金田家 (已結業)

人人都說上環很多好吃的餐廳，果然隨便走進一間拉麵店，也能找到滄海遺珠。這家餐廳不像其他大型連鎖拉麵店出名，但其湯底非常不錯。濃湯豚骨拉麵，乃招牌拉麵之一。湯底色香俱合，百味融於一，香濃豚骨精華滿溢。加了醬油糖心蛋，蛋黃色澤艶麗，色若紅霞，調味入心。柚子辛口拉麵，酸甜兼備，柚子味均勻，清甜可口，冇湯不成菜，味道新奇有趣，有驚喜，不是在其他拉麵店常見的菜色，值得一試，但接受程度則見仁見智。男爵薯餅，炸得鬆脆，配以沙律作為醬汁，能解油膩，增添口感。…查看更多

同同事食Lunch，見到呢間野， 就想試下老闆勁熱情招待，d拉麵好食，估唔到有得選擇拉麵硬度 蔥同蒜嘅多少老闆做多左d小食 見過左lunch hrs 就請我地食佢個餃子仲好食過d拉麵係中環黎講，呢個價錢叫還可以我冇叫嘢飲 不過我啲同事叫個柚子梳打 佢話幾好飲大家記得加糖心蛋 雖然要15蚊 但係個拉麵唔加就覺得好似少咗好多嘢大家可以黎試下 個餃子好ok 叫山葵蛋黃醬餃子…查看更多

中午時段，上環到處人頭湧湧，看到這間拉麵店有位置便直接進來。餐牌上有數款湯底可選，我點了雞白湯豚骨拉麵，惟獨這個湯底配上曲麵且不能自選麵條的軟硬度。不消一會，拉麵便已送到面前。賣相看似濃郁，實際上湯頭並不算濃，但仍可嚐到淡淡的雞湯味，配以大量我喜愛的蔥花增加口感。叉燒有四片，師傅更「不小心」地多送一塊紫菜，可惜麵條份量偏少，女士吃完都未必夠飽。整體味道一般，沒有留下較好或壞的印象，但同時證明沒有特別之處，因此沒有再訪的意欲。…查看更多

今次食咗佢嘅豚肉濃湯拉麵。其實都系一般水平，不過佢最推介嘅就係佢嘅湯係真係真材實料，好濃郁，所以佢啲拉麵好食！然之後最推介嘅都係最傳統嘅豚肉濃湯拉麵,再加半熟蛋 …查看更多

放工唔知食咩好, 經過見到無咩人就選擇左佢, 佢第一次嚟香港嘅時候食過, 之後就一直無再食佢喇因為陸陸續續有好多拉麵過江龍黎香港, 所以一直試新野今次叫咗濃湯豚骨拉麵同辛子黑蒜拉麵, 首先講講豚骨拉麵, 入口第一啖好濃豬骨味但之後比胡椒味搶咗, 一路繼續食, 都只係食到胡椒味, 個人覺得冇咗胡椒味會比較好, 同覺得點解有胡椒味, 好多問號出左黎, 不過就唔會覺得油膩, 但麵條好出色好彈牙, 而且腩肉叉燒好淋, 入口有少少溶化嘅感覺雖然比起出面薄一啲, 但價錢確係比其他拉麵店平少許, 一分錢一分貨啦, 而辛子黑蒜拉麵, 以為係辣嘅 , 原來唔辣, 食落又係有胡椒味, 仲有d蒜味, 哩個就比豚骨嗰個油一啲同咸少少, 腩肉叉燒就厚一啲, 不過就會鞋啲, 如果鍾意重口味嘅呢個都幾適合, 不過講到尾都係唔鍾意個湯底有胡椒味好似味精咁, 另外溏心蛋極力推介好好味, 蛋黃橙色流心, 成熟度岩岩好, 唔會過熟又唔會過生可以一試…查看更多

之前上網見到有人介紹呢間新開嘅拉麵，上網睇相，佢個門面勁靚，所以吸引到我今日午餐要嚟試一試。麵店距離地鐵站大約行四分鐘左右，下午12點左右嚟到都有好多位。我點左個濃湯豬腩肉叉燒拉麵，我朋友點左個黑豚肉拉麵。豬腩肉肥瘦適中，唔會好膩，湯底果然係”濃”湯，我差啲全部飲晒，而麵質係九州拉麵嗰種幼麵，呢個係我最鍾意嘅！因為我同友人好耐冇見，所以一路食一路傾，都食咗成個鐘，中間都有好多客人，但係唔需要排好長龍，我見多數都係等左一陣就有得入座。…查看更多

個雞湯好好，以為會淡但其實夠惹味雖然平時唔鐘意食蔥，但個湯夾埋d青色既蔥花黎食又出奇地夾豬骨湯就好純同濃既豬骨味，飲落悶悶地得一種好厚既口感，食到好快膩個麵我覺得都算係唔錯即係有硬麵軟麵等等可以簡唔算話好驚喜，但都唔會失望基本上你簡既麵都符合你既期望不過冇試晒所有麵，所以只可以客觀講句：只供參考叉燒方面真係值得讚先講題外話，雖然老實講叉燒唔夠厚，但都有4-5塊咁所以基本上總份量可以話冇變，係present既方式唔同講返正題，味道好驚喜，油香味出晒黎，浸住係湯咁耐都仲係好香油再加上叉燒既比例好好，肥唔多但夠滑，肉本身雖然薄但好夠味，估唔到薄咗反而啱啱好 要讚最後價錢我會用味道同價錢既比例去計冇錯，味道整體係好食但因為對豬骨湯既期待有d落差拉返平均又唔算覺得值所以唔會話係抵食，同埋要加一又貴咗，豬骨就真係貴咗少少唔太值環境黎講 新店好光猛 好新淨 但好多高枱 會坐得冇咁舒服 可能想人快啲食完走啦…查看更多

12點放飯，準時出黎食飯其實都唔洗等位，見到依度都開左金田家，係其他區食過覺得幾好食，一終試下上環分店係咪一樣味。店面唔大，12:15左右其實都差唔多full晒幾好有得揀硬度、蔥、蒜既分量可能同時間好多客人入座，我地碗面上得有少少慢，等左二十分鐘。揀左超硬麵，湯底正常既豚骨拉麵味，無乜令人印象深刻既位，普通。另外仲叫左4隻大將餃子，味道都係普普通通急凍餃子既味，煎得唔脆，一般。可能係新開張，員工未係好熟手，無論係食物、服務、上菜速度都有進步空間，同埋要加一唔係太抵，依個價錢可以揀上環區其他拉麵店。…查看更多

今天早左放工，來到上環的金田家，食個下午茶。可能未到放工時間，根本無任何客人。兩位侍應忙住傾計，但是是理解。黑豚拉麵叉燒以瘦肉為主，口感有點乾身，煙韌不算順滑，肉味恰當。湯底黏力不足，不是濃厚的，但味道也恰當的。麵身是超硬的，蛋白直麵，加上黏度低湯，所以沒有掛湯。蔥和蒜的份量是正常的。溏心蛋是流心的，蛋黃是橙色的，味道比較濃厚。麒麟啤酒一如以往的麒麟啤，味道豐厚。冰水是日本傳統餐廳給貴賓的待遇，雖然天氣悶熱，可能又是下午時份，本人又不是貴賓，所以沒有冰水招呼。…查看更多

夜晚放工唔知食咩，上次番工經過條街見到開咗間拉麵店🍜就心癢癢想試下柚子辛口拉麵🍜拉麵麵質偏硬，唔太能吸湯。朋友另叫既紫薯可樂炸餅唔錯，外皮炸得香脆內裡既紫薯內心都充滿有好多紫薯容甜甜地幾好味。個湯底就略油，飲咗朋友個豬骨湯味道岩岩好，但我呢碗既湯底飲落就好咸，可能係師傅失手！？因為友人都試咗，佢都覺得差好遠。叉燒唔錯夠諗同鬆軟，而且入口油脂好豐富呢間都係連鎖店，希望再試會係好味啦，因為今次真心係麻麻地…查看更多

食晏時間黎落雨...本身諗住行返去上環食某拉麵，行過突然見到上環新開左金田家，由於落住雨唔想再行，所以決定就響門口等一等。入邊坐到滿座，我地又人多，所以都要等左十分鐘左右先有得坐。下午時段，我地係就咁拎住剔剔紙點菜。未入座之前，大家就響門口叫定嘢，我叫左柚子辛辣拉麵同加左一隻流心蛋。入座後都大概等左十分鐘個麵先到 (客比較多)，一試個湯...唔，唔係好夠熱喎，立時打個折扣，至於隻流心蛋普普通通，都幾好食。再食埋個麵，一夾起，即刻出煙，哦，咁樣揚揚個拉麵啲湯就熱返喇，又加返分比佢，個柚子味唔太重，攪均啲辣醬一齊食 / 飲亦啱啱好，麵質揀左軟身亦到做得到；叉燒幾大塊；總括而言，係好食嘅。至於有冇咩特色就見仁見智，不過好食嘅拉麵最好都係做好基本先，做得好先來玩花樣。湯、麵、配菜等夾埋水準都唔錯，另外重要嘅係佢唔算好油，起碼食完唔會肚痛 (係讚賞嚟) ，所以係可以再食嘅。…查看更多