金牌粉麵

營業中

休息中

未轉手之前成日食佢嘅牛腩河。前排見佢大裝修，估佢有可能係轉左手，見入面啲侍應姐姐都係以前個啲，就諗住試下。價錢比裝修前貴左，餐牌都吾同左，加減左啲野。重點係裝修之後真係好難食，今次叫嘅係紫菜牛腩河，個湯底吾知發生咩事，飲落有啲腥同淡過以前，成個面食落去只覺得好難食。辣椒油都冇以前咁好食，以前隻辣椒油裝在細袋入面，現在尼隻辣椒油係大陸不知名牌子，加入面度冇以前咁好食。一句總結，難食又加左價。冇下次😅

經過見到幫襯咗好多年嗰間粉麵轉左手，就俾個機會試吓間新店，點知中大伏 ！叫咗個魚蛋牛腩牛筋河，點知每一樣餸，「係每一樣餸」 都係出奇地奇怪同難食！魚蛋：雖然係爽口、但係超級腥牛腩： 住咗香港咁多年真係未見過啲牛腩切到豬腩肉咁薄，仲要咬落去係硬嘅，做粉麵如果連基本嘅牛腩都唔識蚊真係唔該唔好做粉面 😢😢牛筋： 睇相已經知道係爽嘅，冇一嚿係冧，唔知以為自己食緊海蜇唔會再比下次機會佢，真係好難食。 雖然我好肚餓，但係都係食唔晒碗麵。