金祥排骨麵

營業中

休息中

金祥排骨麵西環名物——金祥排骨麵呢間金祥排骨麵一直都係咁出色咁鮮明啊～呢碗係佢哋其中一碗招牌雲吞牛腩排骨麵💲56牛腩夠晒入味口感亦都唔會好韌 不過牛嘅香味就唔算好重雲吞亦都食得出好新鮮 皮好薄 入面嘅餡亦都好足料睇圖就知 每粒都好飽滿排骨一啲都唔會鞋霎霎！好香口！就咁食已經好夠味 再加配埋佢哋嘅自家製辣椒醬十分出色～麵比較粗身 有咬口 感覺有啲似烏冬，不過比烏冬更加挺身～個湯係令人驚艷嘅位 淨係睇個樣好似淡茂茂 同平時碌完個麵嘅水冇乜分別咁 但係飲落好清甜配埋個面就一流！大家去開西營盤，一定要試吓～

金祥呢，話説我農曆新年前已經想食。但因為之前回訪天后橋底排骨麵勁很難食，都有啲擔心金祥一樣大跌 watt 。不過點都要搏一搏嘅之後有個星期二去佢例休（大家唔好好似我咁摸門釘呀），再之前新年我都初六七去諗住無有死⋯⋯點知都係無緣，今次終於食到呢個HKU 回憶餐😂一嚟根係要order招牌既菜膽雲吞排骨麵！麵和排骨分開上唔怕會浸到淋曬～排骨炸到十分酥脆，食落唔油～湯底比較清，可以浸啲排骨排骨落去一陣個味道會更出；雲吞大大隻而且菜肉比例適宜～有啲家的感覺～依然咁好食💛開心返曬價錢相宜，份量足～難怪可以屹立西環咁多年呀～

見食評大讚這間排骨面店，終於一試！這日晚上來到，時間尚早，所以不多用排隊便可以入座。我坐下來，環顧四週，都充滿老店的感覺（親切感）。見到餐牌有一些全日餐，眼見豬扒同網評不同，便問問老闆，老闆解釋，全日餐「不是」用新鮮豬扒。因此，老闆推薦最多人食既「上海排骨面」，我本身不算好肚餓，所以我叫老闆比「細細碗麵」給我便夠，不過便多蔥。他又問要唔要蒜？我話好呀，少少啦！在等待期間，我又上網評睇下，見到好多人都有食「炸豆腐」（3件）。睇落好多，心思思，最後都叫老闆加單，要一份炸豆腐！先上台是排骨面，排骨炸得香脆，脆漿不算厚，我覺得ok! 豬扒炸得都不錯，不過有少少乾，都不太差。但豬肉味不算好濃，不過，豬扒炸得比外面好多店好得多！都讚既！ 之後試個幼面，面身都好滑，又好彈牙，口感一流！好食的面！😋因為我好怕食d 「林」身的面，但這碗面絕對比外面大連鎖店的面鋪好食得多！食到一半，到炸豆腐登場，賣相不錯，有吸引人的金黃色！外皮香脆，豆腐內部，講真又沒網評講得咁滑。 不過，都是不差，都是好食😋！想提提，店員，老闆都十分親切，服務態度很好！所以會繼續支持！由於本人食量有限，只能留到下次先可以再試其他食物啦！

早上和朋友排隊吃完附近的世一芝士蛋糕，逛一逛周圍店舖，再到訪這間金祥排骨麵。 可能時間尚早，不用排隊，再離開的時候有見到長長人龍，有興趣吃的朋友可能要早一點到來。 我們點要最出名的菜膽雲吞排骨麵以及一些炸物。 ➡️ 菜膽雲吞排骨麵雲吞大大粒，皮薄餡料多。重點的排骨另外分上，外皮炸得香脆，很驚喜市內裡仍然保持肉汁。➡️ 炸紫菜腐皮卷這個一上場便知道是好東西，腐皮卷炸得完全不油膩，非常香脆，感覺就像是吃薯片一樣。➡️ 豆漿我和朋友分別叫了兩杯一凍一熱的豆漿，豆漿味道非常濃郁，令我回想小時候在豆品店喝的豆漿。

這間小店一到食飯時間就好多人排，特別是午餐時間，可能近住香港大學，好多學生幫襯，相信原因之一是價格商宜，而且質素唔錯🍜上海排骨炒麵：排骨上檯時仲熱辣辣，酥脆香口，食落口又唔肥膩，不愧為此店王牌食物；椰菜新鮮爽口，配上一口排骨就啱啱好🍜菜胆牛肉雲吞麵：雲吞大大隻多菜，雖然厚皮但因為多料就覺得剛剛好；牛肉入味，入口即溶。其實咁細碗麵有3隻雲吞、3塊牛肉都算多餸，而且只係$49，性價比非常高，唔怪得咁多學生捧場

最喜歡幫襯老字号小店，近幾年，執完一間接一間，香港的獨特原味道巳慢慢失傳，只剩下沒有靈魂的連鎖餐廳。入坐後觀察，大部份也不是香港人，連遊客都慕名而來，我是地地道道的香港人，竟然是第一次光顧餐牌選擇非常多，大路食品，但價錢大眾化，上枱份量也不小，非常抵食--上海排骨炒麵-- $56整碟目測份量也很大，炸排骨一大塊，調味很到位，傳統懷舊的上海粗炒味道番哂嚟。--炸鲮魚肉腐皮卷-- $25啖啖魚肉鮮味，新鮮刴搞，沒有溝入大量麵粉魚目混珠，腐皮微脆，貸真價實--菜肉雲吞麵-- $44菜肉雲吞大大隻，饀料足，配上海幼麵，湯底味道也不錯，菜多，再加大量香葱炸蒜，抵食，好食又飽肚

💛金祥排骨麵​📍西環西營盤德輔道西316號地下C舖 （港大行落去）​📢預左要排隊先好食​👉🏻👉🏻menu​圖1️⃣&2️⃣菜膽雲吞排骨麵（$49）塊豬扒炸得好酥脆，外面個皮脆，入面塊豬肉腍，超級好食，唔怪得咁多人排隊，要讚上海麵浸住係湯都仲可以咁爽口彈牙，另外，雲吞大大隻，個餡好紮實，皮薄煙靭，真正既皮薄餡靚​圖3️⃣上海排骨炒麵 ($54）炒麵唔油，但味道較淡​（評分：5杯☕️最高分）食物：☕️☕️☕️☕環境：☕️☕️☕☕CP值：☕️☕️☕️☕️☕️超級抵食，大大塊豬扒，勁多麵，連我咁大食都食唔晒服務：☕️☕️☕️️️️️️️️️️️️☕️​✨會再幫襯? 會，炸排骨同上海湯麵好出色​

每到中午，這家小店都排著一條人龍，今次來到這裡吃了一碗菜膽雲吞排骨麵。整體來說，這碗麵非常美味。首先，上海麵條非常煙韌，口感十分不錯，雲吞非常飽滿，吃起來有很多口感。另外，炸豬扒外皮鬆脆，口感非常好，肉汁亦適度被鎖住，只可惜豬扒較薄了一點，非常期待如果他們用上厚實的豬扒會是怎樣。

位處德輔道西及水街交界，舖面大門面向水街。平日，剛於香港大學辦完事，由鐵站B1出口沿屈地街見德輔道西右轉，達水街，步程都15分鐘，到達時1點半，排隊就四五人，預定繁忙時間須等候，不消5分鐘可入座。裝修古色古香之中式圓桃木色枱，右邊幾枱卡座。1人前並無資格坐卡，就圓枱佔半圖就坐，一圓枱一般只兩組客約三人坐，逼迫度可接受，反而是有機會和鄰枱背脊碰背脊。不亞於餐牌選項，可自組兩、三味餸，揀了個「招牌排骨、菜膽、鯪魚肉腐皮卷麵」配杯熱豆漿，只盛惠$55。份量亦着實不少，炸排骨名不虛傳，夠熱、炸漿薄、脆口、肉結實而不嚡口；本身怕腥但因鯪魚腐皮卷實屬少見，亦反映無選擇錯誤——有鯪魚香而不腥並無常見的西藥味，腐皮薄身夠脆，難得是吃了此雙拼炸物之後亦沒感喉痛熱氣上火。白麵根根分明滑溜，熱豆漿黃豆味濃，停留了5分鐘漿面便起了層薄膜，顯出是自家煮並非豆漿粉溝水能造出來的效果。吃畢還想再點這點那，唯份量很足已祭五臟廟，祇好等下次重臨西區。

食晏特登過西環呢間人氣小店，店仔細細，果然要排十五分鐘左右先入到座，雖然佢鋪面唔大，但座位唔會好逼，坐起上嚟都舒服嘅我嗌咗菜膽雲吞排骨麵同凍奶茶首先清湯好好飲，三大粒雲吞勁足餡，咬落去好厚實，菜同肉嘅比例剛剛好，皮唔會太厚，但又唔會穿，麵嘅份量多，有咬口，排骨本身夠淋，但唔會粉，一層薄薄地嘅炸粉，炸得啱啱好，點少少佢啲辣醬食係冇得彈，杯奶茶就正正常常店面嘅叔叔招呼好周到，又熱情又有禮貌，俾四十幾蚊食到份量咁足同味道唔錯嘅麵，真係超值

中午時間來到西環，用膳時間，見到這間街坊小店有很多街坊和大學生幫襯，我又排！一排，竟然排了十多分鐘。午市套餐價錢經濟，點了人氣No. 1 的菜膽排骨麵，$49。雲吞有三隻，大大隻，十分足料，菜同肉的比例恰當，味道啱啱好。排骨（即係炸豬扒）是這間小店的出名菜式，果然有驚喜，即叫即炸好香脆。價錢相宜，味道好又無加味精，份量又大，下次來西環一定會再來。

#懲罰 完 #華爾登麵包餅店 行返出去 #德輔道西 落斜路搵食今次試吓 #遠赴海外 嘅 #金祥排骨麵 先🤤中式裝潢 果然 #老字號 有四人卡位 亦有圓枱位店員好好service 見我攞著一袋二袋 主動問俾埋牆位我方便擺野之餘仲問我要唔要多張櫈擺野🥰 #服務態度 #服務有質素第一次嚟 當然要揀 #人氣No1 🏆#菜膽雲吞排骨麵 $49有粗麵幼麵可供選擇 正常係俾幼麵湯底雖清淡 但加上蒜蓉 就惹味好多#排骨 選用新鮮豬扒 肉質同平時急凍野絕對有分別 由於揀新鮮豬扒 所以亦都較為薄身啲用生炸方式 表面炸得好脆 但又唔會油冧冧 推🙌🏼推🙌🏼推🙌🏼#菜膽 即係有白菜仔 煲得好腍好入湯底味 #雲吞 有三大隻 好足料 #皮薄餡靚菜肉比例好好 雲吞皮又薄 仲點係咬落去充滿肉汁 推🙌🏼推🙌🏼推🙌🏼聽聞呢間係呢區學生lunch time 首選真係價錢夠貼地 服務親民 食物高質👍🏻=====================#黃色經濟圈 #懲罰 #yellow西營盤 #yellow排骨麵 #yellow雲吞麵#hker #hkig #hongkongfood #香港加油 #食好西😋 #互推互追互讚 #nofi

☺️ 小編依日畀自己放一個半晝假，去咗西營盤行下兼食下嘢，去到一間幾親民嘅上海排骨麵店，啱啱好可以食個午餐！🤗［ 亂闖試飲試食 ］🍜 菜膽雲吞排骨麵 😋😋😋😋😋依個麵嘅餸佢哋會分開一樣一樣上枱，雲吞有三大隻，味道好家常，啖啖滿足。😚 排骨炸得好鬆脆，本身已醃好帶鹹，唔油唔乾，大過小編嘅手掌！麵煮得啱啱好，配埋湯食，唔會好口渴！👍🏻午餐 💵 約港幣$50/人 💁🏻‍♀️ 依間食肆幾受街坊同大學生歡迎，而且店員好親切，有啲熟客嚟到，會記得佢哋嗌開咩食，好有人情味呢！🤗🙆🏻‍♀️ 最後，喜歡嘅話，歡迎follow @foodirectory.hk ！

個日差唔多11:30去到食 早啲去食啱啱好 唔洗等位直接入去就食得舖頭環境唔算大🍽平日午餐時間去都一定大排長龍好快就會有人過嚟落單落咗單過咗一陣就上咗嘢飲😃我哋叫左豆漿 🥛上到嚟係凍嘅🤩飲得出係用黃豆即磨製造出來🙈飲到最後有啲豆渣🫘味道不錯👍 唔會好甜 甜度適中🥰排骨應該係即叫即炸上到枱係熱辣辣嘅🥵炸得好香 好酥 😆炸完都保留到肉汁 🤩唔會炸到好乾😃炸皮唔會太厚粉 剛剛好🍤豬扒差唔多有成6 件🤓食完都真係幾飽😗雲吞真係好好食！一定一定要試🥳皮唔會好厚，餡料好飽滿，爆汁😝滿滿嘅菜肉餡係裡面😌點埋醋一齊食真係一流😍有三件 唔驚會食唔曬 因為點醋真係好開胃😬麵係幼麵，食落去好滑好易入口，不過不失搭配埋其他野一齊食真係滿分💯

呢間舖喺西環好出名終於有機會試啦去嘅時候啱啱開始Lunch time等一張枱就有位食完出黎個時排晒長龍呀喺西環黎講呢間麵店嘅性價比好高質素都唔錯呀☺️☺️☺️👍🏻👍🏻👍🏻🤎菜膽雲吞排骨麵🍜傳統嘅上海麵底軟硬度適中雲吞都好足料最好味嘅就係佢嘅炸排骨啦🤩🤩🤩佢嘅粉漿唔會好厚，食落又有少少Juicy果然係最出名架👍🏻👍🏻👍🏻女仔食完個麵會大滿足🤤🤤🤤🤎紫菜腐皮卷🫔呢個超級脆超級香口不過食完好似食空氣咁唔係幾抵食😛😛😛