金華燒味小廚 (已結業)

有親友介紹給我這間燒味小廚的乳豬好食，所以今晚特意前來，食店位於煙廠街街巿內不太起眼，門口環境都比簡陋。我們只有三個人食飯叫半隻乳豬太多，又想試下其他，所以叫了燒味拼盤，選擇了叉燒,雞,海蜇拼乳豬，改乳豬要多加$30，原本$108現要$138，乳豬得6件，但都是熱辣辣及脆皮味道不錯。叉燒夠腍及雞都肉滑很不錯，只是乳豬加$30價錢稍貴。燒味都算出色，但是小菜麻麻地，蠔及聖子都不太新鮮，蠔又太細隻似蠔仔多啲。

見完客和2個同事到旺角晚飯,因為好多餐廳都要等位,老細又話想食燒味,見到依間餐廳新開好似幾乾淨,雖然坐位不多,但唔洗等位就入去試下啦.落單時,待應都有介紹下招牌菜,佢話D乳豬同叉燒係店舖自己有爐燒製的,所以保證熱辣辣,咁我地就叫左一碟燒味雙拼,另外我地仲叫左四川麻辣水煮魚,加拿大鮑魚,通菜炒鮮魷.上菜都好快有得食,燒味真係熱的,有酒樓水準,叉燒不會太肥又唔UN,乳豬D皮薄而脆,好味道!四川水煮魚都OK, 因為食唔到太辣所以叫左少辣,初時很易入口,但一路滾住就愈來愈辣了.味道OK.加拿大鮑魚唔係經常有架,咁岩個日有客訂多左,咁我地就試下,一黎到原來係凍食喎,而且已經有調味,都幾有特式喎,出面少D依種食法.可以一試.埋單百幾蚊都算抵食,會再去試下其他款式.