金牌海鮮火鍋 (已結業)

午餐同屋企尼飲菜，16個人分左兩圍坐，叫左二十幾碟點心同餸，有燒賣，蝦餃，流沙包特，食到好飽，咁多個人都食唔晒飯呀麵呀的份量好大，點心一般好食，正正常常，冇咩特別，上菜速度都算快，而且上到枱都仲係熱辣辣。大大碟的麵，就算我果枱8個人都食唔晒，唔係因為唔好食，而係因為碟麵有點油，本身食點心已經食到好飽，所以食麵食左一碗已經覺得好膩，食唔落。但個麵係好食，煮得剛好，唔會太腍，都仲可以咬下，而且肉絲份量多，又唔韌。所以其實足料好食，不過只係有點膩…查看更多

提到金牌火鍋，就會諗起他們的牛什火鍋，估唔到原來依度午市有點心食，朋友相約過來，心中諗⋯⋯火鍋店內的點心唔會太吸引⋯⋯點知原來有驚喜很喜歡這個羊肚菌餃，羊肚菌陣陣香味很吸引，而且部分點心可以order 半份，很適合兩口子過來餐枱腳這裡有很多卡位，有部分還可以拉上門，私密空間火鍋店即係火鍋店，連荷葉飯有層層的鮑魚菇包實，很喜歡這個味道，唔會太濃味店內的碗碗、碟碟印上金牌的牛牛🐮很可愛整體的點心，相信唔錯，另外他們的辣椒油辣力無窮，小心辣親…查看更多

4月12中午一個人諗住去試下佢d點心 已經30再催促一下 點知等左45分鐘都未嚟 唯有叫埋單同打包 埋完單再等左15分仲未嚟 只好同經理講 錢我俾左啦 d嘢請你食 我以後都唔會再嚟…查看更多

火鍋店打邊爐平時去得多，去飲茶食個包應該無幾多間。金牌除左火鍋正，其實飲茶都一樣咁正！店內燈光充足，有圓枱、卡位、仲有房間可以選擇，私隱度都幾高！上得黎食飯，多數都係熟客/識途老馬，但係樓面服務都好慇勤，而且茶靚水滾，又坐得舒服（是日公司飯局，多數只影碗中美食）金牌推介，招牌清湯崩沙牛腩，牛肉味同油香十足，牛腩煮到腍滑，好味蝦餃，大大粒，皮薄易咬，裡面粒蝦都好大粒，而且好爽口彈牙菜苗餃，同樣大大粒，又係又爽口彈牙嘅蝦粒，加埋豆苗，鮮甜好味呀！～紫菜魚蛋湯，魚蛋魚片都好彈牙，仲有紫菜同冬菜，成個湯都好有口感魚湯花膠菜苗，魚湯好鮮甜、加埋軟滑花膠，好美顏必食叉燒包，裏面叉燒餡好好味，包又熱又軟，好多餡，唔會鹹，好味金牌炒飯，米粒粒分明、裡面有蛋、菜、蔥、餐肉，雖然普通，但唔花巧，好香好好咬口總評：服務好，座位闊，點心好食，易搵位，不過價錢稍貴…查看更多

我們一大班人乜都叫D食，叫到成張枱都係野食，D野好新鮮，牛雜煲底好夠味，蘿蔔喺湯底度浸住，全部入哂味，我們仲叫了海鮮，都好味，只係同牛雜煲不太夾，下次都係唔好用牛雜煲底食海鮮…查看更多

離哂大譜濫收環保費用。 本人那天一行15人到金牌火鍋打邊爐，席間有飲啤酒。因有同事喝醉而需向酒家拿了數個膠袋作嘔吐用。點知就係呢幾個袋出事，大家知道金牌一個膠袋收費多少？$1？$10？結果6個膠袋收了$60。估不到食物出名貴，但金牌嘅膠袋同樣收費高昂，下次大家記得check單！ …查看更多

公司嘅聚會每個月都有一時三五人小群、有時10幾人選嘅地方要近地鐵站、價錢唔可以太平或者太貴太平又驚質素太貴又驚大家未必接受到中等價錢大家食得開心玩得開心傾得開心吳松街呢個門口好易認碗碟都好乾淨餐牌第一頁嘅圖片，就係我哋來既目的--靚牛最後上菜嘅牛，同圖片一模一樣層次靚、顏色靚、肉質好、味道好！肉味濃、有咬口，10分高質素！鱔片都非常新鮮！可口！午餐肉$128，來自加拿大，真的好好味！非一般價錢，的確有非一般味道，值得推介牛骨髓，第一次食口感好特別， 我從來未食過質感類似的東西，值得一試！其他菜我都未試晒 不值得一提， 個炸魚皮！我哋一共叫咗三次！非常趣非常高質值得一提嘅係佢哋服務好好每個員工經過都會微笑點頭而且我哋包咗間房10個人埋單＄4242，包房嘅最低消費3900職員每次入嚟落單都有微笑而且完全唔係敷衍最後先知原來呢間餐廳係金牌， 老闆係柏高…查看更多

朋友話呢度嘅牛雜煲好正，於是一行六人到這裡。牛雜果然好味，尤其牛粉腸，又腍又入味。但最惨係肥牛唔掂！店員推介極品安格斯手切牛頸脊，就叫呢樣，點知……牛肉味有，但非常“鞋“口！而且一睇就知不是手切。另外友人推介花雕牛，都幾香，但二百幾蚊得幾片！友人問店員點解咁細碟，是否分大小size?店員說只有一種，是這樣的。友人說之前食過幾次，都係大碟啲嘅，店員就話個師傅確係今日新嚟，可能唔知份量，跟著收番碟牛，換過碟大啲嘅！ 最搞笑係，友人臨尾追加午餐肉，冇睇餐牌，就咁叫個店員加。食完先知，呢碟午餐肉價值$128，因為係加拿大的我反而覺得屋企嗰隻中國白豬仔午餐肉仲好食！不過呢度嘅響铃同餃子就好味。可惜我係牛魔王，牛肉唔掂，唔會再嚟。六個女仔，冇飲嘢，都每人400，唔抵。…查看更多

以前在白加士街幫襯到吳松街，搬左新地點之後，無以前甘好。我地5個人食，叫左個3斤幾既象拔蚌，上到來得兩層薄切，仲要好細兜👎之前2斤幾都食唔係好落，今次一人夾幾舊就無曬🙁材料係唔錯既，就缺斤少兩樣衰d，不過就呢一點，以後都唔會來lor.趕客…查看更多

好似。。。好似涼左少少。。。。好似開始要打邊爐秋天要潤下既，椰子底既湯底，不用多講，夠白，夠香，夠料叫左碟蠔，見都好似有沖過下，因為不太黑，有良心丫。而且怕食客擺得耐而加冰底，夠細心！另有叫D來來去去都會叫既邊爐野。。。。特別要論下魚皮，因為平閩食既魚皮好多時都硬但不脆，而呢個炸魚皮係脆既，但擔心本身處理時未當熟食處理，有D生野滴左落去，所以我都係過一過湯，兩秒都好丫。餃子應該係自家野，皮薄夠內涵。碟牛真係望到就已經快手夾來滾兩下放入口，沒有根的，所以好滑好嫩，真係好好味！蝦滑真係好多蝦，不是加入大量粉，而是真正用蝦打成的，非常足料回味中！…查看更多

以前在舊店，味道不錯的，都經常光顧。今次朋友從上海回來說要打邊爐。新店都是第一次去，唸住同以往一樣，可惜跟自已期望差很遠。湯底跟本沒有味，各種食物都無乜鮮味，除咗蝦丸。應該不會再去…查看更多

點心紙大點~雪影杏汁包，賣相唔錯，咬落皮脆但無杏仁味同香。唔抵食。大點~雪影叉燒包，外表比杏汁包更配合到雪影呢2個字，咬落先發現皮上有糖粒，除左皮脆，內涵既叉燒同洋蔥粒食落唔覺咸，繼叉燒餐包後另一種有甜味既叉燒包。好味但略嫌貴左少少。大點~竹笙珍菌腸，食唔到竹笙，腸粉皮又厚。認真唔抵食。大點~貢菜牛肉腸，食唔到貢菜，腸粉皮都係厚。勝在內裡既牛肉唔係出面食開既碎牛，而係牛肉片。較特別（可能我食得點心少）但以腸粉黎計，都係貴左少少。小點~潮州蒸粉果，同出面食既差唔多但店家提供既辣油真係好幫手，配合黎食真係好惹味。呢個價錢還過得去。大點~乾蒸牛肉燒賣，一上枱已經感到牛肉份量較少。食落一如所料，真係只食到豬肉味。以呢個價錢真係完全唔抵食。同唔會再試。隆重登場既148蚊海花尾躉菜遠籠仔蒸飯，一上枱陣陣蒜香魚香，只係中間位既飯較為吸油（魚同蒜既精華所在地），食落除左好香好惹味以外，魚身較滑同配合埋蒜蓉真係天作之合。外面食呢個飯都只係平呢度少少，所以呢個價錢都唔係太貴。總括而言，一行4人埋單接受450蚊，在同區既酒樓可以食到更多點心。保留去試晚市火鍋既權利先。食完先醒起呢間店好似係Paco開。…查看更多

今日第一次去呢間餐廳食午市點心首先食左安蝦咸水角，係即叫整，咬一口入面已經好熱好香好脆叫左一份梅菜叉燒腸，幾特別既配答，梅菜食落好爽口牛肉燒賣不過不失羊肚珍菌餃好特別，口感不錯最特要介紹係雪影叉燒包同瑤柱珍珠雞雪影叉燒包賣相特別，入口皮脆，叉燒多又夠汁，所以值得一試最後瑤柱珍珠雞都幾值得一試，因為珍珠雞同瑤柱既配答不錯，瑤柱同飯混合一齊有特別既口感，又香又好食！…查看更多

天氣凍就特別想打邊爐，但可惜星期五晚有好多火鍋店都full晒，但呢間可2030後入座，我地2030前已經到，等到2100有枱。揀左蕃茄薯仔牛粒湯底同其他一般火鍋料，如本地肥牛，四寶丸咁，一叫就到咁滯，可惜個大肥牛輕輕煮下都好鞋，第一次打邊爐唔想食肥牛，其他火鍋料都係一般啦！不過價錢唔算平，'加拿大'長城午餐肉正頭要$128蚊，好似有D唔合理囉…查看更多

下午茶時段, 但無下午茶價錢, 就是聽聞其水準不錯, 縱使貴些少, 也要試一試. 嘗過後, 的確是水準好, 但價錢略高, 下午茶時段, 一碗小型盅頭飯大小的蒸飯, 加上五籠只有"一半份量"的點心, 每人一百元, 這樣的價格, 實在有太多選擇了. 很多點心都有可以半份落單, 四十多元一籠的蝦餃, 半份即是廿多元, 比利苑的還要貴, 水準也不差, 而且內裡的蝦仁和筍都有咬口, 蝦餃皮也做得夠煙韌, 唯略為厚了一點. 芝士春卷, 又是半份, 即炸, 梗好味! 芝士未算是溶漿式, 但都合格有餘.忘記了名稱, 類似甚麼...松茸餃之類, 是素食, 皮薄餡足, 味道都好.炸雲吞, 一般酒樓貨式, 合格水平以上, 滿意.梅菜义燒腸粉, 加了兩條靚菜心, 真的是"靚", 入口爽甜, 腸粉皮做得薄, 而且煙韌度高, 也是高水準貨色.鳳爪排骨飯, 以最小型的瓦煲上檯...是常識吧... 也是滿意之至, 大部份的一字排切開, 鳳爪完好無缺, 飯身粒粒分明, 不過淋, 不過硬.…查看更多