2
2
1
港鐵灣仔站 A3 出口, 步行約4分鐘 繼續閱讀
電話號碼
3650 3650
營業時間
今日營業
11:00-15:00
18:00-23:00
星期一至六
11:30-15:00
18:00-23:00
星期日
11:00-15:00
18:00-23:00
公眾假期
11:00-15:00
18:00-23:00
付款方式
Visa Master 現金
其他資料
酒精飲品
加一服務費
食評 (5)
周末點心聚 焦點食評
等級6 2017-01-26
1646 瀏覽
皇后大道東是我返家偶而經過的道路,金碧軒的落址處我亦早已留意到,只是一直沒有誘因去嘗試,今天親聚飲茶竟然約在此,我正好可以嚐新而又不需要花費一文!原來食肆走高檔路線,我們一踏入店內,已經有支客帶路往電梯,沿途經過有點豪氣的裝潢擺設,如彩色雲石地板等,也不好意思著她停下來讓我拍照,反正是傳統的豪裝格局,沒有值得介紹之處。坐下來在大廳內終於可以拍一幅,柔和燈光,粵菜格局。白色碗筷,非常整潔的感覺,每人皆備以公筷及濕紙巾,符合形象。一行十人,嚐了多款點心及小菜,總括來說,做得不錯但無特色,價錢不詳,因為我沒有看餐牌,今日只專心在吃。蜂巢炸芋角芋角最先到,炸得鬆化,餡料軟糯,層次分明,口感不錯,有水凖。叉燒腸粉見賣相已知皮有點厚但都算滑,而幸好跟叉燒餡料及醬汁比例洽當,味道豐富彌補不足,甜鼓油上乘,不過不失。蟹肉菜餃這是我最欣賞的一道,蟹肉意料之外的香甜及豐富,與菠菜的味道亦夾,調味恰當,餃子皮厚薄適中,頗美味。叉燒包頂端爆汁外表對辦,叉燒醬汁調得滋味,叉燒粒份量適中,包子軟熟,少許黏牙,水準不錯。蜜汁叉燒用燭臺暖著上菜,身價已經昇華,叉燒汁調得滋味,鹹中帶甜,美味無比,選用梅肉,軟棉腍嫩,我覺得未夠肥美,尤其頭尾的叉燒件過瘦。燒鵝皮脆肉嫩勁多汁,同樣用燭臺暖著,香港的燒鵝確實做得出色,移民外地的人往往念念不忘,(題外話,據說美加亦有移民大廚做得高水準),這個水準亦到家,但並不特別。古法金錢雞古老菜式,看似平凡,實在工序繁複,少有餐廳願意做;其實並無雞之成分,卻是豬肝、肥豬肉及瘦肉的配搭,不同肉質,集爽實軟之口感,亦同時脂香洋溢,以冰糖及玫瑰露醃製,味道鹹中透甜,十分滋味。炸糯米雞翼廿多年前,農圃發明之名物,現在已經大行其道,炸至金黃香脆,材料豐富脹卜卜,但這處的水準,相比之下失色,並非先入為主,真的不及香惹。楊枝甘露最後的楊枝甘露,今回是利宛之創作,已經沒有秘方,材料新鮮豐富便成,香甜可口。若然再在家聚,絕不介意再來試晚餐菜式,自己消費就不會選這處。有代客泊車,但似乎酒店門口車位有限;私人房間不缺。 繼續閱讀
(以上食評乃用戶個人意見 , 並不代表OpenRice之觀點。)
等級2 2015-10-19
4277 瀏覽
一家人吃一餐平常的晚飯,去那處是因為門口可泊車,價錢講真並不便宜,普通小菜都要$200開外,質數好就話啫,我哋點了幾個小菜,白切雞,ok啦,咕嚕肉$200蚊碟,仲用罐頭菠蘿,啲肉就似肉丸,同生記無得比(除了價錢),菜就是菜,可以點!最後這個甚麼魚頭煲都算不錯,真係要諗清楚會唔會再來。 繼續閱讀
(以上食評乃用戶個人意見 , 並不代表OpenRice之觀點。)
等級2 2015-02-17
3646 瀏覽
Saw this Chinese restaurant last time I came to the hotel’s roof top bar for happy hour and made a mental note to come here soon. Finally made it here last week with a colleague.I was a little surprised upon entering the restaurant to find that the ground floor area is more of a bar than a restaurant – kind of interesting setting for a Chinese restaurant. The main dining room is in the basement and I was told there are private rooms upstairs. The décor is quite classy and yet not too stiff. I especially like the peony embroidery on the partitions.Since it’s just two of us, we didn’t order too many food. I had wanted to order BBQ pork but it’s sold out! So instead we had Crispy Pork Belly. Crispy indeed and I was so happy to see that it’s served with those retro soy bean thingy. Can’t find them anywhere else these days.For dim sum, we had BBQ Pork Puff – the twist here is they have a zingy lemon flavour. Nice thought but I actually would prefer if the lemon flavour is toned down a bit more.Next came the Shrimp Dumpling – tasted good. Nothing to fault and nothing too extraordinary.The Taro Puff was a winner. So many restaurants do an awful job which tasted oily and stale. This one here, was definitely fresh from the wok. Light and fluffy as it should be.The last item was Sesame Puree Bun. I ordered this because it’s a retro dish that not many restaurants do now. Was a slightly disappointed though. It’s not the same kind of sesame bun I had before. The filling was a little runny and a tad too sweet for my liking. But, perhaps, as my colleague said, it’s the trend nowadays to have runny fillings in sweet buns – just like those custardy buns that’s very popular in recent years.The restaurant was almost full and yet service was very attentive and friendly. 繼續閱讀
(以上食評乃用戶個人意見 , 並不代表OpenRice之觀點。)
又是飲茶的日子, 選了這家位於灣仔的全新酒店 Hotel INDIGO 內的金碧軒, 酒店正式開業只有數天, 這裡卻率先比酒店早開業數天。家人比自己早些來到, 甫坐下, 家人第一句便說: 「很貴」, 再看一看餐牌, 果然如家人說般, 索價非常進取, 比很多米芝蓮星級中菜廳還要貴:茗茶每位 $20, 小點 $30, 中點 $40, 大點 $50, 特點 $60, 點心選擇中只有三項煎炸類 (咸水角、蛋撻、馬蹄糕) 是小點外, 其他都是中、大、特點, 連平日於大部份地方都屬於小點的山竹牛肉和叉燒包都是大點 ($50), 腸粉類全部是特點 ($60), 灌湯餃則需 $100 大元; 至於炒粉麵類則由 $180 起, 大部份都是 $220-$280 之間, 認真誇張。 價錢進取沒有問題, 只要和食物質素成正比就可以了, 首先點選了八款點心, 來到的時候大家的第一印象是: 「好細!」 對, 就是連所用的蒸籠和碟子都比一般的小, 原本甚小的餐桌 (對, 連餐桌也是) 突然變得不再擠迫。就以蝦餃為例, 人家的出品比這裡的體積大一半, 其中一位同行友人也禁不住說: 「收咁貴, 仲要整咁鬼細, 使唔駛呀?」$50 (+10%) 的叉燒包, 一籠有三個, 送到餐桌上時, 其中一個就像心太軟般, 餡料已經流了出來, 還以為自己真的在吃甜品。同樣是 $50 (+10%) 的沙律明蝦角, 只有三件 (很多地方也是四件的), 體積的比例, 跟上述蝦餃例子相若, 味道是可以的, 但仍然物非所值; 沙律醬更是看得出的「超市名牌」貨色。最誇張的是荷葉珍珠雞, 同樣是大點 ($50+10%), 只有兩件 (很多地方也是三件的), 把荷葉打開, 便出現了一個非常壯觀的情景, 就是「版塊移動」, 上層的糯米竟然隨著荷葉打開的方向整塊移動至完全偏離主體, 不就是「那些年」於地理科目所學到的東西嗎? 吃完第一輪的「迷你」點心後, 大家好像沒有吃過東西似的, 卻似乎沒有再點選的衝動, 當中更有人提議止蝕離場和轉場再戰, 最後不太情願地點選了兩碟貴價炒粉麵了事, 可知當時情況有多不濟? 這裡的服務質素亦有極大的改善空間, 店員們都是在全程緊盯著顧客似的, 而沒有給予太多私人空間, 給顧客的只有壓力; 我們感覺到的亦只有 hardsell, 甫坐下, 菜還未點, 便送來一張下個月母親節套餐的宣傳單張 (其中一個套餐是十位用 $9180 還另加茶價及加一服務費), 某店員送來了一次, 過了一會兒另一位店員又來多一次; 尤其一位 J 字頭的疑似經理, 除了全程緊盯外, 跟我們說話只有兩次, 一次是「需唔需要叫多啲點心或者炒粉麵?」, 另一次則是「需唔需要叫啲甜品?」, 除了 hardsell, 就是 hardsell, 並沒有任何收集意見的意欲或去嘗試了解為何我們只點選了較少東西原因。對於新張的食店, 有時候出現一些狀況是可以理解的, 但狀況比較多元化, 又或者連一樣比較正面的東西或感覺都沒有的話, 實在不能接受, 加上性價比極低, 至少「檸茶」和同行友人也沒有再次回頭的理由。 繼續閱讀
(以上食評乃用戶個人意見 , 並不代表OpenRice之觀點。)
等級4 2013-04-09
1699 瀏覽
大肥爸爸聽朋友講,話皇后大道東有間新酒店Indigo,酒店未開而其中菜廳已經開業,就叫細佬去調查一下。有一日,XO仔放工時,見「金碧軒」真係開左燈,所以就走左入去同接待處嗰位姐姐傾左兩句。據悉,餐廳提供粵菜,午市主打飲茶,不過都可以叫餸食,歡迎訂座,佢仲比左張卡片我攞比爸爸交差添。碰巧家中舅父啱啱返香港,爸爸又想試新菜,大家就決定訂位喺「金碧軒」為舅父洗塵。「金碧軒」及其酒店位置真係好方便,地鐡,巴士,小巴,電車,的士,乜都到,反而私家車就麻煩少少,因為未有代客泊車服務,而且街市個停車場好爆,我地去嗰日成條街都塞滿哂等緊位o既私家車。餐廳分開兩層,入門口嗰層有接待處同等位處之外,原來仲有三間大房/宴會廳。搭升降機落到去底層,除左有散枱同一間大房,大家會見到右手邊有個為吸煙o既客人而設o既露台,不過此乃酒店區域,而非中菜廳範圍(Indigo酒店同「金碧軒」係唔同老闆o既)。 我地幫襯嗰晚,除左我地七個人之外,只有另外一張細枱有客,佢地走左後我地仲包埋場添。可能人客唔多,所以當晚o既服務特別好。我地一埋位,徐經理已經自動走過黎同我地打招呼,介紹不同菜式,更解答我地好多不同o既問題,如「金碧軒」其實係喺年廿八低調開張等。徐經理非常稱職,佢落單時先問我地趕唔趕時間,提議如果我地唔趕,不如先上四款小食送酒(開瓶費為$100/枝),其餘啲餸再慢慢上,真係諗得好周到。佢o既班底亦不遜色,姐姐仔都會不時加茶加水,更會自動換碟,令大家都食得好衛生。大家其實都係抱住一個黎試食o既心態,見每道例牌菜都唔係咁大碟,最終就叫左多味不同款式o既餸菜: 黃金豆腐粒($80):此乃小肥食過咁多黃金豆腐粒做得最出色o既一家!從其賣相已經可以睇得出豆腐粒炸得好乾身,少辣o既調味粉又唔會過多,咬落更覺皮脆餡嫩,姨丈仲大讚「好有山水feel」添。請留意,大家千其唔好一口成粒食落肚,因為個山水豆腐心真係好熱。 蔥油海蜇頭($80):海蜇頭質感爽脆,味道帶甜,香口小食也。 鹵鴛鴦鴨舌($80):大懶爸爸大讚鴨舌起哂骨,不過小肥就嫌起左骨o既鴨舌少左條軟骨,冇左卜卜脆嗰部份口感,只可以講句大家口味不同。所謂鴛鴦其實係指分開兩邊上o既鴨舌一邊辣,一邊唔辣,調味汁酸酸辣辣,好醒胃。 椒鹽田雞腿($120):田雞腿熱辣辣,非常野味,送酒一流! 梅菜蒸菜心($120):用荷葉墊底及蒸籠上,賣相好有特色,不過份量就似乎吝嗇左少少。表妹話梅菜唔咸,菜心又唔老,個餸做得唔錯。 蒜泥白肉($80):豬肉片切得夠薄,粉皮又唔會黐埋哂一齊,中辣o既調味汁自動分開上,不過小肥略嫌個汁唔夠蒜香。 鳯梨咕嚕肉($140):咕嚕肉肥瘦適中,炸粉唔會太多,咬落肉質軟熟,味道唔錯。據徐經理所講,個咕嚕肉係用新鮮豬黎做,所以個效果會較非一般。 燕盞琵琶豆腐($200):原本一客六件,但經理見我地有七個人,所以就自動提出做七件比我地,感激感激!小肥印象中,琵琶豆腐應該係炸物,不過金碧軒演繹成蒸物,感覺清新同健康左,唯一一個問題係蒸出黎o既琵琶豆腐整體變得比較實,遺失左豆腐軟熟o既質感。 東坡肉($238):我地寫餸時,徐經理極力推介,所以就叫左份黎試。東坡肉雖則肥,不過的確做得好腍好入味,送飯佳選! 脆皮蔥油雞($240/半隻):餐牌中列明為廚師推介之菜式也。菜如其名,真係好夠脆皮,同桌愛雞皮之人都極為欣賞!蔥油雞毫不肥膩,好似師傅預先去左層肥咁,加上雞肉香甜幼嫩,大家都好滿意! 苦瓜炒牛肉($160):苦瓜甘香,牛肉嫩口,爸爸話好合格。 琥珀蒜片牛柳粒($180):牛柳粒比較油,炒得唔夠乾身;雞髀菇多過牛肉,蒜片又唔多,可以話係全晚最失水準之菜式。總結黎講,「金碧軒」地點方便,餐廳入面坐得舒服,服務一流,食物有水準。小肥唯一覺得有問題就係價錢貴左少少;雖則話每款菜式都係百幾二百蚊,但份量少,所以埋單時就覺得唔係咁抵啦! 繼續閱讀
(以上食評乃用戶個人意見 , 並不代表OpenRice之觀點。)