金牌老香港茶餐廳

Old Hong Kong Restaurant
3
2
1
電話號碼
22860130
營業時間
今日營業
09:00 - 21:00
星期一至日
09:00 - 21:00
付款方式
Visa Master AlipayHK 支付寶 現金 銀聯
其他資料
Wi-Fi
有關餐廳
老香港情懷 露天雅座瀰漫雍雅山房氣氛
金牌老香港茶餐廳在山頂重現老香港情懷,露天雅座設計是向雍雅山房致敬之作。集合經典、新派香港美食,老香港口味有男人的浪漫「豆腐火腩飯」、show me your love「粟米肉粒飯」、超大鍋「雞蛋焗魚腸」、暖笠笠「古法鴨腿湯飯」等。新派創作必試「Q版咸牛肉炒蛋菠蘿包」,餡料超多,並有多款口味自由配搭!小食款式多,超邪惡「芝士流心西多士」、經典「手指蝦多士」和「雞蛋仔拼雪糕」通通食到!配一杯老師傅手沖「老香港冰鎮奶茶」,又或童年味道「黑牛」都好有氣氛。

食評 (7)
等級2 2020-01-12
192 瀏覽
今日我哋去咗山頂行下, 因為本身食咗晏, 所以想搵間餐廳坐下飲杯嘢。 行過見到呢間以老香港為主題的茶餐廳幾特別,又有戶外位可以欣賞到好靚嘅太平山風景,見今日天氣咁好, 就入去嘆杯嘢飲啦。呢度嘢食嘢飲都係遊客價。我哋嗌咗紅豆冰同埋凍檸茶。凍檸茶正常味道,紅豆冰都落咗幾多奶 ,攪勻成杯嘢都係比較淺色,奶味較重,如果紅豆比例多啲就好啦。 呢度最正嘅係佢嘅位置。室外位真係好正,坐喺度嘆住杯飲品,有啲陽光,真係好舒服, 好似坐咗喺個花園咁。 可能今日係閒日 啦,唔太多人,我地坐咗成兩個鐘都冇畀人趕走,仲有好多位㖭,覺得幾抵。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-01-04
249 瀏覽
今日山頂一遊午餐選址係呢間, 因為見佢環境裝修得幾特別, 食物方面其實都唔算太有特色, 都係香港茶餐廳會食到既嘢, 但遊客嚟到香港就一定要試下, 加上呢到地方好大, 冇巿區既茶餐廳咁逼, 今次我都只係叫咗啲好普通既嘢試食西多士 - 茶餐廳必有既食物, 西多士都好軟熟, 裡面既花生醬唔算太多, 但整體味道唔錯炸魚配薯條 - 一般揚州炒飯 - 炒飯好乾身, 有蝦有叉燒有蛋有菜, 都好足料雪菜火鴨絲炆鴛鴦米 - 鴛鴦米有驚喜, 因為係粉絲加米粉, 味道我覺得偏咸, 但整體係好好食 繼續閱讀
(以上食評乃用戶個人意見 , 並不代表OpenRice之觀點。)
等級1 2020-01-02
116 瀏覽
去得茶餐廳食野就係貪快,叫一個魚蛋河同一碗粥居然等成20分鐘!客又唔係多,樓面人手多到係度行行企企,追單既就例牌應你就到架啦,但又唔叫佢地真係入廚房幫你睇睇。粥就解釋話即叫即滾姐,咁碗魚蛋粉唔係即叫至即差麵粉去整掛!一碗魚蛋等成20分鐘,真係好過份!最過癮係佢不停出外賣既單,堂食就個個你眼望我望咁癡癡的等,咁不如做哂外賣唔好接堂食啦!都離哂大譜!侍應又無笑容,講真收到服務費麻煩比番少少賣笑樣係咪都唔過份啊!一係就唔好收我服務費囉!絕對係貼錢買氣受! 繼續閱讀
(以上食評乃用戶個人意見 , 並不代表OpenRice之觀點。)
等級3 2019-12-27
237 瀏覽
今日放假 我同男朋友去香港仔行下順路行下山頂廣場 泊車方便午飯時間 男朋友話餓 好啦 揾下野食黎到老香港茶餐廳 新鋪 就試下唔駛等位之下 已經可以入去眼見卡位有人離開 主動問職員可否換位職員只顧入單 完全無理我於是乎 再問第二位 第三位職員 都不理不睬直至卡位有其他客人坐低說實話 我唔覺餐廳職員人少 你亦都可以講我可以主動坐入卡位 但我覺得禮貌係每人都必須的而且佢仲要係旅遊區可能我抱有期望所以才會失望炒貴叼肉醬意粉食物方面 味道份量都不過不失不過餐飯就食得唔開心 繼續閱讀
(以上食評乃用戶個人意見 , 並不代表OpenRice之觀點。)
印象中有好幾年沒到過山頂,怎料最近一去便去了兩次,第一次是參加T.dining 舉辦的奢華活動,可次一次嘗盡多位米芝蓮星廚的手藝,剛剛的一次便是朋友建議到一間新開幕的餐廳吃吃,主打老香港情懷的。餐廳的門面已經挺特別的,裝潢也是很有情懷,連天花的燈箱也是,確是有不少打卡位。點了好幾款經典美食~ 手指鮮蝦多士 在老香港茶餐廳能吃到這款經典廣東菜也真是驚喜,特別是也吃過城中不少把這道處理得很好,數一數二的餐廳,還是有鮮蝦的版本,個人的小小意見,假如是墊底的炸麵包薄身一點的話,那就可以令蝦肉的口感更突出了,可是已經做得很不錯了。 乳鴿 可以吃到肉嫩的見鴿是驚喜呢~ 焗牛脷飯 向來是牛脷的粉絲,牛脷是厚是薄都好,重點是必先能咬開牛脷,老香港的出品便能做到這點;那夠濕潤的飯底更是滿有蕃茄香的。 太極鴛鴦飯 作為老牌酒樓的經典,能重遇確是件美事,一半是白汁飯,另一半則是蕃茄飯,實為開胃之選~老香港冰鎮奶茶 奶茶近乎是港式茶餐廳必點的飲品,老香港茶餐廳的出品是沒有冰在奶茶的版本,那便更喝得出奶茶根本的口味,個人認為是奶香偏突出的版本。 餐廳還有一部分為老香港手信街,可以買到不少特色而具代表性的紀念品,還是很多是在log-on和G.O.D.路線的,可愛呢~ 有一種文化的傳承叫美食,值得被更多異國遊客認識的。 老香港茶餐廳 地址: 山頂山頂道118號山頂廣場2樓205A號舖 2286 0130 繼續閱讀
(以上食評乃用戶個人意見 , 並不代表OpenRice之觀點。)