金舌日本燒肉專門店 (已結業)

同屋企係荷里活行街，見金舌未食過就去哩間試下，食晚餐放題。基本上可以叫做燒肉專門店，打開餐牌，有好多唔同種類既燒肉。牛都有分好多唔同部分。每種我地都有叫黎試下。但發覺啲牛無牛肉味，無一種係好食。到最後肉類係唔店。就叫左個沙律同泡菜冷面，哩2樣係唯一店好味既野食。其實服務差我係會明白，因為咁大個場得3個人做野，雖然已經只係開半場，得3個人做野，因為累而服務差哩樣係唔會怪佢地。不過食物差就真係沒辦法，因為佢唔算平，差不多300一個人，比出面普通放題仲要差。見到都怕了，唔會再去食

今日星期六約咗個朋友去呢度食燒肉。因為貪佢午餐夠平而且份量都好多。所以又來食過。通常來呢度都係叫一個牛舌豬頸肉雞肉三拼再加一個牛胸腹套餐。因為牛舌同豬頸肉都好好味，牛胸腹就好林，比起牛肋肉林啲好味啲所以揀牛空腹。同埋梗係唔少得要轉嗰個紫菜飯+$15。 同埋佢有一個麻油椰菜葉沙律好好食，佢加左少少麻油同埋加左啲鹽係入面，就係咁簡單已經令到呢個沙律好好味，咁大個人都係第一次食呢一隻沙律。最後我哋仲買多咗一個甜品，就係野妹乳酪雪糕。佢用一隻石碗裝住好特別，個雪糕唔太甜，上面啲嘢會好多酸酸地咁好開胃好正。我覺得比起另外幾間大嘅燒肉連鎖店呢間真係又平又抵食，啲肉質素都好高，雖然可能彩色嘅款式冇其他燒肉連鎖店咁多。

我未過咁難食既肉,早知咁寧願外面比多100蚊好過,打哩篇野都係希望唔好再有人中伏.啲肉質好差又冇味,服務不足, 不停溜單,第一次食燒肉係叫左一次單就唔想食.250蚊肯定蝕比佢,一餐啲肉既做價都肯定冇100蚊,所有汁又一樣味.垃圾.sorry I need to type this again in English as I hope no one is falling into this trap again.it seems a lot of people is qeueing outside, but the food is super terrible. The meat tastes nth and the service is bad. your food comes in very slow and no one remembers to bring you your drinks. never tastes meat in such a quality, so bad that it is unforgettable.@playergut

其實一直都好鍾意燒肉，亦好鍾意放題，呢間既價錢其實唔算平，食物既質素都OK，但服務質素卻比其他同類型的餐廳差，侍應叫極都唔來，見到都扮見唔到，仲要個樣係目無表情，好似好唔情願做嘢咁，其實出來做嘢唔該敬業少少，你老細有出糧俾你既，而作為顧客來消費，都只不過係想得到基本的正常服務，但呢間野既員工真係做唔到，唔知係呢間公司培訓不足定真係員工素質太低。

聽日反早，甘就諗住近近地係荷里活食飯算啦，平時見呢間野甘多人，今日竟然冇乜人，甘一於衝入去試下啦。但真心中伏，啲野超咸，啲肉有啲都還可以既，但好多都好咸，有啲仲怪怪地添，但服務認真麻麻，不斷落錯單，啲野叫左幾次都冇黎，好啦，同佢地講話個冷麵好耐都冇黎啦，點知係就食完，個麵先黎，個麵仲硬過鋼條。已經吾想再叫野啦，甘賣單啦，張單仲快過個雪糕既😑😑但唯一可以試下既係個1cm豬肉同個柚子雪糕

下班相約朋友到金舌享用晚餐。過程點了很多美味的肉類。但由於時間不足，沒分類叫及講究點餐，中間的肉類不太懂分。吃起來算中檔。但店裡的店員真的太好，要幫手沒幫手，點個東西又要很久才來。還沒跟我們說清楚last order 就cut了我們的order。真的不太好的經歷。總體食物不錯，但服務絕對有待加強，畢竟做餐廳吃飯當然以顧客為先，別太保護老闆吧。

一早係出面攞飛等位等左30分鐘都未入到見到其他人都係就甘入就入去望裏面明明仲有好多空位結果比人趕出去叫我地再等等但明明其他人唔洗攞飛就直接入去囉好明顯因為我地係學生而敷衍我地過多兩分鐘入去同佢講佢先比我地入服務態度真係好差😡不過野食同環境方面的確唔錯

因為就朋友收工去食飯，所以揀左喺荷里活解決晚餐，因為選舉唔多，唯有揀我地都鐘情既日本料理，加上愛肉，所以金舌係唯一選擇😂我地叫左豬牛既燒肉套餐，相比之下牛舌同牛肋肉係最好食，肉味濃郁之餘又燒到卜卜脆口感唔錯。豬勁肉都唔錯，而其他肉就普普通通，可能因為我地火太大既關係？所以不斷只係叫牛，呢一餐應該係燒牛肉放題其實它仲有前菜，沙津，燒栗米粒，燒菇類，同一啲熟食，種類不少，但唔算有驚喜，但要讚一讚係上菜快，2人可坐4人位，進食既環境係唔錯的。

熱愛網燒的我， 對網燒有情意結， 去日本必食燒肉， 香港見到會一試， 依間真係把鬼， 8點幾，放題已滿額， 唯有叫2人餐再散叫， 但39x的2人餐， 3種肉， 肉質不靚， 而且好咸， 無下次， 同盛x,牛x比，無得比， 連前菜涼伴都好咸，唉， 好伏

一行4人，尋日已經book定位，點知去到佢落錯日期囉，book 18變19, 好在個陣未太多客，所以有位， 入到去，黎個歪咀男侍應，由問野到落單，個咀臉同個態度完完全全差到垃圾級別 ，唔想做唔係問題，但麻煩型少少直接行出間餐廳門口走人， 幸好之後轉左個女既，唔駛食到一肚火 。間餐廳有放題同散叫，我地決定散叫，最好食係 豬頸肉 ， 牛油帶子，同個牛肋肉 ， 其他其實好一般，如果唔係成個商場得佢有烤肉都唔會去試， 亦都唔會再去 ，侍應都算係一間餐廳既門面，連門面都做唔好， 無需要再幫襯

星期六1點去到，等近半小時有位，可以接受Lunch set都幾多選擇，白飯任食，點左個牛肋肉&肩脊肉定食，加$10升級蒜香紫菜飯，跟前菜(泡菜，芽菜)，飲品，點了烏龍茶燒肉最過癮就係有得玩有得食，燒幾熟自己決定，燒得唔好都要硬食，坦白講，牛肋肉不過不失，肩脊肉就幾好食，呢個價錢黎講真心唔錯!紫菜飯就無咩特別餐廳環境舒適，乾淨，幽幽閒閒燒一燒，呢個價錢有得食燒肉，性價比係抵食既，商場內其他食肆都差唔多價錢，大家不妨考慮一下

一入去 成個環境好大好舒服有小小傳統既感覺 但又有空間感午餐時間12點度入到去 都吾算多人侍應都好有禮貌同快手落完order好快就出左前菜同沙律個前菜有蘿蔔 芽菜同泡菜個人認為無咩特別個沙律超大份 同埋d菜凍凍地 好新鮮個牛肋骨湯都好濃味感覺味精比較重食到差吾多就出烤肉啦雖然佢個賣相麻麻地😂😂😂但其實又幾好食隔離仲有d韓國醬比你點我食左金舌 夠薄肉汁吾算多 但好鮮甜 好香牛肉味質感軟熟 一口可以食哂個爐好旺 燒一兩下就食得加埋白飯任添 隻米煮到濕濕地 珍珠米 正中我口味以咁既價錢 簡直係超值👯👯朋友都話佢果個雞肉豬頸肉都吾錯 我試食左個雞肉肉質鮮嫩 完全吾會燒到干哂值得推介啊👍🏻👍🏻👍🏻

經濟又優惠嘅午市燒肉定食☺️跟餐仲包一杯飲品+牛尾湯+前菜（芽菜，泡菜）+主食+白飯😆最重要仲要係白飯任裝😆大胃王都唔驚唔夠食啦~午市環境都算清靜，空氣唔會好污濁，同朋友仔一路傾計一路食都唔錯👭👬👫 牛尾湯嘅味精比較重，胡椒粉味都重，一般般啦～肉質黎講都幾好味，吾會好'鞋'口！一碟主食配一碗飯啱啱好，所以加飯嘅話亦可以追加其他主食黎試試😈

同朋友去鑽石山睇完戲，揀左金舌日本燒肉專門店食晚餐。放題價錢$258再加1，每人$300有找。呢到既牛舌好薄身，燒出黎有脆口口感，一口牛肋肉有肉汁濟出黎，好正好嫩；豬頸肉燒到邊邊脆口，肉質爽脆。其他就一般般了。點了牛油雜菌燒，嗯….就係牛油味啦，無乜特別，感覺上D肉無乜醃過，因為味道偏淡，個人認為肉類選擇唔多，不過出面就有D沙律之類俾客人任食，整體來說呢個價錢，質素應該可以再好少少。

早一兩個月食過午餐同散叫晚餐覺得都ok 所以特登再book位同屋企人食今次食放題 極上放題 $308加一入去拎位個陣個接待態度唔太好似係做到厭晒個d感覺，又無笑容不過見之前食過都ok就算照食！金舌既放題野飲限兩杯，一人一球雪糕牛肉呢 就無特別，散叫個次d牛靚d唔知係咪因為比放題食所以牛既質素都麻麻係豬頸肉比較好食如果各下次去散叫會好d