好口。炸髀真係好香口爽脆，唔會因為係茶記就隨便夾隔夜嘅菜，睇得出真係好用心去準備。有時嚟到舊式茶記，有機會嘅話真係要試埋佢哋嘅常餐添

砰石冇乜選擇，諗住快手食個lunch 就去金華， 貪佢有卡位坐得舒服啲點知⋯⋯ 污糟得咁緊要坐椅同牆一達達污跡 ， 天花更加發晒霉。 食物其實都正常 ， 抄飯$55 ， 抄烏冬都$55 ， 凍飲+$3 。 但可惜見到D 污漬真係冇晒胃口。 快快食完快快走⋯⋯

今日行完山，諗住是但喺呢個屋村搵嘢食，點知見到好多都係大公司（大家樂、m記），咁就心思思去咗呢間餐廳度食，估唔到裝修完之後佢嘅嘢食好食過以前。一入到呢間餐廳發現裝修完之後好光猛，而且座位尚算闊落咁就揀咗張四人卡位坐，一舉手就好快有侍應過嚟問我地食乜，好快就拎咗兩杯水俾我哋幫我哋落單。等咗10分鐘左右食物就嚟到，個炒飯有鑊氣，依家真係買少見少，個份量都唔細。個牛腩麵食得出佢嘅牛腩炆咗好耐，啖啖肉，比想像中出色。亦都留意到店舖內嘅擺設用咗好多黑白淡奶做襯托因為出面好多茶餐廳都會用其他牌子淡奶溝黑白淡奶，所以我一飲奶茶就知道呢間餐廳用嘅係黑白淡奶，值得一試每個月我都會去個頭行山，下次會再黎食

又貴又難食， 早餐飲杯凍檸啡要加8蚊佢話係特飲， 我開其他餐廳間間都唔使加8蚊都係一般凍飲， 屋邨餐廳有乜理由收到咁貴， 食一個早餐要成四十七蚊落樓，食個晏晝午餐都得啦！ 千祈唔好去謀人寺

如題因為住得近嘅關係食過幾次無一例外：難食而且偏貴，開係屋村，但閒閒地就50幾蚊一個頹飯Open rice要寫80字但老老實實真係冇咁多嘢講，答你就一個字：伏真係想講粗口，永不幫襯覺得我亂講抹黑嘅，咪自己去幫襯試下囉

現在已經算是有商場規劃，但是又不算是「領展」旗下商場的「坪石商場」，分別有兩層商場和店舖，面對着「清水灣道」那一層商舖跟食店屬於「停車場地下」，至於扶手電梯直上茶餐廳「金華餐廳」那一層則屬於「地下」。「金華餐廳」裡面的樓面環境，有很大的電視機在播放新聞報導，不屬於我最喜歡和最能夠安心享用堂食食品的港式茶餐廳食店，就連「金華餐廳」餐牌裡面的設定，也不完全如我所願。因為「金華餐廳」餐牌裡面，沒有提供同時有雞扒跟牛扒的食品，例如「鴛鴦扒飯」。結果「金華餐廳」餐牌的設定，迫使我要分開另外點「牛腩飯」跟「雞肉」小食食品。但是「金華餐廳」裡面的「牛腩飯」，奇就奇在分別有提供兩款不同風格，不同醬汁味道的「牛腩飯」，包括有西式的「咖喱雞扒飯」，還有中式的「原汁牛腩飯」。「金華餐廳」的中式「原汁牛腩飯」食品售價僅僅港幣五十元而已，相反「金華餐廳」西式「咖喱牛腩飯」食品售價，反而需要六十二元，竟比「原汁牛腩飯」昂貴足足港幣十二元，兩者價錢差距有天淵之別。雖然我放棄「咖喱牛腩飯」而選擇「原汁牛腩飯」，賺到的港幣十二元差價，其實不足夠我點其他雞肉類小食食品，結果我再選擇「香煎雞扒配沙律」，「香煎雞扒配沙律」售

爆上山前 去食個茶餐諗住平平地同快食啦點知一坐低見到餐牌先知中伏成五十幾蚊一個常餐 同埋一個飯真係貴到呢無計照食我個常餐個奄列同雞排係香既 個雞排仲用左雞蛋煎香添個粉好多 同埋湯底係普通茶餐廳湯底 味精湯啦即係朋友個咖哩海鮮炒飯 好香既咖喱味 都唔少蝦既不過都真係唔平呀咁既價錢！