金玉滿堂

營業中

休息中

金玉滿堂，呢間大圍嘅甜品舖 ，雖然細細間，但佢嘅甜品呢花款好多，一排冇去，佢又多咗好多新款嘅甜品啦。今次我哋就食咗老闆娘推介嘅原個芒果雪葩， 單睇呢個芒果雪葩嘅外型就非常吸引，佢放喺一個塊黑色嘅石面上面，切開整個嘅芒果，中間就會有用芒果整成嘅雪葩， 外層的芒果軟綿 ，香滑， 裏面有冰凍嘅芒果味雪葩 ，口感層次豐富 ，非常值得一試。綠茶黑糖剉冰， 滿滿嘅沙冰上邊鋪滿黑珍珠紅爆珠，同埋椰果， 上邊喺個圓圓嘅綠茶雪糕球，黑糖充滿了整碗的沙冰，感覺又甜又凍，非常滋味。老闆娘好貼心，送上陳皮普洱茶畀我們飲， 怪唔得佢生意咁好啦。

由細到大都係住係大圍,有唔小嘅小學雞同中同都仲係住緊係大圍,咁就會假唔時會入去聚下舊,飲下嘢同食下飯,咁疫情後就冇得再去酒吧坐到咁夜,咁嗰晚就帶埋個囡入去搵小學雞打邊爐,食飽又好似想食下甜品行咗2,3間我朋友都話好似唔係咁啱心水,咁就再行下啦,點知就見到佢嘅出現,好好彩一去到就有位,我地入到去就即刻有人係門口排隊啦我地諗咗好耐都唔知食乜好,因為張張相影出嚟都好靚,咁就叫咗楊枝甘露,芒草拿破崙,仲有個100%原個芒果雪芭甜品等得耐嘅,嚟到係靚嘅,但係全部都好一般,只係有顏值比你呃like同埋重點係貴嘅楊枝甘露,杰撻撻同太甜拿破崙叫最好食,但太細件呢舊嘢仲大鑊,一個冰咁,又要等佢溶到咁上下先切到,但又唔見得佢有幾濃芒果味同假甜,重點話要放成10分鐘先開始食得

同女朋友經過，唯一大圍一間未試過嘅甜品。咁就行入去叫咗一個流心奶黃芋圓窩夫，個侍應話好好食，值得一試。咁就姑且一試啦！點知返到屋企，其貌不揚都不在話下，仲要賣成56蚊，外賣盒仲要加1蚊。成舊嘢夾埋唔知想點，窩夫完全冇香味，芋圓完全冇味。奶黃係一pat 奶膏，香都唔香。我覺得完全係嘥咗所有嘅食材，同埋我胃部嘅容量。如果你話外賣會影響食物質素嘅話，我都幾肯定連糖食都唔好食，因為只係會嘥晒你啲錢。其實都唔係太明白，點解會有人話呢間野好好食，究竟係咪未食過好食嘅甜品⋯⋯⋯

同朋友食完飯 係大圍搵下有咩中式糖水食揀左呢間難食到嘔既糖水鋪 menu唔更新 推廣價收原價 大部分糖水都加金箔 我叫左個椰汁西米芋圓 啲西米一舊舊 又難食 似未熟咁 咬落去生既🤮🤮🤮 唔會再去

我們叫了椰汁芒果紫米露但他給我的是很少份量大部份是冰 芒果十分少 紫米露也很少我們與他們反映他們只說已經多給了我們我們只能感無奈 不知道可以說些什麼 另外買的芝麻糊還可以接受 但芋丸很少

綠豆邊好足料，加埋芋圓好好味。龍眼冰好清甜！朋友生日預先訂左拿破崙生日餅，當日新鮮做，好多芒果好甜，連cream都自己打，一啲都唔膩。一坐低老闆娘就請我地飲陳皮普洱，除咗甜品好食，仲好有人情味

今日咁啱踩完單車食完飯之後順便去食甜品，見到呢間雖然細細地但係外觀幾靚嘅甜品舖所以就入咗去。入到去老闆娘好熱情，一入到去就有茶飲，然後同我哋介紹有啲咩甜品好食😋 朋友叫咗個芒果雪芭，睇得出好用心去做，然後味道都好好，鍾意食芒果嘅一定要試吓，價錢又抵食。然後我就叫咗綠茶果凍配綠茶雪糕，雪糕甜好香嘅綠茶味，加上咁嘅價錢都好大份所以好味又抵食。所以我絕對推薦大家踩完單車可以過嚟試吓，甜品好味之餘，享受下老闆娘嘅熱情招待😎

坦白講，住大圍咁多年，個人又鍾意食糖水，呢間甜品舖只係幫襯過兩次，第一次就係疫情之下嘅七夕，為咗去買湯圓，然之後果次係外賣，冇糖食，中伏！佢推介嘅雞翼尖，真係賣剩先係推介俾你，完全係霉，其實已經唔想再去第二次，我覺得做生意唔係咁囉。尋日幫襯第二次，因為間間新式甜品舖都要排長龍。咁冇計啦，得佢一間夠膽將啲枱放街邊……要同朋友傾偈局住要去呢度！如果唔係要請人食糖水得體啲，我真係去對面傅師傅好過！去到嘅時候，唯一一個侍應已經態度好差，佢忙，但冇理由望多三個字先來落單……我都唔算趕時間啦，但係真係等到好耐先吹下佢，佢嘅態度仲衰衰咁！而啲糖水嘅味道真係好一般，係佢拎啲糖水出嚟嘅時候，會讚下啲糖水話咩靚呀、好食嘅嘢係要等啊……真係俾佢吹脹！佢要營造氣氛又好，乜都好，其實啲糖水真係得個樣！有啲個我燉奶西米露只係室溫，都唔係凍.. 仲要我真係未食過咁鞋嘅燉奶..除咗啲雪成冰嘅果肉係可以入得口，同埋雪糕奶蓋啲成品，否則個糖水舖真係冇嘢好食！有乜理由過芋泥都咁差⋯⋯似食冇味的薯蓉囉⋯⋯性價比真係低無可低……好少寫食評…只可以講，啲食物要來影相係OK嘅！人多嘅時候你就千祈唔好去，對呢間食物嘅未到千祈唔好有期

同朋友食完晚飯，意猶未盡，於是再係附近搵一間糖水鋪，食碗糖水，再一齊談天說地！環境：店舖面積唔算十分大，但入面擺滿熊大公仔，同老板娘既花藝作品！食物叫左一個芋圓芝麻糊同大既西瓜盅。芋圓芝麻糊，48蚊首先睇賣相已經無得輸，或者係小弟我見識少，芝麻糊加金箔，無得輸！味道更加唔洗講，食得出如老板娘所講係用心製作既芝麻糊，唔係磨定沖水之類，食落既係新鮮芝麻味，唔洗加任何甜味，已經非常好食西瓜盅，88蚊賣相只能夠已浮誇尼形容，天鵝上面放住一個細細個既西瓜，非常新鮮！天鵝格離重有一杯西瓜丸子，椰丸子冰，底部重有涼粉。講到呢度，你肯定已為我講晒佢既特點，好野，但係老板娘獨家私魔法，賣相加上仙女棒，真係霎時開心晒！重要係有十年既陳皮茶，非常甘香既茶味！正

同朋友食完大圍日本嘢 唔夠飽 周圍搵嘢食 見到金玉滿堂。一入到去老闆娘好熱情，d嘢食都好唔錯 無論賣相同埋口味都OK。生日的話，老闆娘仲會有另外的驚喜，推介各位巴絲去。

同朋友食完飯，揾甜品食🌟🌟見到呢間〈金玉滿堂〉個名咁好聽🍬🍬就去試下啦🤗🤗一入去坐低已經比杯靚茶你飲☕️☕️甜品好有特色🤩🤩，食得出用心製作既味道😋😋，好高質素💖💖，價錢超級合理老闆娘超好人，親切有禮貌🥰🥰🥰好似有好多正野食咁😍😍😋😋好想再試埋其他食品🤩🤩😋😋最啱我呢D吃貨😆😆下次可以帶D朋友黎幫襯🥳🥳試多D唔同款式💖💖我第一次寫食評讚人🥳🥳因為真心覺得好好🥰🥰好想表達下喔

食過咁多間甜品鋪，我從未食過完全真係真材實料而且極度有美觀嘅甜品，曲奇抹茶沙冰綿滑而易入口，你嚼緊嘅每一口都有住濃厚嘅抹茶曲奇味。而龍眼冰則不是坊間只鋪一層冰一層醬嘅甜品，而係真材實料，由龍眼製成，有著淡淡嘅濃眼果香味。最後更送一壺十年陳皮茶，適合暖一暖個位，實乃高cp值之選，甜品亦適合放上ig供人欣賞。上圖可見龍眼冰嘅美觀超絕大部分糖水甜品店，足以post上IG打卡。而且服務態度亦非常良好，是一間值得幫襯的甜品店。

一入店老闆娘已經好熱情好健談 請我地飲陳皮普洱茶又好落力咁介紹啲甜品既用料同做法感受到佢既真心同用心———————————————-合桃露配芝麻湯圓 （$48）好香濃既合桃味 唔會過甜口感綿滑濃稠哩個甜品得到朋友既大力讚賞金箔龍眼冰（$48）龍眼好清甜 無啲糖水既死甜冰沙質感細滑 有牛奶香得黎唔會過甜配埋啲透明小珍珠 口感豐富因為覺得甜品太出色既原因雖然我地得兩個人都忍唔住encore嗌多個窩夫 （$42）哩個就遜色少許咬落有蛋香但比較淋身同埋份量比較細————————-部份甜品單價以中式糖水黎講唔算便宜但個份人情味同心思 都值得哩個價

因為而家疫情，10點後條街已經閂晒好多餐廳，所以都無咩選擇😭見呢間佢地10點後仲可以營業(應該係因為所有員工已接種疫苗)，咁我地就黎試吓啦😋［金箔龍眼沙冰 $48］聽老闆娘講佢地呢個龍眼沙冰係佢地嘅招牌甜品，咁我地就緊係要一試啦😋一嚟到真係俾佢嚇親，雖然佢個碗唔大，但係都堆到好滿好滿😱佢地嘅龍眼好新鮮，唔似係啲罐頭開出嚟，有種死甜好假嘅生果味！另外都不得不提佢哋嘅沙冰係用牛奶整成👍🏻食落好香奶味，就算沙冰溶咗都唔會淡茂茂！［黑糖琥珀珍珠芋圓窩夫 $42］一嚟到呢一個窩夫第一下反應有少少失望🤥因為好細份🤣不過就咁聞已經好香牛油香味，咬落去第一啖就知道呢一個窩夫冇嗌錯！佢哋個窩夫好香蛋香味🤤總括嚟講，呢一間甜品舖啲嘢食雖然細細份，但係相比其他甜品舖的確落足心思！下次會再嚟試吓其他甜品😊👍🏻

賣相十分好！甜品好好食！十分推薦龍眼冰🤤舖內環境好，坐得很舒服！價錢亦十分合理！若果到訪大圍，這間甜品店絕對是一個不錯的選擇，絕對值得前來一試，行過記得唔好錯過啊！