金濠海鮮酒家 (已結業)

今日中午到呢度食中午飯,唔係好肚餓,所以叫左個鴻圖窩面同埋家鄉煎薄罉,一家三口一同分享.當窩面送到黎既時候,只係見到一少綴蟹籽,一D滑蛋汁,兩三舊超細蟹肉同埋伊麵,咁大兜野都冇咩料既仲要收$58及加一服務費,所以叫左經理過黎問,經理就話鴻圖窩面係得蟹肉架咋!!!答完之後就閃左,之後再叫另一個經理黎問,佢都係咁答,仲藐藐嘴咁走左去!!!至於個薄罉,多粉,多油,冇料,冇味,簡直不知所謂!!!!

今晚加餸, 係金濠買料, 之前有幫襯佢飲茶, 但食物ok, 所以就試下佢既餸.1) 蒜茸豬扒, 最好食係呢味, 香口岩我呢d年輕人2) 咕嚕肉, 我不嬲鍾意食佢, 不過我覺得呢間既大多骨, 太硬, 唔知係咪多粉得滯3) 雞, 都ok 滑4) 豆腐班腩, 班腩太多粉, 又凍左, 變得好硬, 唔好食, 豆腐一般, 支竹都係硬 基本上得一款我係俾笑臉, average都有個ok既

姨仔個女滿月, 來左呢度慶祝地點唔算就腳, 我原先以為呢度既出品超值好食啦, 點知佢地打電話來訂左一個房, 去到先知因為客人唔多, 所以三樓無開, 我地就被安排坐係三樓, 用屏風間左一間房出來老實講, 都無人, 無需要間房啦而且三樓未裝修, 連部電視都無, cheap到暈菜式只得四款選擇, 由 $2088 - $4688 的都有問了部長兩次, 因為我們是 "包房" 所以能點呢指定套餐OK啦, 反正又唔係我俾錢, 當然唔再出聲啦結果就揀了一個 $2988的套餐乳豬拚盤 內有乳豬, 油雞, 燒鴨, 叉燒 和 海螫 (但之後套餐又有一隻油雞的, 係咪重覆呢)乳豬皮夠鬆化, 可惜其他燒味都係凍的龍蝦伊麵 (三斤)未上台前, 我笑問, 係咪連埋伊麵共三斤呀點知上到台, 隻龍蝦一定無三斤啦, 最多咪兩斤左右西蘭花蝦仁珊瑚蚌岩岩食完蝦龍又食蝦仁, 你話D人點寫菜單的但, 呢碟野確實係好食的, 全部清晒炸蟹鉗唔得, 好難食, 從來未食過無味的炸蟹鉗百花瑤柱百花即係冬菇, 夠厚身, 但無無冬菇的香味江瑤柱亦唔夠香翅OK啦, 翅的份量唔算少, 但個湯底唔夠味我唯有講笑話, 現在興少鹽清蒸大青班呢條魚就真係

今次係第一次係大埔飲茶，入到去見到下午茶的價仲係幾貴........又d驚訝通常大中小點都會同價架嘛，不過仲有點心14、17蚊，咁諗住會ok啦d質素四點鐘，入到去點咩都收哂，但入去之前問佢仲有冇佢又話有wow最後得勁少野食於是有的點左的只有四樣野到，豬手、叉燒米線、蝦醬楊州炒飯同咸水角豬手見到個顏色已經驚驚地，好橙，食第一舊d筋都還可以，第二舊真係嘔左出黎，成舊東坡肉咁，陣味令人想嘔炒飯都有蝦醬味，但就好似油浸咁，每兩秒就有幾隻蚊圍住，要狂拍蚊...之後個杯茶竟然沖左隻烏蠅出黎，係死左ge，成粒石咁大隻，同佢地講啦，佢地仲要話應該係頭先沖完先起飛過黎，死左架wow大佬，好似唔想換咁.........勁嬲，佢地應該開聲免左茶介啦。坐多一分鐘都唔想....即走出去等屋企人裡面衛生的問題令人好驚，茶餐廳都唔會咁啦。食物難食都算啦。服務態度都算啦‵屋村茶樓。永遠唔會再去。

天文台明明話今日十五至十八度...點知夜晚凍到秋筋, 加上身在大埔就更凍...見到自助火鍋!!! 78蚊咋...但係好似冇乜人...不過經過神聖既擲毫決定之後, 都決定食依間!入到去, 個位對到正電視, 太好啦!坐低叫左湯底, 等到要叫先識黎, 黎左又唔開火又係要叫, 不過算啦, 因為佢之後d 上菜速度都幾快免費既野都有幾多! 有兩款點心, 小蘢包同水晶叉燒包有幾款小食, 好似泰式鳳爪咁一d炸野, 好似春卷咸水角等有糖水, 有甜品, 有橙, 有夏枯草/酸梅湯都有我食開既葵芳花園酒家7-8 成!一間屋村酒樓做到咁真係唔話得講番d 野食, 款式冇乜特別, 肥牛中規中舉魚同丸都係果d, 不得不提係佢d 蠔係任食大大隻, 而d 蝦係仲曉跳, 唔似其他酒樓俾d 死蝦你丫, 仲有..o係度食到其他酒樓冇既豬手同埋佢d 北京餃子d 皮真係好薄點講話叫點心咁叫法, 係大點黎架!總括黎講, 大部分野都幾好, 唯一係個甜品去得太快到我去囉果陣得番d 賣剩蔗, 不過又唔係酒樓既錯同埋你地既上菜速度同埋加水服務已經好好又唔駛加一, 有機會再去大埔既話, 可以考慮再去!

住係附近住,間就的酒樓打邊爐,記起呢間都有得打,同埋有電視睇,所以去試下,d野食就同平常差唔多,醬料任添,可能屋村酒樓關係,所以比較少人,坐得比較鬆動, d 服務真係好好,好多大洒樓都冇呢d 咁好的招呼,服務態度一流,又有禮貌,食到最後,我想食下粟米,不過我bf 又唔食,所以叫尊登同侍應話要2舊得唔得, 佢話冇問題,仲特登2舊粟米比我,下次會再去一路追電視劇一路打邊爐。

這間開在富善村的酒樓，住大埔的我從沒有來過，不知甚麼原因，元旦日早上，給爸爸一個電話吵醒，叫我跟姐來這兒飲早茶。 我跟姐來到坐下後，媽媽便向我呻這兒服務極其惡劣，尤其是女侍應，我叫媽冷靜點，待會向經理投訴。其間，我發現有個阿姐o的態度真係幾差，收碟收蒸籠o個陣o的汁倒到一地都係，有次倒o左落我件衫度，唔單只冇道歉，仲口o翕o翕話我︰明知佢收o野都唔坐開o的，梗係會整到啦。我都沒跟她鬥，反正我仲食緊，費時佢陣間o係壺水度加料，決定埋單後跟經理投訴。 是日要了三料生滾粥、雞扎，叉燒包同手拉齋腸。粥好多味精，魚腩同雞都唔係好新鮮，雞仲有血水；雞扎就勁多油，偏鹹，但勝在冇芋頭，真係火腿、魚肚同豬肚，塊腐竹都好滑，不錯；腸粉好滑唔太削，幾好；叉燒包真係是日最出色的食品，勁大個，餡料又足，蠔油唔杰，包夠鬆軟，正！ 埋單後真的跟媽媽向經理投訴，投訴後結果都係一樣，奉旨打圓場，耍太極，投訴等於冇講過o野，唉~~~

我用金濤呢個名搜尋, 搵唔到. 但佢個名的確係金濤!今日同屋企人去o個度飲下午茶. o的點心平平地, 自己出去拎o個o的一律$4.8, 茶芥每位(冇記錯o既話) $3, 叫做可以接受. 但我地最估唔到係個炒飯真係唔錯! 我同其中一個細佬遲左去, 所以食o既o野都凍左九成. o的點心冇乜特別好食或唔好食, 因為凍晒咯! 但係個黃金蝦仁炒飯($38)... 嘩! 係凍左呀, 不過炒得乾身, 仲一o的都唔油膩. 最驚喜係o的蝦仁... 其實唔係蝦仁, 咁大隻應該叫蝦球o勒! 而且佢都仲有o的蝦味, 唔係話得個大字o個隻!我希望今次唔係只係因為好彩而食左碟有o的水準o既炒飯啦!